|
|
 يا حوت : مش يوم 7/12/2012 قابلناك في نادي الضباط؟ معقولة بس؟
|
يا حوت : مش يوم 7/12/2012 قابلناك في نادي الضباط؟ معقولة بس؟
معقولة بس تفوت ولا حتى تودع ساي؟ على أي حال إن شاء الله ما آخر وداع مع السلامة مع السلامة , أظنك ما فهمت من البداية إنه سبب الريد البينك وبينا هم الجاروا عليك وعلينا , معقولة بس يا حوت تسبيو عنادك وترحل مع الغمام والعجب حبيبك لا زال منتظر لحظة منك مدهشة ومفرحة؟ سبتها بلادك شايلة جراح وشايله همك فهل من عوده تاني؟
رغم بعدك برسل سلامي يحوي شوقي وكل إحترامي , وبعدك يا حوت بنقول للحزن : أصلو الحصل ما بتوصف لا بي بحرف ولا بي غناء!!!
خطاوينا في بحري حتبقى رتيبة فالخطوة فيها من دونك الخطوة منك كيف؟ وعلى قدر الشوق يا حوت ما يمد مدينا , وعلى قدر ما طرونا ليك ماقدرنا نشيل جراحك في الغربة نشتاق لي عينيك , وحنشيلوا همك وعارفنوا بحر الحزن ماليه قيف وحنينا إليك يا حوت في ليل الغربة أضنانا وبدمع القلب بكاني , .
خلاص ما تبكي يا عيوني أتاريهم نسوا الريدة نسوها وحتى نسيوني , خلاص يا عيوني ما تبكي والجافاكي ما تسكي , ما تتألمي وتشكي , الساب الحنان سيبي, وحقيقة الريدة بتبكي , وعيني ما تبكي ما تبكي ما تبكي , كفاية أحمل هم , أعيش حياتي ألم , نارية في جسمي نيرانها ما بترحم , ولا هو البحن ليٌ ولاالزمن برحم.
غدر الزمن يا حوت مسح الأحاسيس النبيلة وبدلها , عرفناك يا حوت من قمت من تبيت في بحري إتربيت وإنت الولد الشفت الساكن في أعماق البت السمحة , إلا يا حزن بعد الفراق ما عدت تاني تهمنا إيه الحصل تكتب جواب عايز تواصل ودنا... وبعد الفراق!
مش غريبة يا حوت بداياتك كانت بي سكت الرباب؟ لما شفناك آخر مره قبل شهر ونص في نادي الضباط هل كانت صدفة إنك مشيت من الحفلة بدري؟ شكلك كنت عايز تقول حاجة , كنت عايز تقول لينا إنه أصلك ماشي بدري لكن يبدو ما فهمنا من البداية, وعملتها يا حوت ومشيت بدري فعلاً ولا حتى تودع ساي؟
ما حنقول قولك : ولا تسأل هي راحت فين , تروح إن شاء الله في ستين , لكن بنقول : أصلو الحياة بين الأمل والشوق صراع , لكني زورق حبي يا غالي ما داير شراع , مع السلامة مع السلامة , عشم اللقاء بيك ما إنقطع لو مستطاع , يسعدني إنك ترسلي وعني دايماً تسألي.
مع السلامة مع السلامة , مع السلامة مع السلامة , مع السلامة مع السلامة , مع السلامة مع السلامة , مع السلامة , مع السلامة مع السلامة , مع السلامة مع السلامة , مع السلامة مع السلامة , مع السلامة مع السلامة , مع السلامة مع السلامة , مع السلامة مع السلامة , مع السلامة مع السلامة , مع السلامة مع السلامة , مع السلامة مع السلامة ,مع السلامة.
ولا حوله ولا قوة إلا بالله.
|
|
 
|
|
|
|
Mohamed Abdelmotalib Hassan
فيس بوك
تويتر
انستقرام
يوتيوب
بنتيريست