|
برالمة 2013 شكيتكم علي الله
|
بما أني (عجوز غابرين) هنا دة من 2003 قاعدة وحأكمل شهر 5 عشرة سنين طق طرق عاملة فيها (حكيمة) وبراقب وكدي غايتو الدفعة الجديدة من البرالمة البورداب مولودين بي سنونهم
نهم معرفي وشكلهم شخصيات ومقدرة على التساؤل بجرأة وانتظار ردود منطقية وعدم القبول إلا بها زمان وكت كنا برالمة
كنا عورا بنمسك جلابية سيد الحوش مدسدسين وخايفين
البرالمة حسة من الحضانة للجامعة طوالي
مليار مليار مرحب بكم ننتظر منكم الكثيييييير
|
|
|
|
|
|
|
|
Re: برالمة 2013 شكيتكم علي الله (Re: lana mahdi)
|
حبوبة لنـــا تحياتي
على كل شكيتك دي فيها تحامل بيروقراطي الأصول تشتكيهم لجربندية البورد، ثــــم، سيد الحوش مثلا، لكن تصعدي الموضوع دايركتلي لألله! عليك مراجعة عرضحالك فيرست!
أرحب بالعلماء الوطنيين الجدد (القدامى)
والله أنا لو كنت عارفك عجوزة في المنبر ده كدا كان قدمت ليك آيات الولاء والطاعة من دخلتي بالشمال ديك.
فتقبلي أسمى آيات الطاعة وشآبيب الولاء المتأخرة.
| |
|
|
|
|
|
|
Re: برالمة 2013 شكيتكم علي الله (Re: لطفى العمده)
|
ما اجملك استاذه لنا وانتى تطوعين الحروف بكل روعه وبهاء وتلمسين منابع الجمال وتستدرجينا بحروفك الممتعه ,,,, ولا املك انا وقلمى المتواضع الا ان اكتب انبهارى واعجابى وسعادتى باننى هنا بينكم وبين عظمة وجمال اقلامكم الناصعه وانهل من درر ورائع الكلم ,,, وكل الامانى ان نجد متسعا لنواصل معكم التغريد على اغصان الروعه والابداع
| |
|
|
|
|
|
|
Re: برالمة 2013 شكيتكم علي الله (Re: Emad Khairy)
|
شكرا استاذة لنا ع الترحيب الحار و حسن الحفاوة متأملين ان نكون عند حسن الظن و ان نتكأ على ارثكم اخذين منه كل ما هو جميل و ان نشهد كتابات فى هذا المنبر تدعو للحوار البناء و المثاقفة و حسن الخلق و الفضيلة علنا نرتق ثقوبا كثيرة اعترت جسد مجتمعنا السودانى و انساننا السودانى و بلدنا السودان. تانى شكرا
| |
|
|
|
|
|
|
Re: برالمة 2013 شكيتكم علي الله (Re: معتز يوسف نجم)
|
السيد ح دا شكله لغاية الان الحمى طالعه ليهو في دماغو ..ياكويز انت فاكر ان الناس كلها بجندوها بمثل السطحية اللي جندوك بيها والا كيف .. سلامات يا لنا ومعك نرحب بكل العضوية الجديدة والتي اعتقد ستكون اضافة مميزة للمنبر وتضخ دماء جديدة تخرج الناس من ملل الاسطوانات المشروخة فالف مرحبا بالجميع .
| |
|
|
|
|
|
|
Re: برالمة 2013 شكيتكم علي الله (Re: نيازي مصطفى)
|
سلامات يا لنا و مرحب بكل الزملاء الجدد و الله ريحتينا عشان ما نمشي نحوم نرحب بي اي برلوم في بوست منفصل نرحب بيهم كلهم هنا في بوستيك ده ........
Quote: محاولة تجنيد بائسة
( ودضحوية) |
هذه محاولة واضحة للتفليل من شأن الزملاء الجدد انا اتعاطف مع الزملاء الجدد ضد كل من يعتفد ببساطتهم و سهولة تجنيدهم فالواضح انهم كما قالت لنا سوف يكونون اضافة نوعية للمنبر
| |
|
|
|
|
|
|
Re: برالمة 2013 شكيتكم علي الله (Re: Waly Eldin Elfakey)
|
ثانكس علي الترحيب .
سؤال برلومي بريئ :-
داير أعرف سن التقاعد هنا ، والناس مؤمنه بمبدأ إتاحة الفرصه وللا " اللنا " الياها او اللصقه الياها ؟؟
تعظيم سلام لنا ، وعظيم امتاني كثير من البورداب مارسو معنا كبرالمه " المارقنالايزاشن " بس إنتي أثلجتي البينا
| |
|
|
|
|
|
|
Re: برالمة 2013 شكيتكم علي الله (Re: ايمن الصادق)
|
صحفيتنا و شاعرتنا الانيقة صاحبة القلم الفراشة الذى يسافر فى حدائق الكلمات لياتينا بالرحيق ، شكرًا لك على هذا الألق الدّافِق و هذه الأريحية السودانية المضيئة و هذا الإستقبال الحافِل الجميل .
لم أجد ما أعبّر لك به عن فرحتى بك غير بعض حروفك التى تضيئ الانفاق كابتسامة الاطفال .
كتبت أستاذتنا الرّائعة لنا . ( و لكم أيضًا فلا تنزعجوا أيها الأصدقاء )
ما أجمل المقدرة على ارتقاءالسلالم العنيدة و الوصول لأعلاها حين تكمن جوهرة صقيلة يملكها المثابرون
أستاذتنا الرّائعة الآن يناقش البرالمة أمر حفل الوداع لسنايرنا الكرام و لكن الخبر الجميل هو أنّك لست ضمن الذين سيرحلون فأنت لم تكملى العقد من الزمان بعد و هذا يعني أنّك ستكونين بيننا ضمن هذا الجيل حين أنّه سيرحل آخرون إلى منبرهم الجديد ( معاشيين من سودانيز أون لاين دوت كوم ) و الله صحى . ( حقوق الطبع محفوظة لأستاذنا المدير ) . بالله ما يجِي واحِد يقول لى إختشي عشان الأستاذ دينق ما يفتح فيهو بلاغ بسبب التغوّل على حقوق المِلكيّة الفِكريّة .
كونوا بخير سناير و برالمة و مراقبين .
| |
|
|
|
|
|
|
Re: برالمة 2013 شكيتكم علي الله (Re: خالد العبيد)
|
اخونا خالد العبيد
كيف حالك محمد الهادى من بغداد ، مبارك العبيد + ياسرعمر + ياسر كرار+ حجه آسيا ربنا يتقبل منها الحج فقد كانت هنا هذا العام+ الارقم وابوعبيدة وبقيه الناس الحلويين بامتداد ناصر. لك الود وانت فى تلك البلاد ... تمنياتى وتقديرى
د/محمد الهادى
| |
|
|
|
|
|
|
Re: برالمة 2013 شكيتكم علي الله (Re: Waly Eldin Elfakey)
|
Quote: هذه محاولة واضحة للتفليل من شأن الزملاء الجدد انا اتعاطف مع الزملاء الجدد ضد كل من يعتفد ببساطتهم و سهولة تجنيدهم فالواضح انهم كما قالت لنا سوف يكونون اضافة نوعية للمنبر |
شكراً ليك يا لنا على اللفته البارعة ومرحب بالاعضاء الجدد بالرغم من انني لساتي برلومه لك ودي وتقديري
| |
|
|
|
|
|
|
Re: برالمة 2013 شكيتكم علي الله (Re: جمال عبد الناصر محمد)
|
ضحكتيني يا لنا والله وأخبارك والحي بيك ..
بالجد ملاحظاتك في محلها ..وأكيد ده حيكون تاثيره ايجابي على المنبر
فرصة نرحب بالجميع بدون فرز وأن شاءالله إضافة فاعلة يارب ..
خالتكم داليا حافظ
أوعا من يا خالة ..بالله خليكم راقين وقولوا "خالتو داليا"
| |
|
|
|
|
|
|
Re: برالمة 2013 شكيتكم علي الله (Re: داليا حافظ)
|
Quote: أوعا من يا خالة ..بالله خليكم راقين وقولوا "خالتو داليا |
ههههههههة خالتو داليا كيفك تحياتي وشاكرين الترحيب خالتو داليا زي كلام اولادنا في السعودية لمن ولدنا واحد كان بيقول لي أمو خالتو ليلي .... وش ضاحك ما قادر استعملو ( برلوووم وكدا )
| |
|
|
|
|
|
|
|