|
العالم يموج من الغلاء و اهل السودان في بحبوحة من العيش
|
معادلات صعبة التفكيك
ومسائل عصية الحل
وشربكة خليها علي الله بس
وطن محاصر من جميع الجهات
وحرب مستعرة وميزانية مفتوحة للدفاع عن ارضه المستهدفة
ونفط تناقص الي العدم بسبب انشطار ثلثه بمؤامرات الداخل والخارج
ومعطيات كلها تؤهل البلد للتفكك والصوملة والحرب الاهلية وانفجار ثورة شعبية عارمة
الا ان كل ذلك لم يحدث فانظر ماذا تري
صواني مدنكلة تخرج جميعها الي شوارع الله اكبر في هذا الشهر الفضيل
وتواصل وحميمية وتراويح ترد الروح وزيارات مباركة وليالي انس وسمر نادرة الوجود الا في بلد اسمه السودان
انه الوطن العزيز وناسه العزاز
وبلد بالجد يحير
ورمضان كريم
وتحايا عطرة من مقرن النيلين
|
|
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: عبد اللطيف السيدح)
|
اتقي الله في خلق الله
السوداني لو عندو تمرة واحده بس بيطلع بيها الشارع
كل الناس تعرف جيدا مدى المشقة التي يعيشها المواطن السوداني في لقمة العيش لكن انت من اجل دراهم تشترى بها ذمتك مستعد تنافق لي يوم الدين حسبي الله ونعم الوكيل عليك
Quote: وشواطينك مالموا فيها عشان يصفدوها |
صحيح بدليل انك حايم وكاتب البوست دا
اعوذ بالله من غضب الله
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: عبد اللطيف السيدح)
|
Quote: معادلات صعبة التفكيك
ومسائل عصية الحل
وشربكة خليها علي الله بس
وطن محاصر من جميع الجهات
وحرب مستعرة وميزانية مفتوحة للدفاع عن ارضه المستهدفة
ونفط تناقص الي العدم بسبب انشطار ثلثه بمؤامرات الداخل والخارج
ومعطيات كلها تؤهل البلد للتفكك والصوملة والحرب الاهلية وانفجار ثورة شعبية عارمة |
المعطيات دى لا تؤدى الى ناتج عنوانك هذا ؟؟؟؟ منطقيا كدا بس سيبك من انه الملايكة معاكم وشغل الجاهد الزمان داك بتاع الطير بيكشف ليكم الالغام والسكر بلغ الجنوب عبر الطيران على اجنحة الشوالات و هكذا اكاذيب
دى صاح فى صوانى مدنكلة بس جوة بيوت ناس المؤتمر الوطنى لا بتخرج للشوارع ولا يفرحون لانو اصلا انتو فى موضوع الاكل واللحس دا ما بتشاركو اى زول لا فى رمضان ولا يوم القيامة ذاتو فما تفكها فينا ياخ وكدا بعدين عنذ الافطار لاحظ للصحن البتاكل منو ،، هل الاكل الفيهو ما بيتحرك لاحظ كويس اكيد فى شىء ،،، اها لو اتحرك يبقى دا من قروش حرام وطعام مخلوط بدم الابرياء قبل ما ترد لاحظ بعدين وتعال رد لانو كل منسوبى المؤتمر الوطنى يقال يصابون بحالة تقيؤ غير معروف الاسباب بعد الافطار
قاسم المهداوى
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: سيف النصر محي الدين)
|
سلام تاني يا السيدح ورمضان كريم واتمنى انك ما تخلط بين كرم السودانيين والحالة الاقتصادية التي يعترف المسؤولون بقسوتها اعطيك نموذج لكرم السودانيين من حادثة واقعية وليست من نسج الخيال في واحد سوداني عندو غنماية واحدة وساكن في بيت من قش جوهو ضيوف فجأة السوداني دا قام حلب الغنماية دي سوى منها شاي للضيوف وبعد شوية ضبحها وجاب للضيوف صينية مدنكلة
