|
تحذير لكل مغترب ؟؟؟
|
عليك أن تحمل معك كل ايصالاتك المالية الخاصه بالمساهمة الوطنية والذكاة منذ اغترابك عند عودتك في اجازتك السنوية لأن جهاز المغتربين يمكن ان يدفعك المبالغ مرة أخرى اذا ضاعت منك هذه الايصالات لأنهم لا يشتغلون بالحاسب الآلي كثيراً وعند ذهابك للسفارة ايضاً يجب أن تكون معك هذه الايصالات حتى لا تتدفع المبلغ مرة أخرى؟؟؟ هذا ما حصل معي بالظبط قبل يومين عندما ذهبت للسفارة السودانية بالريااض لاجراء معاملة لأحد اقاربي فطالبوني بأن اسدد مبالغ متراكمة منذ عام2002 من مساهمة وطنية وذكاة وغيرها؟؟ وعند مهاتفي له اتضح انه مسدد كل المتأخرات حتى 2011 وهو تاريخ زيارته الأخيره للسودان فطلبت منه أن يرسل الايصالات المالية والحمد لله كان محتفظ بها فحملتها معي وذهبت مرة اخرى للسفارة حتى اقتنعو بذلك ... وعندما طالبتهم بضرورة ان يربطو شبكتهم بالسودان لأننا في عصر النافذه الواحدة والحكومة تتبجح بذلك .. افادوني بأنهم لا يتبعون لجهاز المغتربين ولكن مهمتهم تنحصر في تحصيل المبالغ فقط؟؟؟ اللهم اللطف بالمغتربين من هؤلاء المسئولين الغير مسئولين؟؟؟
|
|
|
|
|
|
|
|
Re: تحذير لكل مغترب ؟؟؟ (Re: اسامة حسين البشير)
|
سلام اخي اسامة
نفس السيناريو تكرر معاي السنة الفاتت في قنصلية جدة ذهبت لتجديد الجواز ولم احمل اوراق الضرائب معي وعند مراجعة ضابط الجوازات حولني لشباك الزكاة وعينك ما تشوف الا النور بمنتهي الوقاحة قال لي كيف اصدقك انت مسدد قولت ليه اطيع برنت ونشوف المهم طبع البرنت ظهر فيه انا مسدد لحدي 1424 فقط وين باقي السنوات ياشيخنا ؟؟؟ قال لي اذا مسدد في السودان ما بظهر هنا ؟؟ الحل ياتتدفع ياتجيب الايصالات !!!!!!!!!!!!! احتد النقاش بيني وبين الموظف تتدخل موظف قديم بالزكاة واتي بحل وسط شاف الجواز واعتبر اخر زيارة للسودان هي اخر سداد 2010 المهم باقي سنة واحدة دفعتها وجددت الجواز لمن رجعت البيت راجعت الايصالات لقيت نفسي دافع زكاة سنة مرتين ا رجعت القنصلية تاني يوم ووجدت مساعد القنصل اعتقد اسمه عبدالحليم احتوي الموقف واسترديت المبلغ المدفوع بالزيادة
ومن هذا البوست نطالب جهات الاختصاص بضرورة ربط بيانات المغتربين بالسودان والقنصليات تفاديا لمثل هذه الحالات .
| |
|
|
|
|
|
|
Re: تحذير لكل مغترب ؟؟؟ (Re: اسامة عثمان السيد)
|
نفس الفيلم حصل لي السنة الفاتت...علماً بأنني مسدد على داير المليم والا الهللة..
