|
|
 يا تلفزيون بلاش دعايات مجانيه لتجار الاعشاب وام على والخرف والدجل ده
|
كل مره اشوف ناس التلفزيون القومى مستضيفين ناس محل اعشاب وما ادراك
وكل واحد مركز على قصة اعشاب طبيعية ومافى اثار جانبية
وعشبة اسمها ام على للراجل وللمرا الما عندهم انجاي ووو
وفى حلقة جابو واحد قال جاء مخصوص من مصر عشان يشترى من محل سودانى لانه العشبه غير مغشوشة وانه بعد استعملها زادت حيواناته ملايين
والليله جايبين واحد عنده اعشاب بتقضى على الصلع والثعلبة والجلحات الوراثيه
واعشاب بتفتح لون البشرة بدون اثار جانبيه واطالة شعر خلال 14 يوم
ده شنو الخرف والدجل ده!!!!!!!
ارحموا عقولنا ياخ
وده كله فى برنامج وضيف خبير قال ليستفيد المشاهد!!!!!
اكتر حاجة غاظتنى تحس انه مقدم البرنامج بيطرح الاسئلة بطريقة بحيث يكون الجواب العشبة التالية او المنتج التالى
واحد اتصل وقال ليهو 5 سنين ما انجب وبمجرد ما استعمل العشبه بعد 40 يوم زوجته حملت
اتخيلت ان المتصل تابع لمحل الاعشاب
فيا ناس التلفزيون الدعاية المجانية السمجه دى بدفعوا ليكم فيها بى تحت ولا برضوا تسهيلات و واسطات ومسؤول كبير شريك فى البزنس
بالله فى زول فاهم انا متضايق ليه
|
|
  
|
|
|
|
|
|
|
|
Re: يا تلفزيون بلاش دعايات مجانيه لتجار الاعشاب وام على والخرف والدجل (Re: محمد زكريا)
|
قبلكـ لاحظتها ..
وأنا اتجول في زقاقات السوق العربي وفي الميادين ..
شغلة الأعشاب دي ملت البلد ..
وبلا أي ضوابط او قوانين أو رقابة ..
بلد طلقيبه والله ..
هل تم اكتشاف الاعشاب الطبيه اليوم ..
ماهي موجوده من زمان ..
ولماذا لا تحارب الحكومة هذه التجارة ..
أعشاب يتم وضعها تحت أشعة الشمس ..
وبعضها مكشوف للغبار وخلافه من أشياء ..
ولا يعرف أحد ما المقدار الواجب تناوله ..
لأن بعض الأعشاب شديدة السميه ..
تجارة بلا ضوابط وينادوا عليها بالمايكرفون ..
وسط الخرطوم .. شئ عجيب ..
كثيراً ماوقفت متعجباً من انتشارها ..
وعجبت اكثر من عدم ضبطها ..
ومن هذا الصمت المريب ..
والآن التلفزيون جاء كمل الناقصه ..
وكل يوم شغال ليكـ أعشاب ..
ومسوحات ..
وحاجات تطول ..
وحاجات تقصر ..
وحاجات تفعل الأعاجيب ..
غايتو بلد همله صحي صحي ..
| |
|
|
|
|
|
|
|
|
|
Re: يا تلفزيون بلاش دعايات مجانيه لتجار الاعشاب وام على والخرف والدجل (Re: جمال ود القوز)
|
Quote: قبلكـ لاحظتها ..
وأنا اتجول في زقاقات السوق العربي وفي الميادين ..
شغلة الأعشاب دي ملت البلد ..
وبلا أي ضوابط او قوانين أو رقابة ..
بلد طلقيبه والله ..
هل تم اكتشاف الاعشاب الطبيه اليوم ..
|
ما بتذكر وين
لكن مره سمعت قصة واحد من الجماعة ديل ما عارف جابوه فى الاذاعة ولا التلفزيون ولا يكون كان واقف جنب الجامع الكبير فى الخوطوم
المهم الراجل ده قال انه اكتشف دواء لعلاج الايدز نهائياً اتخيل راجل عالم نابغة زى ده واقف بيعرض فى دواء بيقضى على مرض فقد المناعة المكتسبة
يعنى لو بس اتصل ب اهيف مركز بحوث ممكن يكون ملياردير لكنه اختار ان يعرض اكتشف من اما الجامع الكبير
والعجب العندهم اعشاب لعلاج السرطان والعندهم مقويات جنسيه وووووو
المهم الخطر فى بالى يعنى معقول العالم المتطور ده وامبراطوريات الادويه فى العالم الحديث ديل كلهم لسه ما اكتشفو سحر وسر هذه الاعشااب!!!!!!
ولا ما سمعوا لسه بعلماء الاعشاب فى السودان لذلك لابد من تسويقهم عبر القناة القومية الرسمية للتلفزيون السودانى عسى ولعل ان يبلغوا ويسمعّوا عن ثرواتنا القومية هذه
عن ثورة التداواى بالاعشاب والعودة الى الطبيعة والبيئة يعنى نحن نسبق العالم فى الاهتمام بالصحة البيئية .... يا سلام ياخ
وخصوصاً بتاعة البتخلى الصلع تقوم زى النجيله ولا بتاعة التجاعيد تختفى وبشرة الوجه تبقى زى بشرة الطفل .... يا عالم احترموا عقولنا
ووين المختصين والدارسينها والاطباء ليه ساكتين على الاستخفاف بعقل المواطن البسيط
Quote:
غايتو بلد همله صحي صحي .. |
وما عندها وجيع, اخخخخ من الوجع الاصبح جزء متأصل وصار اسمو عاااااااادى وما بيوجع
شكراً يا ود القوز على المشاركة
| |
|
|
|
|
|
|
|
|
|
Re: يا تلفزيون بلاش دعايات مجانيه لتجار الاعشاب وام على والخرف والدجل (Re: وائل فاروق)
|
| Quote: غلطان انا البخلينى شنو اتفرج على برامجكم يعنى وعند دشلومية قناة |
YES ; IT' UR OWN FAULT
البخليك تتفرج على جنس الهباب ده ! و فِلِم
( تبييض الوجه ! ) و طِب ( السدر ! )
و ( العُشر ! ) و ( الخُرّيم ! ) و ( تسميين
العجز و الساقين ! ) ...
...
ده قالوا إسموا الطب النبوى الرسالى و دوا
العسل و الكى و الحبة السوداء !!!!
....
جنس القنوات دى ( مسحناها ! ) زماااااااااااااان ...
..........
تحياتى يا محمد زكريا ...
and GOOD LUCK
.........
عبدالماجد
| |
|
|
|
|
|
|
|
|
|
Re: يا تلفزيون بلاش دعايات مجانيه لتجار الاعشاب وام على والخرف والدجل (Re: ABDELMAGID ABDELMAGID)
|
Quote: ABDELMAGID ABDELMAGID
Quote: غلطان انا البخلينى شنو اتفرج على برامجكم يعنى وعند دشلومية قناة
YES ; IT' UR OWN FAULT
البخليك تتفرج على جنس الهباب ده ! و فِلِم
( تبييض الوجه ! ) و طِب ( السدر ! )
و ( العُشر ! ) و ( الخُرّيم ! ) و ( تسميين
العجز و الساقين ! ) ...
...
ده قالوا إسموا الطب النبوى الرسالى و دوا
العسل و الكى و الحبة السوداء !!!!
....
جنس القنوات دى ( مسحناها ! ) زماااااااااااااان ...
..........
تحياتى يا محمد زكريا ...
and GOOD LUCK
.........
