|
Re: يا (بله) ما عذبتنا ياخ! (Re: الامين موسى البشاري)
|
تحياتي ياهندسة مش في اغنية بتقول بله دقا الرقم جلا اها يااخوي دا رقمو مجلي من قولة تيت دحين ماتخاف حترجع السودان قريب وتلاقي اصحاب الشركات في المطار منتظرنك بالصف اي واحد عايزك تشتغل معاهو والبلد جميلة ورخيييصة كيلو اللحمة بي 5 جنية وزول عايزو مافي لانو كل زول ضابح في خشم بيتو والبترول دا لمن افتحو المواسير تكشح في الواطة ماعارفين يودو وين بس انت اصبر معاك الشيخ سليمان الحاضر شيخ بدرجة غائب ومغبي كلو كلو
| |
|
|
|
|
|
|
Re: يا (بله) ما عذبتنا ياخ! (Re: معروف حمدين)
|
ودالبشارى وكت هو بيعرف نهاية حكم البشير بالسنة واليوم يكمل جميله ويورينا الساعه كم بالضبط كده. بالغ لكن شيخ بله الغائب ده . زول علمه واسع وبيعلم الغيب. و بيعرف حكم البشير بينتهى متين بالضبط . ماكان يورينا القيامه دى قايمه متين ويريحنا من الجدل الكان مدور فى الاسافير داك. خلانا عشنا ايام عصيبة.
| |
|
|
|
|
|
|
Re: يا (بله) ما عذبتنا ياخ! (Re: بدرالدين الطائف)
|
Quote: بعنى كدا ناس ( الفجر الجديد ) يسلقو بيــــــض !!! |
بلحيل يا معروف حسب كلام بله تابع الفيديو في رابط البوست القديم
__ سليمان القرشي
حبابك وبله قال لا تحلموا بعالم سعيد وأنت تبشرنا بالسعادة كيف الكلام دا؟
__
Quote: ماكان يورينا القيامه دى قايمه متين ويريحنا من الجدل الكان مدور فى الاسافير داك. خلانا عشنا ايام عصيبة. |
مش بالله يا بدر الدين؟ كان يكون عمل فينا كتير ووفر علينا شعور الاقدام والاحجام المهم نصيحتي أرجع أقرأ زهرة الغرق
| |
|
|
|
|
|
|
Re: يا (بله) ما عذبتنا ياخ! (Re: الامين موسى البشاري)
|
الأخ الأمين تحياتي ، بلّة دا مش قال بعالج الإيدز طيب ما يشوف شغلو مع الإنفجار الإيدز سودانى الحديث الخلّا المسئولين يفكّروا فى توزيع الكندوم فى الجامعات ، بعدين الرئيس دا لمّا كان هزّاز ( راقص ) كانت كلمتو ما مسموعة فكيف الحال بعد صار صامِت .
| |
|
|
|
|
|
|
Re: يا (بله) ما عذبتنا ياخ! (Re: امير طمبل)
|
Quote: ، بعدين الرئيس دا لمّا كان هزّاز ( راقص ) كانت كلمتو ما مسموعة فكيف الحال بعد صار صامِت . |
هههههههههه يا وليد
مش يمكن صامت وهزاز في نفس الوقت غايتو بله دا حطمنا تحطيماً .. والله صحي :)
__
Quote: البشاري يا غالي كمية من الأشواق الحتة الفوق دي ريحتني شديد خالس |
أوووووو امير أخونا زمان
عارف أنا خايفهم ما يلقوا بيض زاتو للسلق والله صحي
| |
|
|
|
|
|
|
Re: يا (بله) ما عذبتنا ياخ! (Re: الطيب مصطفى)
|
العزيز اللمين البشاري
تحياتي - غايتو أنا مرة ايام زنقة الإنتخابات ديك سألوا نافع علي نافع عن حاجة كدا !