اظرف حاجة حولوني لموظفة الضرائب...لقيتا بتحاجج ليها في زول ...المهم في الاخر حلفتو قسم ..قمت قلت ليها والله انا ما علي اي متأخرات ولكن ما جبت معاي الايصالات باعتبار الموضوع قديم وكده..قامت شافت جوازي وصدقت الورقة على طول وقالت لي (انا بعرف الزول من وشو)!!!
| |
|
|
|
|
|
|
Re: تحذير لكل مغترب ؟؟؟ (Re: ياسر منصور عثمان)
|
سلام يا أسامة
ياخي أنا مافي شيء عامل لي حمى إلا الاحتفاظ بإيصالات الدفع دي ما ممكن الواحد يحفظ ليهو إيصالات بعدد السنين كلها
ياخي نحن دار الوثائق المركزية ؟
واحدة من أتنين يا يوحدوا الشبكة أو
تكون محل الدفع جهة واحدة
دي صعبة ؟
| |
|
|
|
|
|
|
Re: تحذير لكل مغترب ؟؟؟ (Re: حمد عبد الغفار عمر)
|
Quote: واحدة من أتنين يا يوحدوا الشبكة أو |
حمد عبد الغفار مافي حل تاني يا يوحدو الشبكة يا كمان يوحدو الشبكة هم بيوحدوها بقروشوم ماهي قروشنا زاتها مفروض اول حاجة تتعمل بيها الحاجات البتريحنا ثانيا توحيد الشبكة دة داير لية علماء ذرة ما برنامج وقدرة اتصال علية وجيدة لكن انت ما ناقش الفلم كل جهه عاوز تتحصل براها زي ناس الجمارك في سواكن لو جيت بعربية جديدة تربتك بيتحاججو معاك ويقولو ليك اكيد انت حاتخلي العربية في السودان او حاتمشي تجمركا في الخرطوم وهم ما عاوزين تفوت منهم عشان بعدين لو جمركت في الخرطوم الدخل بيتحسب في تحصيلات الخرطوم ما تحصيل سواكن وكأن جمارك الخرطوم وسواكن ديل حريم ضرات
| |
|
|
|
|
|
|
Re: تحذير لكل مغترب ؟؟؟ (Re: الزبير صالح الزبير)
|
صاحب البوست وضيوفه الكرام ،،، تحياتي
ده كله كوم وحكايتي دي كوم براها.. تخيلوا كنت في الرياض وتم نقلي لجدة ودافع كل الالتزامات في الرياض حتى تاريخ 2007م
جيت جدة وصادف انو عندي معاملة في 2008م والله ما فاكر هي ايه تجديد جواز العائلة ولا جوازي ما عارف تخيلوا طالبوني بنفس هذه المطالب وقلت ليهم مخلص اي حاجة وما عندي متأخرات وكلها مدفوعة في الرياض .. طيب وين الايصالات قلت ليهو ادخل في الكمبيوتر وده رقم الحاسب الآلي بتاعي اصلا ناس الرياض يسجلوا ليك رقم الحاسب في الصفحة النهائية في جواز السفر .. المفاجأة طلعوا ما عندهم علاقة وربط او توحيد مع سفارة الرياض مما اضطريت ان اضيع يوم كامل من العمل بالاضافة لليوم التاني حيث احضرت معي كل الايصالات المطلوبة تخيلوا !!!!!!!!!!!
