|
امتداد الدرجة الثالثة ذلك الحي المتفرد (7)
|
Quote: ايها الاحباب هذه دعوة للتلاقي لكل ساكني ومن كان يسكن في امتداد الدرجة الثالثة ذلك الحي الشعبي الجميل الذي يقع بين الديم والصحافة وكانت تعمره اسر كبيرة اتت اليه في الغالب من السجانة والديم والرميلة وولد فيه الكثير من العباقرة لاسر في غالبها الاعم كانت لاناس كادحون يحلمون بالسترة لا اكثر. وهذه دعوة للتلاقي لكل الامتداديين الرائعين.
|
يلا انداحوا
|
|
|
|
|
|
|
|
Re: امتداد الدرجة الثالثة ذلك الحي المتفرد (7) (Re: عبد الدائم سيد أحمد)
|
الدكتور طارق جبرين
هذا الحي حيُ فينا بزكرياته وكل تفصيلاته الجميلة من مربع 1 حتي مربعي 14 الذي انتقلنا منه مؤخرا ولكن تظل مودتنا فيه منزل منزل شارع شارع زول زول نسأل الله للحي هذا النماء والرخاء والأزدهار ولك حبينا طارق ولكل قاطني الدرجة الثالثة تحية حب ووفاء شكرا لك وسنظل تحت هذه الدوحة الوريفة نخضر صفاتها بالمداخلات والتواصل الجميل.
،،،،أبوقصي،،،،
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: طارق جبريل)
|
يا حبيب سلامات ومشتاقين والله
Quote: اها نشيله لي قدام ولا كفاية كدة |
بي صراحه كدا انا لمن سجلت في سودانيز اون لاين سجلت عشان خاطر البوست دا
ولو ما مشي قدام سبب واحد بقعدنا هنا مافي
فاكدي مشي الربع دا ونشوف انشالله يحصل كل خير
بس انتو اختو الفيس بوك الباقي هين
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: طارق جبريل)
|
يا طارق جبريل سنة 87 لا أقولك سنة 88 يا طارق جينا بيتكم ليل كانت غايتو في مناسبة جابتني مع معارفك جماعة مربع 12 ناس د / أحمد عوض أبوالفتوح وطارق حسن خلف الله و ود البلة وهاشم عوض . متذكر تمام ديك اللقيمات العجيبة والشاي التقيل وزن الفيل . بعد زمن يا طارق مشيت نفس المكانات عشان أدي الفاتحة في روح المرحوم عثمان عوض ( جكسا ) لقيت ليك المكانات مردومة حزن ردم عجيب . ده من شنو يا طارق ؟ من صعوبة المعايش ؟ ولا الواحد بتخيلو ؟ ولا نحن طعنا في السن وبقينا نشوف الحاجات طشاش طشاش ؟ عاش الامتداد وعاشت النخلة الفاصلة بين مربع 13 و 12 لو ما يوسف عبدالفتاح دخل يدو في قلب النخلة .
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: عماد شمت)
|
مادام جابت كدا بالمربعات ادى مربع (1) اوف اوف تيست ،،، تيست ،، ون
سلام مربع للجميع الامتداد متفرد رغم انف ود البشرى ههههههههه
ـــــــــــــــــــــــــــــــــــ
عرسوتنا الجميلة شبكة مليار تلريون مبروك وبيت مال وعيال ..
توقعى التبريكات فى بيتك العامر قريبا ...
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: osama fadlalla)
|
سلام مربع لكل الامتداداب بدون فرز في كل انحاء المعمورة طبعا جلست فترة ليست بالقصيرة في قطر و لاقيت مجموعة من شباب الامتداد و رجعت الان الي بلاد العم سام مرة اخري ندافر مع المدافرين. يا شبكة انا ما كنت قايلك من الامتداد انا طه صاحب هبة الله كنت معاكم في الدوحة. سلام من مربع 12 طه (حاتم) عبدالله
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: osama fadlalla)
|
سلام مربع لكل الامتداداب بدون فرز في كل انحاء المعمورة طبعا جلست فترة ليست بالقصيرة في قطر و لاقيت مجموعة من شباب الامتداد و رجعت الان الي بلاد العم سام مرة اخري ندافر مع المدافرين. يا شبكة انا ما كنت قايلك من الامتداد انا طه صاحب هبة الله كنت معاكم في الدوحة. سلام من مربع 12 طه (حاتم) عبدالله
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: Taha Babiker)
|
Quote: يا شبكة انا ما كنت قايلك من الامتداد انا طه صاحب هبة الله كنت معاكم في الدوحة.
|
ازيك ياطه انا زاتي ما قايلاك من الامتداد الدرجة التالتة
الامتداد دي بلد المحنة وانت عملتها جيت من امريكا ورجعت لامريكا وشكلو عاودك الحنين اليها غايتو انتظر اسامة جاييك قريب قال هو تبعكم جهزوا ليهو الجواز بس
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: omar arbab)
|
تحياتي لجميع الامتداداب .. بورداب وغيرهم .. وتحية خاصة لود جبرين الامتداد .. مربع 11 وذكريات جميلة في كل متر مربع وفي كل محطة وتقاطع للأسف لا أسكن الإمتداد الآن ، لكن الذكريات هي التي تسكننا
______ الف مبروك بت الإمتداد (شبكة) ، وزواج مبارك ان شاء الله
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: محمد عبدالله مختار)
|
كل عام وانتم بخير وربنا يجعله عليكم عام سعيد تتحقق فيه كل الامنيات الطيبه
وان شاء الله دائما تامين وسالمين
ومبروك ياشبكه وربنا يوفقكم ويجعل بينكما الموده والمحبه والبنين والبنات
وتحياتي لمتوكل صاحبي وساميه والاولاد ولي سنين منتظر التلفون وتحياتي للوالد سعاتو جعفر
تحياتي للجميع بدوام العافيه
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: عماد شمت)
|
الفنان عماد عويس
Quote: ومبروك ياشبكه وربنا يوفقكم ويجعل بينكما الموده والمحبه والبنين والبنات
وتحياتي لمتوكل صاحبي وساميه والاولاد ولي سنين منتظر التلفون وتحياتي للوالد سعاتو جعفر
|
الله يبارك فيك ان شاء الله واشكرك على الدعوات الجميلة صحبك تمام هجج تمام في العرس واتمسح بزيت سمسم بعداك يوصل سلامك لي سامية والاولاد وسعادتو طبعا ومرة سعادتو
وتلفون متوكل ساااااااااهل اتفضل 0912352540 بس ان شاء الله يرد بعد دا انا برررة
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: Muna Khugali)
|
توفت والدة كل من الاخوان محمد حمد النضيف ويحي حمد النضيف وزاهر وايمن لها الرحمة والمغفر ة وربنا يتقبلها مع الصديقين والشهداء وربنا يلزم اهلها الصبر الجميل وانا لله وانا اليه راجعون ..... تلفون الاخ محمد حمد هو 00249128835374 .. والاخ يحي حمد موجود بالسودان ------------------ خبر حزين نازل في الفيسبوك في قروب الامتداد رحم الله الوالدة آسيا واسكنها فسيح جناته (والدة صديق حمد رحمه الله)
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: طارق جبريل)
|
ربنا يتقبل الوالدة اسيا قبولا حسنا ويجعل مثواها الجنه
تعازي للاسرة الكريمة
شبكو الله يسلمك وشكرا علي النملة الوصلت التلفون وانا برضو عملت للنملة دلك بزيت السمسم
لان الشيل عليها كان تقيل وبعدين كم سنة شايلة التلفون ده وحايمة من بلد لي بلد لحدي ما وصلتني
يكتر الله خيرك وتحياتي لصحبي العريس
وان شاء الله متوكل يكون مسح قدومو كمان بزيت السمسم هها..
تحياتي لكل الاحبه مع امنياتي لكم بدوام العافيه
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: omar arbab)
|
سلام اولاد الحلة متين البوست دا فتح لحدي ما وصل الصفحة الرابعة؟
يا حليل زمن الامتداد واولاد مربع 8، درست في امتداد (1) دفعتي اشرف عبدالعزيز اخو احمد عبدالعزيز والترابي واخو استاذ متوكل وحسن واخو حسون الكبير دفعت اخوي يوسف حلاوة كانو محمد حسبو وعلي ما اعتقد الكتة اخو الباقر ما بتذكر كويس.
الواحد راسو اتلحس
علي اي حال، عليكم الله ياجماعة اكتبو لينا الاسماء تحت الصور
والله صورة الباقر دي لو ما كتبتو الباقر ما كنت عرفتو وجوه كتيرة من الفي صور اعلاها متذكرها لكن ناسي الاسامي.
مع فائق شكري راني السماني مربع 13
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: rani)
|
الباقر يستحق التكريم صال وجال في الميادين وقدم الغالي والنفيس وكان ملك ملوك خط الدفاع
وسلامي كتير لصحبي بطه وعايز اشوف اخر صورة ليه
ياريس انت بقيت تغسل وشك من نص راسك وداير ليك جردل مويه..
اها انا دي لسع ما وصلت ليها نص معلقه بغسل وشي واستحم بيها
حبيبنا راني كيفنك اخوي .ده من فضل الريس طارق علينا ربنا يديه العافيه
دمتم عافيه
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: omar arbab)
|
لا حولة ولا قوة عجوز وبطه والله يختوكم في حلة ونار منقد
كده شهر ويحمروكم ويشوكم.. لا سنون ولا سكينه تقطعكم
بالله من العجوز ده نزل لينا اغنيه عشان نستمتع ونتذكرالزمن الجميل
ياحليكم وحليل ايامكم جيل ذي عصير المنقه المركزه وساااااقطه
وين صديقي العزيز جومو
وين قرجاج وفنياتو تلقاه حزين لفقد الحوت عليه الرحمه
ود الارباب شايف ناس ادريس دبي ديل عندهم حفلة جاري الاتصال
ولكن حسب الظروف لو اتحددت في وقت مناسب معاي بديك خبر نتلاقي
تحياتي لاب شنب واخوانه
لكم كثير محبتي
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: مجدي عبدالرحيم فضل)
|
سبحان الله يا مجدي عمرك طويل كنت بفتش علي البوست وعندي اقتراح يا شباب عشان تحصل شوية ديناميكية في البوست لازم نعمل تغيير وانقلاب عسكري اقترح انه الدورة الجاية يفتح البوست مجدي عبد الرحيم فضل كنوع من التجديد يعني نفس العنوان «امتداد الدرجة الثالثة ذلك الحي المتفرد (8)» بس يفتحوا اخونا مجدي رأيكم شنو
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: مجدي عبدالرحيم فضل)
|
إنا لله وإنا إلية راجعون
فقدنا ابناً من ابناء الامتداد الشاب الخلوق مجدي حسن طيفور الذي لبي نداء الله الاسبوع الماضي نسأل الله ان يتقبله قبولا حسن وان يعوض شبابه الجنة وان يجعل البركة في ابناؤه واهل بيته وإنا لفراقك يامجدي لمحزنون ولن نقول إلا مايرضي الله لله مااعطي ولله ما أخذ الحمدلله علي المصاب ربي خذ عني مصيبتي وابدلني خير منها ولا راد لقضاء الله التعازي لاسرته وللأخوانه كابتن حيدر حسن طيفور وعمادحسن طيفور وكافة ابناء الامتداد
لا حول ولا قوة إلا بالله
| |
|
|
|
|
|
|
Re: امتداد الدرجة الثالثة ذلك الحي المتفرد (7) (Re: طارق جبريل)
|
أنتقلت إلي الرفيق الاعلي بالامس الجمعة 15/03/2013م بالمدينة المنورة الوالدة نورة جيد والدة الاخوان الهادي عوض ووليد عوض وعادل عوض والفاتح عوض وعاطف عوض والفاضل عوض وجمال عوض وسمية عوض ورقد جثمانها الطاهره ببقيع الصحابه الاطهار نعزي عمنا عوض وكل الاسرة وكل الجيران بالامتداد مربع 13 ونعزي انفسنا بهذا الفقد العظيم ونسأل الله لها الرحمة والمغفرة وللاسرة الصبر والسلوان. لاحول ولاقوة إلا بالله العلي العظيم نتلقي العزاء بمنزل الوليد بجده بعد صلاة المغرب اليوم 16/03/2013م
| |
|
|
|
|
|
|
|