قام قال ليهم البعلم الغيب يا نبي يا غبي . أهـ علي قول نافع دا الزول دا مع ياتم عرب ؟
وبرضو السوداني دي مع منو ؟ ونحن العلوج ديل على قول الصحاف كتيلنا ياتو ؟
بحيراوي
| |
|
|
|
|
|
|
Re: يا (بله) ما عذبتنا ياخ! (Re: البحيراوي)
|
Quote: قام قال ليهم البعلم الغيب يا نبي يا غبي . أهـ علي قول نافع دا الزول دا مع ياتم عرب ؟ |
البحيراوي
تحياتي يا صديق .. غايتو بله دا متأكد من كلامو 100% أنت ما شفته بتكلم كيف؟ لالالالا.. وقال ليك ويضاعف الله لمن يشاء الزول دا طلع (امبتاري) عظيم بهذه التوقعات التحفة ولا عزاء للشعب الســـوداني الفضل في بقية الفترة المتبقية
كن بخير
| |
|
|
|
|
|
|
Re: يا (بله) ما عذبتنا ياخ! (Re: الطيب مصطفى)
|
Quote: يا اللمين أخوى خلي بلة الغائب ده أنا بديك النجيضة .... البشير ده حايحكم لحدي ما يموت أكان ده حال شعبكم!! |
طيب دي ما عوجة ياخ ربنا يجيب العواقب سليمة يا الطيب اخوي
تحياتي
| |
|
|
|
|
|
|
Re: يا (بله) ما عذبتنا ياخ! (Re: Balla Musa)
|
Quote: يا البشارى
سلام يدغدغك
|
بله يا بله .. ازيك أول حاجة الحمد لله العدة سليمة وما جاتها عوجة والله كنته عايز افتح ليك بوست اسأل منك فيهو لدرجة الشمار كتلني ومشيت افتش عليك في الفيكـــبوس
Quote: لفت نظرى الناس البتسأل: البلد دى ماشيه على وين؟
عايز اعرف ديل بسألوا بعد ماركبوا أم قبل مايركبوا؟ |
بعدين سميك دا عذبنا عذاب ياخ ديل أغلب الظن راكبين وما عارفين ماشين وين محل ما ترسى ترسى ياخ
تحياتي
| |
|
|
|
|
|
|
Re: يا (بله) ما عذبتنا ياخ! (Re: الامين موسى البشاري)
|
Quote: أول حاجة الحمد لله العدة سليمة وما جاتها عوجة والله كنته عايز افتح ليك بوست اسأل منك فيهو لدرجة الشمار كتلني ومشيت افتش عليك في الفيكـــبوس |
يا البشارى ياخى واحد قاعد مع جماعة بذاكروا عملوا شاى وبعد ماشربوا, الكبابى قاعدة فاضية قدامن أى واحد ولع سجارة ودخن وبعد ماتخلص يرميها فى الكباية واحد مابيدخن بقى لما يكون عايز يبزغ يبزغ فى الكباية الجماعة استقرفوه قام قال ليهم الفرق شنو يعنى؟
Quote: ديل أغلب الظن راكبين وما عارفين ماشين وين محل ما ترسى ترسى ياخ |
أها ديل السؤال بتاعم قلة ادب أو غشانة!!!
| |
|
|
|
|
|
|
Re: يا (بله) ما عذبتنا ياخ! (Re: الامين موسى البشاري)
|
يا البشارى
بلة الغايب تم توظيفه والاستفادة من مايختلط فى الثقافة السودانية من إيمان بمثل مايقول..
ناس المؤتمر الوطنى فى دواخلهم يعرفون حقيقته, ومع ذلك يعرفون حقيقة سواد الشعب..
فمثلا هذه الجريدة تفتكر ذهبت لبلة الغايب اعتباطا؟ لا أبدا
الصحافة بتخدم السلطة فى استثمار الجهل.. وتوزيع الجريدة نفسه, بالإضافة لأنه حافز للجريدة, يمكن استخدامه لقياس وعى الشارع.
إبليس يا البشارى لايعمل على الإنسان إلا بعد دراسته جيدا ومعرفة ثغراته!
أها كدا كويس دخلتنا فى كلام جادى ومرهق؟؟
| |
|
|
|
|
|
|
Re: يا (بله) ما عذبتنا ياخ! (Re: Balla Musa)
|
Quote: بلة الغايب تم توظيفه والاستفادة من مايختلط فى الثقافة السودانية من إيمان بمثل مايقول..
ناس المؤتمر الوطنى فى دواخلهم يعرفون حقيقته, ومع ذلك يعرفون حقيقة سواد الشعب..
فمثلا هذه الجريدة تفتكر ذهبت لبلة الغايب اعتباطا؟ لا أبدا |
ما دي ياها المصيبة ذاتها المصيبة ان التعليم والوعي والمعرفة والثقافة لم تستطع نزع هذه القناعات حتى ممن يعدون طبقة واعية ومستنيرة ومتعلمة السوداني تربى وقام على ان الشيخ والوداعية .... الخ هم اساس المعرفة ويطلعون على الغيب وتنبؤاتهم صحيحة او قريبة من الصحة وهذا الاعتقاد محفور في عقلهم الباطني أقرب مثال المحاولة الانقلابية الاخيرة قيل انهم استعانوا بشيخ ... فتامل! والقوات الأمنية اعتقلت هذا الشيخ لمساعدته لهم
أما الجريدة فهي لا تبحث الا عن التوزيع والاثارة حتى لو كان عن طريق خطرفات هذا البله والضحية جاهزة للتلقي والتصديق .. والله صحي
| |
|
|
|
|
|
|
Re: يا (بله) ما عذبتنا ياخ! (Re: د.ماجدة ميرغني)
|
أخونا البشارى
هاك مثال لصحافة وصحفيى الأمس
فى عهد الديمقراطية الثانية على ما أعتقد وهو فى الستينات
كانت هناك بئر كلما يدخل فيها شخص لإصلاحها يموت..
أطلق الأهالى مايعتقدون أنه حقيقة, بأن هناك شيطان يسكن البئر وهو الذى يقتل من يحاول استصلاح هذه البئر واستغلالها للشرب..
ذهب وفد ويقال أن معهم اسماعيل الأزهرى وعملوا اختبار بسيط, ينزلوا فانوس بعد إنارته فيلاحظوا أن الفانوس ينطفئ عندما يصل مستوى معين من العمق
وبعدها أستعملوا إختبار آخر تأكيدى وعندها تأكدوا أن بداخل البئر غاز أول وثانى أكسيد الكربون..
ونشرت الصحف الحقيقة وعالجوا المشكلة واستفاد الأهالى من البئر..
هذه الصحيفة أيضا استفادت ماديا من التوزيع بطرح جانب إيجابى تنويرى..
قارن بينها وبين صحافة اليوم التى تعمق الدجل والخرافة والإشاعة فقط لتتكسب من وراء ذلك وفى نفس الوقت تخدم السلطة.
| |
|
|
|
|
|
|
Re: يا (بله) ما عذبتنا ياخ! (Re: د.ماجدة ميرغني)
|
Quote: قول للشيخ بله say wallahi وكمان قول ليه ما ناقصينك الشايلين كيزان المويه كتتتتتتار وكل يوم زايدنها!!!! |
د. ماجدة
كل سنة وانت طيبة ... الشيخ بله شاطح شطحة ومبسوط بيها خالص خالص وبعدين بتحداك ويستشهد بقوله تعالى:" ويضاعف الله لمن يشاء " شفتي المحن دي كيف؟
تحياتي
| |
|
|
|
|
|
|
Re: يا (بله) ما عذبتنا ياخ! (Re: Abdlaziz Eisa)
|
تعليق من الفيس بوك بواسطة الأخت إيمان الحسن:
Quote: الناس بتمشى لقدام ونحن ماشين لورا |
عليك الله يا إيمان عايز آخد لى نويمة لما تصلوا زمن الإنجليز صحونى عندى جوابات لخليل فرح من وليداتو عايز أسلمن ليه!
| |
|
|
|
|
|
|
Re: يا (بله) ما عذبتنا ياخ! (Re: Balla Musa)
|
Quote: قارن بينها وبين صحافة اليوم التى تعمق الدجل والخرافة والإشاعة فقط لتتكسب من وراء ذلك وفى نفس الوقت تخدم السلطة. |
بله
اساطير الخرافة لا تعد ولا تحصى والغريبة سيطرتها على عقل السوداني مهما تكن درجة تعليمه وثقافته والصحافة يا بله زيها وزي بقية القطاعات التي اصابها الوهن والضعف والخراب والفساد في عهد الكيزان وبالطبع هي ليست استثناء من البقية يبقى شنو نخلي بله والصحيفة يضروا عيشهم وينسجوا الروايات والاساطير طبعا مع ملاحظة الوش اللخدر الذي يزيّن عنوان هذا البوست .....المافي شنو؟ وصاحب العقل يميز ويختار ما يعتاده من توهم ... والله صحي
وشكراً لنقل كلام الدكتورة ايمان الحسن "سولارا" ونبثها تحياتنا من هنا
كن بخير
| |
|
|
|
|
|
|
Re: يا (بله) ما عذبتنا ياخ! (Re: الامين موسى البشاري)
|
عزنا المريخابي الأصيل
تحياتي الحارة ....
Quote: بلة ده كمان مهدي جديد ولا متنبئ ولا شنو كدا!!!
ياخي صحافة فارغة جدا...
|
بله دا فقير أمبتاري يدعي انه يعلم الغيب ويجر خلفه صحافة الجهل والتخلف في زمن التخلف
تحياتي
| |
|
|
|
|
|
|
|