يا السيدح اخوي السودانيين بدنكلو حالهم من العدم
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: الشامي الحبر عبدالوهاب)
|
إذا إستثنينا ملايين من السودانيين في معسكرات النزوح واللجوء في دارفور والنيل الأزرق وجبال النوبة من أهل السودان الواردة في عنوانك أعلاه ونقرأ مقتطفك دا
Quote: صواني مدنكلة تخرج جميعها الي شوارع الله اكبر في هذا الشهر الفضيل |
من أين لناس الجزيرة الذين يبيعون السروايل والطواقي في تقاطعات الخرطوم بمثل هذه الصواني المدنكلة ؟؟؟؟؟؟؟ الله يهديك ويفتح عيونك لتري أن هناك بشرا في السودان غير أولئك الكيزان المنعمين في المنشية والطائف والرياض
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: ahmed haneen)
|
Quote: يا اخونا
مش دا ياهو ظاتو السيدح داك
القال ناس الجزيرة بيبيعوا الإنكسه الحريمي
ولا دا سيدح غيره |
يا هو ذاتو ....... سمع بخبر صلاح غريبة فبجرب في حظوا عسي ولعل .......... ولكل مجتهد نصيب
لصاحب لبوست وزواره الاكارم رمضان كريم و(((البقولوا لى سمين يقول أمين)))
أكيد هنا مافي حاجة بتتناقش ...البوست للسلام وتبادل التحايا والضحك إن أمكن
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: Nazik Eltayeb)
|
Quote: خلة: #17 العنوان: Re: توضيح واعتذار الكاتب: Nazik Eltayeb التاريخ: 08-09-2010, 04:42 م Parent: #16
اعتذارك غير مقبول كل زول يضرب ويعتذر يشتم ويعتذر و نحن ما العوارة كاتلانا مش؟ ناخد على راسنا و بعدين يعتذروا لينا بيننا وبينك بعد المشرقين ولو قايلننا بنسامح زي زمان بقى ما بتعرفونا اي زول بعد دا يعمل حساب لالفاظوا فلقد فاض الكيل و فقد اهل الجزيرة الاعتقاد بحسن النية الي ان يثبت العكس
ناس الجزيرة (الطيبانين لو وجدوا) والبسكتوا على الفاظ من شاكلة جركانة و اهل عوض وكسل و تخلف و ريالة سايلة والبسكتواع لى العنتظة الفارغة من البسوى و الما بسوى خلاص انتهو ماتوا زمان مع المشروع القتلهم بالملاريا و تليف الكبد عشان ناس اكلو من عرقنا وجو يتفاصحو وكمان يتفلهموا عليننا و اعلم ان من قبلوا اعتذارك من اخوتنا المحترمين قد تم على اساس فردي لذا تحتاج لقرابة الستة ملايين توقيع من ناس الجزيرة لنوافق على اعتذارك
|
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: Nazik Eltayeb)
|
Quote: داخلة: #29 العنوان: Re: توضيح واعتذار الكاتب: Elmuiz Haggaz التاريخ: 08-09-2010, 09:51 م Parent: #28
يا صحفي الغفلة......
لو لم يعمك الولاء عن رؤية الجزيرة وتاريخ مشروعها
لعرفت بان حكومتك هى المتسبب الاول في ما ال اليه
حال المشروع وانسانه.
لان يتشرد اهل المشروع ويبيعوا ملابس النساء الداخلية
اشرف واكرم لهم من لعق احزية الحكام والمسؤلين صباح مساء.
لولا بقية من ادب لاسمعتك ما يليق بامثالك.
اعتزارك مرفوووووض بي المناسبة.
