|
Re: الرجاء المساعدة فى معرفة كاتب هذه القصه (السودانية الرحلة660). (Re: بدرالدين الطائف)
|
المشهد السادس داخل الطائرة .... وقد انهمك الجميع مع الكابتن ممدوح في فك وتعطيل القنبلة قبيل انفجارها ...... احد الركاب موجها كلامه للكابتن ...... اسمع يا باشمهندس .... الشئ دا ما بتتحرك .... شيلها ارفع فوق خلينا زاتنا نشوف معاك بدل مدنقر ليها كدا ..... ونحن قاعدين هنا ما فاهمين الحاصل شنو .... كابتن ممدوح .... هي بتتحرك بس خايفها تنفجر لو حركتها ..... الراكب .... ياخي مرقها يمكن نعرفها كيف بفكوها ..... اهي كدا ولا كدا مفروض تنفجر ..... بعدين هو الختاها منو .... ناس دارفور ولا القاعدة ولا منو الداير يفجرنا دا ..... الله لا كسبو دنيا ولا اخرة .... كابتن ممدوح .... دا واحد ختاها هنا عشان حبيبتو القاعدة هناك دي باعتو مشت عرست واحد تاني .... وهنا تلتقط الحديث احدى النساء بالطيارة ...... موجهة حديثها لمحاسن عيسى ... وينها المعولقة القاعدة هناك تتبكى دا ..... تبكي على شنو على سجم رمادك ... ما ياها عمايلك ..... الواحدة فيكم تنطلق وتلقط في العواليق وبعداك تجي تتبكى ...... ما يكتلك براك حسي نحن والشفع الصغار ديل ذنبهم شنو ...... كلو فوق رقبتك ... رقبتك بالتقطعها ....... والله كان ما شبشبي جديد كان مرقتو دقيتك بيهو هردتك ليك لحمك وشحمك دا ...... تفوووووو عليك وعلى الربوك ...... وليس بعيدا من ذلك كان الكابتن قد اخرج القنبلة من تحت المقعد .... ووضعها في احد الكراسي ...... وفتحها ينظر للاسلاك التي فيها ..... وانضم اليه حبا في الاستطلاع عدد من الركاب ....... تعرف يا كابتن ..... هم تلاتة اسلاك حقوا نفك السلك الاحمر دا في الاول ...... هكذا قال احد الركاب ..... ليه السلك الاحمر ... ما يكون الاصفر .... يقاطعه راكب اخر ...... انا غايتو بشوف في الافلام دايما السلك الاحمر بكون عاملينو خدعة ..... ولما يقطعوا ما بنفجر ..... يقول احد الركاب .... هي القنبلة دي محشية شنو ..... شايف لي فيها حاجة سائلة لونها اخدر ....... مافي زول بتاع كيميا هنا يورينا فيها شنو المادة دي يقول احد الركاب انا قارية كيميا بس ما اشتغلت بيها .... اشتغلت في محل اتصالات ..... بتذكرها المادة اللونها اخضر دي كنت بشوفها في اللاب لكن اسمها شنو ما متذكراه ..... تجيب احدى الشابات بالطائرة ياخي ما تلف الطيارة دي ترجع كان متنا نموت في بلدنا ...... يقول احد الركاب كابتن ممدوح .... يا جماعة لو سمحتو خلوني اركز واشوف الدائرة الكهربية دي من وين وداخلة وين ...... ياخي اقطع ليك اي واحد وريحنا بدل الشحتفة دي ..... انفجرت الله يرحما .... ما انفجرت برضو الله يوصلنا بالسلامة ويمرقنا من هنا ...... وبعدين مافي وقت كلها الساعة حداشر قربت .... يقول احد الشباب الركاب ..... كابتن ممدوح وهو ينظر الى ساعته .... يا زول على قولك ..... دي دائرة ما معروف راسها من قعرها .... وخبير السجم دا لا فادنا ولا بيفيدنا ......يا جماعة اتشهدوا ... انا ح اقطع اي واحد فيهم والبحصل يحصل ...... وهنا يتعالى الصراخ والضجيج في الطائرة والبكاء ..... ياخي ما تقطعها خليها تنفجر براها امشي سوق سواقتك ...... يقول احد الركاب ..... واخر يقول..... كدى قبل ما تقطع اربطها في راس البت الفقر دي خليها تفرقع اول زول ... يقول رجل كبير في السن ...... وكابتن ممدوح ينظر للاسلاك وهو يردد ...... يا ايدي شيليني ختيني .... في بيت الله العاجبني ... كمنت الله ويا الله ...... الله اكبر ولا اله الا الله ...... ثم يغمض عينية ويقطع اول سلاك يصادفه ..... وتشاء الظروف ان يكون السلك الاحمر ..... لحظة صمت في الطائرة ....... مع بعض حالات الاغماء ....... ولكن لم يحدث شئ ... ولم يسمع صوت انفجار .... ليفتح كابتن ممدوح عينيه ببطء ... فيشاهد السلك الاحمر مقطوع ..... والقنبلة كما هي لم يتوقف عدادها ...... ما قلت ليكم السلك الاحمر دايما غشة ساكت .... يقول الراكب الذي نادي سابقا بقطع السلك الاحمر ..... كابتن ممدوح ...... كدا فضلوا سلكين ...... يا برج المراقبة ... قطعنا السلك الاحمر ... وفضل سلكين نقطع ياتها ...... الو الو برج المراقبة .... ولكن دون رد ..... ياخي سيبك من ناس البرج ديل ... ديل اخير منهم برج الجمام .... حسي تلاقيهم مشوا يفطروا ...... اقطع اي واحد فيهم .... ولا اقول ليك نقطعهم الاتنين مرة واحدة ....... ما فاضل زمن كلها دقيقتين وتنفجر
