|
والله لا بياكلوا نيم ولا شي يا وضاحة .. يوجد كسير تلج
|
انا غايتو شخصياما بقتنع إلا بالرجل السوداني مقارنة بباقي الجنسيات ... بشوف افضل رجل هو الرجل السوداني
من أي ناحية
لو جاني مليون رجل لو مقندل ولا لأ برضو الرجل السوداني هو نمرة واحد
خصوصاً وجودي في خارج السودان أداني فرصة احتك ببعض الأسر من مختلف بقاع الأرض
دائما ما يستوقفني موقف من رجل ... وقتها بقارن طوالي بالرجل السوداني
الرجل السوداني بكرم زوجته وبحترمها وبحترم أهلها
الرجل السوداني هو فخري وفخر كل إمراة سودانية
غايتو انا شخصيا رجل ما سوداني بشوفوا ما راجل مع إحترامي للجنسيات التانية بس دي وجهة نظر شخصية وشخصية بحته ..
|
|
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: عمر ابراهيم الخضر)
|
Quote: دا الكلام يا بنت عمي نفتخر بأننا الافضل وكذلك والمرأة السودانية أيضا لايوجد لها مثيل هذه كلها مساحيق ينتهي تأثيرها سريعا |
أكيد يا عمر
وأقول ليك واحد من موافق كتيره جداً بتمر بينا هنا في الغربة
مره عندي صديقتي من جنسية عربية ساكنه مع أخوها في شقة صغيرة في يوم جاتنا الساعة واحدة صباحاً تبكي ... قالت أخوها طردها من البيت وسبب المشكلة صاحبتوا بتجي تبيت معاهو في البيت
بصراحه انا كنت حديثة عهد في البلد وما عندي خلفية عن ثقافة الشعوب ما كنت مصدقه الكلام دا بقول ليها يا بت انتي متأكده أنه أخوك طردك الساعة واحدة صباحاً؟؟؟؟؟ وفي غربة ؟؟؟؟
وطوالي بديت أفكر في أخوي ... لو مجنون عديل عندو شهادة من التجاني الماحي ممكن يعمل كدا
يسلم الرجل السوداني والبيت السوداني الربى وعلم الرجال معنى الرجولة
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: مدثر صديق)
|
Quote: ده الكلام الصاح... |
وصاح الصاح وبرضو يا مدثر بستحضرني موقف لزميلة اختي برضو اسرة عربية 100%
جات تشكي وتبكي لي أختي عن شكلة مدوره امس وما نامت تخيل سبب المشكلة انه اخوها جائي زيارة والراجل زعلان وغضبان كيف يقعد معاهم في البيت ومافي مكان والشقة ضيقة المهم في نهاية المطاف إهتدوا إلى أنه يقيم مع عذابة
إتخيل بس وأنا بشوف في كل مره امشي المطار كمية السودانيين المنتظرين أقاربهم إذا كان من جهة الزوجة أو الزوج وكمية الإحتفاء والكرم حتى لو كان الحالة المالية في أضيق مطباتها وفوق دا فيها هدايا ليهو وللأهل بالسودان
وواحدة أختها جاية زيارة هي وأولاها قالت لي قريبتي ما عندنا محل وين ينزلوا معانا يأأجروا شقة يا يمة سجمنا
انا لو ما جيت من زي ديل ولااااااااا أسفاي ولا ماسأتي ولا ذلي
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: منال)
|
Quote: هو فى احلى ولا اغلى من السودانى ^__^
غايتو اليومين دى زواج السودانيات من المصريين والهنود منتشر
يكون من شنو ياربى ؟ زيادة البنات وقلة الرجال ؟ ولا الوحده بتخاف يفوته القطر
غايتو فى النهايه مافى زى السودانى
مناهل ازيك |
منو إزيك ياخ وسعيدة بوجودك هنا غايتو يا منال ما بعرف زواج السودانية من غير السوداني لكن الواحد يقول الموضوع لا قله ولا شي قسمة ونصيب والمحظوظة نصيبها مع السوداني وخليك سوداني ههههههههه
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: فايزودالقاضي)
|
Quote: الوغدة شخصياً هنا ومكسرة كمان ؟!! |
الوغد فايز ود القاضي إنت المقعدك في البوست دا شنو!!!!!
Quote: خلاص نعتمد كلامك وعندي ليك واحد من حركة كوش النوبيه موقع على ميثاق الفجر الجديد (يعني سوداني ورطاني من عنديكم) اها موافقة ؟ .. |
موافقة عشاااااااان حقدك الدفين دا بالله دي خلطة تعملها رطاني ومن عندينا ما بناباها الا الفيك اتعرفت وقت تجيب لي عريس تجيب ليه من قبيلة ناس الفجر الجديد
Quote: ثم مشتاقين ياخي .. |
ولا مشتاقين ولاشئ
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: mayada kamal)
|
الوغدة ميادة
Quote: الوغد فايز ود القاضي إنت المقعدك في البوست دا شنو!!!!! |
عزابي وسوداني المابجيبني شنو ؟
Quote: موافقة عشاااااااان حقدك الدفين دا بالله دي خلطة تعملها رطاني ومن عندينا ما بناباها الا الفيك اتعرفت وقت تجيب لي عريس تجيب ليه من قبيلة ناس الفجر الجديد |
مبروك عليك سيف مساعد رطاني نوبي حاتقولي لي هو من الجزيرة عربي حااقول ليك نوبي مستعرب
نلمها ليك يوم الحساب قرب ..
