كيف تحترم زوجتك

Quote: عشان تمشي تساهر و تخليها في البيت وحدها وده اسمو سدادا في الدنيا قبل الاخره

عارف ياعثمان أخوي ذكرتني الضحكة الشهيره في برنامج دكان ود البصير _ برنامج إذاعي على أيامنا _ هاهاهاهاأأأأأأأأأأأأأأأأأأأأأأأأأأأأأأأأي ياود الضهبان


الصورة غير كده خالص
غايتوا في البلد النحنه فيها دي طريقة لسهر برة البيت من غير زوجتك مافي !!! في مناسبة برضوا الحجّل بالرجل يا عثمان أخوي بتكون السهرة _هنا_ يعني قاعد قدام سودانيز اون لاين لحدي ما يأذن الفجر تمش تصلي وترجع تنوم ممني نفسك بنومة ما تصحي منها إلا تتجهز لصلاة الجمعة ...أو Type تاني للسهر يكون في مناسبة ناس خالته بت عم أمها باللفه بت جيرانهم حتعرس أها تجهز مشاعرك وأستعدادات لكم يوم كده وتلفونات بينه وبين أخواته وقريباته وصاحباته وتنسيق للمناسبة على مستوي القمة وبرنامج وأستعداد ... وأكيد يوم المناسبة بكون خميس تقعد من المغرب تلمّح ليك أنها طولت ما عملت شعره ودي فرصة تمشي للكوفيره.. تصعب عليك توديها ترجع عشان تجيبه تحلف ليك انها خلاص جاهزة تمش تتلطع قدر نص ساعة منتظر في الشارع طبعا المحل منطقة عسكرية ممنوع الاقتراب أو التصوير ( ممنوع دخول الرجال قطعياً ) وتكون لسه لا لبسته ولا أستعديت تجيك وبراءت الاطفال في عيونه أتاخرته عليك حبيبي ... شكلك زعلان !!! طيب خليك في مكانك تطلع تلفونه وتأخد ليك صورة _ فيما بعد تعمله صورة بروفيل _ ترجعوا تستعد للمناسبة بمزاج وتطلع أفضل لبس عندك وتستحمه ريحة وتنتظر ست الحسن تقعد ساعة تلبس وتستعد وتمشي بمزاج وانت بتغني يقولوا ليكم الفرح نسوان بس ( على الطريقة السعودية ) معليش حبيبي العروس مطوعة ( يعني ما بتنكشف على غرباء ) .... يعني تنزل زوجتك وياتنتظره بره القاعة ياترجع البيت حتي تأني ترجع تجيبه ... يا تدق على واحد من الفرد تقول لى أنا ماري عليك يقوليك sorry هسه مشغول no way ..... أها ترجع وتفتح جهازك وتقعد تساهر مع المنبر العام تبري في الناس والناس تبري فيك لحدي ما ست الحسن تتصل تقول ليك خلاص الفرح خلص وينك !!!!!
أها مامن حقك يوم الجمعة تنوم شوية لحدي صلاة الجمعة ......

وتقول لى بتساهر وبتسيبه
يأخي هي البتساهر وبتسيبني


أها فتك عافية