|
|
|
 Re: تراجع متسارع في اسعار صرف العملات الاجنبية مقابل الجنيه (Re: عبد اللطيف بكري أحمد)
|
هذه المرة يبدو أن لغة رئيسي وفدي التفاوض تبدو واثقة وواعدة بتنفيذ حرفي لما تم الاتفاق عليه
وتبادل الابتسامات والمسجات بين الرئيسين غزل جديد وكأني بأحدهما يقول للآخر ( العالم الخارجي دي يازول اخسرك منهم : ديل مواسير عايزين يضيعونا)
وقبل البشير دعوة على العشاء في جوبا : وانا لو منو اشرب مريسة زاتو!! عشان يفكنا من المشروع الحضاري وبالمرة يريح محمد الحلو دا ويعطر صدر منبرنا الفواح!!
| |
 
|
|
|
|
|
|
|
|
Re: تراجع متسارع في اسعار صرف العملات الاجنبية مقابل الجنيه (Re: عبد اللطيف بكري أحمد)
|
قريبنا ازيك ياخي
وصباحاتك خير
زي اخبارك المفرحة دي بتسد نفس ناس كتاااار
الدايرنها تنهار، علي وعلى اعدائي "في الحقيقة، على اعدائي والكل عداي لاني قاعد برة"
ثم المغتربين البيحسبوها "خطأ
| Quote: وانا لو منو اشرب مريسة زاتو!! |
اوسكار والله
نؤيد ونبارك
وكان داير ليهو فتوى، بنجيبها ليهو
| Quote: وبالمرة يريح محمد الحلو دا ويعطر صدر منبرنا الفواح!! |
ومالو الحلو، رايق وحلو
صاحب حق ومصلحة
غشوهو اولاد الحرام
و
تحياتي يا غالي للعيال
| |
|
|
|
|
|
|
|
|
|
Re: تراجع متسارع في اسعار صرف العملات الاجنبية مقابل الجنيه (Re: الصادق سيكا)
|
حباب الوراريق
ونسائل المولى أن يتعدل الوضع مع المواطن المسكين
الغريبة الآن ياشفيع تتضارب الرغبات في هذا الموضوع
المعاه ريِال / دولار ماعايز السعر يتراجع اكتر
المعاه جنيه بالداخل عايز الرِال يرجع لخمسماية
لكن يبقى السؤال : هل بالمقابل ستتراجع أسعار السلع التي رفعها التجار ليغطوا العجز في فرق سعر الصرف؟؟
عجبتني حكاية المريسة دي تصدق ههههههه
-----
سليمان آدم
ليك التحايا العطرة ومرحب بمرورك
كل عقدة وليها حلال اذا ما توفرت النوايا ، وضرر اخف من ضرر : التضحية بجزء من أبيي اهون من التضحية بدولتين!!
سيكا سلام
| |
|
|
|
|
|
|
|
|
|
Re: تراجع متسارع في اسعار صرف العملات الاجنبية مقابل الجنيه (Re: Sulaiman Adam)
|
مع احترامي يا بو خالد.. المسألة ليست في اتفاق أو عدم توقيع..
السوق السوداني هش جداً والاقتصاد لا ينبني على أي دراسات أو بيانات واقعية..
ويمكن لإشاعة خفيفة أن تفعل في السوق (الفعايل)
الأسعار تزيد بدون أي مبرر.. ولا حتى منطق..
قبل سنوات أعلنت الحكومة انتهاء علاقتها بالدولار بتاتاً وبصورة قاطعة..
واعتماد اليورو أو العملة الصينية (مش متأكد).. بدلا عن (أبوصلعة)..
و(الحيكومة) دي زماااااان رفعت شعار (بالإنتاج لن نحتاج)..
ومافيش انتاج مافيش دولار.. ومافيش دولار معناها انهيار متواصل..
| |
|
|
|
|
|
|
|
|
|
Re: تراجع متسارع في اسعار صرف العملات الاجنبية مقابل الجنيه (Re: أيمن دياب)
|
تحياتي لصاحب البوست.