ـــــــــــــــــ هناك ولا في البلد ؟
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: ود الباوقة)
|
حفظك الله اختي مناهل ونحن زاتنا ما بنبدل بيكن ولا بأي بنات في الدنيا دي .. وبنحب من بلدنا ما بره البلد .. بس في شي كاتلني بالمغصة انو السودانيات بقن يتزوجن في جنسيات غريييييييييييبة علينا ماف اي وجه شبه بينا وبينهم .. ياخ عليك الله هسة لو في واحده بت امها وابوها و(مكركرة ومفتوقه) بتعرس ليها بنغالي ولا هندي ولا مصري .... والله لو لقت ليها راجل مرة او راجل مرتين سوداني اخير من البتسوي فيهو ده ولا رايك شنو اختي مناهل ..
على العموم ليك مني الف سلام والفي تحية تسباك مع النسام بي روح سحية .. طبعا الكلام البين قوسين ده ما اظنك تعرفيهو .. غايتو لو غلبك قولي لي وانا افسرو ليك ...
تحياتي : ياسر العيلفون ...
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: ياسر السر)
|
Quote: حفظك الله اختي مناهل ونحن زاتنا ما بنبدل بيكن ولا بأي بنات في الدنيا دي .. وبنحب من بلدنا ما بره البلد .. بس في شي كاتلني بالمغصة انو السودانيات بقن يتزوجن في جنسيات غريييييييييييبة علينا ماف اي وجه شبه بينا وبينهم .. ياخ عليك الله هسة لو في واحده بت امها وابوها و(مكركرة ومفتوقه) بتعرس ليها بنغالي ولا هندي ولا مصري .... والله لو لقت ليها راجل مرة او راجل مرتين سوداني اخير من البتسوي فيهو ده ولا رايك شنو اختي مناهل ..
على العموم ليك مني الف سلام والفي تحية تسباك مع النسام بي روح سحية .. طبعا الكلام البين قوسين ده ما اظنك تعرفيهو .. غايتو لو غلبك قولي لي وانا افسرو ليك ...
تحياتي : ياسر العيلفون
... |
تحياتي يا ياسر
(مكركرة ومفتوقة ) اشرح لي الكلمتين ديل عشان أنداح ههه
تعرف يا ياسر الزواج قسمة ونصيب وقدر من رب العاملين ...
وحتى البنات الإتزوجت من رجال أجانب ديل سبحان الله قسمتم كدا وكل واحدة ونصيبها لكن للاسف يا ياسر كتير من الزيجات المن النوع دا ما بتنجح وانا بعرف بنات كتاااااااااار إختلفوا في أول ملف وأنا في رأئي الأسباب واضحة وهي إختلاف البئية والثقافة والمجتمع
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: ود الباوقة)
|
يمين أنتى منهم وفيهم يا مناهل من مثلك تربيناعلى صفاتنا الحميدة شفنا الكثير من شعوب الدنيا لكن الصفات التى نحملها قلما توجد فيهم... نعم كل شعب فيه الصالح و الطالح ... الآن نشوف فى المنبر دا كيف الناس تنسى كل خلافتها و تعزى بعضها فى وفاة قريب و كيف الناس تتداخل عند المرض و كيف الناس تتكاتف و تساعد المحتاج .... أخوه و أخوات فى هذا المنبر نقلت لهم حالة أناس محتاجين وأنا قارئ فقط لا يعرفونى ولا أعرفهم يمين قاموا بالواجب و زيادة .. لن أذكر أسمائهم حتى لا أبخسهم حقهم و كل الذى أتمناه أن يمد الله فى أيامى و ألتقيهم وجهاً لوجه ..
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: طارق عمر مكاوي)
|
بنحب من بلدنا ما برا البلد سودانية تهوى عاشق ود بلد بعيون المفاتن شي ما ليهو حد
التوب المهبهب فوق أم الضفاير والخد المعطر زي أحلى الأزاهر والخطوة الأنيقة ترنيمة مشاعر أنا بي كلو عمري بمشيلا وبسافر
مين في الدنيا دية أجمل من بناتنا الليهن قلوبنا والفيهن صفاتنا الكامنات في روحنا والعايشات في زاتنا
في حلفا البداية أحلامي وهنايا أنا عايش لحبي المخضر برايا النافرة الأليفة بجروحي وهنايا
أنا لي في كريمة شايقية بشلوخا نعتز بصفاتا ما نجهل تاريخا ماها المابية ريدتي ومو ياها المسيخة
في شندي العظيمة تلقى بنات جعل وحدات في المتمة زي لون العسل النايرات خدودن زي فجرا أطل
في سنكات بنعشق بت سمرة وأبية ترتاح في الضريرة خصلاتا الغنية عاشت في شعوري أحلى هدندوية
الواردات جدودن في الجود والشجاعة البظهر جمالن من زمن الرضاعة سودانية مية المية في زوقا وطباعة يا ناس أرحموني أنا قلبي فرطاعة
لو تلقطنا اليانعة السمحة ونضيرة تستنى الحليوة في مشية أميرة أجمل حب عندي في قلب الجزيرة
لي في الغرب أغيد في دار حمر والبقارة نحميها بسيوفنا تفاحنا ونضارة تسكرنا الليالي وتطربنا النقارة
لي في جوبا الساحر تسلم لي خدودو يمرح في غاباتو يسرح في ورودو حبي الغالي ليهو ما بعرف حدودو
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: على عبدالله بشير)
|
Quote: يمين أنتى منهم وفيهم يا مناهل من مثلك تربيناعلى صفاتنا الحميدة شفنا الكثير من شعوب الدنيا لكن الصفات التى نحملها قلما توجد فيهم... نعم كل شعب فيه الصالح و الطالح ... الآن نشوف فى المنبر دا كيف الناس تنسى كل خلافتها و تعزى بعضها فى وفاة قريب و كيف الناس تتداخل عند المرض و كيف الناس تتكاتف و تساعد المحتاج .... أخوه و أخوات فى هذا المنبر نقلت لهم حالة أناس محتاجين وأنا قارئ فقط لا يعرفونى ولا أعرفهم يمين قاموا بالواجب و زيادة .. لن أذكر أسمائهم حتى لا أبخسهم حقهم و كل الذى أتمناه أن يمد الله فى أيامى و ألتقيهم وجهاً لوجه .. |
ياهو دا السودان يا عبد الله فعلا انا والله العظيم وربي الكريم ما شفت شعب يتسم بصفات تضاهي صفاتنا السودانية نحن عندنا التكاتف والتراحم الأسري الممتدد يكفي أنك تعرف انه سوداني حتى من غير سابق معرفة بتتعامل معاهو على أساس انه اخوك ودي انا ما شفتها في شعوب أخرى حقيقي
ويكفي فخرا أعضاء سودانيز رمز للتكافل الإجتماعي خصوصاوأنه في ناس لسه ما شافت بعض
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: الزبير بشير)
|
في كل المجتمعات يوجد الصاح والطالح وفكرة انو نحن السودانيين/السودانيات ملائكة ومافي زينا دي كضبه كبيرة جدا معشعشة فى اذهانا
-------------------------------------------- كلامك صحيح لكن والله ما نراه هنا يشيب الراس لا توجد علاقات اسرية وتعاضد وتكاتف مثل السودانيين ونحن ما ملائكة لكن الافضل والله بدون تحيز يكفي اننا نتواجد في الاتراح والافراح وبنعرف الواجب تجاه اهلنا واقربائنا.
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: الزبير بشير)
|
Quote: يا بتي مناهل
تعرفي الكلام ده خلاني اشنق في الطاقيه الليله الخوف نشاكل لينا زول في شارع غبيرا العام
يا عمر ودالباوقه
تعال اعرض ، الليله حوبتك جات
ابن العوام
|
Quote: عليكم النبي هسه كلمة يا بتي دي براااااااها ما بالدنيا في حنية أكثر من كدا
والله يا أبوي تشنق الطاقية وتقدل بالجلابية وخليك سوداني هههههههه
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: مناهل عبد الله مصطفي)
|
Quote: انا غايتو شخصياما بقتنع إلا بالرجل السوداني مقارنة بباقي الجنسيات ... بشوف افضل رجل هو الرجل السوداني
من أي ناحية
لو جاني مليون رجل لو مقندل ولا لأ برضو الرجل السوداني هو نمرة واحد
خصوصاً وجودي في خارج السودان أداني فرصة احتك ببعض الأسر من مختلف بقاع الأرض
دائما ما يستوقفني موقف من رجل ... وقتها بقارن طوالي بالرجل السوداني
الرجل السوداني بكرم زوجته وبحترمها وبحترم أهلها
الرجل السوداني هو فخري وفخر كل إمراة سودانية
غايتو انا شخصيا رجل ما سوداني بشوفوا ما راجل مع إحترامي للجنسيات التانية بس دي وجهة نظر شخصية وشخصية بحته ..
|
الاستاذه مناهل مش عشان انا سوداني ولا عشان كلامك فخر لينا نحن السودانيين...... عشان هؤلاء اللاتي يذهبن بالغلو الي مراحل بعيده زيك انا افخر بكل سوداني وأثمن أي شئ له بالسودانيه صله لا انبهارا بالشعوب الأخري ولا تحقيرا لهم ولكن مجرد قبول لحالنا وحبا لسودانيتنا حقيقه بعض وبعض وبعض وأكرر بعض اخواتك يا مناهل انبهرن بعوالم أخري ومن حقهم فكل إنسان حر فيما يختار وحر فيمن يود ان يكون مع ولكن يكون أحسن لولم يستعملوا اختيارهم في الإساءة للرجل السوداني أو من الجانب التأني أساؤوا للمرأة السودانيه أو غيره شكرًا واتمني ان نكون عند حسن ظنك وحفظك الله
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: mayada kamal)
|
Quote: يا اللخو إنت حاسد ولا بغران وكمان مافي حتى دعوة صغيروني بالتوفيق ان شاء الله ولو من بره قلبك ما ضروري تكون دعوة صادقة |
والله لا حاسد ولا بغران لكنى حيران !! عندى خريج من سنة 2009 __هندسه كهربائيه __ جامعة الخرطوم __ اول الدفعه . لهسه لافى صينيه ,, من جووووه قلبى بتمنى ليك التوفيق بس قولى لى : انتو الحاجات دى بتسووها كيف ؟؟!!
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: أيمن الفاضل)
|
سبحان الله والله ومن خمس دقائق تقريبا مديرى فى العمل سالنى نحنا ماعندنا فيز مهندسين سودانين قلت ليهو لا العندنا جنسية تانية (مافى داعى لى ذكرها ) قال لى ياخى شوف طريقة بدلم بى مهندسين سودانين فانا بعد تجربتى لمدة عشرة سنوات مابعرف انوم مطمئن الا اذا مؤمن مالى لى سودانى والله على ما اقول شهيد قربت اقول ليهو التعميم مخل (وش اخدر )
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: عبد الله فقير)
|
هسه مهندس قد الدنيا زي ده ومصلي مايلقى عروس سودانية تقدس الحياة الزوجية والمريخ ؟!!!!! ------------------------------------------------------------------------------------------------
معقول بالغرة بتاعتو دي لسة مع ناس ابو ازوز؟
شكرا مناهل عبرتي عنا والجنس للجنس رحمة
هسع في جنسية في الدنيا دي عنهم كشف بتاع بكا؟
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: MOHAMMED ELSHEIKH)
|
Quote: يا مناهل ما تنغشي ساكت .. شوفيلك بنغالي ولا هندي خارجى رقبتك وبالعدم فلبيني .. حليل زمن السودانى مقتع الكاشفات وعشاء البايتات .. الجماعة باعوكن بالرز باللبن (المغربيات .. المغربيات ) والجماعة البتهاشكوا هنا معاك فى البوست دا .. كلهم من الخمسين وما فوق .. يعنى كل واحد متنيل على عينه بستين نيلة .. خليك مفتحة الدقسة فيها اللحسة ؛؛ وخلى السودانى زى عصاة العز تهزيبيها بس |
سلام يا مناهل ، الاخ احمد من الفيس صاحب الاقتباس الفوق دا، ضحكتني لكن لمعرفتي ببعض المتداخلين والله شباب وبعضهم غير متزوج .... ياخي لا ترحم ولا تخلي رحمة الله تنزل أمكن بوست مناهل دا يجيب ليهو عقد وجواز امريكي كمان هههه. والله أنا بصراحة مع زواج السوداني/ة والحمد لله ، مع احترامي للمتزوجين والمتزوجات من جنسيات اخري.
مناهل أذيك .
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: Nagat Sid Ahmed Elshiekh)
|
Quote: يا مناهل ما تنغشي ساكت .. شوفيلك بنغالي ولا هندي خارجى رقبتك وبالعدم فلبيني .. حليل زمن السودانى مقتع الكاشفات وعشاء البايتات .. الجماعة باعوكن بالرز باللبن (المغربيات .. المغربيات ) والجماعة البتهاشكوا هنا معاك فى البوست دا .. كلهم من الخمسين وما فوق .. يعنى كل واحد متنيل على عينه بستين نيلة .. خليك مفتحة الدقسة فيها اللحسة ؛؛ وخلى السودانى زى عصاة العز تهزيبيها بس |
Quote: الاخ احمد من الفيس صاحب الاقتباس الفوق دا، ضحكتني لكن لمعرفتي ببعض المتداخلين والله شباب وبعضهم غير متزوج .... ياخي لا ترحم ولا تخلي رحمة الله تنزل أمكن بوست مناهل دا يجيب ليهو عقد وجواز امريكي كمان هههه. والله أنا بصراحة مع زواج السوداني/ة والحمد لله ، مع احترامي للمتزوجين والمتزوجات من جنسيات اخري.
|
نجاة ده كلام شنو ده أنا واحد من الناس الما متزوجين لا سودانية لا غيرها بس بعتبر السودانية أفضل ودي ما محتاجة عرس عشان نعرفها عندنا أمهات وأخوات
Quote: أمكن بوست مناهل دا يجيب ليهو عقد وجواز امريكي كمان |
الزواج ينبغي أن يكون بعيد من أي مصلحة
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: Nagat Sid Ahmed Elshiekh)
|
Quote: سلام يا مناهل ، الاخ احمد من الفيس صاحب الاقتباس الفوق دا، ضحكتني لكن لمعرفتي ببعض المتداخلين والله شباب وبعضهم غير متزوج .... ياخي لا ترحم ولا تخلي رحمة الله تنزل أمكن بوست مناهل دا يجيب ليهو عقد وجواز امريكي كمان هههه. والله أنا بصراحة مع زواج السوداني/ة والحمد لله ، مع احترامي للمتزوجين والمتزوجات من جنسيات اخري.
مناهل أذيك |
نجاة أزيك واخبارك
فعلا والله الجنس للجنس رحمة زي ما بقولوا
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: عبد الله فقير)
|
Quote: سبحان الله والله ومن خمس دقائق تقريبا مديرى فى العمل سالنى نحنا ماعندنا فيز مهندسين سودانين قلت ليهو لا العندنا جنسية تانية (مافى داعى لى ذكرها ) قال لى ياخى شوف طريقة بدلم بى مهندسين سودانين فانا بعد تجربتى لمدة عشرة سنوات مابعرف انوم مطمئن الا اذا مؤمن مالى لى سودانى والله على ما اقول شهيد قربت اقول ليهو التعميم مخل (وش اخدر ) |
كلام جميل والله
فعلا السوداني من الجنسيات المحبوبة والمريحة في التعامل لكتير جدا من الإدارة وخليك سوداني
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: أيمن الفاضل)
|
Quote: شكراً مناهل
الراجل السوداني فعلاً بحترم المرأة ضرب الزوجات مثلاً حاجة عادية عند العرب المرأة السودانية كمان قمة الأخلاق والأدب والذوق والفهم |
يا أيمن رسولنا الكريم صلى الله عليه وسلم قال ((إنهن أسيرات لا يكرمهن إلا كريم ولا يهينهن إلا لئيم ))
ودي من أفضل الصفات عند الرجل السودان أو المجتمع السوداني ككل ثقافة ضرب الزواجات دي إلا نادراً لكن انا عرفته كل الجنسيات او السواد الأعظم منهن بنضرب كانت عندي زميلتي في العمل من جنسية عربية كل يوم بتاخد علقتها الصباح وبتجي عاااااااادي زي المافي شي
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: مناهل عبد الله مصطفي)
|
Quote: انا غايتو شخصياما بقتنع إلا بالرجل السوداني مقارنة بباقي الجنسيات ... بشوف افضل رجل هو الرجل السوداني
من أي ناحية
لو جاني مليون رجل لو مقندل ولا لأ برضو الرجل السوداني هو نمرة واحد
خصوصاً وجودي في خارج السودان أداني فرصة احتك ببعض الأسر من مختلف بقاع الأرض
دائما ما يستوقفني موقف من رجل ... وقتها بقارن طوالي بالرجل السوداني
الرجل السوداني بكرم زوجته وبحترمها وبحترم أهلها
الرجل السوداني هو فخري وفخر كل إمراة سودانية
غايتو انا شخصيا رجل ما سوداني بشوفوا ما راجل مع إحترامي للجنسيات التانية بس دي وجهة نظر شخصية وشخصية بحته .. |
شكراً حد الشمس أخت مناهل وفعلا الجنس للجنس رحمة
السودانية ما ليها غير أخوها السوداني والعكس صحيح
كسرة : جال في خاطري تساؤل من سنين عددا البنات التانيات ديل ما تعرس منهم - فيهن التركيات - الخواجيات الخ حتى العرب ديل فيهن سماحة وجمال وحاجات كتيرة تعجب
لكن طرفي رجع اليها هاتفاً وهو على يقين مذكِّراً لي أن حواء التي تنفعك يا زول هي حواء السودان فهي تاج الرأس وهي الستر وهي الغطا وقت الملمات وهي الأقرب للروح وللنفس وللتركيبة حقتي
شكراً لا تكفي
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: ALZOLZATOO)
|
Quote: نجاة ده كلام شنو ده أنا واحد من الناس الما متزوجين لا سودانية لا غيرها بس بعتبر السودانية أفضل ودي ما محتاجة عرس عشان نعرفها عندنا أمهات وأخوات |
الاخ أيمن الظاهر مافهمتني انا جبته اقتباس من الفيس ورديت عليه... بعدين لمعرفتي الشخصية لصاحبة البوست حبيت اشاغله بكلام الاخ أحمد دا كل ما فيلالموضوع ارجو ان تفهمني صح ومشكور.