مودتي
الرحـــال
| |
|
|
|
|
|
|
Re: تحذير لكل مغترب ؟؟؟ (Re: أشرف الرحال)
|
صاحب البوست و ضيوفه السلام عليكم غايتو نحن الحمد لله هنا في قطر من عدة سنيين لا يوجد أساسا موظف لا ضرائب و لا زكاة الرسوم الوحيدة التي ندفعها فقط عند تجديد الجواز فقط حتي في السودان الا تكون عندك متاخرات في الضرائب التي وقفت من العام 2005 رجعت من السودان قبل عشرة ايام ذهبت الي جهاز شئون العاملين بالخارج فقط دفعت مبلغ 120 جنيه عبارة عن زكاة و رسوم تاشيرة
| |
|
|
|
|
|
|
Re: تحذير لكل مغترب ؟؟؟ (Re: امير طمبل)
|
اخي امير ربنا يسهل علينا في الرياض زيكم كده بس حيرتني في موضوع انك دفعة ذكاة ورسوم تأشيرة فقط ؟؟ في حاجه اسمها خدمات سنوياً برضو بس شكلك عفوك منها أو اجلوها ليك ؟؟؟ هنا بالرياض تجديد الجواز كان بي115ريال+100ريال دعم مجهود حربي تغيرت لدعم سلام واخيراً اصبحت مسمى واحد 215 رسوم تجديد + 10 ريال سموها صندوق خيري
| |
|
|
|
|
|
|
Re: تحذير لكل مغترب ؟؟؟ (Re: امير طمبل)
|
لصاحب البوست وللمتداخلين والمشاركين من وراء الكواليس لكم جميعاً التحية . أخوكم حريص على كافة المستندات الخاصة بي ولا سيما إيصالات الضرائب والزكاة والخدمات الي ترعتي الرهد وكنانة ( لدي ملف عديل ) وحقيقة أراجع السفارة هنا في الرياض من وقت لاخر حسب الدواعي ، تجديد ، إضافة مولود الخ .... ولم يحدث معي أن طلبوا مني إيصالات لأعوام سابقة وقد سألت مرات عن آخر سداد ، وأكون أيضاً حريصاً على أن يكون بحوزتي آخر إيصال ، ولكن مررت بتجربة مع ناس الضرائب هنا في الرياض وهناك في الخرطوم ، إذ أنه تم دفعي لمبلغ 200 دولار بالزيادة في سفارتنا بأحد الدول العربية وقد نبهني لذلك أحد الأخوات في الضرائب وطلبت منها أن يثبت ذلك في الاتصال ، لم تقصر وكتبت :( تم دفع مبلغ 200 دولار بالزيادة ) وبموجب ذلك المستند حاولت أن أسترجع المبلغ ، وقيل لي لا يمكن الاسترجاع ولكن سيتم عمل تسوية في العام القادم بموجب السند الذي أحمله ، وجاء العام الذي يليه ولم تحدث أي تسوية وظللت أدخل من موظف لآخر حتى وصلت لرأس الهرم في الضرائب ولكن دون جدوى ، ظللت بهذا الحال قرابة الخمسة عشر عاماً ، لم أكل ولم أفتر من مطالبة حقوقي الضائعة ، وكانت آخر الفصول في العام الخامس عشر من تاريخ ذلك المستند ، حينما توجهت للجهاز لعمل تأشيرة الخروج وأثناء الاجراءات توسمت في أحد المفتشات خيراً وذهبت لها وحكيت قصة الـ 200 دولار والسك والجري للتسوية ، وقالت بطريقة إستفزتني ( أنت كنت وين المدة دي) ومطالبة الحكومة إن عدت خمسة سنوات ضاعت عليك ، ولم أدخل معها في جدال عقيم ، وقلت لها ( لماذا تطالبون الناس عن السنوات الماضية ) وسألتها عن مكتب مدير الضرائب ، حيث أشارت لي وحينما ذهبت لمقابلته تفاجأ المدير بأن في المستند توقيعه أيضاً وشرحت له القصة ، لم يقصر الرجل إستدعى أحد مدخلي البيانات وأحضر ورقة فلسكاب وبموجب البرنت أوت الذي لدي سجل كل البيانات وأضافة لي مبلغ الـ 200 دولار وعمل لي التسوية اللازمة . شكرته على حسن تصرفه وأحقاقه للحق . وخرجت وأنا غير مصدق وكانني أنتزعت صيد من فكي تمساح .
| |
|
|
|
|
|
|
Re: تحذير لكل مغترب ؟؟؟ (Re: ولياب)
|
اخي ولياب اشكرك على المرور ... ومبروووووووك عودة الـ200 دولار لجيبك في هذا الزمن الصعب بالمناسبة مفروض كان تطالب بفوائد لانهم حركوها في حساباتهم15سنة؟؟؟ بالمناسبة سمعت طرطشت كلاااااااااام قالو ترعة الرهد وكنانه حتعملوهم شركة صينية للاستفاده من تعلية خزان الرصيرص ؟؟؟ اهو كلااااااام وبقولو رغم المبالغ الضخمه التي صرفت على سد مروي ولكنه لم يحقق ولا 20% مما كانو يبشروننا به ال الانقاذ؟؟؟
| |
|
|
|
|
|
|
Re: تحذير لكل مغترب ؟؟؟ (Re: الزبير صالح الزبير)
|
اخي الزبير صالح لا فض فوك فعلاً كلامك هو الحاصل وعشان كده الفيلم ده حيستمر إلى مالا نهاية في وجود هؤلاء المسترزقين من قوت الشعب بالداخل والخارج وربنا يلطف بالسودان وشعبه من اللا وطنييين؟؟؟
| |
|
|
|
|
|
|
Re: تحذير لكل مغترب ؟؟؟ (Re: اسامة عثمان السيد)
|
اخي اسامه اشكرك على المداخله انت عارف دخلت في مناقشه مع القنصل قولت ليهو الفلوس البندفعها دي مقابلها شنو ؟؟؟ عارف كان رده: المقابل انك بتحمل جواز دولة السودان ... اجبته : ولكن الجواز السوداني اصبح سهل الحصول عليه ويمكن ان يرسل لك الجواز والجنسية السودانية وانت في بلد آخر(البنت السعودية المستضافة قبل ايام في ام بي سي) نموذج حيث تبناها سوداني بالخرطوم وارسل لها جواز وجنسية سودانية من السودان ؟؟؟ والأشياء المستباحه في السياده الوطنية كثيرة ؟؟؟؟
| |
|
|
|
|
|
|
Re: تحذير لكل مغترب ؟؟؟ (Re: اسامة حسين البشير)
|
المشكلة تحتفظ بيهن وتشيلن وماشي عاضي جلابيتك لي المشاكل ما يسعلوك منهن
شخصيا محتفظ بي أي وصل دفعتو من الابتدائي......يقولوا جيب ايصال شلن الشهر طوالي أمشي لي الملف المدفوق فيه زيت كركار...بالشم ساكت بطلعو.. يقولوا جيب ضرائب سنة أسكت....أمشي لي الملف الملصقة فيه حلاوة مولد يقولوا جيب وصل زكاة اي سنة...أديهم الملف أب سبحة...كلو في...
وبين كل تلاتة سنين بصم الايصالات دي منهم في خلو طرف دا قاعد أبروزو عديل بي بلاستيك....
ناوي بعد ما أرجع إن شاء الله أشتكيهم وارجع قروشي علي داير الملين وبي سعر كل زمن براهو
| |
|
|
|
|
|
|
Re: تحذير لكل مغترب ؟؟؟ (Re: وليد زمبركس)
|
اخي وليد اشكرك جداً على المعلومات التي سردتها وللأسف ديل ينطبق فيهم قوله تعالى (وهم في غيهم يعمهون) صد الله العظيم وفعلاً هم يريدون ان يظل الوضع على ما هو عليه طمعاً في المزيد ربنا ينتقم منهم دنيا وآخره
| |
|
|
|
|
|
|
Re: تحذير لكل مغترب ؟؟؟ (Re: nazar hussien)
|
بس يا نزار الجمااااااااااعه ديل ماعاوزين نوعك ده دايرين مع مشاغل الحياة وضغوطاتها ممكن المغترب يضيع الايصالات المالية التي قام بسدادها حتى يجدو الفرصة ليدفعها لهم مرة اخرى؟؟؟ وكان الله في عون الجميع
| |
|
|
|
|
|
|
Re: تحذير لكل مغترب ؟؟؟ (Re: اسامة حسين البشير)
|
Quote: بس يا نزار الجمااااااااااعه ديل ماعاوزين نوعك ده |
هسي لو سألتك انت بتدفع مساهمة وضرائب مقابل شنو؟؟؟ مش مقابل تأشيرة خروج بتدفع رسومها؟؟؟
أنا خاتي ايصالاتي دي عشان أخاسبهم عديل....
سووو لي شنو؟ ودفعت ليهم كم؟؟؟ ومقابل شنو؟؟؟
| |
|
|
|
|
|
|
|