|
Re: اسعار اراضى مخطط اندى السكنى (Re: celecon)
|
تحياتي سليكون
نحن اللي نفهم منك شنو؟؟؟
عنوان بوستك يشير بأنّك ستنشر أسعار أراضي مخطط أندي السكني
والإحباط الحاصل أنّك لم تقدم هذه المعلومة فكانت المخارجة السريعة من بوست فارغ المضمون
أنت عرفت اسم المخطط والجهة التي تروّج له وزمان الترويج وتريد أن تسال عمن لم يسمع لا بالمخطط ولا بالجهة عن الأسعار
معقولة بس؟؟؟؟
أنا بمداخلتي دي ح ارفع البوست فوق عسى أن يأتي من يريد أن يدل بدلوه في الموضوع
.... لكن أنت احبطني
تحياتي كمال
| |
|
|
|
|
|
|
Re: اسعار اراضى مخطط اندى السكنى (Re: Frankly)
|
تحياتى اخونا كمال ... الفكرة كلها انو انا بستفسر عن الموضوع ده وداير اعرف الاسعار زى ما حوى محتوى البوست .. والكلام فى الاول لو قريت البوست موجه للناس الشغالة فى الشغلة دى ... وليس للباحثين من امثالى !!! القصد بتاع نفهم شنو دى ... زوار كتيرين ومافى زول ادانا النجيضة ... دى بدى فهم انو الناس كلها كايسة اسعار الاراضى :-)
برضو كتر خيرك ...
| |
|
|
|
|
|
|
Re: اسعار اراضى مخطط اندى السكنى (Re: Frankly)
|
سلامات حسب ماشايف في الخريطه المنطقه دي جنوب الخرطوم ويمكن جنوب منطقة المحوريه والدبلوماسي وربما بعد دريم لاند... هل هي فعلا تابعه لولاية الخرطوم أم الجزيره ... عموما معظم التحليلات بتقول إن المستقبل في سوق الأراضي هو منطقة جنوب الخرطوم من المجاهدين مرورا بالازهري حتي منطقة المحوريه التي تقع جنوب الحي الدبلوماسي ... تحياتي
| |
|
|
|
|
|
|
اندى (Re: Rawia)
|
سلام صاحب البوست والزوار الكرام مخطط اندى السكنى طرح لاساتذة الجامعات المدرجين تحت اتحاد الجامعات السودانية انا احد هؤلاء الاساتذه طرح المجمع في شهر ابريل السابق وكان سعر المتر 190 جنيه سوداني وكانت شركة المك عى من ستقوم بمد الخدمات بالمجمع فؤجئنا في شهر نوفمبر الماضي بالغاء جميع الحجوزات القديمه وتم طرح المجمع بسعر جديد هو 300 جنيه للمتر الموقع يقع شرق مصنع حديد الاسعد ويوجد منزل واحد قديم في المجمع معروف بمنزل الخواجه قمت بالحجز في المجمع في المرتين وبدات اجراءات الشراء الموقع مميز يفتح في شارع مدني وجواره مجمع السلمانيه وخلفة الدبلوماسي 1 2 3 وحي السفارات الموقع امتداد لمجمعات وقريب من مجمع الياسمين السكني عندي صور للموقع وخرطة الكروكي ايضا بس المعلومه المؤكده انه فقط لاساتذة الجامعات وليس للافراد تقديري وحاواصل
| |
|
|
|
|
|
|
Re: اندى (Re: najma)
|
راوية تحياتى الاكيدة وفعلا من زمااااااااااااااااان ...
نجمة .. اضفتى شعاع امل للبوست .. يديك العافية
المعلومات الحالية بتقول انو المخطط تم عرضه لشركة زين وسعر المتر 350 جنيه ... افيدينا بباقى معلوماتك .. وباين عليهو مميز
| |
|
|
|
|
|
|
Re: اندى (Re: celecon)
|
Quote: فؤجئنا في شهر نوفمبر الماضي بالغاء جميع الحجوزات القديمه وتم طرح المجمع بسعر جديد |
طيب و البضمن شنو انو الحجوزات الجديدة ملزمة و لن تلغى؟؟ بلد فوضى...
Quote: بس المعلومه المؤكده انه فقط لاساتذة الجامعات وليس للافراد |
سيد البوست دا معناتو اي زول هنا يلملم عدتو...و قرط على كدا
| |
|
|
|
|
|
|
Re: اندى (Re: زياد جعفر عبدالله)
|
أعزائي وعزيزاتي وهل معقولة فلل اندي الفخمة الشايفنها في الصور دي تكون سعر المتر 300 جنيه بس؟؟؟ولا انتو بتتكلموا عن ارض فاضية ؟؟ وبعدين سؤال زياد جعفر في محله!!! والله يديكم العافية
| |
|
|
|
|
|
|
Re: اندى (Re: اميرة السيد)
|
زياد .. المعلومات وصلت من مصادر ثقة والناس استلمت شهادات بحث وما اساتذة جامعات بل مهندسين وموظفين فى زين ... !
أميرة ... واطه فاااااااااااااااااااضية قشة ما فيها ...
| |
|
|
|
|
|
|
Re: اندى (Re: Dr. Ahmed Amin)
|
سيلكون يا شبط ...:)
والله شوق عديل وبركة الظهرت
انا قلت مختفي المدة دي كلها يكون المخطط دا بتاعك وهسى بتروج ليهو والله صحي وكمان ما كتير عليك ...
نتمنى ان تجد ضالتك بالنسبة للاسعار وكدة :)
| |
|
|
|
|
|
|
Re: اندى (Re: انعام حيمورة)
|
وطيب اذا قلنا الأرض فاضية وقشة ما فيها.. وسعر المتر 300 جنيه.. واذا كنا عاوزة اشتري 500 متر .. السعر الاجمالي حيكون 150.000 جنيه وطبعا اذا قارنا السعر ده بالآسعار البنسمع عنها والبتقول ان سعر اي قطعة فاضية في الخرطوم مساحة 500 متر لا تقل عن مليون ونصف جنيه بالقروش القديمة.. و1 مليار ونصف بالقروش الجديدة.. وبالمناسبة حكاية القروش الجديدة والقديمة دي ما انتهت في السودان؟؟؟لأن لحطاية دي بتلخبطنا لخبطة شديدة,,
ويا سليكون.. كا تكمل جميلك وتوريتا اسعار العربات كيفن؟؟ عاوزة اشتري لي عربية بدل م اشحن واحدة من امريكا باللفة الطويلة وادفع جمارك 100% .. لأنه طبعا ما ممكن تشحن اي سلعة مباشرة من امريكا للسودان بسبب المقاطعة الأمريكية.. وورينا اي السيارات ارخص واي السيارات اغلى .. واي الموديلات مرغوبة وقوية ؟؟ والله يديك العافية
| |
|
|
|
|
|
|
Re: اندى (Re: اميرة السيد)
|
انعام حيمورة ووحشتك اكتر والله اتمنى ان تكونى بخيروجميع اهلك ..
اميرة السيد .. والله لكن لقيتك فنانة شديد ... هو انا كان عارف السعر كم كان سألت !!!! وبالنسبة للعربات اكتر العربات المتوفرة فى السودان البوقاتى والبورش والاودى والمزاراتى اللمبرجينى والالفاروميو بدت تظهر فى الشوارع كمان .... بس ماف داع تشحنى من امريكا البعيدة فى السودان كلو متوفر ... يديك العافية الجمارك ما 100% بس 200% وانتى طالعة
| |
|
|
|
|
|
|
|