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: فايزودالقاضي)
|
منال العسل سلامات
يا زولة اكلوا نيم وقرض ظاااااتوا
يا حليل السودانين مقنع الكاشفات ورجال الحوبات
هسي السودانين بقوا تعبانين وفترانيين ومفلسين وجعانين
هاك شوفى داء
سودانيات تزوجن أجانب..ما هي دوافعهن؟(1-2)
ظاهرة أصبحت تُلقي بظلالها على المجتمع، وهي زواج السُّودانيات بالأجانب، البعض يرفضها ويضع أسبابه لذلك والبعض يقبلها ويتمناها ويرى فيها تحقيقاً لأحلامه الضائعة...بعض الفتيات خُضن التجربة ويعشن حياةً سعيدةً وأُخريات حذرن منها ومن عواقبها...نحن أخذنا برأي الطرفين بأسباب القبول والرفض واحتكمنا إلى مختصين قانونيين واجتماعيين فكان هذا التحقيق:
طلب زواج أصابها اليأس من طول انتظار.. تجاوز عمرها السّابعة والثلاثين ولم يتقدم أحدٌ لخطبتها.. لم تعد تحسب نفسها من شباب جيلها.. فقطار الزواج يكاد يتجاوزها.. وكلّما مرّت الأيام ازداد قلقها وقلق أسرتها على مصيرها المجهول...تنظر إلى ما حولها من أبناء جيلها فلا تجد منهم شيئاً يدل على الأمل في إيجاد المخرج.. نظرات الناس من حولها تزيد من أعبائها في البحث عن شريك الحياة من الأسرة التي تحلم بها صباح مساء.. فلا تجد ما ينير الطريق إلى ذلك. كانت تعمل في شركة أجنبية.. تقدّم لخطبتها شابٌ يبلغ من العمر سبعة وأربعين عاماً.. ألماني الجنسية ومسلم.. لم تتعد إقامته في السودان سوى العامين.. فوافقت على الزواج منه.. سألناها عن أسباب موافقتها فقالت:- «عملت معه قرابة العامين في شركة واحدة ووجدته يتمتّع بأخلاق وكرم السودانيين ولا يختلف عنهم كثيراً.. فقط كانت لغته العربية ركيكة ولأني أجيد اللغة الإنجليزية بطلاقة كانت له متعة في الحديث معي حول العادات والتقاليد السودانية التي أُعجب بها.. فطلب مني الزواج وقد فوجئت بهذا الطلب في بادئ الأمر وسألته عن أسباب اختياري دون غيري كشريكة لحياته؟ فذكر لي حينها أسباباً عديدة ولكن كان من ضمنها أنّه حسب عمله الذي يتطلّب التجوال في دول عربية عديدة قرّر الزواج من عربية تساعده وتسهل مهمته في التعامل مع هذه المجتمعات فوافقته على عرضه لي بالزواج بعد تفكيرٍ طويلٍ»..
تخوف أسري
كان تخوف إيمان الوحيد هو عدم موافقة أسرتها على هذه الزيجة، وخاصّة أنّ أسرتها تتمتّع بالالتزام والتدين، ووالدتها التي يعرف عنها تمسكها بالقيم السودانية فمجرد التفكير في زواج ابنتهم من أجنبي وغير عربي كان مرفوضاً.. محاولات للإقناع يعلق والدها على هذه النقطة قائلاً:andquot;في بادئ الأمر رفضنا الموضوع جملةً وتفصيلاً.. ولكن والحق يُقال فوجئت بزيارة مستر «ر» لمنزلنا عدة مرات وأُعجبت بالتزامه بصلواته ومعرفته لأمور دينه أكثر من شباب جيله السودانيين.. وتأكّد لي أنّه سيصون ابنتي ويحفظها بما له من أخلاقٍ.. وهي الأسباب التي أقنعت بها والدة «إيمان»، وبأنّه قسمتها ونصيبها الذي لا فرار منه، خاصّةً وأنّها قد تجاوزت السابعة والثلاثين فوافقنا على إتمام الزواج بعد التزامه بزيارة السودان كل عامين. موافقة السفارة وعن الخطوات التي تُتخذ من الأسرة لإتمام زواج السودانية بالأجنبي سألنا الأستاذ عبد المنعم مبارك يوسف المحامي فأجاب قائلاً:andquot;يقوم الأجنبي بتقديم طلب بذلك للمحكمة المختصة بجواز سفر يحمل إقامته.. وعلى محكمة الأحوال الشخصية كتابة خطاب لسفارة الدولة التي ينتمي لها الزوج.. فموافقة السفارة شرطٌ أساسي لإتمام العقد وذلك منعاً للآثار السالبة التي ربما تنجم عن عدم الموافقة. إبعاد وطلاق ولكن لماذا تشترط المحكمة حصول الموافقة من السفارة، وما هي الآثار السالبة التي قد تنجم عن الزواج بالأجنبي؟!يواصل الأستاذ عبد المنعم مبارك يوسف المحامي تفصيل ذلك بقولهandquot;ربما كان الأجنبي متزوجاً بأربعة في بلده، أو ربما كان مبعداً أو مجرماً مطلوباً في بلده، فيجب التأكُّد من جميع هذه الأشياء مجتمعةً إضافةً إلى أسباب أخرى للرفض لا نستطيع أن نسأل عنها السفارة.. أمّا عن الآثار السالبة فربما لا تُمنح الزوجة تأشيرة لدخول بلد الزوج مما يترتّب عليه أن يترك زوجته ويهجرها عائداً إلى وطنه وعندها يكون ذلك الأجنبي قد تزوج زواج «متعة»، كما أنّ هنالك آثاراً سالبة مرتبطة عن الطلاق وما يترتب عنه، فلابد للسفارة أن تكون على علمٍ بكل ذلك...و بعد موافقة السفارة تقوم المحكمة بعقد الزواج أو أن تكتب خطاباً لمأذون المنطقة التي تنتمي لها الفتاة للقيام بذلك. وصفوني بالمجنونة وكالنموذج السابق، فإنّ فتيات كثيرات وافقن على زواج الأجانب ومن مختلف الجنسيات، فمنهم الألماني والأسباني والإنجليزي ومنهم السوريون والمصريون من العرب.. اختلفت الأسباب والجنسيات ولكن كانت النتيجة واحدة زواج أجنبي بسودانية قلباً وقالباً تقول «م.م» عن تجربتها: andquot; أصعب لحظة في زواج الأجنبي هي مرحلة إقناع الأسرة بالأمر.. فأنا كنت أدرس في الخارج وكانت لي علاقة مع أستاذي بالكلية التي أدرس بها.. وعرض عليّ الأمر وطلب مني إقناع عمي وهو ولي أمري بعد وفاة أبي بصفته المسئول عني والحمد لله كان العم متفهماً لموقفي فوافق على قبول الزواج، وقد اشترط عمي إقامة العرس في السودان فوافق على ذلك دون تردد.. ولا أنسى حتى الآن رد فعل المدعوين وأنا جالسةٌ بجوار زوجي في ليلة زفافي وهو يختلف عني بلون بشرته البيضاء وعيونه الخضراء.. البعض حسبني مجنونة والبعض الآخر تقبّل الأمر على مضضٍ والبعض حسدني على ذلك... والشيء الذي أقلق الحبوبات بالطبع رفضه «للحناء» و«الجرتق» العادات والتقاليد العادية للعرس السوداني لعدم إقتناعه بهذا، ولكن ما عدا ذلك كل شيء جرى على ما يرام.andquot; أمر طبيعي أمل محمد أحمد باحثة اجتماعية تُعلِّق على تردد الأسر في القبول بزواج ابنتهم بأجنبي بقولها:andquot;بالطبع في بادئ الأمر يحدث تخوف من الأسرة على إعطاء ابنتهم للعيش مع أجنبي مختلف عنهم في العادات والتقاليد وذلك لعدة أسباب من أهمها غياب ابنتهم وسفرها إلى الخارج في أغلب الأحيان ونظرة المجتمع والخوف من الآثار السالبة لهذه التجربة.. ولكن هنالك بعض الأسر ترضخ لرغبة البنت إن هي أصرّت على إتمام الزواج... نموذج آخر حياة آدم عبد الرحيم من مواليد الفاشر تروي قصة زواجها من سردار على باكستاني الجنسية قالت:andquot;تعرفت عليه في مدينة الفاشر حيث كان يعمل في شركة (ريكي) الايطالية مهندساً كهربائياً وكنت أنا أعمل في الشركة أثناء دراستي في الثانوية العامة ..في البدء جذبني إليه بأخلاقه العالية وحبه للسودان ولكن عندما عرض عليّ الزواج بعد شهرين من بداية علاقتي به كنت متخوفة من اختلاف العادات والتقاليد وكانت تدور في مخيلتي بعض التساؤلات التي كانت تحيرني قليلاً عن مدى قبول أهلي له وبعد الزواج هل سيتركني ويسافر ولا يعود للسودان مرة أخرى ..ولكنه حاول إقناعي بأن كل هذه المخاوف توجسات لن تحدث ...وبعدها جاءت مرحلة إقناع أسرتها التي كانت متخوفة من هذه الزيجة ..فهذه ستكون أول تجربة زواج سودانية بأجنبي في مدينة الفاشر ...andquot;. اقتناع الأسرة عمي أبو حمد حسب الله برلماني قديم ومن أوائل السودانيين الذين درسوا في جامعة أكسفورد كان متقبلاً للموضوع وقام بإقناع أسرتي ..وتمت كل مراسم الزواج بالتقاليد السودانية وسافرنا إلى مصر وكينيا لشهر العسل ...زوجي كان حكيماً معي حيث استطاع أن يمتص اختلاف العادات بيننا ..تعلمت منه الكثير وهو الذي ساعدني لأصبح سيدة أعمال ناجحة ..كما ساعدني في تكملة دراستي الجامعية والدراسات العليا ..وكان متفهماً لسفري في الخارج للمشاركة في مفاوضات السلام في ابوجا ودارفور ..وهو وطني غيور يحب السودان وأهله ..إن طبيعة عمل زوجي تتطلب سفر الكثير فكان يزور السفارة السودانية في كل دولة يزورها ويتعرف على الجالية السودانية هنالك ويحضر كل احتفالتها ..ومن حبه للسودان استطاع الحصول على الجنسية السودانية ..وبالتالي بناتي ومضة وضحى أصبحتا سودانيات بالجنسية andquot;. أسباب الرفض كثيرٌ من الأسر ترفض تزويج بناتها للأجانب.. استطلعنا بعض الأسر الرافضة لمثل هذا الزواج فكانت أسباب الرفض مُختلفة، نحن نجملها في الآتي: • التخوف من الآثار السّالبة التي من الممكن أن تنجم عن هذا الزواج ونظرة المجتمع والأهل وكيفية التعامل والتخاطب مع هذا الزائر الجديد. • عدم معرفة الأسرة لسلوكيات وأخلاق الزوج المتقدم لخطبة ابنتهم بصفته الأجنبية وباعتباره من بلد ومجتمع مختلف لا يعرف عنه الكثير. • اختلاف العادات والتقاليد بين السودانيين والأجناس الأخرى ربما كان ذلك عقبة تلقي بظلالها السالبة فتؤدي مستقبلاً إلى عواقب لا يمكن تداركها. • حرص الأسر السودانية على خطبة ابنتهم من أسرة فاضلة وكريمة ونسب يلجأ إلى الاحتكام إليه حال حصول مشاكل بين الزوجين وهو الأمر الذي يصعب توفره في مثل هذه الزيجة. • نشأة الأبناء في بلد أجنبي سيتعلّمون لغة وعادات مجتمع مخالف يصعب من بعده إيجاد أرضية للتعامل بها في بلدهم إنْ هم عادوا إليها مرة أخرى. • زواج الابن من أجنبية يمكن أن يفرض العودة إلى السودان ولكن زواج السودانية من أجنبي يحتم عليها السفر مع زوجها إلى بلده ووجود العصمة في يده، ولربما يؤدي إلى هجرها وتطليقها وربما كان للأجنبي سوء نية بهذا الخصوص.
أسباب القبول تقول «ر.أ» معلِّقةً على أسباب قبولها الزواج بأجنبي...الأجنبي لا ينظر إلى أسرتك من تكون، ولا تعليمك ولا يسأل عن تجاربك السابقة.. فقط ينظر إليكِ أنتِ ككيان أعجب بك، كما أنّه لا ينتمي إلى أسرة تشترط عليه أو تتحكّم به وتطالبه بإقامة حفل زفاف أو الصرف البذخي أو المجاملة دون حساب.. باختصار لا يضع اعتباراً إلاّ للفتاة التي يود الارتباط بها وهذا في اعتقادي الخاص أفضل من أيِّ اعتبار آخر.
أسباب القبول من خلال استطلاعنا لزوجات أجانب وبعض الفتيات غير المتزوجات ممن أبدين قبولهن بزواج الأجانب إذا سنحت لهنّ الفرصة كانت أسباب القبول مجملة في الآتي:- o تواجد الأجانب في السودان محدودٌ وقليلٌ إلاّ من المسئولين أعضاء السلك الدبلوماسي والشركات الأجنبيّة العامّة والخاصّة والتجار من الدول العربية والذين يمتازون بـوضع اجتماعي رفيع يُوفِّر للفتاة مستوىً راقياً تحسد عليه وهذا ما يُقلِّل من الآثار السالبة لمثل هذه الزيجات. o الأجنبي لا يضع في الاعتبار الكثير من الأمور مثار اهتمام الشباب السوداني مثل وضع أسرة الفتاة وقبيلتها وتعليمها وتجاربها السابقة وعمرها وشكلها ومدى قبول أسرتها من عدمه. o زواج الأجنبي فرصة لمعظم الفتيات للسفر إلى خارج السودان أو تحقيق أغراض أخرى إضافةً إلى الزواج مثل الدراسة والعمل والسياحة ومعايشة مجتمعات أخرى وتحقيق وضع جديد وحصول الأبناء على جنسيات لها وزنها تساعدهم في التغلب على مَشاكل الحياة. o موافقة بعض الأُسر على زواج بناتهم من أجانب لوجود أصل أجنبي في الأسرة أو سبق للوالد أو الوالدة خوض التجربة بنجاح أو بحكم الدراسة والعمل في بلدٍ أجنبي لمدة طويلة مما استدعى قبول الطلب. في الحلقة القادمة : • منال حامدينandquot;نحج زوجي بالخروج بأبنائي إلى فلسطين والآن أطارده بالانتربولandquot; • مطلقة andquot;أشبعت ضرباً من عربيد مجنون وكان آخرها (المرمطة) في المحاكمandquot; • زوجة andquot;في الخارج تتم مراسم الزواج دون (الشكليات) التي تسبب العنوسة andquot; • قانونيandquot;لا تملك المحكمة سلطات إرجاع الأبناء من الخارج إلا إذا..andquot;
حاتم دينار الرائد
http://www.sudaneseonline.com/news-action-show-id-2643.htm
| |
|
|
|
|
|
|
Re: والله لا بياكلوا نيم ولا شي يا وضاحة .. يوجد كسير تلج (Re: وضاحة)
|
وييينك يا وضاحه ياخ تحيات كتارات
Quote:
تقول «ر.أ» معلِّقةً على أسباب قبولها الزواج بأجنبي...الأجنبي لا ينظر إلى أسرتك من تكون، ولا تعليمك ولا يسأل عن تجاربك السابقة.. فقط ينظر إليكِ أنتِ ككيان أعجب بك، كما أنّه لا ينتمي إلى أسرة تشترط عليه أو تتحكّم به وتطالبه بإقامة حفل زفاف أو الصرف البذخي أو المجاملة دون حساب.. باختصار لا يضع اعتباراً إلاّ للفتاة التي يود الارتباط بها وهذا في اعتقادي الخاص أفضل من أيِّ اعتبار آخر |
يا شباب النيم دا كيف ؟؟؟ أقصد الكلام دي كيف الجزئية دي حيرتني والله
| |
|
|
|
|
|
|
| |