Post: #1
Title: على محمود : البلد ما فيها معاناة أو غلاء معيشة ( تصريحات تحّير )
Author: عبد الناصر الخطيب
Date: 02-26-2013, 01:27 PM
Parent: #0
لاقتني في الفيسبوك وحيرتني :
الزول ده عوز يصل لشنو!!! ....... كلوا تمام مافي معاناة وغلاء
غايتو في حاجة غلط ............
والناس الواطـــية الجمرة بتّخيلوا ...........المعناة والغلاء .................. والواقع إزدهار ورخاء
يا كمان المسئولين الما وأطــــــــين الجمره الوأطــــــــينها الناس .....................
تصريحاتهم دي عن نفسهم وحالهم .............................................................وبس
غايتو فهمنا كمل .................
|
Post: #2
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: فايزودالقاضي
Date: 02-26-2013, 01:33 PM
Parent: #1
حبيبنا وشريكنا في الحبشة ..المحترم عبدالناصر .. سلامات ..
| Quote: البلد ما فيها معاناة أو غلاء معيشة |
ماتظلم الراجل يمكن قصدوا مافيها معاناة ولا غلاء معيشة بل اعظم من ذلك كثير ,,
تحياتي ..
|
Post: #3
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: Hani Arabi Mohamed
Date: 02-26-2013, 01:49 PM
Parent: #2
الأول: أنا جَحْش
الثاني: لا ما تقولش كدا، إنتَ أكبر من كدا بكتير
|
Post: #4
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: عبد الناصر الخطيب
Date: 02-26-2013, 02:00 PM
Parent: #2
العزيز / فائز ود القاضي
بعد التحية والتقدير ,,,
مرات في تصريحات ببقي أفضل منها السكات .........
لأنو المسئول مهما قال ما حيقدر يغالط الناس في وأقع حالهم
| Quote: ماتظلم الراجل يمكن قصدوا مافيها معاناة ولا غلاء معيشة بل اعظم من ذلك كثير ,, |
بالجد صعب يقنع الناس أنو الحال .... عال
حتى هو أشك أنو بقول في الكلام ده بكامل إقتناعوا ولا يبقي فعلا صاحب الصورة
في الفيسبوك تسألوا منطقي جدا : الزول ده وزير مالية يأتو بلد !!!!!!!!!!!!!!!!!!!
---------------------
خارج السياق :
| Quote: حبيبنا وشريكنا في الحبشة |
يا فائز حبشي عديل
عارف كنت جاى بوستك داك أحكي ليك أنو الايام دي بكتب في بوست
للأستاذ / الطيب شيقوق بنتكلم عن الهضبة الحبشية ... بعرّف في بعض مكوناته
جيت في حته الارومو وشلوخهم ... وأحد رسل لى زعلان بحليفة طلاقة أني حبشي !!!
عدها إساءه مني وإشارة ماكريمه لانو نفس الشلوخ دي معروفه بيها واحدة من شعوب السودان
في الشمال النيلي !!!!
وزولك أعتبر كتابتي والصور المرفقة إساءة ليهم مع أني أصلا ما جبت عن ناسوا ديل أى ذكر في البوست
ما زعلان ولو ناسنا ده تفكيرهم بالتطرف ده ....................ياخي الحبش تفكيرهم أكتر منطقية واعتدال بي كتير
|
Post: #5
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: عبد الناصر الخطيب
Date: 02-26-2013, 02:06 PM
Parent: #4
العزيز / هاني عربي
بعد التحية والتقدير ,,,
Quote: الأول: أنا جَحْش
الثاني: لا ما تقولش كدا، إنتَ أكبر من كدا بكتير |
غايتو كبير الجحّش الحمــار .........
بس كبيرنا ده مصَر يطلعنا كلنا حمــير ... أنو الامور عّل العّال
بس الناس البعانوا من الغلاء ومن ضائقة المعيشه هم الما فاهمين المسألة صاح
لله في خلقه شئون
لو منو ما بصرّح بعمل رائح من مواضيع زي دي ...
لكين أغالط الناس في حالهم دي قوة عين ساى
|
Post: #6
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: علي محمد الفكي
Date: 02-26-2013, 02:37 PM
Parent: #5
عبد الناصر الخطيب
تحياتي
هو عندو ثلاث حريم كل واحدة ساكنة في بيت من 3 طوابق
تكلفة علاج ولدو كانت 32 الف دولار من ميزانية بعثتنا في نيويورك
ليهو حق يقول مافي معاناة
الواحد بحكي عن حال نفسو
زمن اغبر بقى فيهو الوزراء والقادة من شاكلة علي محمود وعبد الرحيم
|
Post: #7
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: عبد الناصر الخطيب
Date: 02-26-2013, 02:50 PM
Parent: #6
العزيز / على محمد الفكي
بعد التحية والتقدير ,,,
Quote: هو عندو ثلاث حريم كل واحدة ساكنة في بيت من 3 طوابق
تكلفة علاج ولدو كانت 32 الف دولار من ميزانية بعثتنا في نيويورك
ليهو حق يقول مافي معاناة
الواحد بحكي عن حال نفسو
زمن اغبر بقى فيهو الوزراء والقادة من شاكلة علي محمود وعبد الرحيم
هو عندو ثلاث حريم كل واحدة ساكنة في بيت من 3 طوابق
تكلفة علاج ولدو كانت 32 الف دولار من ميزانية بعثتنا في نيويورك
ليهو حق يقول مافي معاناة
الواحد بحكي عن حال نفسو
زمن اغبر بقى فيهو الوزراء والقادة من شاكلة علي محمود وعبد الرحيم
|
ربنا يزيد ويبارك ......... ويدي العافية ويتمهم 4
بس كل المطلوب منو شوية منطقية ... حاليا في السودان
في ضائقة معيشة ومعاناه حقيقية طالت معظم الناس .....
من الصعب وزير يلغي المعاناة دي بتّصريح
وجزء كبير منها بتتحملوا الحكومة وسياساته ...
الأسبوع قبل الفات في حلقة برنامج أكتر من زاويا في تلفزيون السودان والكلام عن الدواء
كان في كلام عن دواء سعروا العالمي مسجل بـ2 جنيه أسترليني في السودان مسجل بـ8 جنيه
أستغربته أنو الناس ديل حتى حياة المواطن بلعبوا بيها ....
والمحصّلة الضائقة حاصلة فا يقول للناس تدابيروا شنو في الخلاص منها ... يا كمان أحسن يسكت
تحياتي
|
Post: #8
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: ولياب
Date: 02-26-2013, 05:38 PM
Parent: #7
لا تنسوُا أن الله كريمٌ
|
Post: #9
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: محمد البشرى الخضر
Date: 02-26-2013, 07:48 PM
Parent: #8
| Quote: غايتو فهمنا كمل ................. |
الفهم بس الكمل!!
تحيّاتي عبد الناصر
الناس ديل فاقوا ماري انطوانيت في البلاهة و الإنفصال عن الواقع المزري العايشنو باقي الناس
|
Post: #10
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: خالد علي محجوب المنسي
Date: 02-26-2013, 09:02 PM
Parent: #9
Quote: الزول ده عوز يصل لشنو!!! ....... كلوا تمام مافي معاناة وغلاء
غايتو في حاجة غلط ............
والناس الواطـــية الجمرة بتّخيلوا ...........المعناة والغلاء .................. والواقع إزدهار ورخاء
يا كمان المسئولين الما وأطــــــــين الجمره الوأطــــــــينها الناس .....................