معز حجاز ابقوتة الجزيرة. |
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: Nazik Eltayeb)
|
Quote: اخلة: #35 العنوان: Re: توضيح واعتذار الكاتب: د.محمد بابكر التاريخ: 08-09-2010, 10:32 م Parent: #31
ترى على اكتاف من قام اكبر مشروع بالرى الانسيابى فى افريقيا وبأيدى من عمرت نجوع الجزيره ترى من الذى عاش فى 62 البعاشيم و24 القرشى يسهر الليالى ويواجه واطفاله الملاريا والبلهارسيا لينتج الذهب الابيض عماد الاقتصاد السودانى يومها قبل ان تعرف بلادنا البترول والذى سمعنا عنه تماما كما سمعنا بأموال قارون من القران الكريم ... بسبب من عرفنا العالم كاصحاب اجود خامة قطن فى العالم تفضلها مصانع لانكشير على غيرها من الخامات العالميه.. صدق سيد الخلق حين قال (من كان يؤمن بالله واليوم الاخر فليقل خيرا أو ليصمت) ولا حول ولا قوة الا بالله العلى العظيم. |
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: Nazik Eltayeb)
|
Quote: مداخلة: #38 العنوان: Re: توضيح واعتذار الكاتب: طارق الكوتش التاريخ: 08-09-2010, 11:28 م Parent: #36
Quote: وكل الذين يطلقون الكلمات البذئية من نوع (المتعافن) ماهم الا فاقد زراعي فاشل تركوا اراضي وحواشات ابائهم واجدادهم وامتهنوا حرفة التسكع
Quote: ما ورد في البوست من عبارات الكسل والتكاسل ليس المقصود بهما اهلنا في
الجزيرة
هل اولاد اهل الجزيرة من اهل الجزيرة ؟ اذا كانت الاجابة بنعم فهنالك تناقض صريح ما بين البوست الاصلى وبوست الاعتذار وبيكون توضيحك للمقصود نسف الاعتذار برمته ، اما اذا كانت الاجابة بلا بيكون موقفك ال######## تجاه اولاد الجزيرة ووصفهم بالمتسكعين وتجار الملابس النسائه الداخلية و الترقيه ... الخ لا زال قائم . >>>> يبقى فى الحالتين وحسب المنطق اعتذارك لا يساوى شيئا وكانه لم يكن
............................. محتار فى الناس البشكورك على اعتذارك >>> يا ربى ديل فهموا شنو ؟؟ |
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: Nazik Eltayeb)
|
Quote: مداخلة: #43 العنوان: Re: توضيح واعتذار الكاتب: osman righeem التاريخ: 09-09-2010, 07:15 م Parent: #42
الاضينة دقو واعتذر لو
اصبحت قاعدة سايرة في هذا المكان
وكل ما يذكر احدهم كلمة اعتذار
يأتي حملة المشاعل ليباركو له علي شجاعته
مع العلم انه لا احد منهم ادان جبنه و وقاحته
عندما ارتكب جريمته
من قواعد قبول التوبه أزالة الضرر و رد المظالم
هل وجد احدكم اعتذار صيريح في هذا البوست |
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: خالد العبيد)
|
Quote: مداخلة: #1 العنوان: في المسألة التسكعية ! الكاتب: عبدالرحمن الحلاوي التاريخ: 09-09-2010, 10:13 ص
كتب زميل الكي بورد عبداللطيف السيد ( ح ) ...في أهل الجزيرة ما لم يكتبه مالك في الخمر والجاحظ في العصا وفوائدها وقد فصل في المسألة تفصيلاً ينم عن جهل كبير بتاريخ هؤلاء القوم ...فهؤلاء القوم يا سيد( ح ) لم يفدوا لهذه الأرض بعد نكبة 1948 م أو إكتشاف الدنيا الجديدة ...بل تسكع قدييييييييييييم منذ سوبا وكوش ...وأخيراً سنار حاضرة الحواضر وأساس الثقافة الإسلامية المتسامحة مع ذلك المكون الأصل ...