|
باللاى عليك نافع فت هرشـة والجماعـة جروا واطى - الخرطوم حلوة
|
يخلوها لمنو ويمشوا يناضلوا..؟!!!
ما أجمل العاصمـة الخرطوم.. واشعـة الشمس الذهبية تتلألأ على شواطئ النيلين... والورود تسابق الزمن قبل المغيب فى عكس ما يصلها من ضوء على عيون العاشقين بعد (تفكيكه) الى احمر واخضر واصفر وازرق، حسب ما رزقها الله من الوان.. المقاعـد الفاخـرة التى تغرى بمواصلـة الحديث عن (ازمات الوطن) و (الحلول الشاملـة). والديمقراطية (المستدامـة)!! زمان كلمة زى "مستدامة" دى ناس العرضحالات ما يكتبوها إلا لزبون مهم يدفع بسخـاء.. كلو دا يخلوه لمنو؟ والسيارات.. والكبارى دى البقطعهـا منو؟!! نافع قال ليهم دا كله حيقيف لو أصريتو على التوقيع.. لا أحسن نصــر.. قالو ا ليه إصـرار بتاع فنيلتك؟!! جيب القلم دا، وطوالى... تبريرات فجـة.. هم اصروا ان يسجلوا فى الوثيقـة انهم ضـد العمل المسلح ولا ينكرون على الغير خياراتهم فيه.. طيب الجـد شنو؟ الجـد تهديدات نافع القاعـد معاهم فى الخرطوم الجميلة.. وبهذا يكون إنسحابهم إدانة للعمل المسلح وليس تأكيد موقفهم منه فقط وترك الحرية للغير فى خياراتهم... شفتو كيف!! وكسبت الحكومـة من مؤتمر كمبالا.
|
|
|
|
|
|