هذه المرة يبدو أن لغة رئيسي وفدي التفاوض تبدو واثقة وواعدة بتنفيذ حرفي لما تم الاتفاق عليه
عدة مرات منذ توقيع نيفاشا نسمع تصريحات حتى لرئيسي البلدين و ليس رئيسي الوفدين و ترجع الأمور كما كانت ، المشكلة أن هناك ضغوط خارجية تؤثر في مدى الالتزام بتنفيذ الاتفاقيات المبرمة كما أنه لا توجد آليات قوية تكفي لتنفيذ المتفق عليه ، فوق ذلك بالنسبة للشمال حتى اذا مر البترول و لم يكن هناك انتاج زراعي و حيواني يكفي للتصدير لن يكن هناك تراجع متسارع بل قد يكون انخفاض قليل لحساسية و تخوف السوق.
| |
|
|
|
|
|
|
|
|
Re: تراجع متسارع في اسعار صرف العملات الاجنبية مقابل الجنيه (Re: مهدي صلاح)
|
سلام لي صاحب البوست ولي كل المرور....
في ظني ان قيمة العمله داله في عدة عوامل رئسيه .. اهمها الاداء الكلي للاقتصاد..
واهم سوال :: هل تراجع سعر العمله بفعل تعثر الاتفاق في موضوع مرور النفط...؟
ام ان الانهيار الذي اصاب سعر العمله سببه ((الجوهري) انفصال الجنوب وتراجع الانتاج والحروب الداخليه وعدم الاستقرار السياسيي والفساد وهروب الاستثمار الاجنبي....
وتدهور العلاقات مع مؤسسات التمويل الدوليه
******
انهارت العمله ليس بسبب (تعثر اتفاق مرور النفط) ولكن بسبب رئيسي هو انفصال الجنوب...
...للاسف سيتفاعل سعر العمله في المدى القصير تكتيكياً مع هذا الاتفاق بالضروره في شكل ارتفاع لقيمة العمله..
ولكن على المدى الطويل كل مسببات انهيار العمله وارتفاع الدولار موجوده ومتراكمه ..ولا توجد في اقتصادنا ميكانزمات للتعافي ولا حتى أمل...
على المدى الطويل ستواصل انهيار العمله ..حيث ان ازمتها ليست عرضيه ولا ذات علاقه حاسمه بهذا الاتفاق ..بل هي ازمه هيكليه شديدة العمق....
ولا يبدو ثمة حل -مطلقا- الا بجراحه سياسيه مؤلمه ومعقده ((لا يبدو ان الحاكمون مستعدون لها....
| |
|
|
|
|
|
|
|
|
|
Re: تراجع متسارع في اسعار صرف العملات الاجنبية مقابل الجنيه (Re: مدثر صديق)
|
شكرا يا بو خالد
فعلاً سعر الجنيـه سجل ارتفاع تماهياً مع تأكيدات الطرفين بأن الأزمة بين الدولتين في طريقها للحل,
وهذا أمر إيجابي, ويسهم ولو بالقليل في تخفيف أعباء المعيشة اليومية,
لكن وبالنسبة لنظرة كلية في الاقتصاد, فالأخ الأمين .. أداكم النجيضـة ..
Quote: انهارت العمله ليس بسبب (تعثر اتفاق مرور النفط) ولكن بسبب رئيسي هو انفصال الجنوب...
...للاسف سيتفاعل سعر العمله في المدى القصير تكتيكياً مع هذا الاتفاق بالضروره في شكل ارتفاع لقيمة العمله..
ولكن على المدى الطويل كل مسببات انهيار العمله وارتفاع الدولار موجوده ومتراكمه ..ولا توجد في اقتصادنا ميكانزمات للتعافي ولا حتى أمل...
على المدى الطويل ستواصل انهيار العمله ..حيث ان ازمتها ليست عرضيه ولا ذات علاقه حاسمه بهذا الاتفاق ..بل هي ازمه هيكليه شديدة العمق....
ولا يبدو ثمة حل -مطلقا- الا بجراحه سياسيه مؤلمه ومعقده ((لا يبدو ان الحاكمون مستعدون لها.... |
السودان ينفق على الدفاع والأمن والهيكل الحكومي (شديد الترهل بالترضيات) .. أكثر ما يكسبه من الدخل القومي,
لذلك وبدون تخفيض (جذري) في النفقات الحكومية وبدون (إعادة هيكلة) جادة في هيكل الدولة الولائي والاتحادي .. فلا سبيل أبداً لتعافي الاقتصاد ولا حتى .. فقط... بداية السير في الاتجاه الصحيح ... طبعاً الحل سياسي ولكن التنظيم المهيمن لا يريد حلاً هو فقط يريد الاستمرار في احتكار الماء والهواء والكلام والطعام وكل ما يستنى احتكاره ....
هذه الحكومة هي أكبر حكومة (متضخمة) في هيكلها على مستوى العالم ... ولا تسمع لجماعة الهتافات ... فهؤلاء .. لا يفقهون ... وبسببهم نرتاد المصائب تلو المصائب ..
مع التحية
أحمد الشايقي
| |
|
|
|
|
|
|
|
|
|
Re: تراجع متسارع في اسعار صرف العملات الاجنبية مقابل الجنيه (Re: الامين محمد علي)
|
Quote: انهارت العمله ليس بسبب (تعثر اتفاق مرور النفط) ولكن بسبب رئيسي هو انفصال الجنوب...
...للاسف سيتفاعل سعر العمله في المدى القصير تكتيكياً مع هذا الاتفاق بالضروره في شكل ارتفاع لقيمة العمله..
ولكن على المدى الطويل كل مسببات انهيار العمله وارتفاع الدولار موجوده ومتراكمه ..ولا توجد في اقتصادنا ميكانزمات للتعافي ولا حتى أمل...
على المدى الطويل ستواصل انهيار العمله ..حيث ان ازمتها ليست عرضيه ولا ذات علاقه حاسمه بهذا الاتفاق ..بل هي ازمه هيكليه شديدة العمق....
|
| |
|
|
|
|
|
|
|
|
 Re: تراجع متسارع في اسعار صرف العملات الاجنبية مقابل الجنيه (Re: عبد العزيز محمد عمر)
|
عبداللطيف البكري ... بالله قول لينا تأويل "أخير النبيع حماري" ...
احكي ليك تراث سوداني بحت قريب منها ...
الراجل في ضيقة ... قال: كان الله فرجها(تقرأ فرجّـ(ch)ـا ...) فرجها ...
كان ما فرجها ببيع جملي دا وافرجها على رقبتي ...
سيد الحمار بتاعك دا اظنو من "انصار السنة" الواردين المجهجهين سياستنا واسعار عملتنا حاليًا ...
... المهم ....
| |
|
|
|
|
|
|
|
|
|
Re: تراجع متسارع في اسعار صرف العملات الاجنبية مقابل الجنيه (Re: عبد العزيز محمد عمر)
|
Quote: نتمني أن يقابل هذا الانخفاض في اسعار العملات
انخافض في اسعار المواد الغذائية والعلاج للمواطنيين |
لا اعتقد لان البيحصل في السودان ما عندو اي علاقة بالاقتصاد ونظرياته والقيمة النقدية للعملة الوطنية امام العملات الاجنبية
ينزل يطلع بكيف تجار العملة والمضاربات
زي حكاية الاراضي واسعارها في السودان لا يحكمها غير افواه السماسرة
عكســـة :- لا نفرح كثيرا بتدفق البترول عبر اتفاقية اديس ابابا فحال حكومة السودان وجنوب السودان زي شغل توم وجيري ويا وضاحة خلي فلوسك قاعدة عوجة ما بتجيها بس زكيها
مودتي
الرحـــال
| |
|
|
|
|
|
|
|
|
|
Re: تراجع متسارع في اسعار صرف العملات الاجنبية مقابل الجنيه (Re: أشرف الرحال)
|
الاخ امين و الاخ احمد الشايقى كلامهم صاح
الانفصال هو سبب انخفاض العملة و ليس فقدان 350 الف برميل البترول اصلو الشعب ا كان حاسي بيهم لانهم كانو ماشين لجيوب ناس معينة و بنود صرف معروفة
المعاناة وسط الشعب زادت بسبب ان البلد فقدت مابين ربع الي ثلث ناتجها لاجمالي بعد الانفصال بالاضافة لفقدان الثقة من المستثمرين محليين او عالميين صغار او كبار
انا ما اقتصادية لكن بفهم الموضوع كالاتي
لو عندك دكان في الحلة و بعدين جو ناس الشئون الهندسية هدوا ثلث بيوت الحلة وشردوا ناسها فتناقص الزبائن بنسبة 30% لكن تكاليف تشغيل الدكان ظلت كما هي (الكهرباء و الرسوم و الضرائب واجر العامل ) في حين ان الارباح متناقصة بتاع الدكان طوالي حيرفع السعر عشان يعوض خسارتو ويمكن يطرد العامل الاضافي مما يزيد من معدل البطالة
----------
مثال حقيقي معظم الصناعات في السودان (خاصة الاغذية ـ تأثرت باغلاق الحدود) اسالو ناس المشروبات الغازية كمثال.