إن لم تدر وقع تلك الكلمات وتأثيرها في نفوس هؤلاء القوم الذين تريد أن تجعل من نفسك وصياً عليهم وجعلت التسكع والكسل سمة بارزة في سلوكهم ...كتبت ذلك دون أن يرجف لك جفن وأنت في أعظم شهور الله قداسة حيث ضبط اللسان أولوية في سلوك الصوام ...فقد طاوعتك نفسك التي لم تعرف قيمة الصيام لتداهن أولي نعمتك دون أن يعلموا من أمرك شيئاً تريد الزلفى في قابلات الأيام وما دريت أن المتسكعين كثر هنا وكثر أيضاً عبر التاريخ فلو قلبت معك السير لهؤلاء المتسكعة لضاق الإسفير بهم ذرعاً كما ضاقت بك نفسك التي بين جنبيك حين أمرتك بالسوء وقبيح الخطاب ...فخذ بضعاً من متسكعي الجزيرة مثالاً لا حصراً أيها الجهلول ..فهذه الجزيرة كما وصفها طيب الذكر لمن يعرف قدر الرجال من الرجال عمر الحاج موسى طيب الله ثراه ...لك ولأمثالك شي من التسكع ...فأنت نكرة لم تكن ليعرف عنك شيئاً لولا هذه الترهات والافتراءات التي رميت بها دون وعي ...دونك ما قاله عمر الحاج موسى للمتسكعين من أهل الجزيرة والكسالى :
Quote: كلمة عمر الحاج موسى ( رحمه الله ) فى إفتتاح تلفزيون الجزيرة
أهل مدنى ... عيوننا ... أرواحنا ... أيدينا ... سِـرّنا ... جهرنا ... كلها عشاق أحييكم وأسلم عليكم وأتمنى أن لو كان فمى فى يدى .
الأخوة الزملاء ... السيدات والسادة ... من مدنى حسناء الجزيرة وغادتها أحييكم ، من مدنى الـسُّـنـِّى الراقـدة على شاطىء النيل الأزرق مستحمة من مائه ... مستجمة على رماله ... مستدفـئة بحبابه ... مستـكـنة فى رحابه ... متوسـدة تربه وترابه ... حرفه وجرفه ... منها ... من مدنى أحييكم ويحييكم معى المشاهدون لحفلنا الحافـل الحفيل هذا ... إخوانكم وبناتكم وعمّاتكم وبنات عمّاتكم أراهم هناك صامتين مطرقين حامدين شاكرين ... هناك بدءاً بحنتوب التى تجلس بجانب مدنى كالهمزة على سطرها وصدرها ... جنوبـاً إلى سنار فكوستى ... ثم شمالاً لتحتضن المنطقة الرابضة بين ذراعى النيل الخالد ... أبيضه وأزرقه ... هى الجزيرة ... هى المنطقة التى كان وسيظل لها دور الريادة والزيادة .
أنجَـبـتْ ومابَـرحَـتْ ... أعـطـَتْ وما إنـفـَكَّـتْ ... جَـادتْ ومافـَتِـئـتْ .
أنجبت ومابرحت السُّـراى أهل التـُّـقـَّـابـة والمسيد ... محمد ودمدنى ... دشين قاضى العدالة ... الشيخ الجنيد ... الشيخ أبو وداعة ... الشيخ الضرير ... الشيخ حلاوى ... الشيخ عمر ... الشيخ أبو قرون ... الشيخ أبو شيبه ... الجمرى ... بطران ... شـُمُّـو ... القدال ... عبد الباقى ... عوض السيد ... عوض الجـِـيـد ... عوج الدرب ... المسَـلـَّمى ... الكـِشـِّيـف ... المشمر ... تمساح التـُّرُك ... ودعيسى ... ود كـنـَّـان ... ود مضوى ... ود نفيع ... ود الترابى ... ود الشافعى ... ود بساطى ... ود ضيف الله ... ود عويضة ... ود خمجان ... ود نور الدايم ... ود التـِّكِـيـنـة ... فرح ود تكتوك ... دفع الله ود أب إدريس ... عبد الله ود أم مريوم ... برير ود الحسين ... هجو ود البتول ... قرشى ود الزين ... المسَـلـَّمى ود أب ونيسة ... الشاذلية ... السمانية ... القادرية ... الهندية ... الأنصار ... شيوخ الدباسين ... اليعقوباب ... الحسانية ... الركابية ... الحلاوين ... العركيين ... المسلمية ... والأعتذار لمن فاتنى ذكرهم فهو العالِم بعدتهم .
