|
|
 قليل من الطنقعة لا يضير !!
|
أي مكان أرتقــــي
أي عظيم أتقــي
وكل ما قد خلــــق الله وما لم يخلــق
محتقر في همــــــتي كشعرة في مفرقـي !!
أبو الزفت !!
|
|
  
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
في 2006 رجعت للعمل في السودان الشقيق كمدير عمليات في شركة خاصة، بعد فترة استدعاني صاحب الشركة - و في نفس الوقت شقيق صديقي - و رجاني الا اشرب القهوة عند ست الشاي البره لانو أنا مدير العمليات و مسؤل من أكثر من 500 عامل و مهندس والمنظر ده بيسئ للشركة !!
استغربت جدا في الأول ... لكن بعد فترة لاحظت إنو التبسط في التعامل في دولنا الشقيقة بيتفهم غلط !!
هل نحن فعلا محتاجين لقليل من الطنقعة ؟
| |
|
|
|
|
|
|
|
|
|
Re: قليل من الطنقعة لا يضير !! (Re: Rawia)
|
أمين ... مساءك خير بتوقيتنا طبعا
عن تجربة شخصية ...
في الشركة التي وددت العمل بها في الخرطوم ... قلت للحارس أخبر المدير العام بأن عبد العزيز في الخارج
يود الدخول وذلك حسب ميعاد مسبق ... عليك أمان الله الحارس حلف ما يخليني أعتب باب الشركة..
غضبت في ذلك اليوم .. وعاودت الحضور بعد يومين ..ووجدت نفس الحارس ولم يتعرف علي... قلت له :
كلم المدير العام قول ليهو : المترجم عبد العزيز بن عمر في الباب ..
دقيقة واحدة الحارس .. ترك عمله ومشى بسرعة ..وأدخلني .. وأكرم وفادتي حتى وصولي للمدير العام
بعد هذا .. أطلقت النداء الشهير الذي لا يزال ساريا وسط الدفعة وهو ( أدي نفسك قيمتها )..
عشان كدا... أتطنقع مع من يستحق ... وتواضع مع من يستحق
عبد العزيز
| |
|
|
|
|
|
|
|
|
|
Re: قليل من الطنقعة لا يضير !! (Re: عبد العزيز محمد عمر)
|
| Quote: في نظريتي كدا والله أعلم أهم عنصر للطنقعة إنك تكون ملم بأنواع الكــــلاب وأجناسها ماتسألني لييه عندي احساس بس وياحبذا لو مربي ليك دوبرمان |
يا ستهم ... بتاعت الكلاب دي اسمها حنكشة، الحنكشة و الطنقعة قريبين من بعض لكنهم حاجات مختلفة !!
لو رجعت لكتب اللغة بتلقي الطنقعة فيها عنصر إستوساخ الانسان لاخية الانسان بينما من تحنكش تحنكش لنفسه !!
بالنسبة للشوق ... اتحداك علي ملأ من الناس !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
| Quote: عن تجربة شخصية ... في الشركة التي وددت العمل بها في الخرطوم ... قلت للحارس أخبر المدير العام بأن عبد العزيز في الخارج يود الدخول وذلك حسب ميعاد مسبق ... عليك أمان الله الحارس حلف ما يخليني أعتب باب الشركة.. غضبت في ذلك اليوم .. وعاودت الحضور بعد يومين ..ووجدت نفس الحارس ولم يتعرف علي... قلت له : كلم المدير العام قول ليهو : المترجم عبد العزيز بن عمر في الباب .. دقيقة واحدة الحارس .. ترك عمله ومشى بسرعة ..وأدخلني .. وأكرم وفادتي حتى وصولي للمدير العام بعد هذا .. أطلقت النداء الشهير الذي لا يزال ساريا وسط الدفعة وهو ( أدي نفسك قيمتها ).. عشان كدا... أتطنقع مع من يستحق ... وتواضع مع من يستحق عبد العزيز |
سلام يا عبد العزيز
زي ده - كما قالت جارتنا عليها رحمة الله - عندنا منو كتيير، و هو عين ما قصدت نقاشه في البوست ...
أقيم خارج السودان الشقيق من مدة طويلة لكني بمشي كتير جدا، بالاضافة للسنة الاشتغلت فيها هناك .... متحير جدا من قصة الطنقعة البسبب و بلاهو دي ... كل من رفعه - و لم يرفعه - الله درجة تطنقع علي من هم أقل منه درجة ماديا أو إجتماعيا أو علميا أو في مجال ... بحيث إذا لم تفعل ذلك أنت نفسك بطنقعو عليك و من هنا بتجي الوجعة ... يعني إذا لم تكن ذئبا أكلتك الذئاب !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
من مظاهر الطنقعة في البورد، يقول ليك انك بتهاجمني عايز تشتهر ... و كانك هاجمت السيد علي !!
بعدين في طنقعة تكبير القوم و دي ما كتيرة لكنها موجودة ... الواحد يفتح بوست باسمو في العنوان و كأنو بتكلم عن شخص آخر، تلقي عنوان البوست يقول ليك :" أمين محمد سليمان : الهلال بدون سيدا، زي العجلة بلا حديدة " و يكون البوست فاتحو أمين محمد سليمان نفسو !!
هل نحتاج لحبة air عشان نلمع رقبتنا ؟!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
اهااا
وانا اقول الزول دا مالو... لابرد التلفونات ولا المسجات!!
بقيت كعب شديد ياخ...
احكي ليك دي.. عارف ... عارف حكيتها ليك قبل كدا ...لكن ما مشكلة اسمع تاني وكت ما بترد مسجاتنا..
مشيت البنك الفرنسي الفرع الرئيسي علشان افتح حساب بالدورلار لاخي المقيم في السودان...الكلام دا في 2008
اخوك لابس جلابية قصيرة لانو جلاليب الوالد الله يرحمو قصيرة فيني وشبشب وطاقية .. بالله مع الدخلة كدا وانا ماشي
الطابق التاني لانو في لافتة مكتوب فيها قسم العملات الاجنبية .. واثناء محاولتى للصعود على السلم اسمع ليك -- هوووي ها
ماشي وين يا زول؟؟ الصراف هنا تحت ... التفت ليك القى الزول بتاع شركة الهدف .. قلت ليهو ياخي انا عاوز امشي فوق
قال فوق عندك شنو ؟؟ قلت ليهو ياخي ماشي قسم العملات الاجنبية - واثناء حديثي معه اشوف ليك ناس طالعين بكل يسر لكن
بس الفرق انهم لابسين بدل على ملابس افرنجية والعياذ بالله.. المهم الزول زرزرني كدا لمن عرف انا شايل معاي كم حتى خلاني
اطلع... وفي النهاية عاين ليّ باستغراب وقال " سمح امشي" - طلعت فوق لقيت ليك الكاونتر ضارب جوطة غربية -- ما تعرف تقيف
ولا تقعد -- حقيقة ما عرفت اعمل شنو ووقفت في النص ... لمحتني واحدة من العشرين موظف الخلف الكاونتر وقالت ليّ بالنص
" نعم عاوز شنو يا استاذ" حكيت ليها الموضوع قالت ليّ عشان تفتح حساب لازم تنتظر المدير .. قلت ليها تمام بنتظرو ... المهم
في واحدة تانية مشت سالتها وجاني احساس انها قالت ليها الوهم دا داير شنو:) فالظاهر قررت اني حاكون مضيعة لزمن المدير
وقررت تخلص مني - قالت لي يا اخينا تعال هنا ... مشيت ليها صاغرا ... واخذت ورقة وكتبت المطلوب لفتح حساب بالدولار الاتي
20K $ و تزكية عميلين من البنك الفرنسي او عميل واحد من بنك السودان وشرط تالت لا اتذكره - وقالت ليّ جيب ديل وتعال
عاينت للورقة وقلت ليها ممكن اسالك كم سؤال -- فعاينت ليّ بنرفزة وقالت انت فهمت الكلام المكتوب في الورقة دا هسي ..طبعا بتكون
شاكة اني بعرف بقرا ....ما عارف دا من الجلابية ولا السفة:) ... ما عشان افهمو كويس لازم اسالك الكم سؤال ديل ... اها عايز تعرف شنو
قمت سالتها كم سؤال عن نوعية الحسابات واسعار الفائدة وبعض الاشياء البنكية --- فحاولت تديني معلومات اقرب للزراعية المطرية منها
للبنوك ...قفلت ليها يعني كلامك دا خاص ببنككم الفرنسي دا ؟؟ فقالت لي ابدا دي اصول التعاملات في البنوك الدولية هههههههههههههههه
من اليوم داك كان ماشي اجيب عيش بلبس بدلة:)
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
نوتة ازيك......
عندي تجربة في دبي ليها علاقة بكلامك ده....
سنة 2008 الشركة انتدبتني كمدير لتأسيس فرع الشركة في دبي......
كان هناك كمية بتاعة سواقين في الشركة من ضمنهم ستة سودانيين طيبين و بسيطين.....المهم لي سنين طويلة من السودان و التعامل مع السودانيين .....
كنت برسلهم اجيبوا لي الفطور من ابوالعباس وده محل فول بذكرك السودان طوالي....فول و طعمية و سجوك....و كنته بصر عليهم كلهم افطروا معاي يوميا..........
المهم صاحب الشركة انجليزي الكلام ده ما كان عاجبو و علق لي بدبلوماسية ... لمح لي انو الحاجة دي ما صاح........
انا ما اشتغلته بيهو وواصلتة في الشغلانية.....
العلاقة بيني و بينهم بقت قوية لكن برضو انا كنت خاتي حدود.
يوم بنفطر جا واحد منهم داخل وسلم علي و قال لي وين يا حاج غاتس..............
من اليوم داك عرفته انو ملاحظة صاحب الشركة في محلها ...............
فيا حبيب قليل من الطنقعة لا يضير ابدا.......................
| |
|
|
|
|
|
|
|
|
|
Re: قليل من الطنقعة لا يضير !! (Re: Nader Abu Kadouk)
|
يابروف
الطنقعة مهمة خاصة في الخليج
ياخي احكي ليك طرفة ايام كنا طلبة بالجامعة كنا بنحب الملح اها يوم طلعت من الجامعة بالليل ومشيت املح علي يميني بنتين واقفات وعلي يساري موقف الباصات وفيهو راجل لابس عمة وجلابية اها قلت البجي اول نركبو الباص كان ام الملح اها ربك رب الخير الجكس وقف ليهو بتاع بوكس وعمك ابو جلابية جاء جاري بي جمبي قال لي تعال تعال
اها مشيت وراهو ونطينا بي وراء في البوكس والجكس ركب بي قدام اها صاحب البوكس كان من النوع اللئيم جانا نازل قال ياشباب انزلوا انا ماوقفت ليكم ههههه اها نا عايز انزل مكسور الخاطر عمك قال لي ماتنزل تنزل ماتنزل
قلت لي عمك ياخي مايعمل لينا مشكلة ساكت قال لي خلي ينزلنا كلنا بننزل المهم بتاع البوكس ركب راسو وقال لينا ماعايزين تنزلوا انا بوريكم ههههههه اها دور بينا وقطع الكوبري بتاع امدرمان ماوقف بينا الا جمب القسم الاوسط جمب المجلس في امدرمان اها بتاع البوكس نزل ودخل القسم وجانا قال لينا ماعايزين تنزلوا مش اها دخل جوه وجاب لينا عسكري وجاء لوووووووولز اها العسكري قال ليهو وينم جاء طالع عمك ابو جلابية نزل من البوكس والعسكري شافو قام اداهو ليك تحية عظيمة اها ابو جلابية قال للسواق ماتجيبني الا في القسم بتاعي هههههههه المهم دخلوهو جوه
وجو طالعين المهم نزلو منو البنات وعمك قال لي ماشي وين قلت ليهو الثورة قال لي تعال اركب قدام لو ماوصلك الثورة بكره الصباح تجيني هنا عشان الرخصة بتاعتو عندي المهم ركبت قدام وقدر ماعايز افتح مع الزول موضوع كان كابس بعد نزلت قبل ما اقول ليهو شكرا اداني عجاج البوكس بي لفة 360 درجة ههههههههههه
تطنقع عالم ماتمشي الا بالجزمة
تحياتي
زاتوووو
| |
|
|
|
|
|
|
|
|
|
Re: قليل من الطنقعة لا يضير !! (Re: ALZOLZATOO)
|
عارف يابروف انا لي سنين بخش المستشفيات في اي وقت ( طنقعة ساي ) تلكز بتاع الهدف في يدو وتكشر ليهو طوالي بفتح ليك الباب .
بس ما وصلت مرحلة استبيض الناس .
| Quote: من مظاهر الطنقعة في البورد، يقول ليك انك بتهاجمني عايز تشتهر ... |
التوقيع :-
برلوم كايس للشهرة
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
أمين ياخوي من واقع تجربة الطنقعة أن ما فادتك ما بتضرك
الكلام دة منطبق على السودان وعلى الخليج، المحلتين العشت فيهم مدة طويلة تخليني احكم
و اقرب مثال للموضوع إخوان لينا من دولة عربية (شقيقة) تامين الشغلانة موية ساي و أمورهم ماشة زي الورد
| |
|
|
|
|
|
|
|
|
|
Re: قليل من الطنقعة لا يضير !! (Re: عثمان مكي)
|
| Quote: من مظاهر الطنقعة في البورد، يقول ليك انك بتهاجمني عايز تشتهر ... و كانك هاجمت السيد علي !! |
هههههههههههه
انت يا بروف الحركة الجهلولة دي ماكلة معاك جمبة شكلها, العملها معاك منو؟
| Quote: بعدين في طنقعة تكبير القوم و دي ما كتيرة لكنها موجودة ... الواحد يفتح بوست باسمو في العنوان و كأنو بتكلم عن شخص آخر |
عبد العزيز حسين الصاوي هههههههههههه
و الغريبة اسم مستعار بعد دا
| |
|
|
|
|
|
|
|
|
|
Re: قليل من الطنقعة لا يضير !! (Re: محمد البشرى الخضر)
|
حسين يا حبنا ... كيفك ياخي و سئيلي الله مشتاقين و متلومين ... أنا غيرت تلفوني و فقدت كل التلفونات العندي ... ما وصلت مرحلة أستو سخك و أطنقع عليك لكنني علي الدرب
| Quote: من اليوم داك كان ماشي اجيب عيش بلبس بدلة:) |
دي الدمعة بتاعت الكلام كلو !!!
الناس يا حسين بتحكم عليك بمظهرك، هدومك اللابسها، عربيتك السايقها ، موبايلك الشايلو و خلقتك ذاتها !! و ده ممكن يكون لحد ما طبيعي، فالانسان حيوان إنطباعي !! الاشكالية لمن الموضوع يتخطى الانطباع الأول و يبقى حكم عليك بمظهرك كان كويس كان كعب !!
ود خالي مهندس و عندو شركة مقاولات اشتري ليه مرسيدس من الورقة، قلت ليه ياخي البزار شنو ؟ قال دي بتجيب حقها في سنة سنتين، ما بسوقها إلا يكون عندو مواعيد مع potential customers لانو الناس بتحكم بالمظاهر !!!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
أب كدوك يا نادر ... كيفك يا حبيبنا | Quote: يوم بنفطر جا واحد منهم داخل وسلم علي و قال لي وين يا حاج غاتس.............. من اليوم داك عرفته انو ملاحظة صاحب الشركة في محلها ............... فيا حبيب قليل من الطنقعة لا يضير ابدا...... |
نفس ال moral of قصتك دي يا نادر حصلت لي بالحرف !!
الناس بتستو سخ الما بطنقع و هو قادر علي الطنقعة و دي أس المشكلة لانو قدر ما تقول تتواضع عشان الله يرفعك، (يرفعوك) الوهم ديل !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
أحمد ابكر يا حبيبنا ... سلام ياخي | Quote: يا بروف سلام وخليني أضيف الحكمتين ديل للنوتة بتاعتي ، عجبوني قليل من الطنقعة لا يضير !! تطنقع للمتنطنقعين وتواضح للمتواضعين وتحياتي لمبدعيهما |
أنا ذاتي أضفت نصيحة آمنة بتاعت (تطنقع للمتنطنقعين وتواضع للمتواضعين) دي ..
و بالمناسبة ياخي ... أنا متابعك متابعة لصيقة جدا و بفتكرك مكسب حقيقي لهذا المكان ...
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
| Quote: تطنقع عالم ماتمشي الا بالجزمة |
ذاتو بنكهة البل !! كيفك يا حبيب ؟!
قصتك موباااالغة !!
ياخي والله بزعل بالجد لمن الاقي لي زول فاكيها في الناس، بالذات لمن يكون مافي سبب ... و عمك أب جلابية ده لو ما كان عارف رقبتو هواء ما كان أبى ينزل ...غايتو البركة في المحل اللحدي البيت !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
| Quote: استغربت جدا في الأول ... لكن بعد فترة لاحظت إنو التبسط في التعامل في دولنا الشقيقة بيتفهم غلط !! |
عن تجربة شخصية .. اتضح لي أنّ الخواجات متواضعين وبسيطين لأبعد الحدود ...
ثمّ أنّ بساطتهم واضحة في وسائل إعلامهم ومنها القنوات الفضائية وظهور ذلك في تواضع وبساطة وتلقائية مُقدمي البرامج والنجوم المُستضافين .. مافي تكلّف كلو كلو (يعني عادي جداً رئيس دولة يحكي عن شرابو للقهوة عند ست الشاي ويفتخر ويعتز بذلك) .. وأعتقد إنّو الميزة دي انعكست بعض الشيء على دول العالم الثالث تربيع من خلال مُقدّمي البرامج وبعضاً من النجوم ...
ولك ودّي ... بدون طنقعة ،،،
| |
|
|
|
|
|
|
|
|
|
Re: قليل من الطنقعة لا يضير !! (Re: صبري طه)
|
محمد جمعة يا حبيبنا .. سلام ياخي | Quote: عارف يابروف انا لي سنين بخش المستشفيات في اي وقت ( طنقعة ساي ) تلكز بتاع الهدف في يدو وتكشر ليهو طوالي بفتح ليك الباب . بس ما وصلت مرحلة استبيض الناس . |
شفت بتاعين الهدف ديل ما محتاج تلكزهم ذاتو، بتكشيرتك و لا تعاين ليه ذاتو بفتح ليك الباب !!
| Quote: التوقيع :- برلوم كايس للشهرة |
من مظاهر الطنقعة المنبرية انك تستو سخ البرالمة و ما تخش بوستاتهم ذاتو !!
| |
|
|
|
|
|
|
|
|
|
Re: قليل من الطنقعة لا يضير !! (Re: وضاحة)
|
عثمان يا حبيبنا ... سلام ياخي | Quote: أمين ياخوي من واقع تجربة الطنقعة أن ما فادتك ما بتضرك الكلام دة منطبق على السودان وعلى الخليج، المحلتين العشت فيهم مدة طويلة تخليني احكم و اقرب مثال للموضوع إخوان لينا من دولة عربية (شقيقة) تامين الشغلانة موية ساي و أمورهم ماشة زي الورد |
حلوة قصة الطنقعة أن ما فادتك ما بتضرك ... بس ما تكتر منها !!
الجماعة بتاعين الدولة العربية الشقيقة ديل طنقعتهم ذاتها تحير ... كان ما اتكلمت مع الزول بلقبو العلمي ما برد عليك ذاتو ... المشكلة اننا علي دربهم سائرون !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
| Quote: هههههههههههه انت يا بروف الحركة الجهلولة دي ماكلة معاك جمبة شكلها, العملها معاك منو؟ |
الحركة الجهلولة دي يا البشرى ماكلة معاي كل الجمبات ما جمبة واحدة بس، لكن ما ممكن زول يعملها لي !!
يعني ما ممكن يكون الزول فاكيها في روحو لدرجة يفتكر إنو في زول مهاجمو لانو عايز يشتهر !! Quote: Quote: بعدين في طنقعة تكبير القوم و دي ما كتيرة لكنها موجودة ... الواحد يفتح بوست باسمو في العنوان و كأنو بتكلم عن شخص آخر
عبد العزيز حسين الصاوي هههههههههههه و الغريبة اسم مستعار بعد دا |
يا زول عبد العزيز الصاوي براو ؟!! ما دايرين نشخصن القصص لكن في زول كده بعملها كل مرة !!
| |
|
|
|
|
|
|
|
|
|
Re: قليل من الطنقعة لا يضير !! (Re: وضاحة)
|
Quote:
امين اشتيقات
غايتوا يا امين فى نوع كده فاكيها فى نفسوا فى المنتدى دا لما مصدق انوا حاجة
وهو فى الحقيقة تعبان تعب الموت والله لا يسوى جناح باعوضة
النوع دا انا بزعل ليه شديد خلاص
|
ما عارف ليه اتذكرت د. وضاحة البترحل البروفات :)
| |
|
|
|
|
|
|
|
|
|
Re: قليل من الطنقعة لا يضير !! (Re: Hani Arabi Mohamed)
|
| Quote: اطنقع يا بروف ياخ خلي ليلنا دة يتعدل ياخ |
طارق جبريل القائد الاعلي لصلعاء بلا حدود !!
ياخي أنا لو بعرف أطنقع كان جيت كتبت معاكم ؟!!
بروف و مفكر و أديب و صحفي ناشط في حقوق الانسان ما مفروض أجي اكتب مع الوهم الزيكم ديل و لعلمك بكري كان داير يعمل لي بورد براي الله و رقبتي لكني رفضت تواضعا !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
صبري الضايع ( و العهدة علي عبداللطيف شيخنا في الريال ) !! | Quote: عن تجربة شخصية .. اتضح لي أنّ الخواجات متواضعين وبسيطين لأبعد الحدود ... |
الخواجات عموما ما بعرفهم ... لكن الرجل الأبيض بتاعنا ده حقيقي متواضع ...
في أوائل القرن الحالي كنت شغال في شركة في مينيابولس ... شركة ضخمة جدا اشترتها شركة أكبر منها و أبقو علي صاحبها ك CEO للشركة البقت جزء من الشركة الاكبر ... كل يوم في الأسانسير الصباح بقابل واحد عمك بنزل في الطابق الخامس و أنا بواصل للسابع محل مكتبي ... القصة دي إتكررت كتير جدا ... مره أول ما ركبنا الأسانسير قال لي ياخي نحن بنجي كل يوم في نفس المواعيد ( ابدر شوية من مواعيد جية غالبية الناس ) مد لي يدو و قال لي أنا إسمي فلان ... سلمت عليه و قلت ليه أنا علان ... سالني شغال في ياتو قسم وريتو ... بعداك جابت ليها ونسة يوميه و عمك بقى فردة ... بعد شهور طويلة اكتشفت إنو ده صاحب الشركة ... المان ده يا صبري عندو طيارة خاصة و كل ويك اند في الشتاء بمشي أريزونا يرتاح من تلج مينيابولس الما بخلص ده ... ده لو كان في دولنا الشقيقة كان عملو ليه أسانسير براه !!!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
يا فجر المشارق، كيفك يا صديقة | Quote: امين اشتيقات غايتوا يا امين فى نوع كده فاكيها فى نفسوا فى المنتدى دا لما مصدق انوا حاجة وهو فى الحقيقة تعبان تعب الموت والله لا يسوى جناح باعوضة النوع دا انا بزعل ليه شديد خلاص |
لانو تعبان تعب الموت و لا يسوى جناح باعوضة مصدق إنو حاجة و فاكيها في رحو و في خلق الله !!
مافي زول سوي يا وضاحة بطنقع علي الناس !!!
----------
شايف هاني تحت ختاها ليك حامضة !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
سلام يا بروف
كان عندي طبيبة العائلة هنا لمن امشي ليها بالزي العادي تتعامل معاي كاني متخلفة عقليا وتتكلم معاي براااااااااااحة وبابسط لغة انجليزية ممكنة
ولما امشي ليها باليونيفورم حق الشغل تستعمل معاي لغة رفيعة ومصطلحات طبية وكلام كبار كبار
بكون دة طنقعة منها ولا استوساخ ولا انفصام شخصية؟
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
عمك اب سمره الله يرحمو على أيامو
اشترى بيت فاتح على زريبة الحطب
عمك كلو يوم الصباح يفتح القرّاش
عشان يطلّع العربية بشوف ليك الرجرجه
والدهماء بي غادي للشارع جنب الزريبة
كان بيرمقم ليك بي نظره زي الزول البطنو طامّه
ولو زول سلّم عليهو مابرد السلام
الجماعه بقو يضايرو من قدام بيتو الصباحية
لحدي عمك مايتخارج
الا أن عمك كان يفتح الباب ويرمق الشارع الفاضي
قدامو بنفس النظره
اتاريهو عمك كان مستاء من اليوم الرماهو يصابح
المناظر دي .
بس بأمانه طنقعة عمك دي كانت مريحاني في حناني
| |
|
|
|
|
|
|
|
|
|
Re: قليل من الطنقعة لا يضير !! (Re: Hani Arabi Mohamed)
|
بسم الله الرحمن الرحيم
سلام يا بروف
| Quote: من مظاهر الطنقعة في البورد، يقول ليك انك بتهاجمني عايز تشتهر ... و كانك هاجمت السيد علي !! |
والله يا بروف مسكتنا خيط
بعد دا نقعد نقابض ونهاجم
فى الجماعة اياهم ديل من طرف
عشان نرفع اسهمنا شوية وننشهر
(على قول واحد بسيط كده
وما بعرف حاجة عن الطنقعة
والمتتطنقعين ) ...
امانة ما وقعو متطنقعين
ارتيقا
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
أمينكو يا بروف يا حبيب
بعض المواقف لا تغادر الذاكرة
حضرت في إجازة من الجامعة لأهلي في رفاعة يوم خميس من عام 1980 ووجدتهم متأهبين للسفر يوم الجمعة لمناسبة زواج في أحد القرى القريبة من مدينة رفاعة.. وحيث كان العريس في الحسبة إبن عمي قلت لهم أنا ماشي معاكم.. ومشيت معاهم.. الكشاتين تقول يا ليل...والنكات بكل مستوياتها .. وفي كل ذلك كنت مشاركاً وبشدة
إلتفت على أحد الحضور متسائلاً
" أخوك البيقرأ في الجامعة مالو ما جاء للعرس ولا عشان نحن .... "
لم أدعه يكمل
" أخواني فلان وفلان أهن ديك شغالين ..
قاطعني
" لا لا ديلاك بعرفهم ، عمر مش عندو ولد بيقرا في الجامعة ؟؟ "
قلت له
" أنا ولد عمر البيقرا في الجامعة... "
نظر إلى كمن ينظر لعفريت
" بتقرا في الجامعة وبتلعب معانا الحريق وتقول نكات ألعن من نكاتنا ؟؟؟
| |
|
|
|
|
|
|
|
|
|
Re: قليل من الطنقعة لا يضير !! (Re: عاطف عمر)
|
الأخ أمين، تحياتي وشكراً على هذا الموضوع الهام.
• في تقديري فإن موضوع عدم احترام أغلب الناس في مجتمعاتنا إلا لمن يتعالى عليهم قليلاً يعود الى نمط من التربية والتنشئة مشوه بحيث تتم رسم صورة لصاحب السلطة، سواء كان حاكم أو أب أو مدير أو أستاذ، وكأنه من جنس آخر غير جنس البشر. فمفهوم المساواة المطلقة بين الناس لا يزال عندنا مجرد حبر على ورق.
• كانت دهشتي كبيرة عندما بدأت الدراسة للماجستير في احدى دول أوربا الغربية أن الطلاب يخاطبون البروفيسور بإسمه المجرد دون أي ألقاب علمية أو غيره، فتسمع مثلاً: أنتوني لا أعتقد انك أوضحت هذا الأمر بما فيه الكفاية!!. ويكون أنتوني هذا أستاذاً يحمل أرفع الدرجات العلمية، وأمثاله في مجتمعاتنا يتحدثون للناس من أطراف مناخيرهم!
• بعد فراغي من الدراسة وعودتي للخليج قررتُ أن أتعامل مع من هم دوني في الدرجة الوظيفية بإنسانية واحترام، فكنت مثلاً أبتسم لهم، وأقول للعامل الذي يحضر لي ملفاً "شكراً"، ولعامل البوفيه "لو سمحت عاوز قهوة"، وللسكرتيرة "لو ما عندك مانع أطبعي الخطاب دا".. وهكذا.
• النتيجة، إنني تسببت لهم في إرباك كبير فهم يعلمون أن الأمور تختلف عمّا أقوم به حيث تعودوا فقط على تلقي الأوامر والإهانات فصارت هذه هي العادة وما عداها نشاز. والخلاصة المؤسفة التي توصلت إليها هي: أن من يتعامل معهم بمساواة فهو غير جدير بإحترامهم.
| |
|
|
|
|
|
|
|
|
|
Re: قليل من الطنقعة لا يضير !! (Re: محمد عبد الماجد الصايم)
|
| Quote: الواحد يفتح بوست باسمو في العنوان و كأنو بتكلم عن شخص آخر |
البكتب مـرة وحدة في العـنوان تقول لي أخير من البكتبوا أساميهم (وأشياء أخـرى) بالبونت العريض بعد كل مداخلة..
القصص الحكوها الشباب ذكرتني مجموعة من الحكاوي يمكن يكون ليها علاقة بالطنقعة دي منها: قبل أكتر من عشرة سنين والزمن داك لسة الموبايل ما كتير، ضربت لصديقة في السودان في مكان العمل، وكنت عارف إنو التلفون في مكتبها لكن لامن رد لي زميلها سألتو في البداية بعد السلام عشان أتأكد إنو الرقم صحيح: قلت ليه: دا المركز الصفتو النعتو؟ قال: نعـم.. ولا شعورياً وبسرعة زي عادتي في الكلام قلت ليه: عليك الله لو سمحت ممكن أكلم فلانة؟ قال لي دقيقة.. بعد داك سمعتو يقول ليها باستغراب وبتشديد على الكلمات: في واحد قال عايزك وقال لي: عليك الله..... ممكن.... لو سمحت.... أكلم ...!
غايتو لغاية هسي ما عارف الكان مطنقع أنا ولاّ هـو!
| |
|
|
|
|
|
|
|
|
|
Re: قليل من الطنقعة لا يضير !! (Re: Isa)
|
اااااخ يا امين ياخي قفلتني قفلة شديدة خلاص
هسي انا كنت ناوي افتح لي بوست
عبد الله فقير الجبهة الثورية قصيدة في السلك
وبالمرة است###### لي كم نفر كدة من السناير واحقق لي شهرة افتح بيها ان شاء الله كشك ناصية
وووتاني شنو
قيل في الاثر : الما اتطنقع في شبابو ماحبابو
| |
|
|
|
|
|
|
|
|
|
Re: قليل من الطنقعة لا يضير !! (Re: وليد محمد المبارك)
|
شعبولا قال أول مرة يعرف إنو مصر في افريكيا ..
أهي جات كدا أنا ذاتي ما عارف المناسبة ..
أيه المفردات السوقية دي الجاي تبل بيها الكتاب الكبار ؟
اختشي على قول دينق..
:
تعرف يا بروف نحن ما خدين الطنقعة بطريقة عكسية ..
يعني بنطنقع في حتات ما محتاجه ليها ونتواضع في الحتات المحتاجة طنقعة ..
عارفك ما فهمتني ..
ابسّط هالك على قول المصاوره ..
طقعتنا بنمارسها على الاقل مننا زى ما قلت ..
وأضيف معارفنا/ اصدقانا / ولاد حلتنا / بلدنا ..
اما مع الغربا وفي الرسميات نكون متواضعين ..
طبعا المفروض يحصل العكس ..
عارف أكتر حاجة كانت بتفرسني في الانترفيوهات بتاعت الخواجات ..
لما يقول ليك انترديوز يور سلف ..
تسمع ليهو (السي في ) يقول ليك نو كلمنا عن نفسك ..
تقعد تتلفت لأنك ماتعودت الكلام عن نفسك ..
.
دي بله على خفيف..
عشان تاني ما طنقع على الكتاب الكبار .
| |
|
|
|
|
|
|
|
|
|
Re: قليل من الطنقعة لا يضير !! (Re: محمد عثمان ابراهيم)
|
سلام أستاذ محمد عثمان
رغم ان المخاطب البروف لكنني المعني بالحديث فانا من ذكرت الأستاذ عبد العزيز الصاوي في تعليقي
لم أكن اتتريق أو أضحك على الأستاذ في شخصه بل تعليقي على طريقته في كتابة العناوين و ذكر اسمه و على الإسم المستعار
وللاستاذ عبد العزيز العتبى إن كان بدا حديثي تريقة عليه
وشكرا على التنبيه
| |
|
|
|
|
|
|
|
|
|
Re: قليل من الطنقعة لا يضير !! (Re: ياسر احمد محمود)
|
حبيبنا أبو صلعة :)
سلامات ياخ
عارف في البلد دي لو ما قيمت نفسك مافي زول بقيمك !!
يعني تعمل فيها متواضع وبسيط .. الجماعة يطلعو ليك في صلعتك دي
ف إتساقا مع تقديرك لنفسك .. الناس بتقيمك .. شفت كيف؟؟
تحياتي
| |
|
|
|
|
|
|
|
|
|
Re: قليل من الطنقعة لا يضير !! (Re: حسبو عكاشة)
|
سلام يا بروف أمين ومشتاقين يا فردة
يا بروف تعرف نحن كشعب سوداني ربنا خلقنا متواضعين وما بنحب الطنقة والتكبر في الحياة العامة،
لكن في الأسافير والله مليانة جنس مواهيم لووووووووووول، تعرف يا بروف ديل معظمهم ناس إنطوائيين
وما بطلعوا للناس وبكونوا عايشين على الوهمة دي، وبرضو عجبني إتفاقي معاك بنوع المواهيم اللي
بكتبوا اسمهم في عناوين بوستاتهم مثل ناس "..."، تعرف ديل يا بروف ما مطنقعين ديل مواهيم،
ويطنقعوا على شنو كمان معظمهم شغالين أشغال هامشية أو عطالة بلا عمل وبدون شهادات عليا.
| |
|
|
|
|
|
|
|
|
|
Re: قليل من الطنقعة لا يضير !! (Re: حسبو عكاشة)
|
الأخ محمد البشرى
شكراً على تفهمك وعلى الرد بخصوص الأستاذ الصاوي لكن لاحظت مثلك إن هناك من يتطنقعون بتكرار أسماءهم والإشارة بتركيز على ألقابهم العلمية أو المهنية.
هناك من يتطنقعون بشكل يوحي بالتواضع.. زمان في محطة راديو كنت شغال فيها جانا إعلامي لبناني عنده دكتوراة من امريكا وفاكيها في نفسو بشكل بايخ.. المذيعة وكانت رئيسة القسم بتاعنا طلبت منه بعض المعلومات عن دراسته وتجربته فقام قال ليها لا أنا ما بحب التفخيم... شو؟ قولي عني واحد من الناس!
بعد صعوبة أورد سيرته الذاتية بطريقة متعالية.. يعني لو واحد من الناس يجيبوه في الراديو لي شنو وما يجيبو غيره؟
بعض المؤلفين في مقدمات الكتب يبالغون في التواضع المقصود به التباهي كأن يقول لك واحد هذا جهدي المتواضع الذي بذلت فيه عشر سنوات أو ما شابه..
غايتو نسأل الله أن يباعد بيننا وبين الطنقعة
الأخ ياسر
ياخي أبداً والله ما تشجيع على الطنقعة لكن بس نحفظ لبعض الكبار مقاماتهم ونتجمل معهم ولا كيف؟
| |
|
|
|
|
|
|
|
|
 Re: قليل من الطنقعة لا يضير !! (Re: فايزودالقاضي)
|
صاحب البوست بروف امين المطنقع ومتداخليه الاكارم
بعد التحية ,,,
فايز ود القاضي , التحية وكتير السلام
| Quote: بالمناسبة في صورتك دي فعلا انت بتقرا ولا طنقعة منك ساى ؟!! |
تصدق دي تاني بروفيل للبروف وهو في حالة من الطنقعة
مره بعائن وهو في حالة إستلهام فكري زي ماكنت مفتكر كده ... مرة واحد سالوا _ هنا_
رد وقال ليهو _كنت بعائن في التلفزيون المعلق في الحيطة ._
هسه ما عارف كتابوا البقراء فيهو ده يطلع شنو
انا غايتو بقيت محبط من المثقفين السودانيين وطنقعتهم
يعني الزول ده ماكان ممكن يقفل كتابو ده لحظة لحدي ما ياخد الصورة دي وبعد داك يواصل
عالم مطنقعة بشكل ,,,
ويقوليك قليلا من الطنقعة طيب لو كتره تكون كيف !!!!!!!
----------
تحياتي
| |
|
|
|
|
|
|
|
|
 Re: قليل من الطنقعة لا يضير !! (Re: عماد قريش)
|
المتطنقع كمن ينظر إلى غيره من قمة جبل..
يراهم صغار ويروه أصغر..
Quote: حاتم يا حبيبنا ما تساعدنا بالالفاظ ياخي .. أيه الارف دا ؟!!
|
عشان الطنقعة بتاعتك دي يا بروف جبت ليك مثل غير مقرف
| |
|
|
|
|
|
|
|
|
|
Re: قليل من الطنقعة لا يضير !! (Re: عماد قريش)
|
ذكرتني نكتة لبنانية ,,, واحد جاء يشتكي طنقعتة للبابا صفير زعيم الطائفة المارونية ,,, فرد عليه البابا قائلا ... ده شي طبيعي يا بني
نحن المارونيين دائما شايفين نفسنا ... فرد عليه الشاب ... بس انا موش ماروني .. فصرخ فيه البابا غاضبا ..وكت انت ماك ماروني
على شو شائف نفسك.
ووضع الندى في موضع السيف بالعلا مضر كوضع السيف في موضع الندى
او كلو في محلو سمح
يعني بروف في الطاقة النووية وصلعتوا اكبر من حقتك دي ...ما عندو اية سبب يخليه يتطنقع على العجلاتي البصلح لية
في عجلتو.... وده البنشوفو عند الخواخات عموما والامريكان خصوصا الواحد يكون مكمل العلم وشهاداتو تعمل
مجلدات يجيك في محلك ذي تلميذ الابتدائي ..
اما قصة الطنقعة بالهدوم والعربية وخلافة فدي حاجة انا ما قادر افهمها ... لكنها الاكثر انتشارا في بلاد العربان والسودان
خاصة بعد ما اصبح عربيا خالصا ... واعتقد انو عندها علاقة بالفقر وتطلعات البشر هناك
| |
|
|
|
|
|
|
|
|
|
Re: قليل من الطنقعة لا يضير !! (Re: khaleel)
|
قليل من الطنقعة لا يضير
الحقيقة يا بروف لأننا من غير الناطقين لي كم يوم محتار في كلمة ( الطنقعة) دي وشايف العنوان وأمر غادي غادي ، وحينما فتحت عنوان الصندوق أدركت المعني .