| |
|
|
|
|
|
|
|
|
|
Re: تراجع متسارع في اسعار صرف العملات الاجنبية مقابل الجنيه (Re: Nazik Eltayeb)
|
Quote:
عبداللطيف البكري ... بالله قول لينا تأويل "أخير النبيع حماري" ...
احكي ليك تراث سوداني بحت قريب منها ...
الراجل في ضيقة ... قال: كان الله فرجها(تقرأ فرجّـ(ch)ـا ...) فرجها ...
كان ما فرجها ببيع جملي دا وافرجها على رقبتي ...
سيد الحمار بتاعك دا اظنو من "انصار السنة" الواردين المجهجهين سياستنا واسعار عملتنا حاليًا ...
|
----------
انا غايتو سمعتها في ضهارينا ديك برواية تانية ..
اخلقنا يا الله .. وما عليك عيشتنا
(العيشة/الاقتصاد) دي بدبروها براااهم ..
تلقى الواحد من يبلغ .. يطرأ ابزيق (اقرأ بوكس هايلوكس موديل 1981م)
| |
|
|
|
|
|
|
|
|
|
Re: تراجع متسارع في اسعار صرف العملات الاجنبية مقابل الجنيه (Re: قيقراوي)
|
انا غايتو في غاية السعادة لهذه المداخلات القيمة
هذا التحليل الرائع من أناس في هذه الدنيا لا تعيرهم الحكومة إنتباهاً
وتحسبهم أعداء وهم وطنيوون خُلّصٌ يَفْتًُون في الشأن السوداني من
أجل عيون الوطن الحبيب فقط لا غير ،، خبرات متراكمة والله لها
من البصيرة والحكمة مايمكنهم من حل المأزق السوداني في طرفة
عين : بس الحكومة عليها تنفذ !!!
شكراً لكل المرور
بريمة: الدولار واليورو فيهم شُح واختفيا من السوق بسبب الحملة الامنية
أيمن : كلام في المليان وعين الحقيقة والله
مايا : والله مثلك تماما كل الهم ينصب ع المواطن البسيط
الحاج حمد: عودونا بالفعل على التناقض فلا تفاؤل مطلق بل حذر مع مقولاتهم
| |
|
|
|
|
|
|
|
|
|
Re: تراجع متسارع في اسعار صرف العملات الاجنبية مقابل الجنيه (Re: عبد اللطيف بكري أحمد)
|
شكرا يا بوخالد على البوست القيم
لليوم الثاني على التوالي يواصل الجنيه السوداني إرتفاعه مقابل العملات الرئيسية وتضطر المصارف الخليجية لتعديل سعر الصرف حسب التراجع المعلن بالنسبة للتحويلات المصرفية والعمليات الأخرى
حالة ارتفاع الجنيه إيجابية حتى بالنسبة للمغتربين وقد أخبرني أحد المتداولين للعملات بتوفر كميات كبيرة معروضة من العملات الخليجية للتحويل في الدول الخليجية .. هذا مؤشر إيجابي أيضاً سيضغط السوق أكثر لصالح ارتفاع الجنيـه,
كذلك زاد العرض في أسواق العقارات والسيارات وتوقعات كبيرة بنزول في الأسعار
نستمر في المراقبة ولك التحية
أحمد الشايقي
| |
|
|
|
|
|
|
| |
الشفيع وراق عبد الرحمن
Sulaiman Adam
الصادق سيكا
بريمة محمد
الحاج حمد الحاج
الطاهر عثمان
jini
مهدي صلاح
الامين محمد علي
مدثر صديق
أحمد الشايقي
أحمد قلوب
وضاحة
تبارك شيخ الدين جبريل
أشرف الرحال
Nazik Eltayeb
قيقراوي
فيس بوك
تويتر
انستقرام
يوتيوب
بنتيريست