|
مساهمات منبرية مثيرة للحيرة !! بعضها مثير جدا للغثيان !!!
|
كأن تقرأ بوستاً بعنوان " الإغتصاب عند الجمهوريين .. الممارسة والسلوك " ولا يفوت على أحد أن ورود "الجمهوريين" هنا للمفارقة كونهم من أبعد الناس عن باقى مكونات العنوان .. تفتح المنبر العام فتطالع هذا العنوان .. تتكاسل قليلا عن الدخول فى تفاصيله لأن "المسألة باينه من عنوانها" يمر يوم, يومان, ثلاثة .. تجد أن ذلك الموضوع الباين من عنوانو وصل للصفحة الرابعة "بالقديم" = ال 16 بالجديد .. فلا تملك من أمر الدهشة الا الولوج لتلك الصفحات الستاشر .. وفجأة بعد مداخلة اتنين تلاته تلقى ليك واحد ناطى بى مداخلة جادة جدا عن الآثار النفسية للإغتصاب ؟!! ياااا النبى نوح ؟!
الكارثة أن يأتى من يختلف مع أخينا الناطى ده فى جزئية تناولو لى سيكلوجية الانسان المغتصب !!!!
|
|
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: ياسر منصور عثمان)
|
تعرف يامشرف ؟ في اواخر القرن المنصرم كتبت انت مداخلة يمكن لقاريء غير حصيف ان يستخلص منها مايمكن ان يكون شبهة لاتهامك لي بانني غواصة والان الان فقط يامشرف اطالبك باثبات ذلك الاتهام او الاعتذار عنه ولكن هل تملك الشجاعة للاعتذار ؟ هل ؟ آآآآ .. هل تملك الشجاعة ؟ لا اظنك
وفعلا سوف لن تعتذر انت ولاحتى من باب الحكمة او التمشية قدر عقلي .. لا مش كده وبس بل حاتجي تقيف في نص البوست وتفتح راحة يدك اليسرى وتضم اليد اليمنى وتضرب بها اليسرى ثلاثا وانت تقول آآآآي غواصة وغواصة وغواصة ترددها هكذا ثلاثا
واقوم انا يتلبسني شيطان شنو ؟ شيطان العوارة ؟ شيطان الشفع ؟ واقوم جاري جررري واقتح بوست وتكون مداخلته الاولى مزينة بصورة جميلة زاااهية لبرنت اسكرين مأخوزة بدقةواحترافيةعالية جدا فيها مداخلة ليك تبين بوضوح تام تاريخ المداخلة في اواخر القرن المنصرم في المداخلة يبدو مايمكن ان يستخلص منه بمجهود عظيم والكثير من الخيال وسوء الظن شبهة اتهام بتغويص او نحو ذلك وسرعان مايتقاطر القوم على البوست ينقسمو لي قسمين .. نصهم معاك ونصهم معاي والعوة تقوم شتايم واساءات واي حاجة ذاتو يتبرع اتنين بانهم يحتدوا خالص مع بعض وعشان مايحرفوا البوست عن مساره يقوموا يفتحو بوست جديد يكون مبني اساسا على مداخلة في البوست القديم ثم تنشطر البوستات وتتوالد بمتواليات هندسية كلها تحتوي على نفس الكلام .. نفس الشتايم ... نفس الناس وبعد ماخلاااص الامر يستفحل ويصل عدد البوستات المنبثقة كم وعشرين يتدخل واحد من العقلا عشان يفتي ويقول ياخوانا باركوها فيهب فيه الجميع هبة رجل واحد ... يافلان انت اسكت انت كنت مامتابع ارجع للبوست داااااااك .. ويكون البوست المعني بداااااااك هو البوست رقم ثمانية في سلسلة البوستات المنشطرة وتكون عدد صفحاتو كم وتلتين كده ... يقولو ليهو ارجع اقراهو كلو حتى تجي تفتي في الموضوع ده !! يقوم يرجع العاقل محتسبا ويبحث عن البوست المعني فمايلقاهو ولمن يجي يقول ليهم مالقيت البوست تاتي الاجابة بانو بكري حذف البوست !! لكن ولايهمك انا كبشرتو ليك ... هاك شوف المداخلة دي
ومرة اخرى تزدان الشاشة بصورة برنت اسكرين زاهية جميلة مأخوزة بدقة واحترافية عالية تبين مداخلة لشخص ما يتحدث فيهاعن شخص اخر يمكن لقاريء غير حازق ان يستخلص منها مايمكن ان يكون شبهة لاتهام بشيء ما لاتدري ماهو !!
