ساظل اكثر من الامنيات بأن يخسر هلالي العظيم كل المباريات التي يقود فيها غارزيتو فريق الهلال العظيم .. الذين يدفنون رؤوسهم في الرمـال .. تجرعتم الهزيمة يوم أن هتفتوا باستمرارية غارزيتو بالهلال العظيم .. ليس لانه قام بشطب هيثم مصطفى .. او علاء الدين يوسف .. لالالا .. والف لالا .. لكــن .. لان غارزيتو ليس المدرب المثالي للهلال العظيم .. الفاتح النقـــر اجدر المدربين لقيادة الهلال .. بل ميشو افضل من هذا الغارزيتو الذي عجز تماما عن قيادة الهلال .. حتى من يعتقد ان غارزيتو كان احسن من الكوكي في لقاء الاسبوع الماضي وان الحضري .. وان منو ما عارف عليه ان يتحسس رأسه غارزيتو لم ياتي بجديد للهلال العظيم سوا الفشل الجديد الذي اعاد انتاجه .. الهلال في عهد البرازيلي كارلوس كان الهلال يحقق النتائج لعبا ونتيجة في عهد الرازيلي ريكاردو كان الهلال يحقق النتائج لعبا ونتيجة في عهد الصربي ميشو حقق الهلال العديد من النتائج لعبا ونتيجة .. والقاسم المشترك الاعظم في كل هذه الحالات .. كان الهلال مقنعا .. حتى وان انتهت المباريات الخارجية بهزيمته كان الهلال يرضي طموحاتنا ويعيشنا في نشوى وفي امل بأن العودة للخرطوم حقتنا .. وبنقلعه .. اما غارزيتو .. فيجب ان تتم محاسبته بما تبقى من العقد ولحدت هنا كفانا والله .. ادونا الفاتح النقــر .. إن شاء الله نجي ناخد في الخرطوم عشرة صفر مش الاربعة الشوية دي .. لو لم يتم ابعاد غارزيتو .. اتمناها خماسية نضيفه جدا في استاد الهلال وان تكون مقبرة لفريقي العظيم الهلال السوداني الذي توقفت عن تشجيعة منذ فترة بعد ان استمر هذا الغارزيتو ينطط لينا في راسنا ومدلدل لينا كرعينو
غازا يعمل ليكم شنو ؟ لو فى طعن اطعنوا فى سياسات التسجيلات بتاعتكم مشكلتكم انتو بتسمعوا فى كلام ناس محمد عبد الماجد فريقنا فيهو كاريكا وتراورى وثانيه والحساب بقى بالثانيه وعرض الهلال الجنن السودان وح ينتقل الليلة الى ساح العاج ليجنن العالم و وانفضح الهلال فى ساح العاج
بينى وبينك كدا الحال من بعضو ومريخنا بكرة برضو ما ح ينستر
03-18-2013, 08:48 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: لو فى طعن اطعنوا فى سياسات التسجيلات بتاعتكم مشكلتكم انتو بتسمعوا فى كلام ناس محمد عبد الماجد فريقنا فيهو كاريكا وتراورى وثانيه والحساب بقى بالثانيه وعرض الهلال الجنن السودان
نحن في وادي ووليد فتح الرحمـن اطل علينا من وادي غير زي زرع .. ايه دخل سياسات التسجيلات حقتنا بي الكلام القاعد اقول فوقو دا ..؟ البسمع كلامك عن سياسات تسجيلاتنا يقول سجلتو كرستيانو رونالدو وميسي في صحـن واحد وحسع دي باقي الصباح دا قاعدين يتمرنو في ملعب الخارجية وماشين بعد شوية يفطرو في صاج السمك .. نحن بنقرا لي محمد عبد الماجد .. وغير محمد عبد الماجد وبنشيل منو ا لعايزنو والما عايزنو بنديهو نجيضتو وبنقول ليهو كلامك دا ما شغال معانا .. لكن انتو مشكلتكم الكبيرة جدا سايقكم مزمل ابو القاسم يخدر فيكم المواسم كلها .. وسلك بي هناك ياكل في الباسطة .. البسمع كلامك دا يقول لا عندكم سلك ولا عندكم مزمل .. بعدين سانيه دا مش هو الدخل فيك قوون في الدقيقة خمسة وتمنين بي المحترف حقك الحضري .. نفس المحترف ..؟ وارغووو مسجلو ليك كم سنة واخد كم منك .. شفتو مبارياتو اللعبة كلها دخل خط تمنطاشر بتاع الهلال خليهو يجيب قوون في الهلال .. جاب قوون في الشجـرة .. قام جاري وطلع في الشجرة .. ولو ما نزلوهو ناس موسى الزومـة كان لحدت الان يكون جاري ..