عبدالماجد |
اووووووووو السير اليكس فيرجسون :)
يازول وين مختفى واخباركم مع الدورى الانجليزى
غايتو كله من العازه الله يسامحها بتستغل فرص وجود الضيوف عشان تحول الى قناة السودان
كل ما تشوفنى بتفرج فى قناة افلام ولا قناة ما فيها كورة ولا موسيقى تقول لى عشان ما تجى لقطة محرجة قدام الضيوف اصل الخواجات ما بختشوا
اها اقعد اصنقع واتمحن فى القناة السودانية والعجب الضيوف لو سودانيين يقول ليك يا سلاااااااااااااام والله اشتقنا لتلفزيون السودان
قلت لى بيقولوا عشب ينفع لتسمين العجز والساقين ههه راح يودوهم السلخانه بعديها :)
المشكله انه تلقى بعض الرجال بيتصلوا وبيسالوا عن طرق الاستخدام والاثار الجانبيه
اين المختصين والمسؤولين
| |
|
|
|
|
|
|
|
|
|
Re: يا تلفزيون بلاش دعايات مجانيه لتجار الاعشاب وام على والخرف والدجل (Re: وائل فاروق)
|
سلامات يا زاك,,
الجماعة مشو لواحد فكى قالو بعالج أى هاجة أى والله أى هاجة ,,
عمك العيان جاى وما مقتنع وراكب فيل كمان,,
قال ليهو إنت عندك دوا شنو بالضبط كدا نورنا يا دكتور؟؟
إيدز سرتان دغت وسكرى دوا جنا وجع ضهر كلى بواسير عروق
محبة كلو فى ما تشيل هم خالس...
قال ليهو طيب الأمريكان الطير ديل ضربوا مصنع الشفا ليه وخلوك إنت,,
إنتو بتشوفو الحاجات دى وين!!!!!
تلفزيونات السودان مفلسة ولم تجد غير التسويق لهذا الدجل
والنصب على البسطاء حالها كحال حكومة الجبايات والأتاوات دى ,,
تحياتى ياخ,,
| |
|
|
|
|
|
|
|
|
|
Re: يا تلفزيون بلاش دعايات مجانيه لتجار الاعشاب وام على والخرف والدجل (Re: مهدي صلاح)
|
Quote:
إنتو بتشوفو الحاجات دى وين!!!!!
تلفزيونات السودان مفلسة ولم تجد غير التسويق لهذا الدجل
والنصب على البسطاء حالها كحال حكومة الجبايات والأتاوات دى ,,
|
ايمن الطيب سلامات
حاول مرة تجرب كيف ممكن نستحمل وتواصل مشاهدة مثل هذه الحلقات فى تلفزيوننا القومى
والمستغرب كيف تسمح ادارة التلفزيون بمثل هذه الفقرات لتعرض للمشاهد
ده غير برامج والفقرات الاصلاً هى دعاية لبتاعين العده والاثاث والثياب والديكور
| |
|
|
|
|
|
|
|
|
|
Re: يا تلفزيون بلاش دعايات مجانيه لتجار الاعشاب وام على والخرف والدجل (Re: سليمان القرشي)
|
Quote: سليمان القرشي
والعجيب في واحد ساكن في قناة
النيل الازرق سكنه صاحب مركز
الشامي للاعشاب دا من تصبح قاعد
في البرنامج غايتو بلد همله ساي
تسلم ودزكريا |
سلا يا سليمان
والقنوات الموجودة كمان شغالة لينا بس حاكو حاكو
انا المستغرب فيه وين ناس الشرع وعلماء الدين؟
وين نقابة الاطباء ووزارة الصجة؟
وين ناس حماية المستهلك؟
وين ناس القانون وامن المجتمع؟
هل اصبح الانسان السودانى مثل فئران المختبرات لتجرب عليه كمية من الادوية المضرة؟
وتباع له الاوهام
فليستمر هذا البوست ليفضح كل المتورطين
| |
|
|
|
|
|
|
|
|
|
Re: يا تلفزيون بلاش دعايات مجانيه لتجار الاعشاب وام على والخرف والدجل (Re: علي محمد الفكي)
|
مع نهاية البرنامج
افيد شىء من برنامج حزمة ضوء سؤال مباشر من امراة من مدنى عما اذا هنالك فوائد من عشبة ام على اليمنية
واجاب الضيف ممثل اتحاد العشابين بانه اكتشف بالامس انها خليط لمجموعة 14 عشب لمعاجة الكثير من الاعراض
واكد انه لا يجوز خلط اكثر من 5 اعشاب
الدكتور ايضاً اكد انه قد تنشاء مضاعفات من خلط كم كبير من الادوية
المهم الخلاصه الفهمتها انها مش كويسه
| |
|
|
|
|
|
|
| |
محمد زكريا
جمال ود القوز
أيمن الطيب
مهدي صلاح
سليمان القرشي
Elmosley
علي محمد الفكي
Mohamed Foto7li
فيس بوك
تويتر
انستقرام
يوتيوب
بنتيريست