قطاطي المؤتمر الوطني الاتحادية

Quote: إنما هى اضغاث احلام المؤتمر الوطنى ما يحلم يوم انو نحنا القال فينا الشريف حسين طيب الله ثراه(والله لو امتدت يدى اليسرى لتصالح نظاما شموليا لسارعت يدى اليمنى لقطعها) نتحالف معاهو حتى مش ننضم ليه بينا وبين كل التنظيمات اختلافات سياسة وحتى مع بعض الاشقاء لكن البنيا وبين هذا الجسم ما اختلاف ولا حاجة البينا وبينكم تار ودم دم سقيتوهو لى كل بيت سودانى بيناو بينكم دم بلول واحمد الكرار ورفاقهم بيناو بينكم دم مجدى وعلى فضل ومحمد عبد السلام ورفاقهم بينا وبينكم نهر لسا مالا لاقى البوقفه فى دارفور بينا وبينكم 2 مليون مواطن يفترشون الارض ويلتحفون السماء فى دارفور بينا بينكم اى دمعة صبتا ام سودانية وجعتوا حشاها على جناها بينا وبينكم اى لحظة هم شالوها ابهاتنا وهم ما عارفين يلقو حتى حق القوت بالحلال بينا وبينكم اى لحظة الم لقاها مريض وما لقى حق العلاج بينا وبينكم اى حسرة حساها طفل رجع من المدرسة عشان ما عندو حق الرسوم بينا وبينكم ملاين من صفوف العطالة الما لقين شغل والبلد ببرطعو فيها الأجانب بينا وبنكم اى لحظة ذل لقاها مواطن واقف فى الصفوف قدام مكاتبكم بينا وبينكم 20 سنة سرقتوها من عمرنا لما نتحاسب على دا كلوا بعد داك برضو حنرفضكم يا........ عشان حزبنا دا الكرم لله وجه بعدم السجود لطاغية ما حا يتجنس بى بوضع يده فى يدكم