عجييب يامشرف ياخي عجيب
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: خالد عبدالوهاب)
|
خالد عبدالوهاب .. كيفك وكيف كيفك يا عزيزي ..
انت برلوم دفعة 2002 ولا شنو يا خالد ؟!!
تعرف وكما الحاننا الدائرية عندنا فى المنبر ده أنساق دائرية .. لكل صراع ثنائي فى هذا البورد ناسو ونسقو .. خذ ثنائية هامش/مركز .. مناضل/أمنجى .. معارض/رمادى .. ضد شيوعى/شيوعى وهكذا يا صديق .. وتجد يا رعاك الله أن الصراعات الشخصية الثنائية تتنزل من ثنائيات أكبر منها .. ولكل نسقه الخاص وتاكتيكاته وذات كلامو المكرور والممل .. ومن فضل الله علينا أن لجميعها ذات النهاية .. وأعنى الصفر الكبير .. أو البارد
تحياتى يا خالد
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: محمد حيدر المشرف)
|
يا شباب.. اخونا محمد جاي من الحتة دي..و قريتها في لحظتها..و قريت بداية الخيط هنا في اللحظة..و قلنا ما نستعجل ساكت..و في رده لأخونا سيف مساعد.. اعاد الفكرة للمرة الثانية.. البوست المعني هو بوست تراجي مصطفى بعنوان: حرامية الفجر الجديد..
Quote: قرأت وذهلت جدا من حجم النقاش داخل دائرة العنوان الرئيسي .. ويبدو أن ذلك جميعه يندرج تحت طائلة العلاقات الشخصية ليس الا ..
Quote: Re: حرامية(الفجر الجديد) يسرقون (حزب الخضر) من مؤسسته (آمنه مختار)!
وسؤالى .. هل يمكن الانطلاق من فرضية سرقة حزب بكامله من الشخص الذى قام بتأسيسه ؟! وأعنى الانطلاق من هذه الفرضية لتأسيس آراء موضوعية حول الانقسام/السرقة السياسية لحزب الخضر ؟!
ماهى كمية المعلومات المتوافرة لهذه الاطراف المنخرطه فى هذا النقاش "العميق"؟! ما مصدرها ؟! ما مدى صلاحيتها للانطلاق من تعبير "حرامية الفجر الجديد"؟!! هل الاختلاف الرؤيوى مع "الفجر الجديد" يتيح لهؤلاء الحديث تحت هذه اللافتة " حراميــــــــــــة الفجـــــــــــر الجديـــــــــد"؟!
مؤسف جدا ما يحدث ! هذا العنوان يصلح عنوانا مناسبا للفشل الذى يلاحق قوى التغيير الاجتماعى فى السودان .. المهم ! نتمنى لحركة الخضر أن تتجاوز هذا المطب السودانى المعروف بالمطب الذاتى للشخصية السودانيه فى العمل العام .. نتمنى ذلك للخضر وغيرهم .. ويشمل ذلك الجميع
|
كبر
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: Kabar)
|
يا كبر حتى لو المعني بوست بعينه تحديدا الفكرة ماعونها واسع و تشمل عناوين وعناوين, و على صلة وثيقة بالاتساق ما شايف الحبشي فرش قلوّبياته - تقرأ روابط وكابشرات - كيف :)
يا ود المشرّف .. قيلت مساعد ياي ما الياي العديل وانا افَضّلها "بلاي ميكر" يستلم الون وبرّجع التو كأبهى ما تكون واحيانا بجهّز الون في رقبتها - وكلّه لصالح التيم و روح الفريق و الاسكور للجميع
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: Kabar)
|
لا يا كبر .. كيف حالك واحوالك ياخى .. هذه ملاحظة قديمة جدا .. ونعم بوست تراجى مثال جيد.. وقبلها بوستات لا تحصى ولا تعيها الذاكرة.. ولو اردت ان يكون هذا البوست محصورا حول بوست واحد لما ترددت لحظة .. وعموما كتبت ذات الكلام فى ذلك البوست .. هو الرأى لا أكثر ولا أقل .. ولا يحتاج لشيفرة خاصة ولا يحزنون ..
تحياتى واحترامى ..
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: Kabar)
|
ود البشري يا صديقي.. حبابك داير الجد ولا الجنبو؟..
محمد حيدر ده واحد من الناس الواحد ما بيقبل فيهم كلو كلو..و الصورة الخطاها لي في بالي و من زمن بعيد انو ما صانع طواقي و كده.. لأنو الرجل لا تعدمه حيلة و شجاعة لكتابة أي كلام و تحمل مسئوليتو.. لكن..!
مش النعمان زمان كان عندو يوم نحس و يوم سعد؟.. اها نحن شغالين بالحتة دي..و أي طاقية حايمة بنلبسها طوالي.. ليه؟.. لأنو لمن الناس تردح فينا ما عندنا ضنب يحاحي لينا.. باقي ليك نسوي شنو؟..
المهم يا حبيب.. انا مع الحبشي.. سجن سجن.. غرامة غرامة..
محمد الحسن ازيك يا خي و لينا طولة يا صديقي..
كبر
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: محمد حيدر المشرف)
|
كتر خيرك يا محمد.. قرأت مناشدة صديقنا اساسي... و بالرغم من اني ما جاي هنا لما يتصور اساسي... لكن سوف اعمل بنصيحته.. و يا اساسي لا تحمل على ذاتك كتير...و بكل صدق.. اقول لك.. اها ده طرفي من الخيط ده..
و يا محمد نتفاهم في محلات تانية.. ياخي اساسي ده زول مهم بالنسبة لي...
و كل سنة و انت طيب... معلومة اخيرة.. اعرف فتحي اكتر من امنة مختار...و الرجل عملنا سويا في خندق في جامعة الخرطوم...ولازال لم يخيب ظني فيه...
و دمت..
كبر
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: محمد حيدر المشرف)
|
الأعزاء .. سأجيئكم واحدا واحدا ..
Quote: · Darfur ملاحظه في محلها انت عرضت المشكله لكن الحل شنو هل توجد امكانيه لفلتره العناوين المثيره للجدل دى هل يمكن منع الغث من المواضيع من ان ينشر وخصوصا التى تمس العقيده والخصوصيه والعنصريه الممنوعه في كل مكان عدا سودانيز اونلاين رد · أعجبني· منذ 9 ساعات اضافة رد... .. Mohamed Abdelhalim Mahmoud · Toronto, Ontario الشللية دعوة من دعوات التخلف ولكن ما يزيد الغثيان يا استاذ المشرف هو الافتاء دون علم...وممارسة الهمز واللمز...وعند الاختلاف في الرأي وبالتالي يدخل الناس قريبا براحات القطيعة ولسانهم ممدود الي نوافذ الاستنارة..كيف يصنع الناس التغيير او التنوير ... رد · أعجبني· منذ 7 ساعات اضافة رد... .. Musaab Ajajالمشرف مبروك اولا اخيرا بقينا نقدر نبارك ونرد من متابعينك يشهد الله ساااااااي كده بس
ومن المحير كذلك أن يتفق زول مع زول تانى من الالف للياء فى جميع مداخلاتو .. من المثير للغثيان أن يكون التانى متناقض ذاتيا فى ذات مداخلاتو .. هذه هي الاسواء ياخي دي جد تثير الغثيان وحاجات تانيه كمان رد · أعجبني· منذ 6 ساعات اضافة رد... .. Abdul Hameed · Riyadh, Saudi Arabia ياجماعة عندى مشكلة ارجو تشخيصها ومعالجتها - عندما اقرأ بوست لدكتور المشرف - مع محبتى له - اشعر كانما تخطفنى الطير او اهوت بى الريح الى مكان سحيق |
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: محمد حيدر المشرف)
|
الأخ عبدالحميد تحياتى وكيف الاحوال
Quote: ياجماعة عندى مشكلة ارجو تشخيصها ومعالجتها - عندما اقرأ بوست لدكتور المشرف - مع محبتى له - اشعر كانما تخطفنى الطير او اهوت بى الريح الى مكان سحيق |
توقفت أمام هذه المداخلة طويلا .. وبالتأكيد الذى يحتاج التشخيص هو "كتابتى" ..