تصريحاتهم دي عن نفسهم وحالهم .............................................................وبس |
أخي عبد الناصر
الراجل دا ما قال غلط
كيف يعرفوا البلد فيها معاناة وغلاء وهم بعدين عن ذلك تمام سيارة السوق بتمشي وتجيب ما طاب ولذا من الصباح
من وين وكيف هم نفسهم ماعارفين كل مطايب الصنية في البيت كيف ومين بجيبها
الشعب جاع ومافي خبز قالوا نأكل بسكويت
الكذب الكتير بخلي الزول ابله بليد يا عبدالناصر وبتخيل كل ما يقال يصدق
وبعدين البلد فيها مافيها من مصائب هل كلامهم هذا سوف ينفي
وليكم يوم يا ولاد الهرمة مهما الزمن طال
بكرة التاج بقع من فوق بالكرعين قسم بنداس
ولو طفرتا الحيطة ولا جريت برضو محال تلقى خلاص
تحياتي ود الخطيب
|
Post: #11
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: عبد الناصر الخطيب
Date: 02-27-2013, 08:18 AM
Parent: #10
أستاذنا / وليـــــاب
صباحك زين ,,,
Quote: لا تنسوُا أن الله كريمٌ
|
ونّعم بالله ... الله كريم دي العايشة أهلنا وحكومتهم
سنين وهي بتسرق فيهم ... وكل يوم بتجتهد عشان تصعب الحياة وتضيقة عليهم أكتر
بتذكر تصريح لكبيرهم أنو ما حيدعم المحروقات عشان ما يستفيد الاغنياء من الدعم!!!
وفي نفس الايام ديك كتار كتبوا وبرهنوا .... أنو أساساً الدعم البتكلم عنو ده في الخيال فقط لانو السعر
البتتباع بيهوا المحروقات دي أساسا ما مدعوم وأغلى من سعر التكلفة مع كامل هامش
الربح ... والرسوم البتفرضه حكومتوا ...... يعني الناس ديل بكذبوا وعوزين الناس تصدق كذبهم
الله كريّم
وبي كرموا ولطفوا حياة الناس ماشه
تحياتي
|
Post: #12
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: عبد الناصر الخطيب
Date: 02-27-2013, 09:20 AM
Parent: #11
المهندس / محمد االبشري خضر
تحية وتقدير ,,,
Quote: الناس ديل فاقوا ماري انطوانيت في البلاهة و الإنفصال عن الواقع المزري العايشنو باقي الناس
|
في تقرير لفرانس24 كتب موقعهم مقدمة عن الواقع المزري ده :
Quote: أصبح غلاء المعيشة في السودان لايطاق نتيجة ارتفاع في الأسعار و ركود عام. يبرر البعض ذلك بآثار الأزمة المالية العالمية
و انفصال جنوب البلاد عن الشمال، بينما يعتقد البعض الآخر أن الوضع الاقتصادي ناتج عن سنوات عديدة من الإسراف في النفقات الحكومية.
|
انا غايتو من البعتقدوا أنو المسألة قّلة ضمير ....
خلت كل العوامل دي تخّلي عيشة السودانيين في بلدهم صعبة
الحيّرني نقطة انفصال الجنوب وبتذكر وأحد من كبارهم زمان قال لينا : لما الجنوب ينفصل ده
حيكون أثروا إيجابي جدا على اقتصاد الشمال ... أنفصل الجنوب والأثر الشافوا الناس أبعد ما يكون
عن الإيجابية الكانت في خيال صاحب الكلام ...
يبقي التصريحات الخيالية بقت شي إعتيادي لكبار الحكومة الواحد بقول البتخيلوا وبعد كده يشوف
يالواقع طابق مع خيالوا ياكمان كلاموا طلع كلام فارغ........
وعادي لو جداد كنا حنقول بتعلموا الحلاقة
في ريسين الشعب اليتامة بس السنين طالت والتنظير مستمر............. سنين طويلة ...
ما ظن في مسئول خلاله سألوهوا بجد عن كلام قالوا .. ولا لقي البحاسبو عليهوا
يمكن عشان كده الماري انطونيات كترو شديد اكتر من اللازم
تحياتي
|
Post: #13
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: عبد الناصر الخطيب
Date: 02-27-2013, 09:54 AM
Parent: #12
أستاذنا / خالد على محجوب المنسي
التحية وكتير السلام ,,,
Quote: الراجل دا ما قال غلط
كيف يعرفوا البلد فيها معاناة وغلاء وهم بعدين عن ذلك تمام سيارة السوق بتمشي وتجيب ما طاب ولذا من الصباح
من وين وكيف هم نفسهم ماعارفين كل مطايب الصنية في البيت كيف ومين بجيبها
الشعب جاع ومافي خبز قالوا نأكل بسكويت
الكذب الكتير بخلي الزول ابله بليد يا عبدالناصر وبتخيل كل ما يقال يصدق
وبعدين البلد فيها مافيها من مصائب هل كلامهم هذا سوف ينفي
وليكم يوم يا ولاد الهرمة مهما الزمن طال
بكرة التاج بقع من فوق بالكرعين قسم بنداس
ولو طفرتا الحيطة ولا جريت برضو محال تلقى خلاص
|
أصلو مافي زول طلب منهم حالهم يكون زي حال الناس ....
بس كمان المطلوب يكونوا عارفين الحال ده كويس أنو ابسط متطلبات الحياة الكريمة بقت صعبة
على الناس .... والمطلوب منهم كحكومه حاكمه الناس ديل تعمل كل ما في وسعها للخروج من
الوضع ده ... وتغير سياساته الاقتصادية البلــيدة الدخلت الناس في المأزق ده
قبل كم أسبوع برضوا كان في كلام عن التعدين في تلفزيون السودان ( برنامج في الواجهة )
من مسار الحلقة الكانت مع وزير التعدين , تقدر تعرف أولويات الحكومة في حل ضايقته الاقتصادية
فما تقدر تقول أنو الناس ديل أتعلموا حاجة من درس البترول القاسي ....
بدل ما يكون التوجه كلوا لبدائل أقتصادية معقولة وإنعاش القطاع الزراعي ... بغالطوا الواقع وبرضوا
مصّرين لو فاتهم يكونوا دولة بترولية _ حتى التوم تستوردوا من بره _ ما يفوتهم يبقوا دولة معادن
جنوب افريقيا أحسن منهم في شنو ؟؟؟؟ ....
بالجد يا خالد في مشكلة في ترتيب أولويات الاقتصاد في السودان ..... حيدفع تمنه المواطن
طلما حكومتوا حتظل كل حلوله بعيدة عن الواقع .... البى التأكيد ما مأثر علي ناسه في حاجة طلما
هم نفسهم بعيدين كل البعد عن الضائقة البتطال المواطن العادي ......................
وربنا يعين الناس ويصبرهم على ما بتلاهم
تحياتي
|
Post: #14
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: قرشـــو
Date: 02-27-2013, 10:00 AM
Parent: #13
تبقت مقولة واحدة فقط
وهي ان الموت راحة لكم
|
Post: #15
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: عبد الناصر الخطيب
Date: 02-27-2013, 10:09 AM
Parent: #14
أستاذنا / قرشــــو
تحية طيبة ,,,
Quote: تبقت مقولة واحدة فقط
وهي ان الموت راحة لكم
|
احتمال بقولوها في سرهم .........
*متوقعة يفكر فيها ناس فاشلين زي ديل
تحياتي
|
Post: #16
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: عبد الناصر الخطيب
Date: 03-03-2013, 10:54 AM
Parent: #15
---------------------------------
حكاية منطقية لو عرفنا كل المشاريع أدناه مموله بقروض خارجية :
Quote: Quote: 1-سد مروي قرض مشترك من عدة دول
2-مطار مروي تابع لقرض سد مروي
3-خطوط نقل الكهرباء من سد مروي تابع لقرض سد مروي
4-مشروع امري الزراعي تابع لقرض سد مروي
5-طريق مروي الملتقى قرض تابع لقرض سد مروي
6-مشروع مياه القضارف قرض البنك الاسلامي للتنمية+قرض صيني
7-مشروع تعلية خزان الرصيرص قرض مشترك من عدة ممولين
8-مشروع سكر النيل الابيض قرض مشترك من عدة ممولين
9-مشروع مجمع سدي اعالي عطبرة و استيت قرض مشترك من عدة ممولين
10-كوبري الصداقة "كريمة" منحة صينية
11-طريق عطبرة بورتسودان هيا قرض "الصندوق العربي للإنماء الاقتصادي"
12-مشروع مطار الخرطوم الجديد قرض مشترك من عدة ممولين
13-طريق القضارف دوكة القلابات قرض "الصندوق العربي للإنماء الاقتصادي"
14-مشروع كهرباء الخط الدائري(الخرطوم) قرض هندي
15-خط الكهرباء الناقل سنجة القضارف قرض هندي
16-مشروع كهرباء ...تي قرض هندي
17- خط الكهرباء الناقل القضارف القلابات قرض هندي
18-مياه عطبرة والدامر قرض ايراني
19-مشروع سندس الزراعي قرض صيني
20-كهرباء الجيلي قرض صيني
21-كهرباء الجيلي شندي عطبرة قرض صيني
22- محطة كهرباء قري 2 قرض صيني
23-مياه نيالا قرض صيني
24-مياه الدالي والمزموم قرض صيني
25-مشروع صومعة ربك قرض صيني
26-كوبري رفاعة قرض صيني
27-كوبري الدويم قرض صيني
28-توسعة كهرباء الخرطوم بحري الحرارية قرض صيني
29-مياه الفاشر قرض صيني
30-مياه بورتسودان قرض صيني
31-مياه دنقلا قرض صيني
32-مياه المتمة قرض صيني
33-مياه مدني قرض صيني
34-مياه ...تي قرض صيني
35-كهرباء دنقلا قرض صيني
36-كهرباء وادي حلفا قرض صيني
37-مشروع كهرباء الفولة قرض صيني
38-مشروع طريق النهود ام كدادة قرض صيني
39- مشروع طريق زالنجي الجنينة قرض صيني
40-طريق الدبيبات ابو زبد الفاولة قرض صيني
41-مشروع كوبري سنار قرض صيني
42-مشروع كوبري توتي بحري قرض ايراني
43-مشروع محطة مياه ابو سعد قرض ايراني
44-طريق طوكر قرورة قرض"الصندوق العربي للانماء الاقتصادي"
45-طريق سمسم القضارف ام الخير قرض"الصندوق العربي للانماء الاقتصادي"
46-طريق كسلا كركون مامان قرض"الصندوق العربي للانماء الاقتصادي"
47- مشروع كهرباء الشرق قرض"الصندوق الكويتي"
48-عدد 4 محطات تحلية مياه "ولاية البحر الاحمر" قرض"الصندوق العربي للانماء الاقتصادي"
49-جسر سيدون على نهر عطبرة قرض"الصندوق العربي للانماء الاقتصادي".
|
يعني أحتمال الشعب ذاتو يرهنوهوا بعد كدة
تساؤل بايخ :
ليه التنمية كلها قروض خارجية والبلد كان فيها موارد البترول
وفيها موارد ضرائب وجبايات تجعه من أغني الدول في محيطة الاقليمي!!! القروش دي مشت وين؟؟؟؟؟؟؟؟؟
تحياتي
|
Post: #17
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: هاشم عبدالله بشير
Date: 03-03-2013, 11:03 AM
Parent: #16
بالجد بالجد حاجة نحير
الزول فعلا بتكلم عن ياتو بلد؟؟؟
|
Post: #18
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: عبد الناصر الخطيب
Date: 03-03-2013, 11:18 AM
Parent: #17
Quote: لمهم نعود الي موضوع الديون الخارجية، فأصل الديون كان 15.4 مليار دولار ثم قفزت الى 35.6 مليار دولار في نهاية 2009م. وأفادنا د. صابر في صيف منصبه وبعد مغادرته للمنصب بأيام معدودات، أنها بلغت في نهاية 2010م 37.5 مليار أي بزيادة 2 مليار دولار في عام واحد. وأفادنا أيضا أن السودان يعد أكثر دولة ديونا في العالم، وتجاوز السودان سقف «الهيبك» بأكثر من 200%، مما يعكس صعوبة ما يواجهه السودان في التعامل الخارجي. وكعادة القادة في السودان حين ينسل من تحتهم الكرسي والمنصب والموقع، بشر د. صابر محمد الحسن الشعب السوداني بصدمة اقتصادية طويلة الأمد أو مستدامة حسب إفادته المقتضبة. وهذه الديون الخارجية تؤثر في كل مسارات حياتنا اليومية، وليس لجيلنا الحالي فحسب ولكن في مسارات حياة الأجيال القادمة. ولأغراض تهم الشعب السوداني في المستقبل لا بد من توضيح الجهات الدائنة، ذلك لأن الشعب السوداني شعب مسلم ويحتكم الى الشريعة الإسلامية كما يقول دستور السودان، وهذه النقطة أهميتها تكمن في مدى تعامل السودان بالصيغ الإسلامية في ديونه الخارجية. والجهات الخارجية الدائنة لا تلتزم بالصيغ الإسلامية حسب دستورها، وأحسب أنها لا تتنازل عن صيغها الربوية من أجل عيون السودان العسلية كما تقول السلطات السودانية في جوازها الرسمي. وعلى كل حال وحتى يتمكن الشعب السوداني من معرفة تلكم الدول نوردها هنا فقط للعلم:- مؤسسات التمويل الدولية ــ الدول غير الأعضاء في نادي باريس ــ دول نادي باريس ــ البنوك التجارية ــ الموردون الأجانب. ولا أحسب أن الدول أعلاه تعترف بالصيغ الإسلامية، وطبعا لا تحترم رغبة السودان في التزاماته الدينية، والذي يتنازل دائما سعادة حكومة المؤتمر الوطني الموقرة. والسبب الاساسي لزيادة الديون هو الفوائد الجزائية والتعاقدية التي ترتبت لعدم او تأخر السداد بالإضافة الى الاقتراض الجديد. وبلغت جملة الفوائد الجزائية والتعاقدية 20.3 مليار دولار أكثر من الدين الأصلي بنسبة 132%. ونسبة اصل الدين تعادل 43.2% من جملة الديون، ونسبة الفوائد التعاقدية تعادل 10.7% من جملة الديون. ونسبة الفوائد الجزائية تعادل 46.1%. وعموما هذه الزيادة الكبيرة في ديون السودان الخارجية وهذا المنوال التصاعدي في الديون الخارجية يترتب عليها ارتهان القرار والسيادة السودانية، وارتهان الاقتصاد السوداني والسياسة السودانية والأمن السوداني «وكمان» الحدود السودانية، لشروط الدول المانحة للقروض. ويساهم تراكم الديون الخارجية في بطء مسيرة التنمية ويخل بنتائج ميزان المدفوعات.
أسباب تراكم الديون الخارجية:
هنالك اسباب كثيرة لتراكم الديون الخارجية على السودان، منها اسباب محلية واخرى خارجية، ومنها اسباب ادارية وسياسية. ومن اهم الاسباب ما يلي:
1/ تنامي أوجه الصرف الحكومي مقارنة مع الموارد المتاحة.
2/ ضعف الدراسات الفنية والاقتصادية للمشاريع الممولة من الديون الخارجية.
3/ ضعف المقدرة التنفيذية للمشروعات الممولة بالدين الخارجي.
4/ المشاريع الممولة من الدين الخارجي لا تساهم في خدمة سداد الدين.
5/ تعدد نوافذ التعامل مع الدين الخارجي.
6/ عدم التقييد بالأسس السليمة لتقييم شروط الاقتراض الخارجي.
7- ضعف ادارة الموارد الاقتصادية.
8- تصاعد أسعار الفائدة والفوائد الجزائية للقروض التجارية.
9- عدم استقرار السياسات المالية والنقدية.
10- عدم وضوح سياسة الاقتراض من الخارج.
ومجمل النشاط في الديون الخارجية على السودان فيه خلل في نواحٍ عدة، ويحتاج الى مراجعة شاملة في كل فنياته، وآن الأوان لتحديد المسارات الصحيحة المتعلقة باستخدامات الديون الخارجية
لإنفاقها في مجالاتها المخطط لها وبدراسات فنية واقتصادية واقعية. وأقصد بهذه الواقعية أن بعض تكاليف المشاريع في مراحل التنفيذ تتضاعف بصورة غير منطقية. |
----------------------------------------------
الاقتباس أعلاه من جريدة الصحافة _ 21-يونيو-2011 جزء من رأى للدكتور طه بامكار تحت عنوان
صابر وديون السودان الخارجية
المصدر :
http://www.alsahafa.sd/details.php?articleid=29695andispermanent=0
الكلام ده بتمني السيد الوزير يراجعوا لانوا بنسف نظريتوا من الاساس
ومعناهوا المعاناة ما وقفت على المواطن الدولة برضها بتعاني وحتعاني أكتر في مقبل أيامه
من ثقل الديون الخارجية الواضح أنو المعالجات الإقتصادية الساذجة ما حتحلها ...
وبرضوا السوال البايخ هنا :
في شنو صرفت مليارات القروض ؟؟؟؟؟؟؟؟؟؟
تحياتي
|
Post: #19
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: عبد الناصر الخطيب
Date: 03-03-2013, 11:25 AM
أخي الكريم / هاشم عبد الله بشير
تحية وتقدير ,,
Quote: الزول فعلا بتكلم عن ياتو بلد؟؟؟
. |
لو مشي حال السودان بالطريقة دي حيسموهوا ( ديونستان )
أو قروضستان ... والمشكلة العوجة حاصله
وتقراء برضوا تصريحات زي دي
تقول كلو تمام التمام والحال عال !!!!!!! مافي معاناة مافي غلاء معيشة ...........
كانو الناس بحكوا ليهم الكلام ده حكايات وكانو الناس ما عارفين أحوالهم البتغني عن سؤالهم
تحياتي
|
Post: #20
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: محمد الرفاعى
Date: 03-05-2013, 10:43 AM
Parent: #19
| Quote: البلد ما فيها معاناة أو غلاء معيشة |
بيقصد : البلد ما فيها معانا من يحس بغلاء المعيشة
حليل زمن الحكومات تصرف الإعانات لطلاب الداخليات فى الثانويات وأكلهم معلبات
|
Post: #21
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: محمد أبوالعزائم أبوالريش
Date: 03-05-2013, 10:52 AM
Parent: #20
يا عبدالناصر .... إنت متأكد القال الكلام ده علي محمود والاّ (السيدح)
|
Post: #22
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: عبد الناصر الخطيب
Date: 03-07-2013, 09:19 AM
Parent: #21
العزيز / محمد الرفاعي
تحية واحترام ,,
Quote: بيقصد : البلد ما فيها معانا من يحس بغلاء المعيشة
حليل زمن الحكومات تصرف الإعانات لطلاب الداخليات فى الثانويات وأكلهم معلبات |
نبتدي بالترحم على الزعيم الفنزويلي الراحل هوجو شافيز
الاكيد كان مدرسة مختلفة في الاهتمام بحاجات مواطنيه الاساسية
ودعم الدولة بكل ما تستطيع لمواطنيها ... ناسنا مدرسة مختلفة ... أخر ما يفكروا فيهوا
ولا يخطر ببالهم المواطن ولو خطر ببالهم بكونوا بفكروا شنو ممكن يفرضوا عليهوا من
رسوم وضرائب ودمغات ووووو ........
الصحة والتعليم وكتير من أساسيات المعيشة أى دولة بغض النظر عن توجهه لازم توفره
للمواطن بصورة معقولة ومقبولة ... لانو ده واجب الدولة , وده عقد المواطنة ......عندنا الدولة
بترفع يدها عن كل حاجة وبعد ده بطالب مواطنه يسدد ضرائب ورسوم وووو.......الخ
طيب المقابل شنو ؟؟؟؟
تحياتي
|
Post: #23
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: عبد الناصر الخطيب
Date: 03-07-2013, 09:28 AM
Parent: #22
العزيز / محمد ابو العزائم أبو الريش
تحية واحترام ,,
Quote: يا عبدالناصر .... إنت متأكد القال الكلام ده علي محمود والاّ (السيدح)
|
زميلنا العزيز والصحفي النحّرير قريت لى قبل مدة بوست مختلف في العنوان مطابق في المعني
بتاع السودان في بحبوحة من العيش .......الأتناول فيهو الرخاء في السودان بمقياس صينية الاكل !!!!
المحيرني في الزول ده من عبيد الله المغترب زينا واحد ....
لو كان مقتنع بالبكتب فيهوا شنو المانعوا يمشي يستمتع بالرخاء والبحبوحة دي !!!
برشح الأخ الكريم يبقي مستشار صحفي للوزير ده ...
تحياتي
|
Post: #24
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: محمد أبوالعزائم أبوالريش
Date: 03-07-2013, 09:46 AM
Parent: #23
Quote: زميلنا العزيز والصحفي النحّرير قريت لى قبل مدة بوست مختلف في العنوان مطابق في المعني
بتاع السودان في بحبوحة من العيش .......الأتناول فيهو الرخاء في السودان بمقياس صينية الاكل !!!! |
وهل يخفى القمر؟
العالم يموج من الغلاء و اهل السودان في بحبوحة من العيش
|
Post: #25
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: علي دفع الله
Date: 03-07-2013, 10:17 AM
Parent: #24
| Quote: البلد ما فيها معاناة أو غلاء معيشة |
استاذ عبد الناصر تحياتي
اتداخلت المفاهيم ، معاناة هؤلاء تختلف كليا عن معاناتنا ،
-------------
وبالجد انا واثق ان هذا الكائن جادي في تصريحو ،،،،
------------
الله يستر على ما تبقى من من مراراتنا في الفرقعة
مودتي
|
Post: #26
Title: Re: على محمود : البلد ما فيها معاناة أو غلاء معيشة ( تصريحات تحّير )
Author: عبد الناصر الخطيب
Date: 03-09-2013, 07:42 AM
Parent: #25
العزيز / على دفع الله
صباحك زين ,,
Quote:
اتداخلت المفاهيم ، معاناة هؤلاء تختلف كليا عن معاناتنا ،
-------------
وبالجد انا واثق ان هذا الكائن جادي في تصريحو ،،،،
------------
الله يستر على ما تبقى من من مراراتنا في الفرقعة
|
أصلوا ما طالبين منهم يعانوا لاسمح الله ... بس الاعتراف بمعاناتنا
ده الشي المطلوب ... حتى الما معترف بالمعاناة دي ... ياريت يظهر
شوية احترام لظروف الناس ... ولو بالكضب
ما كمان يصّر يغالطهم في حالهم ...
ومتفق معاك ممكن يكون جاد جدا في كلاموا ده ... ما لانوا ما عارف
الواقع .. لكين من باب تجّميل الواقع ( لا أكذب لكنني أتجمل ) ...
الاعتراف بالواقع كما هو صعب للناس ديل شديد .. لانو اعتراف بفشل مزمن
وحلول اقتصادية سيئة وضعت البلاد والعباد في مأزق ...
من تسببوا بها حتما متأثرين حكومتنا تجار ... والتاجر الشاطر
يعرف أن إفقار النار وإضعاف القوة الشرائية حتما ستنعكس كساد على تجارته
وضرر عليه وإن طال الزمن
تحياتي
|
|