Quote: وانفضح الهلال فى ساح العاج بينى وبينك كدا الحال من بعضو ومريخنا بكرة برضو ما ح ينستر
الجديد شنـو .. الهلال ينفضح .. بنفس الفضسحـة الانفضحته بيها قبل كدا في الأردن لما المطرة صبت .. وانفضحتـه بيها السنة الفاتت بي المحترف حقك الحضري الاده هدية لي المهاجم وبي الوطني حقكم الباشا الطلع الكورة من خط المرمى وطلعتو من الجنة وسقطـه .. وقبل كدا اهداف ناس مصعب عمر في مرمى الحضري .. وامس القريبة دي هداف موسى الزومـة في مرماك .. اااي قول الحال من بعضو .. وانتقد معانا عشان نحاول نصلح .. مش جاي شابكني تسجيلاتكم وتسجيلاتنا
03-16-2013, 07:03 PM
tmbis
tmbis
تاريخ التسجيل: 10-19-2002
مجموع المشاركات: 24862
سلام يا عبد العزيز ... بالرغم من اني ضد الربط بين الهلال والمريخ مصيريا في البطولات الافريقية تحديدا .. إلا اني برضو لا يعجبني الحال في المريخ .. دا من كونو بيمثل السودان .. لكن .. لهمني هنا في المقام الأول .. الهلال .. وامة الهلال وابناء الهلال ونفسيات مشجعي الهلال والناس البتحب الهلال .. الفشل في الكورة السودانية ممتد منذ فترة طويلة .. الهالة الاعلامية مؤخرا اكبر فشل .. المدربين المستجلبين .. اكبر فشل بعض المحترفين المستجلبين .. المعوق فيهم والمعاق فيهم والعرقوبو مقطوع والانكلو مافيش والركبتو في نص ضهرو .. والمحترفين البجو يلقلطو قروشنا الواحد بيلملم فيها زي دم الحجامة عشان يدخل الاستاد من الصباح مرضان بي هلالو او مريخو .. والمحصل .. ضغط وسكري وفشل كروي .. اعلنت منذ فترة توقفي عن تشجيع الهلال في ظل غارزيتو الذي لا يفقه الف با تا ثاء عن الهلال العظيم .. ولو كانت يا عبد العزيز المباراة انتهت بفوز الهلال بخمسة اهداف دون مقابل كنت ساظل في نفس موقفي .. اندد بهذا الفرتسي وسابذل الجهد من اجل ان يغادرنا وفي اسرع فرصة ممكنة واحبذ ان يتم ا لحجز له عن طريق اي خطوط ويلحقوهو باقي قروشو هناك ويختوها ليهو في قمة برج ايفل وعلى شرط يمشي يطلع ليها براهووو يجيبه .. تااني ح يرجع الخرطوم معاهم .. ؟ عشان شنو..؟ عشان الشعب المسكين دا احباطو يزيد ..؟ هو غير الكورة الفضل للناس شنو ..؟
03-16-2013, 06:56 PM
Mohamed Foto7li
Mohamed Foto7li
تاريخ التسجيل: 02-27-2008
مجموع المشاركات: 3080
Quote: ساظل اكثر من الامنيات بأن يخسر هلالي العظيم كل المباريات التي يقود فيها غارزيتو فريق الهلال العظيم .. الذين يدفنون رؤوسهم في الرمـال .. تجرعتم الهزيمة يوم أن هتفتوا باستمرارية غارزيتو بالهلال العظيم .. ليس لانه قام بشطب هيثم مصطفى .. او علاء الدين يوسف .. لالالا .. والف لالا ..
