|
محمود عبد العزيز .. قوم يا صاحب
|
قوم يا صاحب..
و أدي الدنيا بصيرة شوفه
أرجع غني .. و زيدنا تمني
هدي قلوبنا..
و طمِّن ،،
خوفه. . منك دفق نهر الحب
ندّي عطشنا
و طبّ القلب
قوم يا حبُ
طوِّع قدرك .،،
و فارق خَدَرَك
أصحي تعال ..
في أحسن حال
و عود للناس
القاسيه
ظروفه . قوم يا صاحب شوف..
كم زول في حزنو مقيم
كم جوف بالآهه سقيم
كم لحن وراكا يتيم
أسرع فتّح .. و قوم متفتِّح
ورده تقاوم علة جوفه
. قوم يا واحد و وافي
أرفض وجعك
و تِب متعافي
أنفض ريش العله وطير
رفرف إنت جناح الخير
ما هماك لي وين السير
أسأل
ناساً
رافعه
كفوفه. . إنت السامق
و أسمي حبيب
زول متصالح
و قلبو حليب
شوف بي عينك
خوفنا مهيب
ناس راجنك إنت تطيب
و ناس تدعيلك ظهر الغيب
بي إيمان
الرب
محفوفه
. خلي هزارك
و عود لي دارك
طرّق صوتك
و شد أوتارك
غني الحاضر
و ماضي و باكر
لملم فينا ،،
شتات الخاطر
نظِّم فينا ،،
خطاوي البهجه
تَبتِب و نوّم ،،
أرق المُهجه
وحِّد فينا ،،
تباين اللهجه
و خلي الفرحه ،،
تجيك مزفوفه
قوم يا صاحب
وش البهجه
وحاتك
شاحب . .------------ فاروق أبوحوه 08/01/2013
|
|
|
|
|
|