|
Re: الآن : معتمد جبل أولياء ينوي تكسير بيوت الكرمتة شرق علي رؤوس النسا (Re: تاج السر محمد حامد)
|
(*)
الاخ زهير
شكرا على اثارتك الموضوع ده , ولكن هل تعلم يازهير أن البشير ود شيخ القمر ودا ب كساوي انصف بقراره هذا اسرة تم ظلمها لسنوات طويلة وهي اسرتي انا القدامك ده , (الكرمتة ) ارض مملوكة لينا وهي احد المرابيع التي ورثناها عن جدنا الناظر شكر الله منذ العام 1800 و الغريب في الامر ان نظام الانقاذ هو النظام الوحيد الذي انصفنا القضاء في عهده (اي نعم مارجعت لينا حقوقناكاملة ) وهي 129 الف فدان (عاوز ورق رسمي ) موجود واخر تسجيل منذ 1925 واعلام شرعي حتى تاريخ السنة دي من محكمة الشجرة , وقبلها من محاكم بحري , ..
كامل تعاطفنا مع الاخوة المتضررين بس كمان نحنا اصحاب حق والحكومة ادتنا تعويضات في منطقة (السلمانية)قبل جبل اوليا واسمتها تعويضات ال شكرالله واسي بقت شبه مدينة واتلعب علينا برضو فيها و وزعوها هبطرش ولم ينصفنا غير المعتمد البتتكلم عنو ده (البشير القمر ابوكساوي) ..
اسال عن تعويضات ال شكرالله حا تلقى اجابة على اسئلتك دي كووووولها .. ولو غلبك تلقى معلومة برسل ليك رقم المحامي الماسك لينا القضية دي , بالمناسبة قضيتنا دي مسلسل ليهو اكتر من 70 سنة وكان المحامي بتاعنا (عبدالوهاب بوب ) وكان (سبدرات ) طرف برضو .. ودي قصة طويلة , ..
محبتي واحترامي ...
|
|
|
|
|
|