|
|
 سـؤال لبـورداب الهـند و خريجيهـا , ( ناذر تعـال دقيقـة بالله )
|
في الحقيقـة هي أســئلة للمســاعدة حول نظـام التعليم الجامعي بالهنــــد
و مبعثها أنني ذهـبت مع ابني للبحث عن دراســة جامعية ولكن هناك تهــت .
ففي بنقـلور و جـدنا جامعة هندســية إســمها Visvesvaraya Technological University
وتختصــر ( VTU )
و هنالك حوالي 96 من معهد تقني لكلية هندســية ( في نفس المدينة ) تمنح نفس الدرجة
( بكالوريوس , ماجســتير و دكتـوارة ) وفي الغالب تدرس نفس التخصصات بزيادة في بعضها
وبالسـؤال عرفت أن هنالك جامعة طبية ايضا ( مثلا ) يتبع لها كثير من الكليات في نفس المدينة
نفس الكليات تدرس طب و مجموعة تدرس صيدله ........ و هكذا ,
ولكل كلية قبولها الخاص
1 / هـل جميع هـذه الكليات و المعاهد التقنيـة جـزء من الجامعة أم هي كليات خاصـة ( أهلية )
2 / ما هي علاقة هـذه الكليات بالجامعـه
|
|
 
|
|
|
|
|
|
|
|
Re: سـؤال لبـورداب الهـند و خريجيهـا , ( ناذر تعـال دقيقـة بالله ) (Re: عبدالله احيمر)
|
سلام عبدالله
ندخل في الموضوع طوالي والإخوان بضيفوا و بوضحوا اكتر
مثال جامعة رجيف غاندي بانغلور
مسؤولة عند تحديد المقررات ومنح التراخيص للكليات و مراقبتها و ضبط معاير الجودة و وضع الامتحانات.
الكليات التابعة لها تقوم بعملية التدريس الفعلية من محاضرات نظرية و عملية و أنشطة أكاديمية ...الخ
ولكل كلية شروط قبول من ضمنها القبول الأولي من جامعة رجيف غاندي.
الشهادة النهائية تمنح من جامعة رجيف غاندي
نواصل...و ال شباب يعملوا اب ديت للكلام ده !!
| |
|
|
|
|
|
|
|
|
|
Re: سـؤال لبـورداب الهـند و خريجيهـا , ( ناذر تعـال دقيقـة بالله ) (Re: محمد يوسف طه)
|
Quote:
مثال جامعة رجيف غاندي بانغلور
مسؤولة عند تحديد المقررات ومنح التراخيص للكليات و مراقبتها و ضبط معاير الجودة و وضع الامتحانات.
الكليات التابعة لها تقوم بعملية التدريس الفعلية من محاضرات نظرية و عملية و أنشطة أكاديمية ...الخ
|
الأخ
محمد يوســف طـه
ســـــــلام
لك خالص الشــكر و التقديــر ارجــو أن تســـتمر في التوضيح
1 / اها ذي راجيف غاندي دي بتكون جامعـة حكومية ام اهلية ؟
2 / هل لديها كلياتها الخاصـة بهـا اداريا و اكاديميا وليس بالاشــراف فقـط
و في انتظار باقي الأخــوة
| |
|
|
|
|
|
|
|
|
|
Re: سـؤال لبـورداب الهـند و خريجيهـا , ( ناذر تعـال دقيقـة بالله ) (Re: عبدالله احيمر)
|
سلام عبد الله أحيمر ..
يصادف أنني درست في بنقلور تحديد .. وحقيقة أختيار موفق لأبنك ..
بالنسبة لنظام الدراسة اقول لك أن بنقلور تحديدا بها الجامعة الأم ومن ثم هنالك عدة كليات متفرقة وموزعة في المدينة لمختلف التخصصات من اداب وهندسة وطب وصيدلة وكمبيوتر وغيرها .. جميع هذه الكليات تتبع إداريا لجامعة بنقلور الأم وهي التي تشرف عليها وتضع مقرراتها وحتى الشهادات والقبول .. كل ذلك يتم من من خلال الجامعة التي تفوض الكلية فيما يختص بالدراسة وما شابه ..
جامعة بنقلور الأم مهمتها الاشراف الأداري على جميع الكليات والمعاهد التي تحت ادارتها .. الجامعة في زمننا كانت فقط لطلاب الدكتوراة ومناقشة رسائل الماجستير أحيانا ولكن لا يوجد بها طلبة للبكالريوس ..
الكلية تنوب الجامعة في كل الأمور الإدارية والطالب لا يحتاج للذهاب اليها .. عن نفسي شخصيا فقد درست في أحدى الكليات التي تتبع لها الجامعة ولم تطأ قدمي ارض الجامعة قط حتى تخرجي منها !! اذ لم تكن هنالك من حوجة لي للذهاب اليها ولعلك قد لاحظت ان الجامعة بعيدة نسبيا عن مركز المدينة وهنالك مشقة وعنت في الذهاب اليها ..
| Quote: ما هـو وضـع الجامعات الجكوميـة و هل تقبل طلبة أجانب |
نعم تقبل أجانب من جميع انحاء العالم من طلبة عرب وأفارقة وبنقلاديش وصينيين وغيرهم ..
| |
|
|
|
|
|
|
|
|
Re: سـؤال لبـورداب الهـند و خريجيهـا , ( ناذر تعـال دقيقـة بالله ) (Re: ناذر محمد الخليفة)
|
الأخ ناذر
لك التحايا و التشــكرات
و دي جامعـة غير جامـعة ( VTU )
| Quote: ولعلك قد لاحظت ان الجامعة بعيدة نسبيا عن مركز المدينة وهنالك مشقة وعنت في الذهاب اليها .. |
تخيل يا ناذر من ( Banaswadi ) لموقع الجامعة مبااااااالغة وبعـد دا كلو رجعونا بخفي ( Visvesvaraya ) مؤسس الجامعة
المكــرم حســين
لك الســلام و الامتنان
| Quote: .... ما وريتنا الولد عايز يدرس شنو بالضبط ؟ هندسة ولا طب؟ يمكن نقدر نساعدكم |
عاوز يدرس هندســـة
( Mechatronics ) و لك الشــكر لو اســتطعت أن تسـاعد ولك الشـكر على السـؤال
| |
|
|
|
|
|
|
|
|
|
Re: سـؤال لبـورداب الهـند و خريجيهـا , ( ناذر تعـال دقيقـة بالله ) (Re: عبدالله احيمر)
|
سلام عبد الله ..
| Quote: تخيل يا ناذر من ( Banaswadi ) لموقع الجامعة مبااااااالغة |
يا سلااام ياخ .. تعرف اكاد أجزم أني أول سوداني سكن في بناسوادي .. منطقة جميلة جدا مختلفة وطابعا فلل متناثرة مع الخضرة وما فيها زحمة زي زحمة المناطق الجمبها .. جيت الهند متأخر ولقيت الطلبة أجرو كل الشقق والغرف الحوالين الكلية .. وأنا بطبعي بحب الهدوء .. سالت كم سمسار وجابني شقة ستديو جميلة جدا في بنا سوادي .. الوكت داك ما كان فيها اي سوداني أو عربي فيها .. وانا عجبني فيها الطريق الدائري السريع ring road ودا كان بيختصر الزمن خاصة أنو كان عندي موتر وكدة ..
في حاجة خلعتني فيها ..!
في بنا سوادي أول مرة اشوف سنجاب على الطبيعة ههههههه أنا ما شفت سنجاب الا بتاعين مجلة ميكي الاسمهم تيك وتاك ديلاك .. لكن في بنا سوادي شفتهم على الطبيعة وهم بينططوا في أشجار جوز الهند وياكلو اللب ..!!
هلا محمد علي ..
Quote: وياناذر الماجستير حاليا بقي متاح في الكليات والدكتوراة في الجامعة الام
|
تمام .. والله التعليم في الهند وبنقلور تحديدا ماشي في تطور وتقدم شديدين ..
| |
|
|
|
|
|
|
|
|
|
Re: سـؤال لبـورداب الهـند و خريجيهـا , ( ناذر تعـال دقيقـة بالله ) (Re: Mohamed E. Seliaman)
|
هلا محمد إي ..
Quote: يمكن شفت النوع الأسود
عندنا في كسلا مالات الواطة تاكل عيش فول أو أي حاجة تزرعها
وكان ما لقت حاجة هشة تاكل بذور النبق الناشف
|
صدق الشفتهم ديلاك النوع الأصلي زاتو .. البيكون فيهو خط بني على طول امتداد السلسلة الفقرية .. زي الشفناهم في مجلة ميكي بالضبط .. أنا قربت أكورك ليهم : تيك ؟؟!! تاك ؟! عرفتوني ؟!!!
Quote: كنا نصيدها بالكجامة
|
بالغتو .. أوع بس تكونوا بتاكلوها ...!
| |
|
|
|
|
|
|
|
|
|
Re: سـؤال لبـورداب الهـند و خريجيهـا , ( ناذر تعـال دقيقـة بالله ) (Re: ناذر محمد الخليفة)
|
اعتذر لكم جميعا على انقطاعي من البوســت بســـبب زائـرة المتنبي الذي قال فيها
و لكنها اقامت عندي طوال اليـوم
Quote:
و زائرتي كأن بها حياء وزائرتي كأن بها حياء *** فليس تزور إلا في الظلام
بذلت لها المطارف والحشايا ******************** فعافتها وباتت في عظامي
يضيق الجلد عن نفسي وعنها ********************** فتوسعه بأنواع السقام
.........................
..........................
أبنت الدهر عندي كل بنت *********************** فكيف وصلت أنت من الزحام |
| Quote: منطقة جميلة جدا مختلفة وطابعا فلل متناثرة مع الخضرة وما فيها زحمة زي زحمة المناطق الجمبها .. |
اما الآن فحدث عن الزحام و لا حـرج و خاصة أننا في ( كليانقار , كمنهلي مين رود )
محمد الحسـن
مرحب بيك
عارف الصبر ( جمع صــبرة ) كان يملأ الغابة ( نادي الميرغني حاليا لغاية الكبري القديم )
و ســواقي شـــرق القاش من ســاقية فقــيري وحتى ســواقي الحديد
ياخي منظرها جميل
| |
|
|
|
|
|
|
|
|
|
Re: سـؤال لبـورداب الهـند و خريجيهـا , ( ناذر تعـال دقيقـة بالله ) (Re: عبدالله احيمر)
|
هلا عبد الله ..
Quote: اما الآن فحدث عن الزحام و لا حـرج و خاصة أننا في ( كليانقار , كمنهلي مين رود )
|
طبعا كمنهلي دي السودانيين واليمنيين والصوماليين يعجبوك فيها .. محتلينها عديل .. بس الكويسة فيها انو ايجاراتا مناسبة جدا والمطاعم متوفرة على مدار الساعة بالاضافة انها خطوط مواصلات وإن كان السودانيين عموما ما بيركبو مواصلات عامة في بنقلور ..
| |
|
|
|
|
|
|
|
|
|
Re: سـؤال لبـورداب الهـند و خريجيهـا , ( ناذر تعـال دقيقـة بالله ) (Re: ناذر محمد الخليفة)
|
سلام عليكم...
يا ناذر السودانيين مابركبوا مواصلات عامة؟ بركبو شنو؟
كان عندنا في باكستان المواتر حصراً للمقتدرين فالموتر بداية التسعينات كان يعادل حوالي 800 دولار و انت ماشي..
و 800 دولار كانت مصاريف تمانية شهور، يعني سنة دراسية،،
والاعتماد علي المواصلات كان علي بص الجامعة المجاني
والفايت الناس مسافة كان يعتمد علي السزوكي بي اتنين روبية
أما المغنغين فوسيلتهم للتوصل هي الرقشة
واضح انكم كنتو مرطبين ،،
أما مُلاّك المواتر (في مدينة حيد آباد ) فهو عماد عبد الله وكان بالنسبة لنا كجمال الوالي اسه للمريخ.
