مردود طبيعي للفساد الذي نخر الامة من كل الجوانب. ونتيجة حتمية لسياسات التشبث بالحكم والعقلية الامنية والاعتماد على الفهلوة والاستهبال للسيطرة على بترول دولة الجنوب وتدمير كل ما كان يدر على البلاد دخل .. أتوقع ان يستمر مسلسل الانهيار مالم يتم إقتلاع هذا النظام الفاسد واستبداله بنظام ديمقراطي يجمع كل السودانيين فيوقف الحروب ويجتث الفساد والمفسدين ويعيد ما تم تدميره من بنيات تحتية رئيسية خاصة مشروع الجزيرة وغيره من المشاريع التي تم نهبها وتدميرها. نسال الله تعالى ان يلطف بالسودان والسودانيين وأن ينصرهم على الظلم والمفسدين.
يا خينا بتاع السبعة في الميّة ناس الحاج آدم و أحمد هارون وكبر و إيلا و مثلهم الآلاف من المنتمين للمؤتمر الوطني و المتنفذين في الحكومة من خارج القبائل الثلاثة المذكورة ديل كيف؟ ما عندهم دور في الحاصل دا ولا وش القباحة يشيلوه الدناقلة و الجعليين براهم ؟
01-29-2013, 09:31 PM
محمد إبراهيم علي
محمد إبراهيم علي
تاريخ التسجيل: 08-10-2009
مجموع المشاركات: 10032
محمد الزاهد مرحب بيك انت مالك ما داير تجي بالباب عديل هنا انا بتوسط ليك عن بكري بس رسل ليهو جوازك وصورة شخصية تعال هنا الشمس قوية واحسن ليك من هناك على الاقل توقف لينا قريبك بريمة ههههههههههههه
يا ود البشرى الاخ محمد الزاهد من اعضاء نيوسودان بتاع تراجي وهو من ناس العلاج بالصدمة او قيل بالتسفير للجزيرة العربية اللذيذة انو لو اتعملت الحركة هو زاتو بكون راكب معانا في السفينة وحاجز لوج
01-29-2013, 09:40 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
يعني هوب ليس كيس يا هندسة !! كان كدا خلاص يا خينا الجلابة بي معارضتهم و مناضليهم وشرفائهم الله يسامحهم و باقي مجرمي المؤتمر الوطني من القبائل التانية فوقهم النبي يسرقوا و ينهبوا و يظلموا و غلطاتهم عندك مغفورة, طالما جيناتهم مرضي عنّها
الطاهر عثمان ياكا الطاهر زولنا الزمان داك حمدالله على السلامة يا عمك :)
01-29-2013, 10:44 PM
الطاهر عثمان
الطاهر عثمان
تاريخ التسجيل: 03-09-2007
مجموع المشاركات: 141
Quote: وارد جدا ما لم تحل المشكلة بين دولتي السودان وجنوب السودان .. كل اجتماع يفشل .. الدولار يطير ... والمشكلة دي اكتوى منها شعبي الدولتين ..
الغريب والمحيرنى يا دكتور فى القصه دى كلها إرتباط الارتفاع والانخفاض فى اسعار العملات الاجنبيه بالناحيه الاعلاميه او الاشاعه ان صح التعبير على سبيل المثال لا الحصر تجد عندما يعلن عن انعقاد قمه بين الرئيسين البشير وسلفا ،يحدث إنخفاض واضح فى اسعار الدولار مجرد سماع الخبر فى السوق الموازى ( الاسود ) والعكس تماماً عند فشل الاجتماع بينهما يرتفع إرتفاع جنونى ،عكس الحاله الطبيعيه من الناحيه الاقتصاديه هى التى تتحكم فى اسعار العملات على ما اظن فالمعادله بسطه من الناحيه النظريه صادارت اعلى من الواردات توفر لك العمله الصعبه وعليه تنخفض اسعارها نسبهً لتوفرها على العموم ي دكتور ربنا يقوى الجنيه تحياتى
والله لكن بالغت في الإيصال ده .. ههههههههه والله أحييك على التوثيق (الكارب) ..
بس يا عمك هسي قالوا وصل 7.50 بث ..
يعني برضــو أحسن من الــ 12.30 الفي الإيصال ...
الأخ د. أحمد أمـين هل هى 7.50 جنيه أم 7500 ( سبعة آلاف خمسمائه ) بسمع فى السودان الجنيه بقولولوا ألف . وبمعادلة سعر صرف الجنيه السودانى الكانت زمان والحاليه ناس بنك السودان - الحاليين طبعا - بقولوا ال Rate بتاع الزمن تقسموه على ألف , بمعنى 12.30 على1000 بتعادل بسـعر اليوم 0.0123 طبعا فرق كبير جدا بين 7.50 و0.0123 مع قبول تحياتى .
Quote: وبمعادلة سعر صرف الجنيه السودانى الكانت زمان والحاليه ناس بنك السودان - الحاليين طبعا - بقولوا ال Rate بتاع الزمن تقسموه على ألف , بمعنى 12.30 على1000 بتعادل بسـعر اليوم 0.0123 طبعا فرق كبير جدا بين 7.50 و0.0123
ناس الحكومة بقولوا لينا احسب المرتبات بما يعادل الدولار وشوفوا الفرق بين الآن وزمان
تشكر عبدالله على المشاركة ...
وربنا يقوي جنيهنا ...
01-30-2013, 09:51 PM
Elhadi
Elhadi
تاريخ التسجيل: 01-06-2003
مجموع المشاركات: 9694
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة