وجدت ميتة فى صندوق سيارته.. جدادة برفقة لواء فى الجيش السودانى وهو فى طريقه لتدبير انقلاب عسكرى ..
هكذ وردت تلك الجداده النافقه ضمن أوراق التحقيق الرسمى لمحاولة انقلاب كان يقوده الرئيس التأريخى لجهاز الأمن السودانى صلاح قوش ضد الجنرال عمر البشير .. وأصل المسأله أن "فكى كارب" كان ضمن استراتيجية تأمين العمليه الانقلابية .. وكان أن طالب -كما ورد بالتحقيقات الرسمية- بتلك "الجداده" للمشاركة فى طقوسية التأمين .. ولقد تم تأمين "الجدادة" بواسطة جنرال من جنرالات صلاح قوش الانقلابيين.. الا أن الفكى فوجيء بالجدادة ميتة عند الاستلام .. مما حدا به للاعتقاد بقشل الانقلاب ..
فى يقينى أن هذه غرائبيه لن يستطيع غابرييل غارسيا ماركيز ذات نفسو إرتكابها !!! مع بالغ الدهشة لطارىء الموت الذى ألم بتلك الجداده لا ايدها لا كراعها .. ولا حول ولا قوة الا بالله أيها الوطن المقهور ..
الهبيب حيدر المشرف بالمناسبة هذه ليست خزعبلات في عهد الانقاذ بل هو الواقع المعاش في حكومة سودان اليوم. ليس سرا اذا قلت ليك اي مسئول حكومي بدرجه وزير عندو فكي رسمي و بمرتب كامل الدسم و معها علاوات كمان و ده كلو في سبيل تأمين الكرسي حتي لا تشملهم الاقالات او الصالح العام
اما اذا كان هذا الفعل هو ما ابقاهم في كراسيهم ام اشياء اخري فلا ادري.
__________________ في احدي زياراتي للسودان سألت عن صديقي في المرحلة الثانوية فقالو لي انه بقي فكي كبير في احدي احياء امدرمان و ان اردت مقابلته فعلي ان اتصل بالسكرتير الخاص و الذي هو (جامعي) لترتيب المقابلة و قد تكون المواعيد لاكثر من ثلاثة اسابيع و هي مدة اجازتي في السودان. قلت لهم بلغوه تحياتي ان رأيتموه يوما ما.
12-06-2012, 07:16 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20364
سلامات بعد غياب قراءة جيدة جدا للواقع اشبه بواقع ماكندو وملكدياس وهويمارس طقوس السحر في سوق الغجر المتنقل والمطر في كل حتة وكل اتجاه بلدنا بنزف بنزف يامشرف من شدة الام تعايش معها زمن طويل الا ان للالم نهاية ويا اصدقاءنا خلف الباب في اي عصر نحن الناس في بلدنا بتشوف احلام بعض ولسة الغريق قدام
12-06-2012, 08:02 PM
عبدالمنعم الطيب حسن
عبدالمنعم الطيب حسن
تاريخ التسجيل: 11-15-2012
مجموع المشاركات: 4497
ماكان لهذا الانقلاب ان ينجح ، طالما المسالة فيها فكي ودجاجة. ....... بعدين دا ضابط شنو الرجافة دا ، الجاب هذه الدجاجة ، يالها من مِضَبْلِنَة ! تموت في الضهرية ، ياخ الجداد الجد جد، يربطوا برا العربية، من الضهاري للعاصمة توش ، يصل حي يلقط الحبة ، بعيدين دا فكي شنو الما بصَّرف دا ، كان يشوفلو اقرب دجاجة يمشي بيها ، الجداد ياهو الجداد . ........ حتى الان المؤيد لهذا الانقلاب الفاشل ، هو الشفيع ، لماذا لا ياتي هنا ويورينا رايو في الدجاجةالمرهقة دي ، وبالمرة الفكي النطاط دا . ........ محمد المشرف ، سلامات يارجل ، سعيد بالتواصل معاك ،
12-06-2012, 08:31 PM
Mahjob Abdalla
Mahjob Abdalla
تاريخ التسجيل: 10-05-2006
مجموع المشاركات: 8992
Quote: انت قايل عبدالرحيم محمد حسين بقى وزير دفاع كيف .. ما ياهو الجاب الجداده !!
ود المشرف انت نسيت عبد الرحيم دا علاقتو بالصقور اكتر من الجداد ياخى, دا وزير الدفاع بالنظر الشاف الصقر وما شاف الطيارة الاسرائيلية يلحقنا وينجدنا.....
الجداده ماتت فى الضهرية والصقر ابو GPS مقبوض فى دارفور واحتمال تم تعزيبه بتهمة التجسس ، عشان كدا نحن راجعين ورا الناس مشت القمر ونحن لسة شغالين بالحجبات والبخرات والجداد الميت والصقور الاسرائيلية و .. ، غايتو الله يكون فى عون الشعب الصابر علي خزعبلات الحكام وحكومة الدجل والغش !!!!! ...
12-06-2012, 10:58 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20364
الزول لو داير ليهو جداده للاستعمال الآدمى الطبيعى والبسيط .. لا يمكن ان يختار ليهو جدادة تعانى من سكرات الموت .. ناهيك كونها جدادة للانقلاب !!
اه يا باسط ... ما اسم تلك الفتاة فى موكندو .. تلك التى طارت هى ذاتها لا عصافيرها .. مارسيدس !! هذا غير ممكن فى السودان .. هذه المدهشات الجميلة غير ممكنة ولكن .. من الممكن جدا ان تتورط جداده غامضة فى محاولة انقلابية !!!
12-06-2012, 11:07 PM
Ashraf el-Halabi
Ashraf el-Halabi
تاريخ التسجيل: 10-08-2006
مجموع المشاركات: 5508
قرات خبرا بالامس عن تسمية مولود مى محجوب شريف ب "حميد" .. وقرأت قبلها لودالباوقه عن ذلك "الصقر" واليوم من قاعة ال .. الزبير أتتا ملخصات التحقيق الرسمى بهذه الجداده ..
هل نتحدث عن ذات الوطن يا نجاة !! وطن محجوب شريف وحميد .. وهذا ال .. وطن ؟!!
يا للفداحة يا صديقه !!
12-06-2012, 11:42 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20364
ولكن دعنى أختلف معك يا عبدالمنعم الطيب حسن .. تلك الجدادة ليست كما الجداد .. مِضَبْلِنَة ولكن ذات كاريزما طقوسيه لم تغيب على فطنة سعادتو .. وقيل حين أتى لخن الجداد .. طارت اليه طيرا .. فصدها صاحب الخن عن سعادتو .. الا ان سعادتو قال له وكانه يستشرف غيبا : دعها, فإنها هى
هى جدادة مميزة بحق يا منعم .. لكنه الموت نقاد .. واهو أخونا اشرف الحلبى احتسبها شهيده
شكرا يا منعم .. شكرا جزيلا ..
12-06-2012, 11:52 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20364
Quote: وجدت ميتة فى صندوق سيارته.. جدادة برفقة لواء فى الجيش السودانى وهو فى طريقه لتدبير انقلاب عسكرى ..
ود المشرف حبابك إنت وضيوفك
سر المهنة يا ود المشرف اخوي ,, والله صحي يعني الفكي ده يعضعض روحو ولا يقطع هدومو ؟ ما لازما ولا بد يجيب ليه ضحية ولازم تكون حاجة حية عشان ينفذ فيها نظريته ومش بركة الما قال قبورة ؟ (( جرادة )) عشان كان قال سبب سقوط الطائرات دي كلها من الجرادة الماتت دي ,, والله صحي
عيش رجب تشوف عجب
فضحونا الله يفضحهم
12-07-2012, 02:34 AM
Ashraf el-Halabi
Ashraf el-Halabi
تاريخ التسجيل: 10-08-2006
مجموع المشاركات: 5508
Quote: وستقف شاهدا تاريخيا على كل من يبارى الجداد ..
كاااااك لمن بهاناك
ــــــــــــــــــ جيشنا لحق أمات طه يا ود المشرف بصفتك ابن كمندان سابق بالجيش أكيد سمعت منه حكاوي عن بسالة الإنقلابيين زمان ياخي الواحد فيهم كان ما عنده مقدس غير البندقية ولا يتوكل إلا على خزنتها جابت ليها فكي أبو جدادة!.. أفو!!
12-07-2012, 04:20 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20364
شاعرتنا الجميله أسماء .. أو سوما, وذلك أقرب للنجوى
وعيش رجب فى السودان .. وفى الواقع كل الشهور .. لتري العجب العجاب هذا الغيهب الانقاذى مترع بالأعاجيب وبالخرافة وكل المعانى السافلة ..
جاؤونا بالخرافة .. وتسلطوا على البلاد والعباد بالاكاذيب .. ومارسوا فينا ما شاءوا من لصوصية واجرام .. وكل ذلك ودونما اسانيد فكرية او عقدية بداهة .. وبداهة ازدهرت فى عهدهم او عهرم تجارة الغيب والشعوذات والهرطقه ..
من اراد نجاح انقلابه عليه بالدجاج الاسترالى هذه مشورة لوجه الله تحياتى ود المشرف وشر البلية مايضحك وطن بشعبه الذى قاد ثورته الاولى ضد العسكر العام 64 تشارك فى حكمه العام 2012 دجاجة
12-07-2012, 08:00 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20364
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة