خلافات ومشاكل المساجد كثيرة ومتكررة وفى اكثر الاوقات تجد أن هذه المشاكل ذات طابع نمطى محدد . تاخر رفع الاذان او تقديمة عن موعده . تاخر قيام الصلاة عن موعدها المحدد . عدم وجو إمام راتب. ______________ واشياء اخرى . شقل اللمبات طفى اللمبات شقل المكيف طفى المكيف افتح المرواح وووووو اشياء لا حصر لها. شخص او اشخاص معينون من المداومين على الصلاة فى هذه المساجد هم دائماً من يتسببون فى افتعال هذه المشاكل. وهناك مشاكل وخلافات لاتجدها إلافى مكان معين حسب طبيعة علاقة اهل هذا المكان . ولاشياء خاصه بهم وبطبيعة حياتهم.
02-01-2013, 09:23 PM
بدرالدين الطائف بدرالدين الطائف
تاريخ التسجيل: 01-09-2013
مجموع المشاركات: 1747
مشهد اول. كالعادة اذن الاذان لصلاة المغرب اتحركنا انا وصديقى ابوبكر عشان نصلى فى المسجد القريب من البيت. اول ما دخلنا ساحة المسجد لقينا الناس وا قفة ومقسومة على كومين . ناس عاوزين يصلوا داخل المسجد وناس مصرين يصلوا خارج المسجد فى الساحه الامامية. سالنا يا جماعة الخير الحاصل شنو بالضبط. فاجابنا احد العارفين باصل المشكلة انه فى واحد طلب من الامام الراتب انه يصلى بينا والامام وافق. طيب يا جماعة المشكلة شنو اجابنا نفس الاخ بانه الامام العاوز يصلي بينا ده انصار سنه. وكعادة اهل هذا المسجد استمر الجدال والخلاف وكل ناس صلوا صلاتم. انتهى.
مشهد تانى. كنا فى مشوار عمل انا واحد الزملاء ولانه وقت الصلاة كل المحلات بتقفل لقينا المحل المقصود مقفول سالنا عن اقرب مسجد للصلاة دلونا على مسجد صغير . فى اخر الشارع قريب من المكان الكنا موجودين فيهو. المهم دخلنا على المسجد وجلسنا منتظرين الامام . كان فى المسجد عدد قليل من الناس وواحد شايب جالس خلف مكان الامام . لما تاخر الامام وتاخر وقت قيام الصلاة قام احد الاخوة الموجودين من جنسية عربية وفتح المكايك واقام الصلاة. وقال لى عمك الشايب اتقدم يا عمنا صلى وعمنا رفض يصلى . صلى انت لا صلى انت لباقى الموجودين فى الاخير قام صاحبنا نفسه صلى بينا كاحسن ما يكون. بعد ما إنتهت الصلاة جاء واحد والظاهر إنه الامام الراتب للمسجد من اخر الصف ومسك ليك اخونا الصلي بينا ده ودورة ليك معاهوز مشكلة لرب السماء. ويش تكون انت تصلى . ومين سمح لك . ما تبقى تنتظر شوف لك مسجد تانى. وووووووووووو. ياخ انا يا دوبك عرفته ليك عمنا الشيبة داك ابى يصلى بينا ليه .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بدرالدين الطائف
فيس بوك
تويتر
انستقرام
يوتيوب
بنتيريست