|
المريخ تعبان لكن دراويش الهلال لو لعبوا شهر تاني ما كانوا ح يجيبو قون
|
المريخ فعلا كان تعبان..لكن دراويش الهلال ديل لو لعبوا شهر ما كانوا ح يجيبوا قون!! الهلال رغم الهجمات المتتالية افتقد للقناص الهادئ الذي يستطيع وضع الكرة في المرمى ، لاعبين اليوم كلوا جارين نحو مرمى المريخ و لَمَا يصلوا افضل نقطة للتهديف تلقى الحضري بي جوه بيقول : الحمد لله حللنا دولارات الوالي!! بشة جاري و جاري..ياخي نوع جريك دا لو بنفع كان قعدت في السعودية!! انتو من زمن الجري!! نزار حامد قلنا حريف طلع درويش!! و مرتين كمان ياخي من الليلة انا ح اسميهم الدراويش!! كاريكا اصلو يوم تقول العب زول و يوم تقول ما عندو علاقة بالكورة... الكوكي ساعد في تدني مستوى المريخ بالخرمجة في التشكيلة و عدم القراءة الصحيحة للمباراة... غايتو الهلالاب ديل فوتوا فرصة تاني ما بتتكرر..تاني ح تغلبوا المريخ دا متين؟ حقيقة الواحد كده اطمان اي مباراة مع الهلال يا المريخ منتصر يا تعادل..الله يطمنكم.
|
|
|
|
|
|
|
|
Re: المريخ تعبان لكن دراويش الهلال لو لعبوا شهر تاني ما كانوا ح يجيبو (Re: حمزاوي)
|
Quote: والله فرصه ########وها دي كان بتكون فضيحه تاريخيه للمريخ الهلال ما عرف كيف يزل المريخ رغم انه استلم لكل هجمات الهلال فعلا دراويش يجي على قاقرين قول نراوري افضل من سادمبا |
يا ولي تاني فرصة زي دي يلقوها من غافل..دي اخر فرصة للصفراب.
واحد منهم في بوست تاني قال: لو كاريكا تعلم يرفع راسو و يعكس صاح!! هم قايلين كاريكا دا في الثانوي العالي..زول بلعب 100 سنة و نجم كبير يقولوا يتعلم يرفع راسو..غايتو دي زي النكتة القالو المدرب مشى لي فكي يكرب ليهم كورة و قبل ما المدرب يطلع الفكي قال ليهم: بس ساعدونا بالباصات القصيرة و الشوت في الزوايا ، المدرب رد عليهو (جوه نفسو): هم لو بيلعبو باصات قصيرة و يشوتو في الزوايا كان جيتك!!
| |
|
|
|
|
|
|
Re: المريخ تعبان لكن دراويش الهلال لو لعبوا شهر تاني ما كانوا ح يجيبو (Re: الحاج حمد الحاج)
|
مزمل - الصدى
Quote: * لأول مرة في تاريخ لقاءات القمة يؤدي المريخ مباراة كاملة أمام الهلال من دون أن يسدد أي كرة باتجاه المرمى، ومن دون أن يصنع فرصة واحدة على مدار تسعين دقيقة!
* هذا لم يحدث منذ مباراة سوق القش الشهيرة في العام 1934!
* لم يكن بالإمكان أسوأ مما كان بالنسبة للفرقة الحمراء!
* لولا أن الفرنسي غاروزيتو مدرب الهلال مارس احتراماً زائداً عن الحد للمريخ، ولولا تألق حارس عملاق اسمه عصام الحضري لنال الأحمر هزيمة تسير بذكرها الركبان!
*
مارس الكوكي عناده المعتاد وهو يصر على إشراك ذات التوليفة التي زج بها أمام هلال كادوقلي بكل عاهاتها وسوءاتها الظاهرة وعيوبها الكبيرة فقضى على خطورة فريقه تماماً، وسلم الهلال زمام الملعب، وحرم خط وسطه من ديناميكية رمضان عجب.
|
| |
|
|
|
|
|
|
Re: المريخ تعبان لكن دراويش الهلال لو لعبوا شهر تاني ما كانوا ح يجيبو (Re: الحاج حمد الحاج)
|
معاوية محمد الحسن
Quote: غايتو انا اقتنعت تماما انو تاني ما حننهزم من الهلال نهائي لانو تاني ما حيلقوا المريخ بالمستوي ده اطلاقاً وصحي دراويش نزار حامد بنفرد ويشوت فى راية الكورنر وتاني يلقي كورة قدام المرمي يوديها السوق الشعبي غايتو دروايش لاقو مداح وكمان غارزيتو تم الناقصة ونزل بكري المدينة |
الأخ معاوية التيمان بخير و شكرا للسؤال..
بالظبط كده مباراة الهلال طمنتنا... و جماعتك قنعوا من غارزيتو بعد ال 4 الأخيرة.
| |
|
|
|
|
|
|
|