الصديق الشاعر عبد المنعم لك التحية والاشواق التى تعلم هذه الاغنية الالياذة اول ما استمعت اليها كان بصوت الشاعر الفنان محمد سعيد دفع الله ابناء خالته اصدقاءنا عندما ياتى لزيارتهم نتحلق حوله لغنينا مثل هذا الغناء ياخى الغنية دى فيها كلام طاعم ضمة ضمة عمرك شركت للقمرى والدباس
01-07-2013, 09:46 PM
عبد المنعم سيد احمد
عبد المنعم سيد احمد
تاريخ التسجيل: 10-13-2003
مجموع المشاركات: 11824
الدباس ياتو ؟ الفي الغنية ولّ دباسن تاني..هههه.. غايتو شركنا للزرازير وكتين كنا مساخيت ساكت من أجل المتعة مع الرعيّة.. وربما أطلقناه في آخر النهار .. ولكن حين يأتي الليل نترصد الدباس في أوكاره فروع الاشجار بعد أن نتاكد أن ليس هنالك صغار أو بيض.. وعلى ضوء الكشافات نحظى بما يسد الشهية من لحم طير مما تشتهون ..
وتاني إتذكرت أغنية جيبو لي خبرو شوفو لي وين راح في مكان سفرو..
الليلة يا مسافر.. وقيل مرات يا مسافري...هههه.
عبود تبوري متعة في العزف وفي الصوت وفي الليركس وفي الأداء.
لك التحية.
01-07-2013, 11:20 PM
Adil Hamza
Adil Hamza
تاريخ التسجيل: 09-09-2008
مجموع المشاركات: 1361
و يا سلام على هذا الايقاع الجميل فللطمبور مكانة خاصة فى نفسى و لعبود تبورى صوت يأسرنى كلما اسستمعت اليه و ما زلت اذكر زيارته لى فى منزلى فى العام 87 بالجبيل برفقة بعض اصحابى من ابناء القرير يومها غنى كأن لم يغنى من قبل و طربنا و رقصنا معه فلك الشكر على هذه الاستراحة الجميلة و التحايا عبرك للاسرة الكريمة و لكل اهل تورنتو
01-08-2013, 03:49 PM
عبد المنعم سيد احمد
عبد المنعم سيد احمد
تاريخ التسجيل: 10-13-2003
مجموع المشاركات: 11824
Quote: الدباس ياتو ؟ الفي الغنية ولّ دباسن تاني..هههه.. غايتو شركنا للزرازير وكتين كنا مساخيت ساكت من أجل المتعة مع الرعيّة.. وربما أطلقناه في آخر النهار .. ولكن حين يأتي الليل نترصد الدباس في أوكاره فروع الاشجار بعد أن نتاكد أن ليس هنالك صغار أو بيض.. وعلى ضوء الكشافات نحظى بما يسد الشهية من لحم طير مما تشتهون ..
وتاني إتذكرت أغنية جيبو لي خبرو شوفو لي وين راح في مكان سفرو..
الليلة يا مسافر.. وقيل مرات يا مسافري...هههه.
عبود تبوري متعة في العزف وفي الصوت وفي الليركس وفي الأداء.
لك التحية.
01-08-2013, 04:42 PM
عبد المنعم سيد احمد
عبد المنعم سيد احمد
تاريخ التسجيل: 10-13-2003
مجموع المشاركات: 11824
الراقى عادل كيفنك وعساك طيب عليك الله شوف جنس النضمى ده فى اطعم منو بلا المشرق وطعمو المسكر عبود زول فنان مابيغنى الا الكلام الطاعم الزى ده ماشفت الوزير المطرطش ده يسوى الجامعة فى امدرمان والجمال ده فى الصحافة زلط
01-08-2013, 05:32 PM
عبد المنعم سيد احمد
عبد المنعم سيد احمد
تاريخ التسجيل: 10-13-2003
مجموع المشاركات: 11824
الصديق الباشمهندس حيدر بشير لك التحايا وعاما جديدا سعيدا بعيدا عن ثلوج تورنتو وشتاءها القاسى انت الليلى معزوم معانا فوق قيزان الباسا هذا الفنان الرائع حافظ الباسا التقيته كثيرا فى سفرتى الاخيرة صوت قوى وطروب وحنين احد ملوك الطرب هذه الايام وباستنا دى مو حنينى
01-08-2013, 05:55 PM
saidahmed shami
saidahmed shami
تاريخ التسجيل: 01-08-2013
مجموع المشاركات: 2348
العريس عبد المنعم والله سعيدين بمعفرفتك انت زول فنان التقيت بكل هذه الروائع حافظ طه زول هادى ومهذب وفنان ولدنا حافظ يبدع فى غناء المناسبات ماشفتو بجنن الحفلة كيفن تسلم عزيزى ياراقى
01-08-2013, 09:29 PM
ابراهيم الفاضل
ابراهيم الفاضل
تاريخ التسجيل: 01-02-2013
مجموع المشاركات: 309
Quote: العريس عبد المنعم والله سعيدين بمعفرفتك انت زول فنان التقيت بكل هذه الروائع حافظ طه زول هادى ومهذب وفنان ولدنا حافظ يبدع فى غناء المناسبات ماشفتو بجنن الحفلة كيفن تسلم عزيزى ياراقى
تسلم يا حنين
فعلا حافظ مبدع في حفلات الاعراس
وحاليا فنان الاعراس الاول معي عبدالله حسن مدني
سعيد اني هنا في وسط المبدعين من أمثالك
01-09-2013, 04:59 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
يا زول في الغربة دي النضمي النفر دا وحات ربي ما بنقدر عليهو.
يا اخي الجِتة ممددا هنا في الغربة، لكن الرِويحة مرفرفة فوق الجروف هناك مع الدباس، ويووووت مقيلة معاهو فوق سبيط التمر تنقد في أم راس وتسوي القوق.
التحايا النواضر ليك ولأخوانا البرالمة الطمبارة الجو يتلبدوا بجاي...
الصديق الجميل ودالمدير كيفنك عساك طيب ومنجم مع التلوج دى ياخى غنانا ده وحات الله زى المالى جيوبك بركاوى فى الشتة اب زيفة داك تفرك وتقرقش هو جنس دفو هو عاد
وله مع شاى المغرب تاكلك قنقر تدفى عضامك وتجرى لابره تدق الكف مع الاصحاب والطنابير الترن فى القيزان فى ضو القميرة وياقمرة اقلبى السنسنى الحمرة وشوفى ابويا ليه ماجا
01-09-2013, 07:29 PM
عبد المنعم سيد احمد
عبد المنعم سيد احمد
تاريخ التسجيل: 10-13-2003
مجموع المشاركات: 11824
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة