|
البرالمة الجدد بالله اجمعوا هنا و ورونا حنانكم زاتو زي السوسيو متلبين
|
اتصفح بنشوة بالغة منبرنا الجميل خلال هذه الفترة واحرص على طلته ( زي قهوة الصباح ) ... لاحساسي بجمال الخلق في طلة المواليد الجدد ( متلبين ) زي (السوسيو) تذكرت مع كل ( برلوم) ايام الطفولة حينما كنت اتوسط حجر (حبوبتى) واحكي لها قصة (السوسيوالبفقس ) خلال اللحظات المتتالية في جرد حساب لما تحتضنه تلك الدجاجة المعطاءة يوميا .. طبعا : كانت (حبوبتى) مستمتعة ايما استمتاع باحصاءاتى التى افرك بها اصابعها كنت استمتع بسماع صوت الصغار حينما يأتون من رحم الولادة وحضن ( حبوبتى ) يملأؤنى حنانا ودفئاً وأمناً... بالضبط كما الان: اتفحصل اساميهم و بوستاتهم العذبة مثلما كنت اعتقد في طفولتى ان تلك الصغار هي مستقبل الحوش الذي الهو فيه يحتضننى بغبرته وطينه وقشه وبهوائه النقي واقراني بجدي ولعبي كما الان: هم مستقبل هذا (الحوش) هم افكاره المنتظره هم الفعل والقول والانفعال والحراك والتفاعل هم الدماء التى ستجدد النبض وتحي الشباب نترقب قدومهم بحب بالغ بهم يظل الامل موجوداً والمستقبل واسعاً .. . ممكن نتشرف بنبذه مختصرة لكل منكم بهذا البوست يسعدنا سماعكم وتعريفكم بالجميع حتى حنانكم زاتو ما تخلوهو نتشرف بقدومكم احبتى ...
|
|
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: هيثم التوم)
|
1- الاسم 2- الميولات في الكتابة 3- المعارف هنا 4- كيف عرفت او سمعت بالمنتدى 5- هدفك شنو هنا 6- رايك شنو في بعض الناس المعكرين مزاجك هنا 7- رايك شنو في بعض المبسوط منهم هنا 8- اكتر البوستات جاذبية لك 9- اكثر البوستات بغيضة في نظرك 10- افضل الذين قرأت لهم قبل تسجيلك 11- و أسوأهم 12- افضل المرحبين بك 13- وأسوأهم
ما مجبورين على التلاتشر سؤال ديل اختاروا الاعجبكم ...
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: هيثم التوم)
|
هيثــــم اشكرك على ترحيبك الدافئ السؤال الاول: اسمي محمود قسم السيد السؤال الثاني: معارفي الشخصيه المباشره في المنبر محدوده جدا اما معارفي بالاشخاص ككتاب فهي واسعه نظرا لمتابعتي المستمره لمنبر سودانيز اون لاين السؤال الثالث: انا من المتابعين لمنبر سودانيز اون لاين منذ عام 2004 السؤال الرابع: الاهداف كثيره اهمها التعلم و المشاركه السؤال الخامس: لست اجد اي شخص يعكر المزاج... فالكل هنا يعبر عن رأيه و لونه بطريقته طالما ان حريه الرأي في اطار احترام الاخر السؤال السادس: الكل هنا جميل و المجال لا يسعني لذكرهم جميعا السؤال السابع: كل بوست جميل مكتوب بحرفيه و يحترم الاخرين هو بوست جميل... ليس هناك لون معين من البوستات يجذبني فأنا اقرأ في السياسه و الادب و قليل من الرياضه الخ السؤال الثامن: اكثر البوستات بغضا بنظري هي التي تطعن في الاشخاص... فالاختلاف لا يكون على مستوى الشخوص بل المواقف و الافعال و الاراء... قد اختلف معك لان تصرفك لم يعجبني و لن اختلف معك ابدا لانك فلان ابن فلان السؤال التاسع و العاشر اجابتهم صعبه السؤال الثاني عشر و الثالث عشر لا اجابه لهم لاني لم اعرف بنفسي بالمنبر بعد
مرة اخرى اشكر لك ترحيبك و كلامك الجميل
دمت بصحه و عافيــــــــه
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: هيثم التوم)
|
أها هسي نكتب حاجة ما تعجبكم تلقى التصنيفات دورت
يا كوز، يا رمادي، يا انتهازي، يا عميل ، يا شيوعي ، يا.... ( وش بيضحك لحدي ما نتعلم بيعملوه كيف)
المهم...
لا لا خلاص ما المهم ولا حاجة، هسي يقول ليك يا حرامي البوستات...
غايتو سلام يا ناس البيت و النشوف موضوع اسئلتك الكتيرة دي شنو؟ يا أمنجي (وش مادي لسانو، انتو بالجد الحاجات دي بيعملوها كيف؟)
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: Wael Jabir)
|
الجميل محمود قاسم
Quote: هيثــــم اشكرك على ترحيبك الدافئ السؤال الاول: اسمي محمود قسم السيد السؤال الثاني: معارفي الشخصيه المباشره في المنبر محدوده جدا اما معارفي بالاشخاص ككتاب فهي واسعه نظرا لمتابعتي المستمره لمنبر سودانيز اون لاين السؤال الثالث: انا من المتابعين لمنبر سودانيز اون لاين منذ عام 2004 السؤال الرابع: الاهداف كثيره اهمها التعلم و المشاركه السؤال الخامس: لست اجد اي شخص يعكر المزاج... فالكل هنا يعبر عن رأيه و لونه بطريقته طالما ان حريه الرأي في اطار احترام الاخر السؤال السادس: الكل هنا جميل و المجال لا يسعني لذكرهم جميعا السؤال السابع: كل بوست جميل مكتوب بحرفيه و يحترم الاخرين هو بوست جميل... ليس هناك لون معين من البوستات يجذبني فأنا اقرأ في السياسه و الادب و قليل من الرياضه الخ السؤال الثامن: اكثر البوستات بغضا بنظري هي التي تطعن في الاشخاص... فالاختلاف لا يكون على مستوى الشخوص بل المواقف و الافعال و الاراء... قد اختلف معك لان تصرفك لم يعجبني و لن اختلف معك ابدا لانك فلان ابن فلان السؤال التاسع و العاشر اجابتهم صعبه السؤال الثاني عشر و الثالث عشر لا اجابه لهم لاني لم اعرف بنفسي بالمنبر بعد
مرة اخرى اشكر لك ترحيبك و كلامك الجميل
دمت بصحه و عافيــــــــه |
وفيت وكفيت يا حبيب واسلوب مميز في الرد احييييييييييك ( باااااااااص)
بس شكلك عامل حساب من البورداب كويس اصلم ديل ما بتقربوا باخوي واخووووك
ممتن جدا لكـــ ...
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: هيثم التوم)
|
اخونا وائل مرحبابك ....
Quote: أها هسي نكتب حاجة ما تعجبكم تلقى التصنيفات دورت
يا كوز، يا رمادي، يا انتهازي، يا عميل ، يا شيوعي ، يا.... ( وش بيضحك لحدي ما نتعلم بيعملوه كيف)
المهم...
لا لا خلاص ما المهم ولا حاجة، هسي يقول ليك يا حرامي البوستات...
غايتو سلام يا ناس البيت و النشوف موضوع اسئلتك الكتيرة دي شنو؟ يا أمنجي (وش مادي لسانو، انتو بالجد الحاجات دي بيعملوها كيف؟) |
التصنيف لابد منو يا حبيب ولو قلت ليك ما حايحصل كذبت عليك بس التصنيف بكون غالبا في الواحد ونفسو ( يعنى ما تخاف ... وشين ضاحكين ) لكين اللذيذ في الموضوع انك مهما اتصنفت حا تلاقي نصيرك هنا ... ابقى حريف وحاول جيب حاجة جديدة حا تلاقى برضو في ناس تبعكــ
ابعدين اصبر شوية وشيل نفسك عليك حبة ياخ ... شنو عاوز تعرف كل حاجة من اول يوم
كامل الاحترام اخوي ،،،
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: Amin Tayson)
|
Quote:
Quote: . . 1- الاسم : محمد الصديق احمد 2- الميولات في الكتابة : فكرية ,سياسية ,اجتماعية, رياضية 3- المعارف هنا: لا اعرفهم شخصيا لكن اعرف الغالبية عن خلال كتاباتهم 4- كيف عرفت او سمعت بالمنتدى: بالصدفة :) 5- هدفك شنو هنا: طرح ارائي ومناقشتها مع الاخوة هنا ومناقشتهم اطروحاتهم ايضا 6- رايك شنو في بعض الناس المعكرين مزاجك هنا: حقيقة ما عندي مشكلة معاهم في شخصهم ولا في افكارهم مشكلتي في تصرفات بعضهم 7- رايك شنو في بعض المبسوط منهم هنا: ديل كتيرين والله ويستاهلوا فعلا انهم يكونوا كتاب في سودانيز 8- اكتر البوستات جاذبية لك: البوستات الثمينة البكون فيها طرح فكري ونقاش وحوار ومعلومات ممكن استفيد منها 9- اكثر البوستات بغيضة في نظرك: البوستات الغثة الفيها تهريج وما فيها فائدة والبوستات الخادعة يعني صاحبها يكتب عنوان عشان يجذب المتابعين ليه وتفتح الموضوع تلقاه ما فيه حاجه تستحق 10- افضل الذين قرأت لهم قبل تسجيلك: كتيرين والله 11- و أسوأهم: من وجهة نظري ماف انسان سيئ في تصرفات سيئة اي انسان ممكن يكون افضل اذا اتحكم في تصرفاته وعرف كيف يناقش افكاره بدون ما ينفعل ويسئ للاخرين 12- افضل المرحبين بك: بصراحة وبدون مجاملة انت والله 13- وأسوأهم : ماااف ههههههه
ما مجبورين على التلاتشر سؤال ديل اختاروا الاعجبكم ... |
|
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: هيثم التوم)
|
Quote: ممكن نتشرف بنبذه مختصرة لكل منكم بهذا البوست يسعدنا سماعكم وتعريفكم بالجميع |
الأخ الكريم هيثم التوم اخوك منير عثمان مقيم بهولندا متزوج وأب لطفلين ضابط سابق بالقوات المسلحة
أنا من المتابعين الجيدين لسودانيزأونلاين وحقيقة أصبحت ذي المدمن للمنبر لازم استعرضو كل يوم مرة على الأقل - مرضة رسمي كدة- هنا تجد آخر أخبار الوطن والتحليل للأحداث وتقرأ لكل الشخصيات ، ومن الأشياء الجميلة في المنبر الواحد مرات كدة كان بيقرأ كلام في بوست بيقيظو ويمقصك أحياناً بيجي زول ويفشي ليك غبينتك كأنما قرأ أفكارك ، وأحياناً كنت أتمنى لو أستطيع أن أرد، بنفسي . هنا تجد كل الآراء ما كنت تتوقعه وما لم تتوقعه ما تصدقه وما هو كذب بائن وترى تفاعل السازج والحصيف مع كل هذا وذلك، ولعل ده البيجعل المنبر متميز ومفعم بالحيوية أخيراً وبالمختصر لقد أحببت هذا المنبر الحر وتمنيت دائماً أن أكون جزء منه. مودتي،،،
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: انصاف ابراهيم عبدالعزيز)
|
1- الاسم عثمان الشريف 2- الميولات في الكتابة دي صعبة شوية 3- المعارف هنا كتار وماكتار 4- كيف عرفت او سمعت بالمنتدى من 2004 - 2005 مصاقرين فيهو 5- هدفك شنو هنا عايز اتعلم واعرف اكتر 6- رايك شنو في بعض الناس المعكرين مزاجك هنا هم برضوا في ناس معكرين ليهم مزاجهم 7- رايك شنو في بعض المبسوط منهم هنا ربنا يزيدهم انبساطة زي ما بسطونا 8- اكتر البوستات جاذبية لك التي تناقش فكرة اوتحلل وتدرس ظاهرة ما او......البوست الناس بكون متفقة انها مفيدة 9- اكثر البوستات بغيضة في نظرك اي بوست عن قبيلة او عرق ما 10- افضل الذين قرأت لهم قبل تسجيلك كتار من دون اسماء 11- و أسوأهم ايضا كتار 12- افضل المرحبين بك ود ابا الامين بشاري 13- وأسوأهم تكتح في التراب وسط البحر مالك
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: هيثم التوم)
|
الاخ الكريم
منير عثمان
Quote: الأخ الكريم هيثم التوم اخوك منير عثمان مقيم بهولندا متزوج وأب لطفلين ضابط سابق بالقوات المسلحة
أنا من المتابعين الجيدين لسودانيزأونلاين وحقيقة أصبحت ذي المدمن للمنبر لازم استعرضو كل يوم مرة على الأقل - مرضة رسمي كدة- هنا تجد آخر أخبار الوطن والتحليل للأحداث وتقرأ لكل الشخصيات ، ومن الأشياء الجميلة في المنبر الواحد مرات كدة كان بيقرأ كلام في بوست بيقيظو ويمقصك أحياناً بيجي زول ويفشي ليك غبينتك كأنما قرأ أفكارك ، وأحياناً كنت أتمنى لو أستطيع أن أرد، بنفسي . هنا تجد كل الآراء ما كنت تتوقعه وما لم تتوقعه ما تصدقه وما هو كذب بائن وترى تفاعل السازج والحصيف مع كل هذا وذلك، ولعل ده البيجعل المنبر متميز ومفعم بالحيوية أخيراً وبالمختصر لقد أحببت هذا المنبر الحر وتمنيت دائماً أن أكون جزء منه. مودتي،،، |
مرحب بيك والله كلامك عميق جدا وينم عن اضافة يفتقدها امثالها المنبر
اشكر جميل كلماتك وسررت بهذا الوعي
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: هيثم التوم)
|
اخونا هيثم
تحية تقدير لترحيبك وان كان (مفتووول) (اجمعوا) دى معاها (مستجدين) يعنى احسن (مستجدين اجمعوا هنا وورونا حنانكم زاتو) حقو تسأل اخونا الرائع جنابو (عمر عثمان) فهو خير من يقدم لنا فتوى بذلك ، وانا من اكثر المتابعين لما يكتبه اخونا عمر عن ذكرياته فى (الشرطة)وبعدين باقى العنوان برضو (فيهو فتله) اخوى هيثم مشكور على الترحيب واتمنى ان يدوم التواصل لما فيه خيرنا وخير وطننا.
1- الاسم -- د/ محمد الهادي عبد الرحيم 2- الميولات في الكتابة -- سياسية , رياضية 3- المعارف هنا -- معارفي الشخصية بالمنبر في حدود (10) افراد كلهم اخوه اصدقاء احباب وفيهم ذوى قربى وزملاء دراسة وعمل. 4- كيف عرفت او سمعت بالمنتدى -- ومن منا لا يعرف سودانيز اونلاين الموقع الاكثر شهره وانتشارا. 5- هدفك شنو هنا -- لعلى استفيد من ما يكتب هنا ولعلى اضيف ولو القليل للقراء الكرام. 6- رايك شنو في بعض الناس المعكرين مزاجك هنا -- حقيقة مافى حد معكر مزاجي قد يوجد من اختلف معه فلكل فكره وآرائه مطلوب ان نحسن الانصات والاستماع اولا ومن ثم الرد اذا استطعنا الى ذلك سبيلا. 7- رايك شنو في بعض المبسوط منهم هنا -- كثر اولئك الذين ارتاح لكتاباتهم وآرائهم وافكارهم. 8- اكتر البوستات جاذبية لك -- (الرياضية) واخبار الاخ معتصم محمد صالح (الاجتماعية)وبوستات ذكريات (الشرطة) بمختلف عناوينها. 9- اكثر البوستات بغيضة في نظرك -- تلك التى يكثر فيها التلاسن والسب فتلك ليست من شيمنا كمسلمين. 10- افضل الذين قرأت لهم قبل تسجيلك – هم كثر والحمد لله. 11- و أسوأهم -- كيف لي قياس السوء فما اراه سيئا قد تراه انت غير ذلك ومطلوب ان ننظر للنصف المملوء من الكوب دائما ونضع حسن النية غالبا. 12- افضل المرحبين بك -- لا افضل شخص على اخر الا بالتقوى. 13- وأسواهم -- في نظري لا يوجد شخص سيء يوجد من تتفق معه ومن تختلف معه.
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: Emad Khairy)
|
سلامات اخونا هيثم الاسم / محمد حسن عبد القيوم دا اول حاجة وبعد كدا نقول شكرا علي البوست 2- الميولات : اهتم بالقراءة ونعشق سحر الكلمات 3- كيف عرفت وسمعت بالمنتدي ظللت متابعا للمنتدي منذ سنوات 4-هدفك شنو : يتيح منبر سودانيز اون لاين حرية التعبير وبه من المروة ما يكفي لانقاذ حياة البشر واذكر بوستا قبل سنين عن حاجة شخص لدواء كان معدوما بالسودان وكم كان هناك من تطوع لانجاز الاسعاف الدوائي تواصل بلا حدود 7-6- معا هل وجدت في الدنيا انسان في عصرنا بخواص الماء يعني نقي ومرات لا لون لا ريحة كلهم احبة 8-البوستات الفكرية 9- داء انا كابي منو الزوغة الباقي داير شوية صبر الا ان شكري لكل من رحب بي واشكرك انت كمان
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: محمد حسن عبد القيوم)
|
اخونا عثمان الشريف
Quote: 1- الاسم عثمان الشريف 2- الميولات في الكتابة دي صعبة شوية 3- المعارف هنا كتار وماكتار 4- كيف عرفت او سمعت بالمنتدى من 2004 - 2005 مصاقرين فيهو 5- هدفك شنو هنا عايز اتعلم واعرف اكتر 6- رايك شنو في بعض الناس المعكرين مزاجك هنا هم برضوا في ناس معكرين ليهم مزاجهم 7- رايك شنو في بعض المبسوط منهم هنا ربنا يزيدهم انبساطة زي ما بسطونا 8- اكتر البوستات جاذبية لك التي تناقش فكرة اوتحلل وتدرس ظاهرة ما او......البوست الناس بكون متفقة انها مفيدة 9- اكثر البوستات بغيضة في نظرك اي بوست عن قبيلة او عرق ما 10- افضل الذين قرأت لهم قبل تسجيلك كتار من دون اسماء 11- و أسوأهم ايضا كتار 12- افضل المرحبين بك ود ابا الامين بشاري 13- وأسوأهم تكتح في التراب وسط البحر مالك |
حيب مالقالت الحنكوووووشة:
كلامك مرررررة Funny
قال تكتح في البحر قال هههههههههه يا بسسسسسة
سعدت بالتفاصيل يا حبيب ..
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: خضر صيام)
|
الاخ هشام التوم سلامات ، شكراً على الترحيب 1- الاسم محمد بابكر محمد 2- الميولات في الكتابة تابع بس 3- المعارف هنا ممكن انقل الاجابه Quote: معارفي الشخصيه المباشره في المنبر محدوده جدا اما معارفي بالاشخاص ككتاب فهي واسعه نظرا لمتابعتي المستمره لمنبر سودانيز اون لاين |
4- كيف عرفت او سمعت بالمنتدى من الانترنت 5- هدفك شنو هنا خليها فاضيه
Quote: ما مجبورين على التلاتشر سؤال ديل |
انا زاتى قلت كدا يا محمود حقوق النشر محفوظه تحياتى
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: خضر صيام)
|
بسم الله الرحمن الرحيم
- الاسم : ارتيقه مصطفى جبلانى 2- الميولات في الكتابة : برلوم سياسة وشعر 3- المعارف هنا : كانو كتار لكن الفترة طالت بس القابلتهم شخصياً عمنا / قرشو واخونا اساسى .. 4- كيف عرفت او سمعت بالمنتدى : عبر صديق فى 2003م 5- هدفك شنو هنا : احاول اتعلم واستفيد من فطاحلة البوست فى جميع المجالات 6- رايك شنو في بعض الناس المعكرين مزاجك هنا : لسه ما بدينا .. وربك يستر 7- رايك شنو في بعض المبسوط منهم هنا : 8- اكتر البوستات جاذبية لك : السياسية 9- اكثر البوستات بغيضة في نظرك : التى تخوض فى الاديان والمذاهب بغير علم ( نظام القشرة ) 10- افضل الذين قرأت لهم قبل تسجيلك 11- و أسوأهم 12- افضل المرحبين بك 13- وأسوأهم
واتمنى ننتقل من خانة البرالمة لى خانة السناير سرييع لانى شايف البوستات عن البرالمة ما شاء الله ومشكورين على الترحيب وحسن الاستقبال
برلوم سنير
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: مزمل عوض الكريم)
|
العزيز عماد خيري ...
Quote: العزيز هيثم فى اول التبادى ازيك لا اخفى عليك اعجابى بقلمك وجمال احرفك شاكرا لك التشجيع الذى لمسته بين الحروف
Quote: 1- الاسم : عماد الدين عبد المجيد خيرى 2- الميولات في الكتابة : شعريه - وفكريه - وثقافيه -و اجتماعيه 3- المعارف هنا : اعرف معظم سكان الحوش وبالاخص بورداب السعوديه ,وشايف البعض منهم تغابوا العرفة وبقول ليهم عبرك المنبر للجميع 4- كيف عرفت او سمعت بالمنتدى : لا اعتقد هناك سودانى فى الكرة الارضيه لايعرف المنتدى فصيته واصل للكل 5- هدفك شنو هنا : التواصل والمشاركه والاستفاده من عظماء بلادى 6- رايك شنو في بعض الناس المعكرين مزاجك هنا : المعكر مزاجى بصراحه بعض الكتاب الذين يكتبون بشخوص غير شخصايتهم الحقيقة فهم خلف الكيبورد بعيدين كل البعد عن ما يكتبون وياريت الاقلام تعبر عن اصحابها الحقيقين 7- رايك شنو في بعض المبسوط منهم هنا 8- اكتر البوستات جاذبية لك 9- اكثر البوستات بغيضة في نظرك 10- افضل الذين قرأت لهم قبل تسجيلك 11- و أسوأهم 12- افضل المرحبين بك : كل من رحبوا بى كلماتهم اوسمة ازهو بها واشكرهم جميعا 13- وأسوأهم
اعتذر عن ما لم اجب عليه فهى اسئله بتجيب كتاحه ونحن لسه بنقول ياهادى تحياتى
|
شاكر جدا يا حبيب وممتن جدا لموضوع الكتاحة دا دي جمعة ما بتتنسي ياااااخ ...
تحياتي ...
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: هيثم التوم)
|
محمد حسن عبد القيوم حبابك ياخ
Quote: سلامات اخونا هيثم الاسم / محمد حسن عبد القيوم دا اول حاجة وبعد كدا نقول شكرا علي البوست 2- الميولات : اهتم بالقراءة ونعشق سحر الكلمات 3- كيف عرفت وسمعت بالمنتدي ظللت متابعا للمنتدي منذ سنوات 4-هدفك شنو : يتيح منبر سودانيز اون لاين حرية التعبير وبه من المروة ما يكفي لانقاذ حياة البشر واذكر بوستا قبل سنين عن حاجة شخص لدواء كان معدوما بالسودان وكم كان هناك من تطوع لانجاز الاسعاف الدوائي تواصل بلا حدود 7-6- معا هل وجدت في الدنيا انسان في عصرنا بخواص الماء يعني نقي ومرات لا لون لا ريحة كلهم احبة 8-البوستات الفكرية 9- داء انا كابي منو الزوغة الباقي داير شوية صبر الا ان شكري لكل من رحب بي واشكرك انت كمان |
تحياتي لك ولاختيارك الانيق للاجوبة نتمناك فاعلا كما نتخيلك الان . . بس الزوغة لي متين كملت شهر العسل خش وقول النجيضة
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: رانيه محمد الشيخ)
|
الاخ نصر الدين
Quote: تحياتي أخ هيثم وأسمح لي أن أرحب عبرك بالأخوة الأعضاء الجدد وأتمنى أن يطيب لهم المقام ويكونوا إضافة نوع وكم.. بدايات طيبة أتابعها من بعض الزملاء الجدد وأظننا موعودين بدفعة جديدة مميزة.. |
اثمن عاليا مداخلتك وانت سنير الناير لانو كلامك عن قراءة سنين وليس اشهر ..
انا شخصيا ملاحظ انو الدفعة دي تستحق الاهتمام والانتباه لجديدها فاضافاتهم مذهلة ومفيدة
كتر خيرك تقبل احترامي
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: هيثم التوم)
|
خضر صيام
مرحب بيك يا زول يا جار
Quote: الاستاذ هيثم
متابع قديم جدا لهذا الحوش واخيرا معاكم
الاسم :- خضر صيام الاقامة :- الدمام متزوج اب لبنتين وولد المهنة محاسب خريج الخرطوم التجارية وجامعة السودان اميل اكثر علي التعقيب علي بعض المواضيع الخالية من السياسة والكورة |
حمد الله على سلامتك اول وجيدا جيت
احسن ليك بلا وجع دماغ يا زول بلا سياسة بلا هيثم مصطفى
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: آدم عبد الكريم رمضان)
|
1- الاسم * زي ما مكتوب فوق (ما في داعي للتكرار)
2- الميولات في الكتابة * بنحاول نجادع في أي مجال عندنا فيهو شوية معرفة 3- المعارف هنا * كتار الحمد الله و ربنا يزيدهم و يبارك فيهم
4- كيف عرفت او سمعت بالمنتدى * ما أذكر بالضبط ، أظن الموضوع كان صدفة من خلال التصفح
5- هدفك شنو هنا * و الله يا حبيب أهداف كتيرة أقلها التعلم و الإستفادة و التواصل مع القامات الهنامباشرة، يعني هسة لو داير لي فتوى شيخ عماد قريب و لو عايز شي من الحقيبة داك صديق الموج و الكثيرين من أصحاب التخصص في العلوم و المعارف و المهن المختلفة، دا أكيد مكسب كبير.
6- رايك شنو في بعض الناس المعكرين مزاجك هنا * لو من معارفين المباشرين بنصحهم نصيحة أخوية و لو ما من معارفي الموضوع عادي نتحملو بروح رياضية لأن المكان يسع الجميع و لا أفترض أن مزاجي هو الفيصل في الأمر.
7- رايك شنو في بعض المبسوط منهم هنا * و الله بحاول أتواصل معاهم مباشرة و أتعرف عليهم عن قرب ما وجدت إلى ذلك سبيلا و أتمنى لهم التوفيق و ربنا يكتر من أمثالهم ليحلو هذا المكان أكثر
8- اكتر البوستات جاذبية لك * و الله حسب المادة المقدمة و طريقة الطرح و تمكن صاحب البوست من الموضوع المقدم لكني بشكل عام أميل إلى السياسة و التراث و الإجتماع
9- اكثر البوستات بغيضة في نظرك * بوستات المشاكل و تصفية الحسابات، خاصة التي تستخدم فيها أساليب غير كريمة و بشكل أخص ضد الجنس الآخر (أخواتنا و خالاتنا و عماتنا الكريمات هنا)
10- افضل الذين قرأت لهم قبل تسجيلك * و الله كتيرين كل في مجاله على سبيل المثال، محمد حسبو، محسن خالد، عادل عبد العاطي، كمال عباس، محمد سليمان، عزاز شامي، تماضر شيخ الدين، محمدين إسحق،أساسي، المهندس محمد إبراهيم، الدكتور أبكر آدم إسماعيل، عادل البدوي، محمد المشرف ، تيسير عوضة و غيرهم كثير.
11- و أسوأهم * السوء دا ما قاعدين نهتم بيهو كتير
12- افضل المرحبين بك * كلهم خير و بركة و مشكورين و شكراً خاص طبعاً لمن سبق و بادر مثلك و الأخت إنعام و دكتور بلة و خالد و فقيري، كلكم فيكم الخير و لله
13- وأسوأهم * مافي حد سيئ برحب بزول :)
تحياتي....
| |
|
|
|
|
|
|
Re: البرالمة الجدد بالله اجمعوا هنا و ورونا حنانكم زاتو زي السوسيو مت (Re: هيثم التوم)
|
الجميل ادم عبد الكريم
Quote: 1- الاسم * زي ما مكتوب فوق (ما في داعي للتكرار)
2- الميولات في الكتابة * بنحاول نجادع في أي مجال عندنا فيهو شوية معرفة
3- المعارف هنا * كتار الحمد الله و ربنا يزيدهم و يبارك فيهم
4- كيف عرفت او سمعت بالمنتدى * ما أذكر بالضبط ، أظن الموضوع كان صدفة من خلال التصفح
5- هدفك شنو هنا * و الله يا حبيب أهداف كتيرة أقلها التعلم و الإستفادة و التواصل مع القامات الهنامباشرة، يعني هسة لو داير لي فتوى شيخ عماد قريب و لو عايز شي من الحقيبة داك صديق الموج و الكثيرين من أصحاب التخصص في العلوم و المعارف و المهن المختلفة، دا أكيد مكسب كبير.
6- رايك شنو في بعض الناس المعكرين مزاجك هنا * لو من معارفين المباشرين بنصحهم نصيحة أخوية و لو ما من معارفي الموضوع عادي نتحملو بروح رياضية لأن المكان يسع الجميع و لا أفترض أن مزاجي هو الفيصل في الأمر.
7- رايك شنو في بعض المبسوط منهم هنا * و الله بحاول أتواصل معاهم مباشرة و أتعرف عليهم عن قرب ما وجدت إلى ذلك سبيلا و أتمنى لهم التوفيق و ربنا يكتر من أمثالهم ليحلو هذا المكان أكثر
8- اكتر البوستات جاذبية لك * و الله حسب المادة المقدمة و طريقة الطرح و تمكن صاحب البوست من الموضوع المقدم لكني بشكل عام أميل إلى السياسة و التراث و الإجتماع
9- اكثر البوستات بغيضة في نظرك * بوستات المشاكل و تصفية الحسابات، خاصة التي تستخدم فيها أساليب غير كريمة و بشكل أخص ضد الجنس الآخر (أخواتنا و خالاتنا و عماتنا الكريمات هنا)
10- افضل الذين قرأت لهم قبل تسجيلك * و الله كتيرين كل في مجاله على سبيل المثال، محمد حسبو، محسن خالد، عادل عبد العاطي، كمال عباس، محمد سليمان، عزاز شامي، تماضر شيخ الدين، محمدين إسحق،أساسي، المهندس محمد إبراهيم، الدكتور أبكر آدم إسماعيل، عادل البدوي، محمد المشرف ، تيسير عوضة و غيرهم كثير.
11- و أسوأهم * السوء دا ما قاعدين نهتم بيهو كتير
12- افضل المرحبين بك * كلهم خير و بركة و مشكورين و شكراً خاص طبعاً لمن سبق و بادر مثلك و الأخت إنعام و دكتور بلة و خالد و فقيري، كلكم فيكم الخير و لله
13- وأسوأهم * مافي حد سيئ برحب بزول :)
تحياتي.... |
انا بس لفت انتباهي جدية وعدما باسلوبك الجاد ! والحاجة الجميلة التانية انك لفت انتباهي لي ناس ما حصل قريت ليهم اي موضوع بالرغم من اني شايف اساميهم كتير هنا ! ويبدو انك متصفح قديم للمنبر ولو كنت عضو من زمان هسي كنت اكتر زول معروف... متابع بصورة متنوعة وقل ما وجدت بالمنبر شخص يتنوع في قراءاته بس ورقك كدا اتلخبط وبقى ما مكشوف! بس نصيحة اخوية ليك فتش السئ هنا قبل الحسن عشان كدا ناس تصفية الحسابات ديل جر عصاتك معاك لم تجيب سيرتم ولو كنت ركزت على لاسئ قبل الحسن كان عملت حسابك وجيت بي سلاحك !
ممتن جدا لمكاشفتك الرزينة ...
| |
|
|
|
|
|
|
|