|
|
|
|
|
|
|
العنوان |
الكاتب |
Date |
الرجاء المساعدة فى معرفة كاتب هذه القصه (السودانية الرحلة600). | بدرالدين الطائف | 03-08-13, 07:10 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-08-13, 07:12 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-08-13, 07:13 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-08-13, 07:14 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-08-13, 07:15 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-08-13, 07:16 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-08-13, 07:17 PM |
Re: الرجاء المساعدة فى معرفة كاتب هذه القصه (السودانية الرحلة660). | Nasr | 03-08-13, 07:34 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-08-13, 07:57 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-08-13, 08:01 PM |
Re: الرجاء المساعدة فى معرفة كاتب هذه القصه (السودانية الرحلة660). | صلاح ليون | 03-08-13, 08:02 PM |
Re: الرجاء المساعدة فى معرفة كاتب هذه القصه (السودانية الرحلة660). | Kostawi | 03-08-13, 08:14 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-08-13, 08:35 PM |
Re: الرجاء المساعدة فى معرفة كاتب هذه القصه (السودانية الرحلة660). | أحمد قلوب | 03-08-13, 08:37 PM |
Re: الرجاء المساعدة فى معرفة كاتب هذه القصه (السودانية الرحلة660). | Kostawi | 03-08-13, 08:41 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-08-13, 08:47 PM |
Re: الرجاء المساعدة فى معرفة كاتب هذه القصه (السودانية الرحلة660). | عبد العزيز محمد عمر | 03-08-13, 08:44 PM |
Re: الرجاء المساعدة فى معرفة كاتب هذه القصه (السودانية الرحلة660). | waleed nayel | 03-08-13, 08:42 PM |
Re: الرجاء المساعدة فى معرفة كاتب هذه القصه (السودانية الرحلة660). | Kostawi | 03-08-13, 08:47 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-08-13, 08:52 PM |
Re: الرجاء المساعدة فى معرفة كاتب هذه القصه (السودانية الرحلة660). | هشام حامد العبيد | 03-08-13, 08:54 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-08-13, 09:00 PM |
Re: الرجاء المساعدة فى معرفة كاتب هذه القصه (السودانية الرحلة660). | عبد العزيز محمد عمر | 03-08-13, 09:04 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-08-13, 09:10 PM |
Re: الرجاء المساعدة فى معرفة كاتب هذه القصه (السودانية الرحلة660). | Mohammed Ahmed Saeed | 03-08-13, 09:06 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-08-13, 09:36 PM |
Re: الرجاء المساعدة فى معرفة كاتب هذه القصه (السودانية الرحلة660). | Kostawi | 03-08-13, 09:44 PM |
Re: الرجاء المساعدة فى معرفة كاتب هذه القصه (السودانية الرحلة660). | جمال محمود | 03-09-13, 01:11 PM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-09-13, 02:02 PM |
Re: الرجاء المساعدة فى معرفة كاتب هذه القصه (السودانية الرحلة660). | جمال محمود | 03-10-13, 05:22 AM |
Re: الرجاء المساعدة فى معرفة كاتب هذه القصه (السودانية الرحلة660). | حامد بدوي بشير | 03-10-13, 07:17 AM |
Re: الرجاء المساعدة فى معرفة كاتب هذه القصه (السودانية الرحلة660). | جمال محمود | 03-10-13, 08:04 AM |
Re: الرجاء المساعدة فى معرفة كاتب هذه القصه (السودانية الرحلة660). | بدرالدين الطائف | 03-10-13, 08:14 AM |
Re: الرجاء المساعدة فى معرفة كاتب هذه القصه (السودانية الرحلة660). | حامد بدوي بشير | 03-10-13, 08:59 AM |
Re: الرجاء المساعدة فى معرفة كاتب هذه القصه (السودانية الرحلة660). | جمال محمود | 03-10-13, 01:57 PM |
|
|
|