|
السودانيات ديل عجيبات عجب من وين جابن المصائب دي
|
النسوان ديل امرهن عجب عجاب اي نعم بيت البكا اولا تبدا علاقة المراه ببيت البكي من لحظة الصرخه الاولي وووب طوالي تجدع الفي يدها وتقول لا حولا راجل فلانه مات كان تعبااااااااااااان والدموع تبدا تكب من لحظة تاكيد الموت ويبكن الميت دا كانه اخوهن او ابوهن والا راجلن وتلقاها تحوم بعيونه وسط النسوان عاوزه تلم في اهل الميت اها تقوم تسال والراجل لسه مامرق مرقتو الاخره مالو يادي كان شدييييد لا والله ماكان شدييد الدكتور قنعن منو من اول امس ظنيتو كان مستحضر الله يرحمه وتمرق الجنازه بكاء مر حتي كان كانت مشاكلاه ومطلعه زيتو المهم مرقت الجنازه والراجل الميت دا بقي شنو المرحوم راجل فلانه البكي بقي اكل وشراب وقطيعه ناس بتصدقو في اليوم التاني اشان ماتبقي عليهم حكاية المقاله ميته وخراب ديار وناس اليوم التالت وصدقة الخامسه وصدقة الاربعين واليوم الكبير يوم مروق المره الحابسه من الحزن ياربي من وين جات حكاية الصدقات دي قاصده صدقات البكي ماصدقات المرحوم قد اواصل
|
|
|
|
|
|
|
|
Re: السودانيات ديل عجيبات عجب من وين جابن المصائب دي (Re: مها عبدالمنعم)
|
عن موضوع الشيلة بحكي ليكم ..... بس ما أكيد
الشيلة عرف موجود في جميع مجتمعات العالم بأشكال وإلتزامات مختلفة. مثلا في الهند تقوم العروس بتشهيل الزوج وشراء الذهب والملابس وغيرها في أغلب المجتمعات العربية يقوم العريس بشراء مستلزمات العروس ، بعضهم بالإتفاق كما في مصر وبعضهم دون إتفاق كما في السودان في المجتمعات الأوروبية يقوم الطرفان بالتجهيز للعرس ومستلزمات العروس والعريس دون تقسيم واضح ولكن حسب إمكانيات كل واحدة.
إن شاء الله أكون حكيت
بس في النهاية دي عادات وتقاليد موروثة ولن تجدي لها بدايات ، ليس لأنها لا بدايات لها ولكن لأنها هكذا تواترت عبر الزمن
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: مها عبدالمنعم)
|
عن موضوع الشيلة بحكي ليكم ..... بس ما أكيد
الشيلة عرف موجود في جميع مجتمعات العالم بأشكال وإلتزامات مختلفة. مثلا في الهند تقوم العروس بتشهيل الزوج وشراء الذهب والملابس وغيرها في أغلب المجتمعات العربية يقوم العريس بشراء مستلزمات العروس ، بعضهم بالإتفاق كما في مصر وبعضهم دون إتفاق كما في السودان في المجتمعات الأوروبية يقوم الطرفان بالتجهيز للعرس ومستلزمات العروس والعريس دون تقسيم واضح ولكن حسب إمكانيات كل واحدة.
إن شاء الله أكون حكيت
بس في النهاية دي عادات وتقاليد موروثة ولن تجدي لها بدايات ، ليس لأنها لا بدايات لها ولكن لأنها هكذا تواترت عبر الزمن
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: أيمن الطيب)
|
يااا اختنا مها صباحك خير انتى ذااااااتك جيتى رميتيها فى النسوان وانسليتى ؟؟؟ دى اسمها عادات وتقاليد ليها الاف السنين ساهم فى خلقها وتدويرها المجتمع الذكورى دا ذاتو .. الموضوع ما موضوع نسوان وعجيبات وقصص ميتانه ... ارحمننا بالله ... هو نحن ناقصين ؟
ـــــــــــــــــــــــــ سؤال ايمن الطيب دا مهم ....
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: دينا خالد)
|
وياااااا اختنا دينا صباحك فل بس انا ماانسليت انا سالت ع فكره مامن عاداتي انسل واتخيلي عارفه انه دي عادات وتقاليد وشنو شنو القصص القلتيها انتي دي مااستنكرتها سالت عن من وين جابنها وانا حره اسال البعجبني واقول البعجبني ويختي الله يرحمن جميعا
________________ ردي عليه طيب
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: مها عبدالمنعم)
|
مها يا عزيزة
هنا في ناس بفهمو شغلات الكتابة بالاتجاه العاوزين يفهمو بيهو
ظنيت في ناس قايم ليهم قمبور كمان
وفاكرين لسانن بنجدن في كل الملمات
بلا هم
المهم
انداحي وارقدي بالطريقة البتريحك
_______________________
بالجنبة والجبنة : ما ضروري تردي على الكلام الما بعجبك فوتي ودوسي
سلام كتير
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: مها عبدالمنعم)
|
وانا حره اسال البعجبني واقول البعجبني
يا بنت الحلال
مالك ما سألتي من الختان ( ما تقولي معروف فرعوني )
وإنتي الوداك تعايني لنسوان البكا شنو( ولا حكو ليكي )
السوداني بفرحوا بيهو أهله مرة في العمر ( يوم عرسه)
حتى دي محرقاك والما عاجبه يشوف العرس الجماعي
القادر يسوي والعرس بقى بالصالات والقنوات
بلاش حسادة
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: مها عبدالمنعم)
|
أها عن الدخان والطلح ... أعتقد ولست جازما ............
طبعا السؤال لماذا الزواج ؟ الإجابة : للتكاثر ، وتقنين للعلاقة الخاصة بين الذكر والأنثى وحفظ الأنساب
وحتى يتم الأمر على أكمل وجه لابد أن يتزين الطرفان لبعضهما البعض ، ولكن الأنثي تزيد الأمر كوزين لتتزين.
الطلح عود لا يللتهب وله رائحة طيبة والجلوس عليه نوع من أنواع الساونا التي إبتكرها العالم حديثا وأصل الدخان من الفراعنة. ويعرف السودانيون أن المرأة التي تتدخن أربعين يوما متواصلا لا تخرج روائح نتنة من جسدها لمدة عام كامل وكذلك بالتدليك بالدلكة تزول القشرة الميته من الجلد وتعود البشرة للونها الطبيعي عند الولادة.
في الهند يمارسون نفس العادات ولكن بطريقة ومواد مختلفة فهم يستخدموا الصندل والزيوت المعطرة لتدليك الجسد وهكذا
المغرب لديهم الحمام المغربي الذي يقومون فيها بدهن الجسم ببعض الزيوت ومن ثم فرك الجسم لنزع البشرة الميتة
في سوريا وتركيا وإيران تجدين الحمامات الخاصة التركية التي تعتمد على الماء الساخن ومن ثم الفرك بطريقة خاصة ومختلفة
إذا تختلف المواد المستخدمة بإختلاف المنطقة والبيئىة وما يتوفر فيها
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: مها عبدالمنعم)
|
أها عن الدخان والطلح ... أعتقد ولست جازما ............
طبعا السؤال لماذا الزواج ؟ الإجابة : للتكاثر ، وتقنين للعلاقة الخاصة بين الذكر والأنثى وحفظ الأنساب
وحتى يتم الأمر على أكمل وجه لابد أن يتزين الطرفان لبعضهما البعض ، ولكن الأنثي تزيد الأمر كوزين لتتزين.
الطلح عود لا يللتهب وله رائحة طيبة والجلوس عليه نوع من أنواع الساونا التي إبتكرها العالم حديثا وأصل الدخان من الفراعنة. ويعرف السودانيون أن المرأة التي تتدخن أربعين يوما متواصلا لا تخرج روائح نتنة من جسدها لمدة عام كامل وكذلك بالتدليك بالدلكة تزول القشرة الميته من الجلد وتعود البشرة للونها الطبيعي عند الولادة.
في الهند يمارسون نفس العادات ولكن بطريقة ومواد مختلفة فهم يستخدموا الصندل والزيوت المعطرة لتدليك الجسد وهكذا
المغرب لديهم الحمام المغربي الذي يقومون فيها بدهن الجسم ببعض الزيوت ومن ثم فرك الجسم لنزع البشرة الميتة
في سوريا وتركيا وإيران تجدين الحمامات الخاصة التركية التي تعتمد على الماء الساخن ومن ثم الفرك بطريقة خاصة ومختلفة
إذا تختلف المواد المستخدمة بإختلاف المنطقة والبيئىة وما يتوفر فيها
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: الصادق عز الدين)
|
الاخت مهاصباح الخير
كما ذكر البعض هى عادات إجتماعية متوارثة منذ الاف السنوات ساهمت ظروف كثيرة في خلقها بشكلها الحالي وهى بالمناسبة ليست ثابتة او جامدة ولكنها متغيرة حسب الظروف هى ليست مقدسة وفي راي انو شئ صحي انتقاد العادات الضارة او الغير مناسبة لظروف العصر الحالي والتغير الكبير في طبيعة المجتمعات من الريف الى الحضر واكيد" المراة" ليس هى المسئول الوحيد عن تلك العادات بل المجتمع ككل...وان كنت اظن ان المراة السودانية تعتبر حافظة و مسيطرة على انفاذ تلك الطقوس والعادات سواء ان كان في الفرح او الكره ، وبالتالي المراة لها دور رئيس في اصلاح وتطوير تلك العادات الى الافضل ارجو ان تقوم به ايجابا وليس سلباً تحياتي
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: Hatim Alhwary)
|
سلامات ياحاتم هي فعلا عادات وكمان بقت راسخه بس فعلا من وين جات للسودانيات ديل الحاجات دي شنو مثلا الاصل في العاده منو اول زول عرف انه الهشاب دون غيره شجر ريحته حلوه وما غيره وامثله زي دا كتيره حتي الحنه دي بعرف الساونا وبعرف انه في البجراويه في حمام ساونا عمره اكتر من الف سنه بس دا مختلف
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: مها عبدالمنعم)
|
Quote: والبت يكون عاوز يعرسوها تعال ياشنو حاجات الدخان قبل الشيله اها جيب ياطلح وشاف وطحنيه وودك وشنو شنو يقوم يحرقو ليك البت شهر بالتمام والكمال زي الخروف اللول الضحيه بس كان عرفت منو الاخترع او الاخترعت قصة الدخان دي
قد يتبع |
احسن يتبع
الدخان دا أحلى شي
بعدين شن عرفك بحلاتو من عدما يا مها
كتاباتك سمحة وبنحبها بس ما تخبيها خلي الناس تقراها
عارفك بتكوني مدكنة السمح ورا
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: Ishraga Mustafa)
|
سلامات دكتوره اشراقه فعلا البوست فيه بعض الظواهر البتمارسه بعض النساء كمان في نفس الوقت في حاجات جميله اخترعنه بس من وين جات فكرة العادات دي مثلا الحنة بتشبه الحنه التركيه اقصد حنة العروس هل مازال تاثير الاستعمار التركي للان في المجتمع ؟ وحلو كل زول يقول خبرته ومايعرف في النهايه القصه قصة معرفه الي حد ما
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: عبداللطيف شريف على)
|
بوست دمو خفيف ..والأيقونة المبتسمة دي أكبر دليل ولا ختوها عبث !
يا مها اسئلتك كلها مشروعة..وحاجاتنا فعلا مرات معقدة جدا حتى في الشرح للآخرين ..ونحن قبلناها على علاتها لأنو ده موروث متكامل ..بس دايما ختي في بالك ..أنو مافي شيء مفروض عليك أنت قادرة تتمردي أو تقبلي أي شيء وفق شخصيتك ومقدرتك وحججك ورغباتك..وميولك ..
Quote: السودانيات ديل عجيبات عجب من وين جابن المصائب دي |
تعرفي حتى عنوانك ده ممكن يكون إيجابي جدا حسب زاوية الشوف ..
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: مها عبدالمنعم)
|
سلامات مها
سلطتي الضو وعبرتي عن ما يخص ( النســوان )بس دايرين كمان نعرف الحاجات دي جات من وين :
- الكريمات ومراكز التجمبل وتفتيح لون البشرة ( كلهن عايزات البياض ) وتنعيم الشعر ( الله يرحم المشاط ) - زمان العروس بعملوا ليها المطلوب خالاتها وعماتها وبنات عمها وناس الحلة ، جات من وين حكاية التجهيز الرقمي الجديدة دي ! - العبايات من وين ! - الثياب المطرزة زي ملايات زمان ( الله يرحم البنقالي وابو قجيجة مرورا بتطورها إلى رسالة لندن )
رجاء تقسيم الموضوع عشان نعرف قديمنا من جديدنا ( حبوباتنا كانوا وين وبناتنا هسع وين )
والرجال قديم وجديد هم هم في القديم ما عندهم غير يركزوا ويتجلدوا ( رجالة وحمرة عين ) والآن يشيلوا شيلتهم لو العروس رقمية !!!!
( نسوان الزمن ده بلعبن على الحبلين ( يوم سفرها تمشي الكوافير ومراكز التجميل وفي الطيارة تلقاها طابقة الطلح معاها) راجلها يمحن فيها
شكرا لك على البوست وتستحقي الإشادة وطولي بالك الجاي كتير( الأسماء للنسوان قديما وحديثا جات من وين ) وما تقولي مسمينك على حبوبتك أو خالتك !!!
ضوالبيت ( إسم من زمان هسع سموني الضــو )
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: مها عبدالمنعم)
|
سلامات يا د.إشراقة,,,
شهادة عربية توصيف يطلق على (بعض) أبناء المغتربين والمهاجرين لأنهم نشأوا وتعلموا وتربوا خارج منظومة العادات والتقاليد وجزء كبير من الفولكلور و الموروث الشعبى غير متعارف عليه لديهم وبعضهم لا يعرف الكثير عن تاريخ وجغرافيا السودان والقلة القليلة منهم سمعت ب(سالى فو حمر)...
التوصيف يخلو تماما من أى نوع من أنواع الإساءة وإنما هى ظروف عاشوها وواقع قد فرض نفسه فرضا,,
تحياتى,,
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: مها عبدالمنعم)
|
Quote: عارف يامجاهد فعلا كنت بتكلم عن عادات سودانيه اختراعات نسويه خالصه كمان في ظواهر ماجميله بتطفح ع السطح في الملمات فعلا من وين جات قصه الصدقه بتلقي ناس مثلا بعملو المنين زيكم كدا وتلقي واحدين بعملو الزلابيه والشغلانه ماشه |
مثلا بعملو المنين زيكم كدا
زينا منو؟
أنا جعلي ياخي ميلاد وعرس ههههههه
المحس نسيناهم والدناقلة نسيناهم
الا بالجد ... منين دا زكريني بيهو..
هههههههههه ماسح أنا مقابلو شنو عند اهلنا المحسوكي والدناقلة؟
بالجد أنا مولود في شندي.. لامي كلو.. هههه هو اتي بالجد شهادة عربية؟
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: ناصر المحسى)
|
سلام أختنا الفاضلة صاحبة البوست لا أعتقد أن هنالك سودانيا لم يخطر بباله تفرد تقاليده ... ومورثاته الشعبية ومن أين اتت ... وثقافته الغذائية المتفردة ... أتذكر حينما كنا بالجامعة دكتور باكستاني كان بيدرسنا عملية انبات البذرة ... (الفتريتة أو العيش) وذكر لنا أن أولى المراحل تتمثل في امتصاص الماء التي تنشط الانزيمات في البزرة أو الجنين ... وتحول مادة النشاء الى سكريات تمد الجنين بالطاقة ... حيث تشمل العمليات الكيميائية للإنبات التنفس وزيادة حجم الخلايا وتنشيط الأنزيمات وتكوين أنزيمات جديدة وهى التى تقوم بهضم الغذاء المخزون فى مناطق تخزين الغذاء Stored food digestion بتحويل النشا الى سكريات والليبيدات الى الأحماض الدهنية والجلسرول والبروتينات الى أحماض أمينية والفيتين الى أيونات فوسفات وذكر لنا أن تذوق البذور وهي نابتة او جافة بعد الانبات ... يكون مذاقها سكرى ... قما كان منا الا أنا وزميلي الصادق سليمان ... السودانيين الوحيدين في قاعة الدرس ... أن ننظر لبعضنا وتخطر في بالنا ... الأبري الحمراء ... أندهشت حينها من آلية صنع الآبري وكيف كان مذاق الدقيق سكريا حينما نحضره مطحونا من الطاحونة ... اهلنا البسطاء لا يدركون كيفية ظهور السكر ولا أدري من الذي دلهم لذلك .... ولكن يفعلون ذلك وفي مرحلة ظهور السكر بالضبط يقتلون الجنين بالتجفيف ليكون مذاق الدقيق سكريا ... آسف ان كان طرحي أعلاه خارج الموضوع ولكنها كيمياء أهلنا البسطاء ...
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: othman mohmmadien)
|
Quote: طبعا السؤال لماذا الزواج ؟ الإجابة : للتكاثر ، وتقنين للعلاقة الخاصة بين الذكر والأنثى وحفظ الأنساب |
النسألكم اسئلتنا نحن كمان ...
1- التكاثر ... يبقى السؤال "لماذا الزواج؟" ... مادام التكاثر ممكن بدون الزواج؟
2- تقنين للعلاقة الخاصة بين الرجل والمرأة ... هل المقصود "شرعنة" العلاقة وجعلها مشروعة قانونًا؟ ... كيف صارت غير مشروعة وتحتاج للزواج ليجعلها مشروعة؟
3- حفظ الأنساب ... وهذا السبب للزواج يثير ثلاثة اسئلة:
أ- هل فعلاً يحفظ الزواج الأنساب؟
ب- ألا يمكن حفظ الأنساب بدون زواج؟
جـ- ما هو الغرض من حفظ الأنساب أصلاً؟
(عمومًا ... الداير يعرس للأسباب الثلاثة أعلاه ... ما يجي يدق بابي!)
... المهم .....
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: تبارك شيخ الدين جبريل)
|
النسألكم اسئلتنا نحن كمان ...
1- التكاثر ... يبقى السؤال "لماذا الزواج؟" ... مادام التكاثر ممكن بدون الزواج؟ ---------------------------------------------------------------------------------
التكاثر ممكن بدون زواج شي طبيعي ، لأن الجنين يبدأ بعد لقاح نطفتين ................. لكن بدون زواج يكون عشوا
2- تقنين للعلاقة الخاصة بين الرجل والمرأة ... هل المقصود "شرعنة" العلاقة وجعلها مشروعة قانونًا؟ ... كيف صارت غير مشروعة وتحتاج للزواج ليجعلها مشروعة؟ --------------------------------------------------------------------------------------------------------------------------------------------------------------------------
تقنين العلاقة الخاصة نقصد بها العلاقة الجنسية بين الرجل والمرأة يجب أن تقنن في إطار الزواج الشرعي وإلا أصبحت فوضى وعشوائية
3- حفظ الأنساب ... وهذا السبب للزواج يثير ثلاثة اسئلة: --------------------------------------------------------
بالـاكيد في إطار إلتزام الزوجين وإتباع الشرع حيث لا يجوز إقامة علاقات جنسية خارج إطار الزواج تتقنن الأنساب ولا تختلط. إذا تعددت علاقات المرأة الجنسية تاع النسب
أ- هل فعلاً يحفظ الزواج الأنساب؟ ----------------------------------
بالتأكيد كما ذكرت أعلاه
ب- ألا يمكن حفظ الأنساب بدون زواج؟ ---------------------------------------- هناك عدة طرق ولكن بعد أن يتنازع الطرفان في تحديد النسب من عدمه وإنعدام الثقة بين الطرفين وهو أهم ما يميز العلاقة الزوجية لكن مع الزواج فلا نزاع
جـ- ما هو الغرض من حفظ الأنساب أصلاً؟ -------------------------------------------
كثيرة منها الميراث
تحياتي (عمومًا ... الداير يعرس للأسباب الثلاثة أعلاه ... ما يجي يدق بابي!)
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: فتح الرحمن حمودي)
|
يا فتح الرحمن حمودى الذى هو من كوستى,,Quote: الكلام دا طبعاً قريتو بي اضاني كـ: |
قصدك قريتو بكرعينك !!فأنت رب القراية بالكرعين,, لولا إنك برلوم جاى يوم 4/4/2013 كان الواحد سأل من الذى يكتب بإسم صديقنا قرقراوى,,,
أين أنت يا رجل؟؟؟؟
بطل قراية بالكرعين وأفتينا فى السودانيات ديل عجيبات عجب من وين بجيبن المصائب دى!!! رغم إنو المصائب يجمعن المصابينا,, وكون إنو المصائب لا تأتى فرادى,,
ومصائب قوم عند قوم فوائد,,,
فالمصاب جلل ياخ,, جلل شديد والله..
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: أيمن الطيب)
|
Quote: ولو مافي خومرة ودلكة ورقيص عروس ... مافي داعي للعرس ظاطو ...
بلا تكاثر بلا حفظ أنساب معاكم ...
|
جيت داخل البوست دا والله الريحة شرقتني لمن قحيت ظاتو
تحياتي لست البوست وضيوفها الكرام
ما عندي كلام لانو اي كلام اتقال وانتهي وكلنا متفقين انها عادات وتقاليد اتية من ماضي تليد
ختاما والله كلها عادات سمحة وبقصد حقة العرس بس دخان ودلكة وبخور وحنة
الله هونيني
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: مها عبدالمنعم)
|
البوست دا ذكرني بوست الخطوبه كنت جديدة العهد بالبورد فكتبت ومشيت نمت جيت الصباح لقيت الردود اييييييييييييييك حصلت كم واربعين طوالي لمت ليك اصحابي الجابوني هنا قلت ليهم ماقلتو لي ماتنومي ع بوست فشنوبحاول ارد شويه شويه غايتو ان شاءالله احصل هسه شنو كان الموضوع بحاول استرد ذاكرة الكتابه عن السودانيات ديل
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: مها عبدالمنعم)
|
صاحبه البوست سلام ابقن عشره علي القديم كانت بدايه موفقه في دخول المنبر بقصه عشره علي عشره ، نتمني الاستمرار علي ذلك
دينا خالد اه رايك شنو في الفرق بين القديم او الجديد و له ناس جيل السبعينات خارج التغطيه عشان ما قادرين اعرفوا الفرق .
ماسوووووووووووووووووووووووووره كبير ه لضخ بترول دولة جنوب السودان
الزبير بشير
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: الزبير بشير)
|
الزبير بشير يا (عمك) كورة واطة ياخي شايف القصة دي دخلت عليك شديد
لكن دا برضو ما بمنع النسألكم
مسئولين من الخير .. انتو دينا خالد دي طفشت وين!؟
اها عملتي لينا شنو في سؤال د. اشراقة المهم داك؟
--------
تعملنها بايدنك وتغلب اجاويدكن .. وتجن تقشنها في المجتمع الذكوري .. يا ابليس!!
كزول عايش زهو تمتع بجمليات المجتمع الذكوري دا .. ومستفيد .. حاضر للدفاع عن ابليس همسلف
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: الزبير بشير)
|
لكن ما عندها معنى بقت؟
--------
لكن على الحلا ساي
من الليلة دي انا اسمي (مريم زخيرة) .. عاجبني الاسم .. وقصتو المافي شنو!؟
الاسم لافتة يا عمك .. وفأل وآمال قد تسعها الساقين .. وقد تفشل في تمثل زعمها .. ويبقى زعم صاعق وزاعق ساي!
وهي في الآخر اسماء افتريناها نحن واباؤنا الاولون .. ما انزل الله بها من سلطان
اهو بنتفاءل ماذا نفعل غير فسحة الامل
بالمناسبة ابوي الاختار لي اسم فتح الرحمن دا ختمي على السكين .. والله صحي اها ما قولكم دام فضلكم!؟
| |
|
|
|
|
|
|
Re: السودانيات ديل عجيبات عجب من وين جابن المصائب دي (Re: الزبير بشير)
|
Quote: اخوك الزبير الختمي تخريمه : حضرت زمن الجوابات الغراميه : ايام ارسل اليك سلام حاااااااااااااااار اذا مر علي القبور احياها و الجبال نسفها و الاشجار حرقها و البحار جففها ، و اذا مر عليك كان نسيما عليلا ارق من نسمه الفجر و اعذب من مياه السلسبيل .
|
يازول هوي نحن أبالة زمن العولمة .. جوابات منو كمان؟
لووووووب ما سمعت رائعة الاستاذة ندى القلعة:
ووب علينا نحنا الما قرينا .. قالوا الحب بقى بالمسنجر
-------
مريم زخيرة هي مريم ذخيرة (بالسوداني) ما عارف لو قصتها دي مشهورة او لأ .. او حتى كانت محض اسطورة من صنع الخيال الشعبي السودانوي
قيل انها كانت حكامة .. وقعت في الريف داك حادثة اغتيال شاب من قبيلة بواسطة واحد من قبيلة تانية .. والقبيلتين اللتنين هي لا تنتمي لهما فقامت جلّدت يدها -بالجلد الوااحد داك- وحلفت تاني ما تاكل الا القبيلة تجيب تارها !!
ودارت الدائرة .. ومات من مات .. ونال [رهق الحرب] من الجميع في الآخر .. وقعدوا في نيفاشا ووقعوا CPA* انقر اول بند فيها شنوا؟
اعدام بسوس القرن العشرين السوداءنية AKA "مريم زخيرة" دي!! والله صحي (دي ما حليفة .. احلف على شنو .. انا محض راوي وليس علي اي عهدة ) سامعاني يا دلوش بت حافظ؟
(قيقراوي) ذاتو ما بعيد من مريم زخيرة دي فقررنا اعدامه المافي شنو؟
* دي ما (محاسب عام معتمد) بل (اتفاقية السلام الشامل)
| |
|
|
|
|
|
|
|