احييك يا تمبس فليزهب غير ماسوف عليه
03-16-2013, 07:06 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
قصدك جرجير الملقب بود البشرى طبعا وليس بعيد عن قصدك أيضا أب تفة المعروف هنا بياسر طيفور .. وفوق البيعة أبو عمير الملقب بعمر الفاروق .. الجماعة ديل غايتو أنا وريتم في البوست هلال مريخ .. تواطؤ واضح جدا لكن يا تامبا صدقني المشكلة ما في غارزينو بس .
03-18-2013, 10:37 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: لكن يا تامبا صدقني المشكلة ما في غارزينو بس .
والله يا منظراتي .. انا بقصد جميع المخدوعين في غارزيتو .. هنا وهناك .. جوه وبره يا طلحـة غارزيتو هو النقطة النهائية في المنظومـة دي .. هو التنفيذي الاخير كدي خلينا من بقية كل الاشياء التانية الـ انا متاكد منها تماما .. انا كمتلقي ليس لي علاقة بي السودان وبي نفسيات الشعب السوداني .. انا متلقي متابع الدوري دا او بتجيني اخبار .. لما اسمع نتيجة محبطة للهلال زي دي الظاهر البجيني بستغرب وبستنكر .. بنفس الطريقة البندهش لما اعرف الفريق دا المسؤول منو فنيا هو الفرنسي غارزيتو الكان بيدرب مازيمبي صاحب البطولة بنفس القدر بتاع لما يعرف انو المريخ اتغلب في البطولة الافريقية وهو غاب قوسين او ادنى لتحقيقه .. واللطيف في الأمر انو حارس مرماه كان الحضري حارس افريقيا الاول .. وفي نفس الوقت الواحد فيهم بيستهجن الطريقة بتاعت (الكــادو) بتاعت الحضري للمهاجم.. يا جماعة ما تشكرو لي راكوبـة غارزيتو دا .. نحن الخريف عندنا مطرة مطرتين والباقي بنتمو هبوب وكتاحـة ..
عليك الله صورة من الرد دا لي الزول القاعد جمبك .. تاني الواحد يكتب ليك في سلم ويكتب لي قريبك دا في سلم براهو ..ياخ نحن ناقصين عليك الله ..؟ معرفتك بقت مكلفة جدا الفترة الاخيرة دي ..
03-16-2013, 07:12 PM
Maawya Hussein
Maawya Hussein
تاريخ التسجيل: 12-27-2007
مجموع المشاركات: 10136
يا تمبس برشلونة لعب مباراتو الاخيرة مع ميلان بدون مدرب وفاز 4 صفر ..مشكلتنا اننا بنرمي تخلفنا الكوري وفشلنا المتكرر دائما علي المدربين وما بنحاول نفتش ونحل العلة الرئيسيه فينا ..نحن لا عندنا مدارس سنيه ولا عندنا مدارس منهجيه للكورة ولا عندنا تخيط ولا ادارة ولا نظرة مستقبل ..ودليل تخلفنا اننا الدولة الوحيدة الفي العالم الماقدرت تصدر ولا محترف واحد ..
همنا الوحيد اننا نغلب المريخ وهم المريخاب انو الهلال ما يشيل بطولة ..ودا حلمنا طول عمرنا ..ما عندنا طموح غيرو
03-16-2013, 07:22 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
بالله مريخابي حاقد يجيب لينا الأهداف يمتعنا ___ تعرف يا طلحة زي ما قلت ليك أنا لأول مرة أشاهد هلال مريخ دون تعصب، وزي ما ذكرت ليك كنت متمني هيثم يظهر أحسّن مما فعل، لأنّني أريده أن يكسب ضد غارزيتو والبرير، وفي مداخلتي في ذلك البوست قلت: غارطيزو والبرير ما بتحبو، بالرغم من إنو الهلال ظهر قدام المريخ بمستوى جيِّد.. ولكن لم أراهن يا طلحة على الهلال وخاصة على رأسه البرير وغارطيزو.. أمس قبل يوم كامل من المبارة كنا مجموعة بنتناقش حول الهلال والمريخ قلت ليهم، لو الأمر بيدي في الهلال والمريخ لن استجلب مدرب أجنبي، والساحة والسودانية مليئة بالكفائات التي لم تتاح لها فرصة، واحد منهم قال: المدرب الأجني لا يسمح بالتدخل في الإمور الفنية، على عكس المدرب الوطني، قلت ليهم ما ياهو غارطيزو قاعد يسمح وشغال سياسة زي الترتيب..
03-17-2013, 09:52 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18099
يا طيفور اتا ما راهنت وأنا أشهد لكن المشكلة كانت في ممارسة التهليل البعد مباراة ( الغمة) باعتبار إنو الهلال كان ( كويس) وتجاهلكم لحقيقة إن المريخ كان ( كعب ) . أنا متأكد يا طيفور إنو معظم شعب الهلال كان مصاب بحالتكم الهنا دا قبل دربات ساحل العاج الامبارح دي .. باعتبار إن المنبر دا لامي صفوة المشجعين إلا قليلا ..
03-17-2013, 10:06 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: تعرف يا طلحة زي ما قلت ليك أنا لأول مرة أشاهد هلال مريخ دون تعصب، وزي ما ذكرت ليك كنت متمني هيثم يظهر أحسّن مما فعل، لأنّني أريده أن يكسب ضد غارزيتو والبرير
والله يا هالك انا شخصيا ما حضرت الكورة .. لانو الموسم دا زي ما قلته تحديدا ما شايل الهلال .. وقاعد ادافع عن السبب الرئيسي لي اني ما شايلو زي ما شايف والسبب هذا الغارزيتو .. ومعاهو البرير .. لكـن .. اطلاقــا ما فكرت في انو هيثم دا او علاء الدين مستواهم يظهر بشكل جيد ولا بيهموني كتير .. وطبعا انا فكرتي عكسك تماما .. وان كنت شوية بتيح المجال لي علاء الدين .. لكن بالنسبة لي هيثم فرائي واضح جدا لو كان الهلال وجمهور الهلال بيتلخص ليهو في البرير وغارزيتو .. وعايز يلعب عشان يهزمم فإن الهلال وجمهور الهلال .. قادر انو يودي غارزيتو البرير وغيرهم لمزبلة التاريخ والايام الجاية بتثبت ذلك .. لكن هل بأمكان هيثم ان يعود لقلوب جماهير الهلال بعد ان يحدث ذلك ..؟ تركت هيثم والتحدث فيه منذ اللحظة التي لبس فيها شعار المريخ وهو الند التقليدي واللازلي لفريقي الهلال ... هذا الترك مقرونا مع امنيات بالتوفيق زيو وزي اي لاعب آخــر .. مع علمي التام أن هيثم مصطفى ما عاند إلا نفسـه وتلك جيناتنا السودانية الممرقانا من الجنة وسقطـه ..
03-18-2013, 11:01 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: يا تمبس برشلونة لعب مباراتو الاخيرة مع ميلان بدون مدرب وفاز 4 صفر
صاح يا معاوية .. والهلال دا زاتووو في احلك الظروف وفي الموسم الفات استلم النقر من ميشو .. وكان الفرق واضح .. دا هو ما ارمي له من البوست دا .. انو غارزيتو لا يعرف لعيبة الهلال .. ربما فكرو الكروي متقدم منا ولا يستطيع تجهيز فريق تنفيذي يقوم بتنفيذ ما في فكره الكروي إلا بعد سنوات ضوئية هي بعيده عنا .. او ربما غارزيتو خدمتو الظروف لما لقى فريق تنفيذي جاهز زي مازيمبي ممكن يلعب بيهو خطة 1\1\1 والباقي يخليهم قاعدين في الكنبة بره وبعد دا يغلب ..
