|
Re: قراءة الموضوعات التى تطعن في الاسلام وزعزعة الايمان..! (Re: احمد سيد احمد)
|
الكلام دا حصل لي شخصيا...كنت بقرا كلام هشام آدم وغيره وكتير من الموضوعات البتطعن في الاسلام والنزلت هنا في سودانيزاونلاين....وانا زي ما وصف كتاب المقال...زول بسيط غير متبحر في علوم الشرع...المهم قراءة الشبهات اثرت على وبقيت على الاقل ولو في نفسي اسمع اي اية او اي حديث واتوهم انو فيهو شي ما ياهو وبقيت من جواي همسا او وسوسة شيطان ولا حديث نفس ....وكادت تذهب عني حلاوة التسليم التام والكامل بكلام الله وكلام رسوله صلى الله عليه وسلم...ولذلك احسن الزول يبعد بعيد عن الحاجات الزي دي عشان ما يتقذف في قلبو بشبهة تزعزع كيانو...الغريبة اننا بنتجرا على علوم الشريعة بدون علم ونفتي فيها زي ما دايرين في حين انك ما بتقدر تفتي في تخصص زي الطب او القانو او الهندسة او اي تخصص دنيوي لست دارساً له متبحرا فيه...فكيف يسهل عليك التجروء على االافتاء في الدين واستسهال الخوض في ايات الله بغير علم...وبالمقابل الاحجام التام عن ابداء رايك في امور طبية او هندسية او قانونية؟
|
|
|
|
|
|