|
Re: الأســـــطــورة ... (Re: محمد سنى دفع الله)
|
تعرف يا السني
الكتابة في أو عن محمود ليست بالشيء السهل. بدأ بقوة، وتربع في قلوب الملايين بقوة أيضاً.. العديد من الناس يطلقون عليه "فنان الشباب"، نعم هو كذلك ربما لأن السواد الأعظم من معجبيه من الشباب، لكن العديد من الناس الذين تجاوزوا مرحلة الشباب أُعجبوا بمحمود، صوته، وأدائه، ولذلك لم أندهش عندما قال لي الراحل الأستاذ حسن دبلوك "عندما تزاملنا في العمل في الملحقية الثقافية السعودية في منتصف (كان يعمل سفيراً بجامعة الدول العربية قبل أأن يزاملنا) أو أواخر التسعينات" أن محمودا كان فنانه المفضّل، وحكى لي العديد من ذكرياته مع هذا الفنان اليافع.
ومن جيلي، كتب الصديق أسعد قبل أيام قليلة معزياً بعض الأصدقاء في رحيل محمود:
تاني جيتكم، في شتاء 2001 وانا جديد لنج في البلد دي - بريطانيا - زرت سيف بشير، أمضينا الامسية متآنسين، وفي الصباح ركبنا عربيته هو في طريقه للشغل وانا لي محطة فكتوريا (وعالم جين موريس) راجع لي شيفيلد. أربط الحزام والذي منو، أها بتسمع منو (سألني سيف، وكأننا نواصل حديث انقطع قبل 10 سنوات لاهتمامات ومواضيع مشتركه)، والله بالدس كده بسمع محمود عبد العزيز. بالدس؟ وليه بالدس! وفتح درج العربيه وقال لي دي كلها شرايط محمود. رغم الكلام السنكال (الغير مخفي فوق) الا اني قصدت اقول انه كان في "وهمه" كده في السودان، إنو المابسمع وردي ده راسو دايش، والمابسمع ابو الامين ده ماناقش حاجه، أما عثمان حسين داك خلي ساي، لو ماشنطّت قميصك وخاتي ليك قلم في الجيب وكمان نضارة نظر حتى لو نظرك سليم، ماتهوّب. أها مع "الوهمه" دي ضاعت في الرجلين "عهد الوداد خنتو" مجذوب أونسة و"البلبل الصداح" محمد سلام، وغنا كتير سمح. تطربني لو وشوش صوت الريح في الباب يسبقنا الشوق قبل العين في "شال النوار" ابو الامين، وتفرطق ضلعي ياصبية الريح وراي خلي من حضنك ضراي في "جميلة ومستحيلة" وردي. لكن، من الظروف ماتشيلي هم بكره الزمن ليك ببتسم بالميلودي الفي صوت محمود بتقعدني في الـواطـه من غير مايكون ده خصم على اي زول والعجبو عجبو والماعجبو "بجروفو". قال فنان الشباب الأول قال، شباب منو يا....(طبعا الشباب محفوظ وكده). يامان ده فنان عدوى، الحاجه الوحيده البتخارجك منو انك ماتسمعو. لكن تلحق تسمعو الله قال بي قولك. وعشان خاطرك يامحمود وأي قعدة واطه أهديتنيها انا ح امشي ابحت ليك ناس حماده بحري وعشه ام رشيرش وحاليا بسمع طه سليمان جدا. اها شن ليك عذرا ياحبايب ومن لنا غير صدور بعضنا البعض لغسل الاحزان والاحتفاء بايامنا القادمات بعد ازاحة الكوابيس. لكم المودات وزاكي التحايا والتعازي
انتهى كلام أسعد،،
وحا أواصل معاك
"كنت بفتش لي على حته افرغ فيها مخزون حزني علي محمود،، ولقيتها..
|
|
|
|
|
|
|
العنوان |
الكاتب |
Date |
الأســـــطــورة ... | محمد سنى دفع الله | 01-20-13, 10:03 AM |
Re: الأســـــطــورة ... | محمد عبد الماجد الصايم | 01-20-13, 10:04 AM |
Re: الأســـــطــورة ... | الفاتح سليمان | 01-20-13, 10:08 AM |
Re: الأســـــطــورة ... | محمد سنى دفع الله | 01-20-13, 10:06 AM |
Re: الأســـــطــورة ... | محمد سنى دفع الله | 01-20-13, 10:13 AM |
Re: الأســـــطــورة ... | محمد سنى دفع الله | 01-20-13, 10:16 AM |
Re: الأســـــطــورة ... | ود الباوقة | 01-20-13, 10:19 AM |
Re: الأســـــطــورة ... | محمد سنى دفع الله | 01-20-13, 10:45 AM |
Re: الأســـــطــورة ... | محمد سنى دفع الله | 01-20-13, 11:11 AM |
Re: الأســـــطــورة ... | saif basheer | 01-20-13, 12:33 PM |
Re: الأســـــطــورة ... | علي عبدالوهاب عثمان | 01-20-13, 03:58 PM |
Re: الأســـــطــورة ... | ibrahim fadlalla | 01-20-13, 06:01 PM |
Re: الأســـــطــورة ... | saif basheer | 01-20-13, 07:02 PM |
Re: الأســـــطــورة ... | محمد سنى دفع الله | 01-21-13, 11:00 AM |
Re: الأســـــطــورة ... | اسماء الجنيد | 01-21-13, 11:36 AM |
Re: الأســـــطــورة ... | ibrahim fadlalla | 01-21-13, 11:58 AM |
Re: الأســـــطــورة ... | مزمل خيرى | 01-21-13, 12:27 PM |
Re: الأســـــطــورة ... | Mohamed Abdelgaleel | 01-21-13, 12:45 PM |
Re: الأســـــطــورة ... | ياسر السر | 01-21-13, 02:21 PM |
Re: الأســـــطــورة ... | بله محمد الفاضل | 01-21-13, 02:34 PM |
Re: الأســـــطــورة ... | saif basheer | 01-21-13, 09:45 PM |
Re: الأســـــطــورة ... | Balla Musa | 01-22-13, 04:45 AM |
Re: الأســـــطــورة ... | معتز القريش | 01-22-13, 05:28 AM |
Re: الأســـــطــورة ... | محمد سنى دفع الله | 01-22-13, 06:19 AM |
Re: الأســـــطــورة ... | هاشم الادريسى | 02-01-13, 00:36 AM |
|
|
|