Quote: مشكلتنا اننا بنرمي تخلفنا الكوري وفشلنا المتكرر دائما علي المدربين وما بنحاول نفتش ونحل العلة الرئيسيه فينا
مليانين علل يا معاوية لمن روحنا طالعة لكن المدربين البجونا بدل يعالجونا بيزيدوا لينا الطين بلة .. بي تصرف ارعن صغيروني بيساهمو في انهم يغلصو لينا الفرس الاصلن نحن بنجازف فيها .. دونك نموذج غارزيتو .. وكيف فرط في نتيجة الموسم السابق مع فريق اقل ما يقال عنو مغمور .. وكيف فرط في نهايات البطولة بعدم تجهيزو لي اللعيبة نفسيا فيما يتعلق بركلات الترجيح .. ودي في حد ذاته مشروع متكامل لي المدرب الناجح .. واحيانا الفرق الكبيرة جدا بمساعدة مدربيها بتجنح لي الركلات الترجيحـه تحديدا على انها تحسم بيها المنافسة وتطيح بيها الفريق الخصم وتتربع بيها على عرش البطولة .. جا غارزيتو طلعنا بيها من البطولة .. انا اتحدث عن فرصة غارزيتو التي وجدها ولم يحسن استغلالها .. اتحدث عن غارزيتو الذي يقوم بشطب لاعب صانع اللعاب .. بصرف النصر عن انو هيثم مصطفى .. ويجيك في نص البحر يقوليك انا ما عندي لاعب ارتكاز .. مدرب يطلع بي لعيبتو الجبال ويعبر بيهم الانهار .. ويجيك يقوليك الناس ديل مرهقين .. مدرب يقوليك الفريق مستواهو ح يرتفع شوية شوية ، وفي اقرب مقابلة خارجية تلقاهو راقد رز ودخل مسلسل احباط جديد والسبب سوء التشكيل داخل الميدان وخطة المدرب نفسو ...
Quote: نحن لا عندنا مدارس سنيه ولا عندنا مدارس منهجيه للكورة ولا عندنا تخيط ولا ادارة ولا نظرة مستقبل
اتحققت بطولة افريقية باسم السودان .. والوكت داك كنا بنلعب تيوة .. وكورة شراب .. وحقق المريخ دورة سيكافا وما كان عندنا مدارس سنية ولا بطيخ واهو نفس التخبط الاداري يا معاوية .. والهلال وصل نهائي افريقيا مرتين وعارف الاسباب الانهزم بيها ولي فترة قريبة بننافس في النهائيات والمربع الذهي .. والاهلي شندي السنة الفاتت حقق نتائج مشرفة .. وما صدرنا لعيبة من الاعمار السنية او من الاشبال او من المدارس المتخصصة .. وبي دا كلو بقول معاك وبتفق انو لابد من تقنين منهج اللعبـة بالمدارس السنية والاشبال وإلخ .. لكن في المقام الأول .. غارزيتو دا شوفو لينا ليهو طريقة ..