وفعلا في مجال العمل لا يضير ولا سيما في الخليج ، حيث هنا خليط من الجنسيات وهناك شعوب بعينها إن لم تطنقع لهم (يطلعوا في رأسك)
ولكن الأصل في الإنسان أن يكون متواضعاً حتى يرفقع شأنك الإله .
وللجميع التحايا .
| |
|
|
|
|
|
|
|
|
|
Re: قليل من الطنقعة لا يضير !! (Re: ولياب)
|
جميلة يا بو حيرد، و عليكم السلام يا عزيزة | Quote: سلام يا بروف كان عندي طبيبة العائلة هنا لمن امشي ليها بالزي العادي تتعامل معاي كاني متخلفة عقليا وتتكلم معاي براااااااااااحة وبابسط لغة انجليزية ممكنة ولما امشي ليها باليونيفورم حق الشغل تستعمل معاي لغة رفيعة ومصطلحات طبية وكلام كبار كبار بكون دة طنقعة منها ولا استوساخ ولا انفصام شخصية؟ |
ده إستوساخ يا ستهم، إستوساخ من الدرجة التالتة 'ب' حسب آخر تصنيفات الهيئة العليا للاستوساخ !!
اليونيفورم حق الشغل ده بخليها تستنضفك و تتعامل معاك كبني أدم، نصيحتي ليك أقعي اليونيفورم... تنومي بيه و تقومي بيه !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
| Quote: الغربية يا بروف فى السودان الشقيق. لو اتنقطعته وماعندك شي يقولوا ليك متطنقع على شنو. ولو عندك شي وإتطنقعته يقولوا ده زول متطنقع سااااى. |
الطنقعة يا بدرنا مفروض تكون للقادرين عليها فقط و بجرعات محددة لانو لو قللتها لبلتك السابلة و لو كترتها لاستبيضك الناس !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
و عليكم السلام و رحمة الله و بركاته يا أرتيقا ...| Quote: والله يا بروف مسكتنا خيط بعد دا نقعد نقابض ونهاجم فى الجماعة اياهم ديل من طرف عشان نرفع اسهمنا شوية وننشهر (على قول واحد بسيط كده وما بعرف حاجة عن الطنقعة والمتتطنقعين ) ... امانة ما وقعو متطنقعين |
يا زول إطنقع ساي ... ذاتو قالو كويس لصحتك ... قالت الاعراب ( تطنقعو تصحو ) !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
| Quote: هسي دي صلعة يطنقعو بيها؟؟ |
هي الطنقة شن حلاتها بدون الصلعة يا ود الصايم؟
ذكرتني نكتة الراجل العندو قناعة شديدة انه اي زول عندو صلعة معناها دكتور
يوم راكب المواصلات لقى ليهو واحد عندو صلعة واقف شماعة...
عمنا دا طوالي وقف ليهو وقعدو مكانه وشبكو ليك
- اها يا دكتور انت شغال في ياتو مستشفى؟
- اب صلعة اتخلع .. قال ليهو منو القال ليك انا دكتور؟
- صاحبنا قال ليهو واضح واضح ..
- اب صلعة قال ليهو لا والله انا ما دكتور ...
= صاحبنا قال ليهو معناها أكيد مهندس
= اب صلعة قال ليهو لا والله انا مدرس جغرافية ...
عمنا عاين ليهو بحرقة شدييييييدة وقال ليهو:
هسي في ذمتك دي شغلانية محتاجة ليها صلعة؟ 
ـــــــ
تحيات يا بروف
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
| Quote: قليل من الطنقعة لا يضير |
البروف الدكتور الفنان الكاتب المفكر الاديب القاص والشاعر الهنيهاتى
بعد السلام والتحية لمعاليكم
السؤال : اين القليل فى الالقاب اعلاه ؟
إذن كثيرها ايضاً قد لا يضير .. :)
طنقعات فى المنبر :
حسين ملاسى مثلاً طنقعتو امها بت عم ابوها على الرغم من انها لا تكلف فيها (طبع )
...
...
...
غايتو كل طنقعة وانت بخير ياخ
| |
|
|
|
|
|
|
|
|
|
Re: قليل من الطنقعة لا يضير !! (Re: احمد الأمين على إدريس)
|
سلام يا ياسر و لعلك بخير ياخي ..| Quote: في تقديري فإن موضوع عدم احترام أغلب الناس في مجتمعاتنا إلا لمن يتعالى عليهم قليلاً يعود الى نمط من التربية والتنشئة مشوه بحيث تتم رسم صورة لصاحب السلطة، سواء كان حاكم أو أب أو مدير أو أستاذ، وكأنه من جنس آخر غير جنس البشر. فمفهوم المساواة المطلقة بين الناس لا يزال عندنا مجرد حبر على ورق. |
ياخي كتر خيرك و انت تضع يدك علي مكان الوجع تماما ... ياخي شكلنا - كمجتمع - إتعرضنا لتربية مشوهة جدا ... لانو الواقع بقول إنو إذا لم تتعالى علي الناس قليلا مافي زول بحترمك ... و دونك حكاوي الناس في البوست ده غير ما شفناهو في الواقع ... حقيقة حاجة مؤلمة و محيرة !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
سلام يا عيسى | Quote: البكتب مـرة وحدة في العـنوان تقول لي أخير من البكتبوا أساميهم (وأشياء أخـرى) بالبونت العريض بعد كل مداخلة.. القصص الحكوها الشباب ذكرتني مجموعة من الحكاوي يمكن يكون ليها علاقة بالطنقعة دي منها: قبل أكتر من عشرة سنين والزمن داك لسة الموبايل ما كتير، ضربت لصديقة في السودان في مكان العمل، وكنت عارف إنو التلفون في مكتبها لكن لامن رد لي زميلها سألتو في البداية بعد السلام عشان أتأكد إنو الرقم صحيح: قلت ليه: دا المركز الصفتو النعتو؟ قال: نعـم.. ولا شعورياً وبسرعة زي عادتي في الكلام قلت ليه: عليك الله لو سمحت ممكن أكلم فلانة؟ قال لي دقيقة.. بعد داك سمعتو يقول ليها باستغراب وبتشديد على الكلمات: في واحد قال عايزك وقال لي: عليك الله..... ممكن.... لو سمحت.... أكلم ...! غايتو لغاية هسي ما عارف الكان مطنقع أنا ولاّ هـو! |
تعرف ... ناس " لو سمحت " و " شكرا " و " علي إذنك " و باقي تعبيرات الادب و المجاملة ديل عندنا أقرب للعيب... و ما بيستعملوهم إلا من رحم ربي... و ما عندهم علاقة بالطنقعة... بالعكس.... أدب و مجاملة و حسن تعامل ... الممكن تكون طنقعة و إحساس زايد بالنفس، قصة الناس البتكتب اسمها تحت كل مداخلة ليها ... غلبني أفهمها كلو كلو !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
عبدالله يا فقير ... سلام ياخي | Quote: اااااخ يا امين ياخي قفلتني قفلة شديدة خلاص هسي انا كنت ناوي افتح لي بوست عبد الله فقير الجبهة الثورية قصيدة في السلك وبالمرة است###### لي كم نفر كدة من السناير واحقق لي شهرة افتح بيها ان شاء الله كشك ناصية |
يا زول أفتح طوالي ... it's never too late علي الطنقعة !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
المزيد من المجئ و المزيد من الذهاب يا بروف .... عشان نستمتع بـ شوية طنقعة من هنا و هناكـ ... ويلكم باكـ (ولو انها متأخرة)
--------------------
أنا مع المفيد المختصر من عبارة آمنة مختار و بـ (الكوما و الفلستوب) اف ويي كان ... لأنو الطنقعة دي ما ساهلة بالمناسبة و في فرق وااااضح بين المتطنقع و المطنقع ، الأول آرتيفيشيال و التاني ناتشورال ، خلقة يعني :-) و أنا في رأيي انو المطنقع شخص غير ذكي لا يقف عند حجمه الحقيقي و لم يختبر قدراته بشكل كافي ... لانو لو فكر شوية حيلقى انو الطنقعة ممكن تختو في مواقف محرجة احيانا وانو اكيد عندو عجز ما في مكان ما ، ح يتفاجئ بيهو بغتة اثناء طنقعته المتتالية : )
طبعا في طنقعة متفق عليها من الناس اجمعين و في طنقعة نسبية
بس بصراحة ما فهمت العلاقة بين كتابة الاسم و الطنقعة! اي نعم هي عادة غريبة شوية بس علاقتها شنو بالطنقعة؟
| |
|
|
|
|
|
|
|
|
|
Re: قليل من الطنقعة لا يضير !! (Re: Kabar)
|
و عليكم السلام يا نذير يا فردة | Quote: سلام يا بروف أمين ومشتاقين يا فردة يا بروف تعرف نحن كشعب سوداني ربنا خلقنا متواضعين وما بنحب الطنقة والتكبر في الحياة العامة، لكن في الأسافير والله مليانة جنس مواهيم لووووووووووول، تعرف يا بروف ديل معظمهم ناس إنطوائيين وما بطلعوا للناس وبكونوا عايشين على الوهمة دي، وبرضو عجبني إتفاقي معاك بنوع المواهيم اللي بكتبوا اسمهم في عناوين بوستاتهم مثل ناس "..."، تعرف ديل يا بروف ما مطنقعين ديل مواهيم، ويطنقعوا على شنو كمان معظمهم شغالين أشغال هامشية أو عطالة بلا عمل وبدون شهادات عليا. |
تعرف يا النذير أنا - لحدي ما مرقت من السودان الشقيق في تسعينات القرن الماضي - كنت فعلا قايلنا (( ربنا خلقنا متواضعين وما بنحب الطنقة والتكبر في الحياة العامة،)) زي ما تفضلت .. لكن كل ما أرجع "الافتكار" ده تنقص منو حته ... البلد دي بقت لو ما عملت وهمات و أهميات الناس دي تستو سخك لمن تتحير ... بالذات لو عندك ما تطنقع به !!
لكن الواقع بسجمو و رمادو أخير من الاسافير ... غايتو زي ما بقولو الكيزان تحتسب بس !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
حبيبنا و مولانا الملك ... سلام يا رجل | Quote: تعرف يا بروف نحن ما خدين الطنقعة بطريقة عكسية .. يعني بنطنقع في حتات ما محتاجه ليها ونتواضع في الحتات المحتاجة طنقعة .. عارفك ما فهمتني .. ابسّط هالك على قول المصاوره .. طقعتنا بنمارسها على الاقل مننا زى ما قلت .. وأضيف معارفنا/ اصدقانا / ولاد حلتنا / بلدنا .. اما مع الغربا وفي الرسميات نكون متواضعين .. طبعا المفروض يحصل العكس .. عارف أكتر حاجة كانت بتفرسني في الانترفيوهات بتاعت الخواجات .. لما يقول ليك انترديوز يور سلف .. تسمع ليهو (السي في ) يقول ليك نو كلمنا عن نفسك .. تقعد تتلفت لأنك ماتعودت الكلام عن نفسك .. . دي بله على خفيف.. عشان تاني ما طنقع على الكتاب الكبار . |
غايتو قصة الطنقعة العكسية دي بالغت فوقها .. لانها فعلا حقيقية !!
بعدين قصة introduce yourself الفي الأنترفيوهات دي زي ما قلت بتجيب التلفت، الرجل الأبيض حقنا الهنا ده غالبا بعد ما ينتهي من الجزء الفني من الانترفيو يقول ليك "Why should I hire you" دايرك بعد ده تفكها فيه و تشبكو I have a great creative mind و I'm a very hard working, and self-motivating person و باقي الحنك العاضي البتنفخ بيه روحك ده، ما عارف إنو الكلام الزي ده في عرفنا عيب ... الكويس إنو الناس بقت منتبهة للكلام ده و كان إنت جديد في البلد بتلقى البوريك !!
قبل سنين عددا واحد دفعتي في الجامعة جاء من السودان للمدينة الكنت مقيم فيها، كان عندو انترفيو فقلت اديه tips زي ما القبالنا ادونا ... قلت ليه كان سألك من رقبتك ما تخجل فكها فيه طوالي و خلي ليك إجابة جاهزة، بعد الانترفيو ضرب لي تلفون قال لي صاحبك سألني "Why should I hire you" فكيتها فيه حامضة لمن بعيونو قال لي ( لا بالله ما تجي تقعد في محلي ده !! )
| |
|
|
|
|
|
|
|
|
 Re: قليل من الطنقعة لا يضير !! (Re: رشا احمد)
|
يارشا الكلمة إنقليزية (Callus) فعلا لكن ماعارفة ليها مرادف بالعربي غير كالو وهو الجلد التخين البيقوم في باطن القدم نتيجة المشي او ضغط الحذاء على جزء بعينه من القدم
____
أخباركم؟
| |
|
|
|
|
|
|
|
|
|
Re: قليل من الطنقعة لا يضير !! (Re: خالد عبدالوهاب)
|
أخي فائز القاضي، السلام عليك و رحمة الله | Quote: أمينوف ...سلامات ... كلمة طنقعة دي اصلها شنو وجات من وين ؟!! عشان الواحد يطنقع بعلم .. بالمناسبة في صورتك دي فعلا انت بتقرا ولا طنقعة منك ساى ؟!! |
عن كلمة طنقعة أخي فايز، أقول و بالله التوفيق :
كلمة طنقعة في الاصل مشتقة من كلمتين : (طن) و (قعة ) !!
يقول الزمخشري في (الكشاف) المجلد السابع الجزء التاسع صفحة 11 قسم الموازين : (( الطن هو كل ما لم تستطع الابل حملة )) و في نفس المرجع، المجلد العشرين، الجزء الثامن صفحة 29 قسم البل : (( القعة ( بفتح القاف و تشديد العين ) هو الاستوساخ الذي لا يحتمل )) انتهي .
تم دمج الكلمتين، و يقال بأن الهذليين ( نسبة لقبيلة هذيل ) هم أول من دمجو الكلمتين فصارت طنقعة، والله أعلم .
------------------
بالنسبة لصورتي فحقيقة ما كنت بقرأ، كنت بتصفح في مكتبة أخونا سمير شيخ إدريس، صورني سمير و خضر حسين ، خضر حلف لي إنو ما ح ينشر الصور ... تاني يوم الصباح لقيتو فاتح بيهو بوست !! طبعا خضر كشيوعي الحليفة لا تعني ليه أي شئ، و بالمناسبة سمير و خضر جابوني المكتب عشان ينصروني و ارتد عن الاسلام تماما كما قال البندر !!!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
Quote: هي الطنقة شن حلاتها بدون الصلعة يا ود الصايم؟
ذكرتني نكتة الراجل العندو قناعة شديدة انه اي زول عندو صلعة معناها دكتور
يوم راكب المواصلات لقى ليهو واحد عندو صلعة واقف شماعة...
عمنا دا طوالي وقف ليهو وقعدو مكانه وشبكو ليك
- اها يا دكتور انت شغال في ياتو مستشفى؟
- اب صلعة اتخلع .. قال ليهو منو القال ليك انا دكتور؟
- صاحبنا قال ليهو واضح واضح ..
- اب صلعة قال ليهو لا والله انا ما دكتور ...
= صاحبنا قال ليهو معناها أكيد مهندس
= اب صلعة قال ليهو لا والله انا مدرس جغرافية ...
