كيف كان إكون الحال لو ما كنت سوداني والجبن ما سيمتي؟؟!!!؟؟

Quote: بخصوص بوست د.ماجدة ميرغني .. البتقول فيهو نحن السودانيين جبناء FROM: mido bakry [email protected] TO: [email protected] Message starred Tuesday, December 11, 2012 2:26 PM الاستاذ / حيدر حسن ميرغني سلام .. وآسفين للازعاج بس الايميل ده توصلو بوست د.ماجدة ميرغني في البوست بتاعها (كيف كان إكون الحال لو ما كنت سوداني والجبن ما سيمتي؟) ومشكور مقدماً الدكتورة ماجدة .. سلام .. بسأل اول انتي وين؟ معانا في بلدنا دي بكيزانها وتعبها ومعاناتها ولا بره البلد .. لو بره البلد دي سبب واحد يخليك تتهمينا كلنا كسودانيين بالجبن مافي .. نحن هنا المكتويين بنارها بطريقتنا نشتم بعض ولا لا ولا نطلع ولا ما نطلع .. لانه عارفين العلينا هنا . شوفي من الآخر كده نحن قاعدين هنا وشقيانين وتعبانين وفقرانين وما عندنا وقت و لا طاقة ولا نفس ولا اخلاق لأي شئ وقرفانين وزهجانين والفينا مكفينا . ما تقولي لي الجابرك شنو واطلع غير الوضع ده .. ما بغيرو وما بطلع تعالي هنا اولاً اقعدي معانا هنا وشوفي حالنا ونحن معاك بنطلع ونتظاهر ونغير الوضع .. انتي والبنظرو لينا من جهات الدنيا الاربعة ديل.. ما كل زول قاعد ليهو وراء كيبورد ما عارف وين يقعد ينظر فينا ويملانا فقر استحملنا كلامكم كله في النهاية جابت ليها شتيمة كمان . نحن نلقاها منك ولا من الحكومة .. كل زول عنده حاجة يعملها ما تنظرو لينا وتكضبو علينا بسودانيزكم ده . .. كويس الاخ طلحة عبد الله رد عليك كتر خيرو ما قصر .. والباقين ما عارف عاجبهم الكلام ده ولا شنو.. البوست بتاعك ده تعتذري عنه ببوست للشعب السوداني كله وتطالبي بكري بحذفه .. او ابلعيهو واعتذري برضو. ......... المرسل واحد منقرف من الحكومة والمعارضة ومنك انتي