أعطت وماإنفكت الشعراء والأدباء ... الهادى أحمد يوسف ... أبو عركى ... ثنائى الجزيرة ... الكاشف ... أحمد الطيب ... حسين الزهراء ... الـمـَسـَّـاح ... محجوب عثمان ... الخير عثمان ... محمد الأمين ... عوض الجاك ... البنـَّا ... أحمد يوسف نعمة ... البوشى ...أحمد طه الفكى ... أحمد على طه ... جقود ... إبراهيم عمر الأمين ... رمضان زائد ... رمضان حسن ... حِمِّيدة أبو عُشر ... عمر محمد سمباى ... توفيق البكرى ... عمران ... الطيب بابكر ...عشامة ... محمد مسكين ... محمد الأمين القرشى ... حسن عبد اللطيف ... محمد عثمان عبد الرحيم ... حامد العربى ... إبراهيم مدنى ... بابكر صديق ... بابكر بدرى ... أحمد سالم ... عبد الحليم على طه والشريفة بت بلال .
ومن شعراء النومسوه : أبو كساوى ... ود تميم ... القـلـَّـع ... ود عبد الملك ... الشيخ حياتى وود سعد .
الجمعية الأدبية ... المهرجان الثقافى ... الدعوة لمؤتمر الخريجين ... حنتوب ... بخت الرضا ... الأبحاث ... بركات .
جـادت ومافـتـئـت الثـوّار ... الأرباب دفع الله ... أحمد وعامر المكاشفى ... ود الصليحابى ... ود برجوب ... المهدى ... ود حبوبة ... القرشى ... المزارعين ... العمال والطلاب .
وحضنت أجمل الناس ... الشنابلة ... الحضور ... السناهير ... الحلاوين ... العوضية ... العايداب ... الجعافرة ... الدباسين وناس ود اللـِّدِر .
وأهلى فى الجزيرة سيدى الرئيس نايرين وزينين ... طيبين وسمحين ومتسامحين ... حمالين شيل وحلالين شِـبـك وأخوان بنات ... يبشرون للثورة ويبشرون بها ... ويتحزمون لها ... ويغيرون عليها ... فهى لهم القوت والعشم والعَـشـا ... وهى الرجاء والأمان ... هى النجدة والفزعة والنديهة .
لأطفالها : هى اللبن وهى اللبا ... هى الحفيظة وهى القلادة ... هى الحُجـا وهى الحجاب وهى اللوح والشرافة .
لزرّاعها وعمّـالها : هى التاتيبه وهى القِـسِّـيـبـه وهى السويبه ... هى الرخـا وهى التخـا ... هى الدخرى وهى البكرى ... هى المطمورة وهى الشونه ... هى العـد وهى السرف ... هى الجَمَّام وهى المترة ... هى التساب وهى أم رويق ... هى العبادى وهى الدعاش هى الحمله ... هى الشراية هى اللبنه ... هى السُّـقـْدة هى الـلـقـدة ... هى الشايه وهى التايه ... هى القمح وهى القطن ... هى المُـقـُد وهى السمسم .
لشبانها وشاباتها : هى النم هى الدوباى هى الشاشاى ... هى الشوف وهى الشاف ... هى الـحُـق وهى الحَقو ... هى العديلة وهى الجَبيرة وهى الحَريرة وهى الضَريرة وهى الوزيرة .
ولشِـيبها : هى العمار وهى العمار ... هى الودعة وهى الطية وهى العافية ... وأحباؤك هنا فى الجزيرة يكيلون فريك حبهم للثورة بالأردب ... وخضرة أملهم بالحواشة ... وعِـيـنـة خريف رجائهم بالجبهه والطـَرْفـه والخيرصان ... لابُـتـَّاب فى حب حبهم ولابـُور فى خضار أملهم ... ولا رهاب فى حقيقة رجائهم ... وهم لخير السودان يحرثون الأرض ويحلبون الضرع ويجمعون الزرع ويفرعون الفـرع ويلملمون الماء فى أب سته وأب عشرين فهو الحبيب القادم عـبـر الوهاد والنهاد والنهود خلاصة دموع عيون المكاده .
والشكر لك ولجمهورية ألمانيا على كل ماقدمت وستقدم ونحن مدينون لها بتلفزيون أم درمان والجزيرة ... ونريد أن نكون مدينين لها بتلفزيون كسلا وعطبرة وهم فاعلون .
والشكر لأهل مدنى ولأهل مدنى ولأهل مدنى فقد بردت ظلال ذراهم لنا وإحلولى جنى نعماهم لنا وصفا جمام نداهم لنا وموضع السجده والسنده فى الشكر لك سيدى الرئيس .
رجاؤنا أن تكون المحطة خيراً وبركة على الجزيرة ... أن تكون أنسـاً للياليها ... مُثـقـِّفـاً لبنيها ... مُعلمـاً لعُمالها ومُزارعيها ... منبراً لأدبائها ... قيثارة لشعرائها .
السادة المدعوون لنفرح بهذا اليوم فهو تجمعت فيه الرجال والنساء والأطفال ... حضنوا الطنبور ودقوا الدنقر ونقروا الشتم وإستافوا طيب المِسك والجلاد .
يوم يهنىء فيه الصغار الكبار ويهنىء فيه الكبار الصغار ويهنأ فيه الكبار والصغار ... وفيه تـُنـاغِـم العذارى العذارى ... ويستنفر الشباب الشباب وفيه يخرج البشر بشيشه ويهز العطف عطفه ويذر ذر الفرح عطره وفيه يشدو الصفاء ويصفق الهناء ... وترقص البهجة ويبشر البشر وفيه تزغرد السعادة للحاضر الأخضر والغد المعطاء ......... ودامت الأفــــــــــــــــــــــــــراح ..
...
المصدر : http://www.tawtheeg.com/vb/showthread.php?t=2298[/QUOTE]
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: Nazik Eltayeb)
|
Quote: مداخلة: #6 العنوان: Re: في المسألة التسكعية ! الكاتب: عبدالرحمن الحلاوي التاريخ: 09-09-2010, 11:27 ص Parent: #5
كتب السيد ( ح ) صاحب الزمان وصناجة عصره في هذه المسألة ما استجوبنا الرد عليه أعلاه : |
Quote:
Quote: نهضة شاملة تنتظر مشروع الجزيرة مع قدوم الفلاحين وخروج الكسالي والمتسكعين
دموع الخداع والزيف، التي يزرفها البعض هنا علي مشروع الجزيرة لاتنطلي علي ذي بصيرة وكل الذين يطلقون الكلمات البذئية من نوع (المتعافن) ماهم الا فاقد زراعي فاشل تركوا اراضي وحواشات ابائهم واجدادهم وامتهنوا حرفة التسكع في شوارع الخرطوم يستبدلون في ملابس خلق الله مقابل الاواني المنزلية او يبيعون ملابس النساء الداخلية واجادوا لغة( ده مقاسك وقدرك وما بتمطي ) بدلاً عن ثقافة الدورة الزراعية التي خلدها اباؤهم لكن مخلفات النار الرماد أما الذين يقودون معركة الهجوم علي دخول اخواننا المصريين لمشروع الجزيرة هم الان خارج ارض الوطن بل لديهم حواشات هربوا منها وتركوها بوراً وصقائع واختاروا فتات الغربة وزلة الكفيل وعيشة بيوت العزابة الضنكا واليوم يزرفون دموع التماسيح علي مشروع الجزيرة لكن نبشرهم ان مشروع الجزيرة سيستعيد سيرته الاولي مع قدوم الفلاليح وسينتج من جديد خيرا وقمح ووعدا اخضر كما كان في عهد الاسلاف . |
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: Asim Fageary)
|
Quote:
العالم يموج من الغلاء و اهل السودان في بحبوحة من العيش |
حسبي الله ونعم الوكيل
أقسم بالله من ماشاهدت كافلة الايتام بتقول مالقين سخينة مالاقين طماطم الاكل مسخ علي والنوم زاتوا طار وبرضو يجيك السيد ح يقول ليك بحبوحة من العيش صحي الاختشوا ماتوا .
مناصري نظام الدمار وتجار الدين هنا قرفتونا أكثر من قرف نظامكم البائس عليكم الله حلو عن سماءنا فقد طفح الكيل .
اللهم أني صائم قال بحبوحة من العيش
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: محمد علي البصير)
|
Quote: نازك الطيب ـ ربنا يديك العافية ـ مثلتي مهيرات الجزيرة خير تمثيل ـ |
محمد علي البصير ياعمك رمضان كريم شكلوا كدة دخل ليك في العضم
الكلام الاقتبستوا فوق دا أنا، أنا الكاتبوا ما الزميلة نازك الطيب . والله أسع أنا أتحسستا ما تجهحوا باكاتنا عليكم الله الدنيا رمضان .
التحية للماجدة نازك الطيب لدفاعها المستميت في هذا البوست والخزي والعار للسيد ح وكل المطبلين لعصابة الخرطوم .
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: محمد أبوالعزائم أبوالريش)
|
Quote: بجيبوهم من وين ديل ياخ
السيدح الدلقان ده وود الباوقه وغريبه |
بالغت فيها يا عباس. الأخ محمد أبو الريش: الصور التي تم ارفاقها هي ليست صورة السودانيين البتكلم عنهم السيدح. لأنو في نظرهم ديل مُش ناس دع عنك أن يكونوا سودانيين!!!! السيدح نزل وجيبه ملئ بالريالات ولم ينظر حوله حتى في مدينته فكتب ما كتب. واحد قال لأحد العارفين: والله يا أستاذ....العنب دي حلوة بشكل. فرد الأستاذ: العنب حلوة، لما الشعب كلو يقدر يأكلها.
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: عبدالكريم أحمد الامين)
|
Quote: كتاباته تُشعرك بالغثيان |
فعلاً...ما يكتبه السيدح (أياً كان الموضوع) يجعلك تشعر بالغثيان، إن لم تتقياً بالفعل! فالرجل، دأبه دأب بقية ارزقية المؤتمر الوطني، موغل في الملق والكذب والتضليل وتجميل وجه الواقع القبيح في السودان، إلا أنه يفوق بقية أرزقية المؤتمر الوطني في سودانيزاونلاين في السذاجة ومغالطة الواقع بسذاجة وغباء واضحين!
| |
|
|
|
|
|
|
Re: العالم يموج من الغلاء و اهل السودان في بحبوحة من العيش (Re: abas)
|
Quote: محمد علي البصير ياعمك رمضان كريم شكلوا كدة دخل ليك في العضم
الكلام الاقتبستوا فوق دا أنا، أنا الكاتبوا ما الزميلة نازك الطيب . والله أسع أنا أتحسستا ما تجهحوا باكاتنا عليكم الله الدنيا رمضان .
التحية للماجدة نازك الطيب لدفاعها المستميت في هذا البوست والخزي والعار للسيد ح وكل المطبلين لعصابة الخرطوم . |
الأخ الحبيب عادل الباهي ـ لك تحية الود والتقدير
صدقني مشاركتي تلك من شقين ـ الشق الأول هو الإقتباس من مشاركتك ـ فقد وجدت أن ذلك الجزء يعبر عني تماماً ـ ولذا إكتفيت فقط كمداخلة ـ
ومن ثم عرجت للإشادة بمشاركة الأخت نازك الطيب ـ حيث أثار إعجابي كيف سعت سعياً حثيثاً لإدانة السيدح ـ وبذلك مجهود جبار في البحث عن مشاركاته وإقتباس ما يخدم قضيتها
وكان حري بي الإشارة لذلك لأن الشق الثاني من مداخلتي حتماً سيخلق بعض سؤ الفهم كما حدث لك
ولك العتبى أخي عادل حتى ترضى
| |
|
|
|
|
|
|
| |