تعرف !
تولد عندى إحساس عميق أن الغربة التى أعيشها فعلت فعلها فى حبة الكتابة التى أكتبها هنا .. ولى مقولة يا عزيزي .. وأحسبها مشهورة .. أننا لا نكتب الا ذواتنا فى هذا الإسفير ..
هى غربة سحيقه جدا يا عبدالحميد .. وانا على قناعة تامة أن الغربة إحساس ذاتى يتجاوز الجغرافيا .. لذلك تجد أن سطوتها عند الناس متباينة ..
هذه الصورة المخيفة التى أشرت اليها ربما تكون ذات صلة بهذا .. وعلاقة الكلمات بالسقوط نحو قاع سحيق تستدعى لذهنى الحديث النبوى "" إن العبد ليتكلم بالكلمة لايرى بها بأسا يهوي بها في النار سبعين خريفا " ولكن أن يهوى بالآخرين فدى جديدة يا عبدالحميد .. ههههههههه ربما يكون الاستقراء الجيد سببا لذلك ..
تحياتى ..
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: محمد حيدر المشرف)
|
الأخ العزيز مصعب عجاج كيفك وكيف كيفك آ زول
ياخى والله العظيم كلامك الجميل ده عجبنى وسر وبالى .. والله يبارك فيك ياخى .. وأنا سعيد جدا بالطاقة التى فتحها بكرى أبوبكر نحوكم .. ودى البدايات فقط يا مصعب , وأحسب أن هذا الامتداد التفاعلى سيكون ايجابيا جدا ..
مساهمات منبرية مثيرة للحيره ده بوست فكرت فى كتابتو من زمن .. ولعله يكون ورطه أجمل مافيها هذا التواصل الجديد ..
شكرا جزيلا يا عزيزى ..
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: محمد حيدر المشرف)
|
.Quote: الرجل الذى لا يقرأ الشعر الا واقفاً |
ليه أصلو شعر دا ولا رمي جمرات؟ على العموم
بوست مهم في رأي الخاص خاصة واني لا أملك علاقة خاصة مع د. مشرف الا من خلال سطوره هنا( طبعا لو كان ملاسي نقول حروفه أما ان كان ...... سوف نقول مقالاته)
هنا يامشرف تنصر أخاك ظالما وظالما
وعندما يعتذر عن ظلمه بعد كم شهر كدى تقوم طوالي ..... تديهو نياشين البطولة وأنواط الشجاعة
تحياتي ومازلت في انتظار د. حبشي
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: MOHAMMED ELSHEIKH)
|
محمد الشيخ سلامات وكيف الحال ..
Quote: يه أصلو شعر دا ولا رمي جمرات؟ |
هههههههه ..
ولكنها حالة خاصة محكومة بتفاصيلها يا عزيزي .. وبالتأكيد تمثل عندى شيئا ما .. شيئا جميلا ما ..
Quote: هنا يامشرف تنصر أخاك ظالما وظالما |
ليس على حساب الفكرة يا محمد .. والفكرة هى مناط الكتابة هنا فى هذا المنبر .. أو هى كذلك فى بعض مواضيعه .. وتلك المواضيع التى يتم فيها التحايل على الفكرة وبصورة واضحة جدا .. هى ما تثير حيرتنى
تحياتى وكن بخير .. وفى انتظار الاخ محمد أى سليمان معاك يا محمد ... ودى فرصة الواحد يعبر عن احترامو للحبشي .. والحبشي بالتحديد أحد الذين أتقصى آثاره فى هذا المكان ..
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: فضيلي جماع)
|
استاذنا الكبير فضيلى جماع .. تحية طيبة ..
هذه العبارة والله أكبر من قدر لحافى .. وتدخل -أعلم- فى باب حسن ظنك الجميل يا استاذنا ..
ولى ان أتحدث عن جدوى الكتابة من مدخل حضورك فى هذا المشهد لسودانيزاونلاين .. ولعلك تكون الاكثر قربا من الادباء الكبار من هذا المشهد.. والاكثر فاعلية والكلام ده بنقولو وشاهدنا تلك البوستات المؤثرة والتى حظيت بقدر كبير من المتابعة والمشاركات .. وباستحضار قيمة الحوار الذى أثارته إتفاقا وإختلافا .. نستطيع ان ندلل عل قيمة الكتابة فى هذا الموقع .. وعن جدواها وقدرتها على على إثارة الاسئلة ومباشرة القضايا الحية والحقيقية ومن مختلف المقاربات الممكنة والمعبرة عن مجموع أكبر من الناس ..
نأتى لصلة تلك البوستات - بوستاتك - بهذا البوست .. وعلى يقينى التام بالمحصلات الايجابية الا أنها كان مثار الكثير مما أتحدث عنه هنا .. أتى صوبهاالكثيرون بأنساقهم الاسفيرية المعلومة والمعلنة سلفا .. وسواء كان ذلك اتفاقا تاما دونما شق او طق .. أو إختلافا تاما وبكل شقوقه الممكنة وغيرها هذا الى جانب تجاوز العناوين/الأفكار الأساسية نحو التفاف ما..
بيد ان قيمة الحوار تكون بإبتداره .. وعلى أى نحو كان !!
شكرا يا أستاذنا فضلى جماع .. شكرا جزيلا ..
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: محمد حيدر المشرف)
|
Quote: ولكن أن يهوى بالآخرين فدى جديدة يا عبدالحميد .. ههههههههه ربما يكون الاستقراء الجيد سببا لذلك .. |
تعرف يامحمد كلام عبد الحميد ده مرات كثيرة بيحصل لي اول مرة اقرأ مئة عام من العزلة (بالانجليزي) حسيت بدوار عدييل وما أن ارفع عيني عن صفحات الكتاب يرجع كل شيئ لمكانه خاصة وانا دخلت على الرواية دون قراءة اي مقدمات او دراسة نقدية لها ولما عجبتني الشغلانة دي بقيت امضي على صفحتين ثلاثة واعمل علامة بالقلم محل وقفت عشان أطوَل المسلسل التخديري ده والوقفة ذاتها بكون اخترتها بعناية شديدة حتى لو كانت في نص او ربع الـ chapter وهكذا حتى خلصت منها الشغلة دي عندي بقت كالموسيقى حين تهزك او كما فلسفها بوب مارلي One good thing about music, when it hits you, you feel no pain
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: محمد حيدر المشرف)
|
الأخ محمد عبدالحليم محمود .. تحية طيبه
Quote: الشللية دعوة من دعوات التخلف ولكن ما يزيد الغثيان يا استاذ المشرف هو الافتاء دون علم...وممارسة الهمز واللمز...وعند الاختلاف في الرأي وبالتالي يدخل الناس قريبا براحات القطيعة ولسانهم ممدود الي نوافذ الاستنارة..كيف يصنع الناس التغيير او التنوير ... |
كيف يصنع التغيير ؟!
طرح السؤال بداية الطريق نحو التغيير .. والنظرة النقدية للحال العام .. ويدخل فيها الوعى بالتناقض الكامن داخل مكونات العمل العام.. ستثمر وعيا جديدا دونما شك وهذا الوعى الجديد هو ما سيقود التغيير .. القديم أبدا لن يحدث تغييرا يا أستاذ محمد .. القديم هو ما أوصلنا لما نحن فيه .. ولن يتحرك بالناس شيرا واحدا للامام .. الأكاذيب العريضه والاستغراق فى الذاتية و الهروب عبر المطارات والموانى وتناقض الخطاب والترف الذاتى وأوهام البطولة الخ .. كلها تدخل فيما أعنيه بالقديم .. وهى متورطه فيه تماما .. أحزاب سياسية ومثقفين ومستنيرين وعساكر وصحفيين وإسفيريين ساى وتجار زيت وسماسرة وبيوتات طائفية وغيرها وغيرها .. ده كلو للتغيير لا لصناعته .. وذلك جدير بالسودان .. أن يثمر الوعى الجديد لأبناءه وبناته تغييرا حقيقيا نحو وطن صحى ومعافى ..
أما هذا البوست فلا يعدو أكثر من نقد ذاتى فى نهاية المطاف يا عزيزي .. ودى واحدة من مهام البرجواز كما يقولون .. هههههههه
تحياتى ..
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: محمد حيدر المشرف)
|
الأخ العزيز أبوبكر عبدالماجد .. تحية طيبة ..
Quote: ملاحظه في محلها انت عرضت المشكله لكن الحل شنو هل توجد امكانيه لفلتره العناوين المثيره للجدل دى هل يمكن منع الغث من المواضيع من ان ينشر وخصوصا التى تمس العقيده والخصوصيه والعنصريه الممنوعه في كل مكان عدا سودانيز اونلاين |
من فضائل هذا المنبر على أنا شخصيا .. فتح الجروح ومباشرتها بدلا عن تغطيتها .. لذلك أختلف تماما مع "الفلتره" .. وعلى حساسية المواضيع التى ذكرتها .. كالعنصرية والمساس بالعقيده او - بالاحرى - المساس بالعقائد .. الا أن مجمل التأثير أحسبه إيجابيا جدا .. وأحسب كذلك أن هذا هو من أخطر الادوار التى لعبها منبر سودانيزاونلاين فى الحيز الاجتماعى السودانى ذى الصلة بالموقع وبهذا الفضاء الاعلامى الجديد والمفتوح ..
زمااان أحمد الطيب زين العابدين "رحمه الله" لمن شرح السودانوية تحدث عن فاعلية الحوار الحى والقريب بين مختلف تكوينات الشعب او الشعوب السودانى .. وإختار لذلك بيئة "التبروكه الدائرية" التى يتجالس فيها الناس بديلا عن "البرش الطويل" الذى تتراتب فيه الجهات وتتكوم كل مجموعة فى أحد أطرافه ولا يتواصلوا مع الآخرين الا صياحا .. أعتقد أن هذا المنبر وفر هذه الحميمية والقرب بين الناس بمختلف تكويناتهم .. لذلك يسمع فيه كل الكلام الهامس والدائر فى الدوائر المحصورة .. وهذه خطوة جبارة أن تسمع الآخر دونما زيف ومن مسافة قريبه جدا ..
ده مدخل ممكن للمسأله يا عزيزي .. ودى تجربتى الشخصية فى المنبر ..
تحياتى ..
| |
|
|
|
|
|
|
Re: مساهمات منبرية مثيرة للحيرة !! بعضها مثير جدا للغثيان !!! (Re: محمد حيدر المشرف)
|
يا د.مشرف سلامات ..
تعرف أكتر حاجة بكرها ..لمن شخص يحاول يلصق بزول صفة/ تهمة معينة ، وبمناسبة وبدونا يصر على الاتهام ده أو التلويح بيهو، وتلقاهو ناطي للزول في حلقو بمناسبة ومن غيرا ، على طريقة "أنا البعرف ليك ..أو أنا البقعدك في علبك ..، ومش كدة وبس تلقاهو بحاول ياثر على الناس عشان يشوفوا على طريقتو ..والله يقدر زول يقول ليهو عينك في راسك ..ياخ في ناس محتاجين علاج جد جد ..
| |
|
|
|
|
|
|
|