03-18-2013, 09:50 AM
tmbis
tmbis
تاريخ التسجيل: 10-19-2002
مجموع المشاركات: 24862
يا فتوحلي .. قريت الليلة الصباح في جريدة قوون انو اللعيبة اجتمعوا فيما بينهم واتفقوا ان الطريقة اللعب بيها غارزيتو بتاعت الخطة دي بي تلاتة مدافعين ما شغالة معاهم .. وجاء في الخبر انهم بصدد رفع مذكرة عن الامر .. اهـا تفتكر لو جاء غارزيتو راجع مع المجموعة واصر على نفس الطرريقة حقتو .. او فالنفترض انو غيره .. هل سيفيد ذلك ؟؟ اعتقد ان مجرد عودة غارزيتو مع المجموعة .. هي بداية النهاية لمنتخب الهلال ليس في البطولات الافريقية .. انما حتى في البطولة المحلية بشقيها .. الخلل الذي سينجم عن استمرارية غارزيتو في الهلال ح تكون عواقبو وخيمة لانو اتضح مما لا يدع مجال للشك انو غارزيتو لا يعرف قراءة المباريات الخارجية .. والداخلية بتضرب معاهو حظ وبي حرارة قلب اللعيبة بس ومعطيات كل مباراة ومثيلته .. الجمهور في مباراة الاهلي عطبرة هتف ضد غارزيتو .. الجمهور انكوى من الهزيمة القاسية والتي لم يذق طعمها منذ سنوات ولكأن ما غارزيتو رجع بنا للمربع دون الاولاني الذي كنا ننهزم فيه في الخارج ونتمرمط فيه بسبب القراءة الخاطئة للخصم والتشكيل داخل الميدان وعدم التصرف بسرعة لتلافي الاخطاء .. كان بمكان غارزيتو لو كان مدرب ناجح ان يغير نهجه بي خطة بديلة يتم تعديلها حسب المعطى العام لسير المباراة .. وكان بامكانه ايضا ان يقوم بين الشوطين باجراءات من شانها الحد من مستوى الخصم .. لا فعل هذا ولا فعل ذلك .. الجمهور الان منتظر في الخرطوم .. منتظر جهد اللعيبة فقط .. غارزيتو بي حسابات الجمهور فرط في البطولة العام الماضي في مراحلها الاخيرة وغارزيتو في حسابات البعض الذين اعتصموا في استاد الهلال جزء من الكارثة الاخيرة التي حلت في الهلال بمساعدة البرير .. غارزيتو بالمستوى الفاشل في مباريات الدوري جميعها حتى مباراة المريخ .. لم يقوم باللازم تجاه المباريات .. هذا الجمهور له كلمتـه .. لطالما بدأت الكلمة من داخل اللعيبة ومن الميدان برفضهم لما حدث من طريقة اللعب .. اذا .. احذروا الجمهور وتحاشو ان تدخلوا مع الجمهور الهلالي في حتة ضيقة .. ولتلافي ذلك .. حاسبو غارزيتو والله يعدله عليهو دنيا وآخره .. نحن ناس قاعدين في غربـة وبنحب الهلال
03-18-2013, 11:43 AM
tmbis
tmbis
تاريخ التسجيل: 10-19-2002
مجموع المشاركات: 24862
للاسف اوقفت الرد على المنحطين اخلاقيـا الذين يتسللون للمنبر عن طريق الفيس بوك .. ولما ترجع سودانيزاونلاين ككاتب .. لو قدر الله لك .. ح تشوف الما شافتو عينك .. وح تقرا الما سمعتو اضانك .. وما ح يكون عندك طريقة غلا زي تبريرك الفطير بتاع زوجتي كانت مسافرة وانا مشيت ولاية تانية .. وما قريت كلامك .. بختك اهو اترد ليك لكن .. في انتظارك لانو حقي لسـة ما خلصتو .. زمان الواحد لما يلقى ليهو سكران كان بيرفعو من الواااطـة .. ويستأجر فيهو .. لكن الزمن دا لما تلقى ليك سكران وحيران واسفيري وترفعو من السيرفر بيطرش فيك وفي السيرفر .. لذلك .. خلي بكري يعمل ليك مكان في البوردي دا عشان تطرش فيهو طالما انو اداك فرصة انك تدخل البورد من جديد بواسطة الفيس بوك عشان تشتم .. لكن .. لحسن الحظ كل من يعرفك يعرف تماما ماقمت به هنا ويعرف تماما لماذا تم ابعادك ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة