الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: ادى البحر نصو (Re: Hololy)
|
Quote: راجياك فى قيف النزيف خاتاك فى بال السهر دافناك فى موج الأسيه رجع لياليك ردها ارفع قدم نوحك تعال قالو الدرب دس الأتر غطى المشاوير بالغبار ومن دمك الواقف حداك اسقى بور خوفك مطر
|
حاجات تهبش الزول في محل الوجع وتضغط بحنية على ذكريات الخوف والفرح وشحتفة الروح . جيت اسلم عليك واحييك واحى الزول الجميل الاسمو حلولي ،،،
| |
|
|
|
|
|
|
Re: ادى البحر نصو (Re: بله محمد الفاضل)
|
Quote: رجع لياليك ردها ارفع قدم نوحك تعال قالو الدرب دس الأتر غطى المشاوير بالغبار ومن دمك الواقف حداك اسقى بور خوفك مطر
شد خيل غناك اتوكل على الحيل الفتر وابدا السفر
ادفنو مع القبيل فضل من المسادير الأبت سكنت طرف حسو بِل الرويحه الناشفه فى حيضان مناك وادى البحر نصو |
كاد حيلنا ان "يفتر" ولكنك شددته وجعلتنا نكرب قُشاطتنا مرة أخري ونرفع القدم مرة أُخري ونتكأ علي بوحك الطاعم ونمسك الدوداب والدَّرب الإنشبح بعد ان دسّ تنابلة الشّعر "أتر" الإبداع إن كنت الرائع ابا ذر الذي غنا له الراحل مصطفي فقد "شلت وحملت معه كتف الغنا الميّل "سابقا وإن كنت غير فأرجو وأحسب أنك سوف تقص الأتر جيدا لأنك تعرف قيافة الشِّعر بالقاف من القيافة وهو من الفراسة في معرفة الأثر و قيافة الحرف شكرا لأنك بليت الرويحة الناشفة وسقيت بوار وحلنا ونفضت من المشواير الغبار
محبتي
| |
|
|
|
|
|
|
Re: ادى البحر نصو (Re: عبيد الطيب)
|
عبيد الطيب
ليك كل العطر الفى التحية وكل التحية الفى الخاطر
وكأنه الأسماء على اشكالها تقع
شوفة وقراية الإسم يا عبيد مباشرة تحيلك لحضرة واحد من أنهار النغم النمير والطرب الكبير
عبيد الطيب
الفنان زول الفتيحاب المليان غنا وسماحة
يا روحى سلام عليك
ويا سايق يا ماشى النظرة ماشه وراك وقف وسوقنى معاك
وسلامين وتقدير ليك وليهو
يا ليتنى كنت ذاك الأباذر البديع
أبوذر الغفارى مشى وحيدا زى سميه الأولانى المدفون وحيدا فى الربذة
وحالى أنا ما بعيد كتير من الاتنين
يولد وحيدا ويعيش وحيدا
والباقى أكيد مدسوس فى سر الوحدة الجاية
شكرا ليك انت ياخ
عشان جملت اللحظة بى جيتك
وزدت حبورنا كتير والله
| |
|
|
|
|
|
|
Re: ادى البحر نصو (Re: Hololy)
|
Hololy
كيف الحال كلو
وتحايا كتيرة
الباقى من شنو ؟
من العمر ؟
من الدرب ؟
من الحبر ؟
ولا من الأسئلة ؟
نفسى اعرف والله
على الأقل الواحد يقدر يتصرف
ههههههههه
تحياتى تانى ياخ
| |
|
|
|
|
|
|
Re: ادى البحر نصو (Re: أبوذر بابكر)
|
Quote: قالو الدرب دس الأتر غطى المشاوير بالغبار |
طابت ايامك ابوذر
أصلو العمر كان دربا مشيتو كسيح وكان غرسا سقيتو بكى وقبضت الريح
ما اشبهة الليلة بالبارحة وقعت علينا في حنانا
| |
|
|
|
|
|
|
Re: ادى البحر نصو (Re: falcon)
|
والله ايام يا فالكون
أى ريح معطرة جابتك لينا الليله ؟
قطع شك هابه من تالا السماء البطرانه
كيف احوالك كلها
وعساك طيب وشديد وسعيد
| |
|
|
|
|
|
|
Re: ادى البحر نصو (Re: أبوذر بابكر)
|
Quote: محمد حسن
يطيب معناك ان شاء الله وتبسم سماك
دربك اخدر وايامك كلها يانعة وندية[/QUO
وكت دخلت علي بابك غشيتك في حروف معتقة ومنعتقة وما اجمل استقبالك علي راحتيك الامان
شكرا لعافية زوقك الرفيع
| |
|
|
|
|
|
|
Re: ادى البحر نصو (Re: عبدالله داش)
|
داش
الزول العيد
الذكرى المعطرة والعطر الأكيد
اريتك طيب ياخى وياتو بلاد دى السعدت بيك ؟
وهسه نحن بنسعد بيك
الطلة البهية والشوفه الهنية
| |
|
|
|
|
|
|
Re: ادى البحر نصو (Re: أبوذر بابكر)
|
المطر صديقي
صديق الحروف المحملة أريج...طالت غيبتك وغيبة غيماتك ..وهأنت تطل برقا رعاش تريان نغيمات واماني..تضئ ليلنا الحالك لك محبة نيلين وسلام بمدي الافق.
آدم العشا
| |
|
|
|
|
|
|
Re: ادى البحر نصو (Re: Adam D.El-Asha)
|
يا آدم
يا أخانا الذى تعلم كل الأسماء البهية واختزن كل الصفات الصفية
كيف الحال
تهبنا حضورك فننال بركة الفرح
وتكللنا بحروفك
فتكتبنا على الواح الحبور
اى والله
| |
|
|
|
|
|
|
Re: ادى البحر نصو (Re: أبوذر بابكر)
|
Quote: احسب سنينك عدها كم باقى ليك؟؟ كمين مواجع فى قفاك بيناتا بين الغنيه تار سوى العليك كمين مواسم طيرا طار لا خرفت عز الخريف ولا للسحاب حفظت وصيه كمين هواجس فى رجاك ما بتنتهى راجياك فى قيف النزيف خاتاك فى بال السهر دافناك فى موج الأسيه |
كم باقي لينا يا مطر يا أخي؟؟
أنا في الإقتباس سويت إستفهام.. كم با قي لينا؟؟
يا أخي كفانا لسه راجيناهواجس ونزيف وسهر وأسية..
تحياتي يا مطر أيها الشاعر الذي يغني أوجاعنا..
شايفك بقيت تطول يا أخي.. مودتي ياصديق..
| |
|
|
|
|
|
|
Re: ادى البحر نصو (Re: أسامة عبد الجليل)
|
ازيك يا أسامة
كيفنك ياخ وكيف احوالك
السؤال ده هو مربط الأمر كله يا ابا مهيار
الباقى كم؟
سؤال يخرج من بين الرغبة والقنوع من وسط الإنتظار والمعاينة لساعة المحظة الكبيرة المعلقة فى رقبة الزول
ولما تشوفنى طولت ما جيت
اعرف انى مصنقع وقاعد اعاين
تسلم يا زول يا سمح
| |
|
|
|
|
|
|
| |