عمنا عاين ليهو بحرقة شدييييييدة وقال ليهو:
هسي في ذمتك دي شغلانية محتاجة ليها صلعة؟ |
محاولة ( بائسة ) لترويج الصلع
أو
إنها الطنقعة الإنتهازية
| |
|
|
|
|
|
|
|
|
 Re: قليل من الطنقعة لا يضير !! (Re: عاطف عمر)
|
أمينو عاوزة أحكي حكاية والله
أول سنة جيت أمريكا إشتغلت في شركة إسمها IKON
المهم كنا بنحضر شغل المحامين وكدا (كانت شغلانة ممتعة)
المهم بنشتغل تلاتة ورديات كل وردية قبل ربع ساعة من نهاية شغلهم ببطلوا شغل وينضفوا المكان للوردية التانية
ورئيس ورديتنا بيجي حايم علينا فلان عليك نضافة كدا وعلان عليك كدا
المهم اليومداك طلع علي نضافة البريك رووم انا ومدير الشركة الكبير - أي والله-
البريك روم فيها نصبة القهوة وحوض غسيل وتربيزة سفرة كبيرة وكراسي وتلاجة وفيها كمية من الفوضى كدا
والاهم فيها جردلين زبالة لامواخذة طول الزول الواحد فيهم واي زول بيجي يرمي اي حاجة وفعلا شكلهم مقرف
المهم اول مامشيت على الاوضة ومقدمة رجل ومأخرة التانية لقيت المدير قلع بدلته -الجاكت- وشمر عن القميص وقال لي
رتبي بس التربيزة وأطلعي أنا بنضف محل القهوة وبشيل الزبالة .
المدير دا زاتو كان كل مانجي نستلم شغلنا وهو عبارة عن كرتونة كبيييرة مليانة ملفات كان طوالي بيتبرع وكف يختفها وطب يشيلها يوصلها ليك المكنة
_____
أنا لما كنت شغالة في مدرسة خاصة في مصر قدام باب الفصل في كرسيين واحد قاعدة فيهو الدادة والتاني المشرفة
الدادة تنضف وتودي الحمام وتشيل وتخت والمشرفة توقف الطابور وتدخلهم لي الفصل وترفع صوتها (تشخط فيهم) عشان انا ما أتعب
وعندي دادة تانية مخصوص قدام باب المكتب تجيب لي القهوة وطلباتي من السوق وتغسل لي المق
وأنا حي الله حتة مدرسة متخرجة ليها سنة
| |
|
|
|
|
|
|
|
|
|
Re: قليل من الطنقعة لا يضير !! (Re: maia)
|
Quote: محاولة ( بائسة ) لترويج الصلع
أو
إنها الطنقعة الإنتهازية |
أول حاجة يا عاطف ياخوي .. الحقيقة الثابتة
انه اي زول في الدنيا دي عندو شعر .. لكن
ما أي زول عندو صلعة .. وهنا يكمن التمييز
وزي ما قالت اختنا رشا .. في فرق واااضح بين
المتطنقع (تكلفاً) والمطنقع (خِلقَة) - ودا البمييز
طنقعة المصلعيين عن أي نوع طنقعة تانية
| |
|
|
|
|
|
|
|
|
|
Re: قليل من الطنقعة لا يضير !! (Re: Amir Omer)
|
سلام ناصر ، حباب ممثلنا في ارض الماء و الوجه الحسن | Quote: تصدق دي تاني بروفيل للبروف وهو في حالة من الطنقعة مره بعائن وهو في حالة إستلهام فكري زي ماكنت مفتكر كده ... مرة واحد سالوا _ هنا_ رد وقال ليهو _كنت بعائن في التلفزيون المعلق في الحيطة ._ هسه ما عارف كتابوا البقراء فيهو ده يطلع شنو انا غايتو بقيت محبط من المثقفين السودانيين وطنقعتهم يعني الزول ده ماكان ممكن يقفل كتابو ده لحظة لحدي ما ياخد الصورة دي وبعد داك يواصل عالم مطنقعة بشكل ,,, ويقوليك قليلا من الطنقعة طيب لو كتره تكون كيف !!!!!!! |
زي ما قلت لود القاضي ... الصور دي صوروني ليها خضر حسين و سمير شيخ إدريس ... زي عشرمية صورة كدا ... ما مصدقين إنو أنا قاعد معاهم في محلة واحدة !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
الشفيع يا حبيبنا ... سلام ياخي | Quote: قلنا الكلام ده، يا امين،،،،، قالوا علينا "حساد"، وجاء واحد ما فاهم اي حاجة ومسكنا ليك لباقة وكياسة وما عارف شنو الشفيع وراق // الجبهة الثورية السودانية ..كلام فاضي يا فندم ! ولامن تقولو انت، يفوتوها ليك ناس يعرسوها وناس يعملوا ليها كشك نقول شنو؟؟ |
يا الشفيع ياخي إنت كوز ... يعني كتر خير الناس هنا خشت و إتناضمت معاك !!
بعدين محمد عثماننا جاب رؤية إنو الناس دي ممكن تكون بتتعامل مع البورد زي الجرايد، علي الاقل نديهم ال benefit of the doubt
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
عماد يا قريش، سلام ياخي | Quote: شكرا أخونا أمين على البوست الرائع وحقيقة الطنقعة مفيدة فى بعض الأوقات وكلنا نعلم قصة الشيخ فرح ود تكتوك ومقولته الشهيرة "كل يا كمى قبل فمى" |
لازم الزول يزبط مقدار الطنقعة، لانو لو زدتها هبشة بتبقي بيضنة و دي ما بتصلح !!
| |
|
|
|
|
|
|
|
|
|
Re: قليل من الطنقعة لا يضير !! (Re: أمين محمد سليمان)
|
سلام يا أسامة و لعلك طيب ياخي ... | Quote: ووضع الندى في موضع السيف بالعلا مضر كوضع السيف في موضع الندى او كلو في محلو سمح |
الوضع الامثل إنو الناس دي كلها تقعد في الواطة و تفهم حقيقة إنو مافي زول أحسن من زول إلا بمقدار عملو و فائدتو للناس، فكرة الطنقعة نفسها بتجي من احساسك بالتميز و اعتقادك بانك أحسن من مجموعة من الناس، المشكلة في الموضوع إنو في أغلب الأحيان لو ما عملت كده بفتكرو في مشكلة و إنو ال credentials العندك دي ما حقيقية و يتعاملو معاك علي هذا الاساس، و عندي تجربة مريرة جدا في القصة دي !!
| |
|
|
|
|
|
|
|
|
|
Re: قليل من الطنقعة لا يضير !! (Re: Rawia)
|
يا بروف
قليل من الطنقعة لا يضير ولكنه لا يفيد حتما..
قدر ما تلقي اتطنقع وزيد في الطنقعة فقد قال خبير:
الطنقعة والمجد كهذين .. ثم مد لسانه وفرد السبابة.
وقال حكيم:
تطنقعوا تسودوا وتبقوا رؤساء جمهورية عديل كدا .
وقال العبد لله وهو يمشي بين الناس مكفكفا أكمام عراقيهو:
أنا تمساح الدميرة الكسرو ما بتجبر
أنا البلاء الحرق الشجر بعد ما خدر
وقد رأه وسمعه جماعة من الأعراب فقفزوا عاليا فوق حاجز التعبير
ثم نزلوا لب ترب حتي تشققت الأرض تحت أرجلهم وقالوا : هييييع يا الكلس ..
ثم نصبوه عمدة عليهم وضبحوا ليهو الأبل والأبقار ..
| |
|
|
|
|
|
|
| |
أمين محمد سليمان
AMNA MUKHTAR
Rawia
حسين نوباتيا
Nader Abu Kadouk
أحمد أبكر
ALZOLZATOO
محمد جمعه الخير
عثمان مكي
محمد البشرى الخضر
طارق جبريل
وضاحة
حاتم محمد حاج المهدي
Hani Arabi Mohamed
جميلة ابراهيم السيد
أنس عباس حسن
بدرالدين الطائف
Artiga Gilani
عاطف عمر
ياسر احمد محمود
محمد عبد الماجد الصايم
عبد الله فقير
محمد عثمان ابراهيم
محمد على طه الملك
حافظ انقابو
حسبو عكاشة
النذير حجازي
فايزودالقاضي
Yassir Tayfour
الشفيع وراق عبد الرحمن
عماد قريش
osama fadlalla
khaleel
ولياب
Amir Omer
احمد الأمين على إدريس
رشا احمد
Kabar
طلحة عبدالله
فيس بوك
تويتر
انستقرام
يوتيوب
بنتيريست