|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: زينب محمد عبدالله)
|
أنا أفتكر السبب فى أن ذكور الحيوانات أجمل .. شيئ مرتبط بالجنس .. فأنثى الحيونات تتعامل بالمظاهر أكثر من لغة الحب ..
مثلاً ذكر الحيزبون (الحربويه) حينما يقابل أنثى يقوم يبدل ألوان جلده .. يدبج ألوان وألوان حتى يجد ما يناسب مزاج الأنثى التى تراقب عرض أزياءه بأمتنان .. فإذا أعجبتها بعض الألوان ينشرح صدرها ويبدى ذلك فى تجاوبها مع الذكر .. فيثبت الذكر هندامه ثم يقدل وهو فرحاً بانه اقنع الأنثى بأن تحبه.
أنثانا نحن البشر متطلباتها أكثر من الزى والزينة .. ويدخل فى خياراتها حتى عمق الجيب (الجيب غريق ام ضحل) .. عشان كده الزول الشين وجيبو غريق برضو بنافس .. شفتوا البلاوى النحن فيها؟
بريمة
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: بريمة محمد)
|
صاحب البوست و الضيوف سلامات هي بالطبع اكثر من ملاحظة لانها نظرية شديدة الوضوح ولها اسانيدها المقنعة و ترتبط بالتطورية الدارونية منذ القرن 19 وتتلخص ببساطة ان سلوك جذب الشريك للتناسل يقوم به الجانب الاضعف تناسلياً و هو الذكر مما يستدعي ان يقوم باستعراض نفسه امام الطرف الآخر فيما يعرف بسلوك الغزل courtship و يستدعي ذلك ان يظهر بمظهر اجمل. في الانسان الحال هو نفسه كما في الحيوانات و لكن لظهور اقتصاد متطور يسيطر عليه الرجال حدث تغير سلوكي مرتبط بالتزين و ليس بالجمال الظاهري رغم شدة قرب الاثنثن من بعضهما البعض، ولكن لا تزال معاير جمال انثى الانسان ذات دلالات تناسلية -ما اظن دايره شرح- بينما مقاييس جمال الرجل صورية اي مقاييس جمال مفردة
لو داير صور و فيديوهات عن الموضوع دا سنة ما بتكفي و الله صحي
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: أحمد أبكر)
|
سلام ورحمة الله يجازي استاذ (كدوده) اللغة العربية بمدرسة الخرطوم القديمة خير الجزاء وانا اتذكره بموضوعك هذا , ففي يوم دخلنا علينا الصف , وكتب على السبورة ايهما اجمل الرجل ام المرأة واجبناه جميعا بدون تردد المرأة وبدء معنا الحوار بالمقدمة الاتية عشان نعرف الاجمل يجب ان ننظر للرجل في كل مراحله العمرية و للمراة في كل مراحلها العمرية كده جرب كده وحتغير رايك ,, وستجد الرجل في اغلب المراحل العمرية هو الاجمل من ناحية التناسق والبناء الجسماني
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: عمار عبدالله عبدالرحمن)
|
زينب محمد عبدالله يا زنوبة ما قلتي إلا الحق ياخي الترتيب والرواقة العند النساء مافي مقارنة بينها وبين الرجال
دكتور سيف شايفو زعلان وقلب الحديث بالتنقليزي بس وقال دا تعميم متسرّع و(فالاسي) أوفهم خاطئ ومغلوط أيوة دا الكلام الدايرنو يبدو إننا موعودون بمداخلة علمية مدنكلة
برضو جو ناس التخصص ، بريمة يا بلل بالجد يا بريمة معلومتك خطييييرة ومفييييدة دقييييييقة ياخي لو تخلي السياسية وشغل القبائل وتشوف شغلك الإنت بتجيدو ، صدقني حتبدع زمان في المتوسطة درسنا مقطوعة مقالية للكاتبة المصرية سهير القلماوي بتقول فيها: كل شيي في مكانه جميل ليس في الوجود شي غير نافع أو ضار ، أو حقير حتى الدودة في الارض لها وظيفة تؤديها بروعة منقطعة النظير .....
هوي أنا دخلت في سياسة ولا شنو ؟ إستغفر الله
تحياتي لكم جميعاً
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: عمار عبدالله عبدالرحمن)
|
خالد شمبول وعمّار عبدالله تحياتي لكما بتفق معا الرايين ديل وهما في نفس الإتجاه كتب خالد:
Quote: ولكن لا تزال معاير جمال انثى الانسان ذات دلالات تناسلية -ما اظن دايره شرح
|
وكتب عمار عن أستاذه كدودة:
Quote: وستجد الرجل في اغلب المراحل العمرية هو الاجمل من ناحية التناسق والبناء الجسماني |
والتحية من هذا المقام أزجيها لأختي العزيزة مريم تكس فلقد جادلتني وأقنعتني من هذه الزاوية وقالت لي مثل هذا الكلام قبل سنوات إذ قالت إن تضاريس المرأة أغراضها وظيفية وهي تؤيد نظرية إنو الرجل أجمل من المرأة
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: أحمد أبكر)
|
الاخ احمد ابكر ... ملاحظه قويه فعلا والسبب والله اعلم جمّل الله الذكران من الحويانات ليجذب الاثنى كما يتباهى بذلك كل الذكور مثل الديك والطاووس وكثير من الطيور لكن الله اودع في الذكر من بني آدم صفات وميزات كثيرة خصها من دون الحيوان ( وجعلنا بينكم مودة ورحمة) فاذا علم الانسان هذه الاسرار التي حباه الله بها واجاد استعمالها كانت كافية لجذب الزوجة ونيل الاعجاب دون النظر الي الشكل
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: أحمد أبكر)
|
الأخ أحمـد أبكر ،، تحيـة طيبة
أنا أعتقد أن المسألة محتاجة لمزيد من البسط والتحليل.. خصوصاً، من أهل الاختصاص.
والمداخلات العلمية كمداخلة الاخ بريمـة مثلاً أضافت أبعاد جديدة للموضـوع.
في رأي أن الجمـال (الظاهري) في كل المخلـوقات، وفي المقدمة الإنسان، يمـر
بمراحـل صعـود وانحـدار.
وكما في المثل الغربي: small is beautiful نجـد أن الصغيـر دائمـاً أجمـل.
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: أحمد أبكر)
|
أحمد ابكر اول حاجة - وبكل صراحة انا شايف انو التعامل مع البوستات بصورة شخصية خالص مافي داعي ليهو ! يعني بالنسبة لي عادي جدا ممكن تخش ان بوست فاتحو بدون مقدان وسلامات وحاجات زي دي - خش تووووش بى رأيك ،،، لكن لو انت بتحب يسلمو عليك اول - بقول ليك : (أهلييين يا حمادة)
الحاجة التانية - لوسمحت جيب الجدول العملت فيهو المقارنة (يبدو انو مثير جدا) ،،، عشان نتناقش فيهو أشكرك على البوست (لأنو طلعنا من مود البورد الممل)
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: أحمد أبكر)
|
Quote: في كل الحيوانات الذكر أجمل من الأنثي إلا الإنسان |
الرأي ده ، شخصياً، قلت بيهو كتير وفي الغالب الناس ما كانوا بيتفقوا معاي.
الفرق الوحيد، إني ما عملت زيك واستثنيت الإنسان.
يعني شوف في مملكة الحيوان زي ما إتفضلت الجمال - دائماً - لصالح الذكر في (الأسد واللبوة)، (الديك والجدادة)، (الطاؤوس والطاؤوسة)، (التيس والغنماية)، (ود ابرك وعشوشة)، (الببغاء ومرتو) ..... إلخ.
بالنسبة للطيور، الزينة بتكون في زيادة في الريش وألوانو، وبقية الحيوانات، يكون تمييز الذكر بشعر لا تملكه الأنثى مثل مثال الأسد واللبوة. ....... عند الإنسان نفس النظرية، يتزين وجه الراجل بلحية وشارب تفتقده النساء. .... حتى الجسد، يتميز الرجل (في الحالات القياسية)، بعضلات مفتولة أو، على الأقل، لا يميل جسده للترهّل.
أنسى التدخل الآدمي في مسألة الزينة وارجع للطبيعة وخلقة ربنا .... حتلقى النظرية تنطبق على الإنسان.
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: محمد أبوالعزائم أبوالريش)
|
سلام صاحب البوست الاخ احمد ابكر بوست لطيف كتب الاخ محمد ابو العزايم ابو الريش:
( يتزين وجه الراجل بلحية وشارب تفتقده النساء. ...)
بالغتا فوكا... يعنى بى نفس منطقك دا ممكن انحنا نقول تتزين او تمتلك المرأة اثداء يفتقدها الرجال
المساله بى اختصار هى... ماهو الشىء الذى يجذب الطرف الاخر... وربنا وضع الاشياء فى اماكن معينه فى الانسان لى حكمه يعنى هسى لو فى أمراة عندها لحيه شارب تقبل ويين ؟؟ والبرضى بيها منو ؟ وحتكون حاله شاذه يشار الها بى البنان and vice - versa بالنسبه لى الرجل فى الاشياء الجماليه التى تخص المرأة
بعدينك يا جماعه.. شعر الاسد او لبه الاسد ترمز لى المهابه يعنى زى التاج .. ولوما مصدقنى أسالوا اللبوه :)
غايتو عايزين بالقوة تشاركونا فى اى حاجه :)
يا جماعه فى النهايه الفضيله للعقل ...الرجل الفاهم ما يخلصش ... كدى ركزوا لينا على زينه العقل دى
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: أحمد أبكر)
|
إيهاب ومنير والهبيب محجوب إزيكم
يا إيهاب إنت برضك بقيت زي دينا ، من وسط الملايين تجيب وااااااحد بس وتقول شوفوا دا قلنا ليك بنات حواء ، تجر اي واحدة من طرف وتنافس بيها
منير ، الكديس والكديسة ، والغزال والغزالة دي غايتو كان جبت لينا صورهم تكون ما قصرت لأن الفروقات ما واضحة لي
الهبيب محجوب القرد في عين أمو غزال ، ما قلنا حاجة لكن قردين (ذكر وأنثي) في عين أمهم كلهم غزلان وزي بعض بالضبط ؟ دا السؤال
تحياتي
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: وضاحة)
|
وضاحة عايزة تحبط النظرية لكني لها بالمرصاد الدليل: 1- من بين ملايين الرجال تجيبي واحد بس زي دا بينما من كل خمس سيدات ممكن أجيب واحدة تجرس البورد 2- الرجال البتجيبوهم هنا وتقولوا عليهم جميلين (وهم جميلين بالفعل) كلهم بيشبهوا النساء يعني النساء هن الاصل في الجمال ، والرجال إلا يشبهوهن حتى نقول عليهم جميلين
منطق ولّا لا ؟
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: محمود سيد أحمد)
|
Quote: مثلاً ذكر الحيزبون (الحربويه) حينما يقابل أنثى يقوم يبدل ألوان جلده .. يدبج ألوان وألوان حتى يجد ما يناسب مزاج الأنثى التى تراقب عرض أزياءه بأمتنان .. فإذا أعجبتها بعض الألوان ينشرح صدرها ويبدى ذلك فى تجاوبها مع الذكر .. فيثبت الذكر هندامه ثم يقدل وهو فرحاً بانه اقنع الأنثى بأن تحبه.
|
شكراً اخ بريمة وكلامك دا هسي بقت الانثى تسويو اى انهن يتجبطن بشتى انواع الكريمات لمن يجذبن فارس احلامهنَّ
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: بريمة محمد)
|
سلامات يا احمد مولانا داروين اشار لهذه المسألة في كتابه (في أصل الأنواع) حيث قال أن في الحيوانات و في الطيور تحديدا يقع عبء اختيار الشريك على الاناث و تكون مسؤولية الذكور هي استعراض المزايا التي ترغب فيها الاناث مثل طول الذيل و الوان الريش الزاهية -كما في حالة الطاؤوس- و يكون الحظ الاكبر في القبول للذكور التي تتمتع باكبر قدر من هذه المزايا و التي تنجح في تمرير صفاتها الوراثية للأجيال الجديدة بينما لا تجد الذكور الضعيفة و التي لا تتمتع بالوان زاهية اناث تقبل بهم فينتهي بهم الأمر للانقراض. و قد اسمى داروين هذه العملية بــالــsexual selection . في المقابل في الكائنات التي يكون عبء اختيار الشريك على الذكور و التنافس يحدث بين الاناث على الذكور تكون الاناث ذات الوان براقة و تمتلك الواحدة منهن الكثير من "الحليات" ornaments ، اما في حالة ما كانت الحياة تكافلية و ليس هنالك تنافس على الحصول على شريك و الفرص متكافئة بين جميع افراد النوع في التكاثر و الانجاب و رعاية الصغار عملية مشتركة بين الجنسين ففي هذه الحالة لا يتميز جنس على الآخر فتكون الاناث و الذكور في الغالب يحملون نفس الصفات الجسمانية. في الانسان و كما هو واضح يختار الرجال عادة نساء بمواصفات جمالية معينة تتكرس عبر القرون عن طريق الاختيار الجنسي sexual selection لذا فنسبة الجمال في تصاعد حيث أن النساء اللواتي يمتلكن هذه الصفات ينجحن في نقل جيناتهن للاجيال الجديدة بينما تنقرض الاخريات و تقل اعدادهن تدريجيا.* _____________________________________________________________________________ *النظرية الأخيرة دي فيما يختص بالبقاء للأجمل وسط النساء من اختراعي شخصيا و ليس لي فيها مرجع معتمد. قد يكون هنالك اخرين توصلوا لنفس النتيجة :)
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: سيف النصر محي الدين)
|
الناس الهنا جت عليكم سلام و مطايبة شديدة خلاس و احمد ود بابكر بالخسوس قلدة وطقيش عمم وحرامات بعد داك: الشغلة دي يا جماعة دارونية صر.. اي و الله ..قول لي كيف؟ اي بهيمة دايرة بي شغلت المهر دي شنو؟ دايرة منها الجنا....بس اها الجنا الكويس بجب من وين؟؟؟ من الابو العديل و الزين اها دا يعرفو كيف؟؟؟ بي سماحتو اها وشنو السمح فوقو؟؟؟ السمح فوفقو الشئ البتدورو البهيمة دي في جناها- كان عنز كان غيرو- يكون قوي ، عينو شداد، ليهو قرينات، شعرو بدفيهو ما يموت في المطر ولا السقط ريحتو قوية ما بتلخبط مع باقي التيوس.. ولامن يبقى على الشغلة دي بنجضها زين و كلامات زي دي في اي بهيمة براها... خلاص؟؟؟ لا ما خلاس.... الكلام دا في الضكر بجوز و في الانتاية كمان بجوز. اها الفرق شنو؟؟؟ المعنى دا برضو وليدات عمك داروين الله يطراهم بالخير جابو فوقو نضم.. قالوا شنو: قالو الرسمة الاساسية لازم تكون واااااااحدة عشان بعداك الفرقة كان بقت كبيرة بتشتت المشهاد -تصرف الانتباه يعني- اها و الخواجات من اصل خوجاتي كان بقو دايرين الكلام دا بالاعوج حباااااااااااااااب التنقليزي اللوج مصارين ..........
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: Hatim Alhwary)
|
اولا... تحيانى ...
Quote: ...ولكن التساول المهم هو ايهما أقرب " للكمال" perfection..جسد المراة ام جسد الرجل؟
|
بدون ادنى شك ان الاقرب للبيرفيكشن ...هو جسد المراة ...الاوربية الغربية .. البيضاء ...(بدون تحسس وكدة) .. او الحبشية ....وليس السودانية ...او المصرية ..مثلا ... ودة السبب الخلى الاغريق يعملو ا الالهة بتاعتهم كلها .. نساء ..لانهم ينشدو الكمال ..والكمال فى جسد المراءة وليس وجهها ...
| |
|
|
|
|
|
|
Re: مجرد ملاحظة: في كل الحيوانات الذكر أجمل من الأنثي إلا الإنسان !!! (Re: Awad Omer)
|
البوست دا طريف خفيف و مسلي لكن اذا دخلنا في جدل لن ننتهي اذ سنبدأ من تعريف الجمال و انتهاء بمعضلة تحديد الاجمل و طرق المفاضلة ودي سكة طويلة قد تتنافى مع هدف البوست طيب احتمال يكون الوضع كالاتي: التيس شايف الغنماية اجمل التور شايف البقرة اجمل ذكر الشمبانزي شايف انثى الشمبانزي اجمل ذكر الغوريلا شايف انثى الغوريلا اجمل فرس النهر الذكر شايف انثى فرس النهر اجمل (مع انو كلمة فرس تطلق على الاناث من الخيل) ذكر الفيل شايف انثى الفيل اجمل ذكر الحمام شايف انثى الحمام اجمل ............الخ ...........الخ و احتمال كل الذكور من الحيوانات اعلاه شايفين ذكر الانسان اجمل من انثاه ويمكن بيناقشو انو ذكر الانسان له شعر كثيف في الوجه(كالاسد) وهو من علامات الجمال عندهم
حد يصحي ابن المقفع
| |
|
|
|
|
|
|
|