عماد كان مرطباً يشرب شاي متى ما أراد و يأكل برياني علي كيفو ويشترك في الميز العربي و يتوصل بي موتر ، عماد كان ظاهرة.
ولسة لم اتداخل معاو في الفيس بوك بسمع صوت الموتر لم يدخل القهوة و بشعر انو علاقاتي رفيعة..
| |
|
|
|
|
|
|
|
|
|
Re: سـؤال لبـورداب الهـند و خريجيهـا , ( ناذر تعـال دقيقـة بالله ) (Re: mutwakil toum)
|
هلا متوكل توم ..
Quote: سلام عليكم...
يا ناذر السودانيين مابركبوا مواصلات عامة؟ بركبو شنو؟
|
بنقلور تحديد وأن كانت من أجمل مدن جنوب شرق اسيا لكن سكانا الأصليين من اسوأ وأردأ شعب الهند .. عمري كلو كنت بقول سكان بنقلور لا يستحقوا أبدا يكونوا في بنقلور .. ما بيعرفوا تعامل نهائي مع الأجانب على الرغم من انهم بيتكلمو انجليزي .. الناس ديل في الباصات والحافلات قمة الهمجية تنزل من البص تلقى روحك يا اتنشلت يا طرش فيك زول بايتة معاهو يا كمان بطنك طمت وبراك طرشت في روحك ..
في سودانيين في بنقلور قعدوا أكتر من عشرة سنوات ما ركبو بص نهائي .. زي ما قلت كنا مرطبين . يا عندنا مواتر ملك يا كمان الماعندو بيأجر موتر بالشهر من الفلسطينيين هناك .. حتى الطالبات الدرسوا معانا كل واحدة عندها موتر .. والما بيحب المواتر يقع الركشات وهي موجودة ومتوفرة على مدار الساعة وفي أي وكت ..!!
Quote: أما مُلاّك المواتر (في مدينة حيد آباد ) فهو عماد عبد الله وكان بالنسبة لنا كجمال الوالي اسه للمريخ.
عماد كان مرطباً يشرب شاي متى ما أراد و يأكل برياني علي كيفو ويشترك في الميز العربي و يتوصل بي موتر ، عماد كان ظاهرة.
ولسة لم اتداخل معاو في الفيس بوك بسمع صوت الموتر لم يدخل القهوة و بشعر انو علاقاتي رفيعة.. |
ههههههههه بالمواصفات دي غايتو مفروض تعتبروهو باقوان (إله) وتعملوا ليهو تمثال وتعبدوهو زي ما بيعملو بعض فارات الهنود لمن يشوفوا زول مرطب شديد .. طوالي بيألهوهو ويعبدوهو ههههههههه
| |
|
|
|
|
|
|
|
|
|
Re: سـؤال لبـورداب الهـند و خريجيهـا , ( ناذر تعـال دقيقـة بالله ) (Re: ناذر محمد الخليفة)
|
| Quote: طبعا كمنهلي دي السودانيين واليمنيين والصوماليين يعجبوك فيها |
ناذر
كيف حالك و شــكرا لك على المواصلة
ياخي انتظظرك ترشـيحك لكلية على الاقل الكلية التي درســـت بها
تصدق كمنهلي الأن فيها كل شــعوب الارض ( كوريين , صينيين , اهلنا بتاعين وسـط وغرب افريقيا...) بجانب من ذكرت
اما العرب الاســيويين فبالكوم ,تصدق قابلت طلبة و طالبات من ايـران و كل زول بي موتور
في انتظار ترشــيحك و باقي الأخوة بورداب الهند وخريجيها
| |
|
|
|
|
|
|
| |
محمد يوسف طه
ناذر محمد الخليفة
Mohamed E. Seliaman
فيس بوك
تويتر
انستقرام
يوتيوب
بنتيريست