|
Re: شركة حكومية تدفع لمنزل المدير العام ايجار 50 مليون جنيه شهريا (Re: عاطف عمر)
|
سلامات يا باشمهندس,,Quote: يعني بيرفع الكورنر ويمشي يجيبها قووووون |
ياخ قول برفع أى حاجة غير قصة الكورنر دى!!!! لأنو فى علم المنطق ممكن ترفع كورنر ولأسباب كثيرة تلحقا وتجيبا قون,,, لكن الزول المؤفن دا شخسيا موجر بيتو لنفسو ب 50 ألف شهريا!!!!! إبليس زاتو ودوهو الصالح العام والمعاش الإجبارى وطلعوه كيشة وكيسو فاضى.. صاحبك دا با هندسة غالبا ما ح يسألوه لأنو حا يقوم يفتو وشكلهم المؤجرون عقاراتهم لأنفسهم كتاااااااار,, بنو كدة ديل حقو يدوهم براءآت إختراعات كتيرات والله... Quote: الزول دا بيشتغل شنو بالضبط كدا ؟؟ |
مدير عام كوز إحتمال يكون جناح قوش طالما دقو ليهو طار,, تحياتى..
| |
|
|
|
|
|
|
Re: شركة حكومية تدفع لمنزل المدير العام ايجار 50 مليون جنيه شهريا (Re: محمد إبراهيم علي)
|
عارف يا هندسة جاءنا مرة أحد زملاء الدراسة من أصحاب الخبرات الطويلة في مجال الإنشاءات وتحديداً الـ high rise buildings جاءنا يبحث عن عمل حكومي بعد أن زهج من القطاع الخاص.. بحثنا في الدائرة الحكومية حيث كنت أعمل.. وجدت وظيفة مهندس طرق ( مستعجلة جداً ) وحزنت جداً لأنها لا تناسب خبرته إتصلت به لأبلغه هذا الخبر الحزين فرد على بروحه المرحة
" ياخي قدم لى في الوظيفة طوالي ... هى كمان الطرق عاوزة ليها خبرة... ما ياهو شغلها كلو أردمك أردمك "
______________
بنفس القدر يا حبيب
وحياتك السكر بنعرف نديرو والنقود ح نستعين بالسيدة بعلتنا " التي تتهمني دوماُ أن إيدي فاكة "
| |
|
|
|
|
|
|
Re: شركة حكومية تدفع لمنزل المدير العام ايجار 50 مليون جنيه شهريا (Re: عاطف عمر)
|
سلام اخى محمد ابراهيم معليش اختك شويه عندها مشكله فى حتته القروش دى ...لمن رجعت السودان بعد 17 سنه ,,, ياالله الله حفظت حكاية القروش ,,,هسه غيروها تانى...ناس تتكلم بالمليون وناس تقول الف ... جاطو ليناالقصه تانى ... انت خمسين مليون كم استرلينى ... احسن تورينا بقروشنا... بعدين نجى نشوف محل البيت ده وين ... تسلم يارب ...
| |
|
|
|
|
|
|
Re: شركة حكومية تدفع لمنزل المدير العام ايجار 50 مليون جنيه شهريا (Re: محمد إبراهيم علي)
|
سلام يا هندسة
ياخي مدير عام مؤسسة سلعة استراتيجية ،،، 50 مليون شنو كما مفروض يقول اصلا ما عايز بدل سكن حسنة منو لوجه الله تعالي ،،، يعني ده لو محافظ مثلا ولا موظف كبير في مؤسسة جكومية لكن مدير مؤسسة سلعة استراتيجية دي الخمسن مليون مفروض تكون دخلو في اليوم ،،،
الايام دي انا زاتي وظيفتي دي ما ظابطة معاي يمكن نفكر في موضوع السلع الاستراتيجية ده والسكن ما عايزو
| |
|
|
|
|
|
|
Re: شركة حكومية تدفع لمنزل المدير العام ايجار 50 مليون جنيه شهريا (Re: ABUHUSSEIN)
|
Quote: ابليس قيل انه لم يشاهد في دولتنا الاسلامية منذ فجر الانقاذ |
إبليس يجي السودان يعمل شنو بس !!! الأشياء العملوها الكيزان في السودان إبليس نفسو ما فكر فيها. إبليس عارف نفسو ماشي النار و ناسو برضو عارفين كده. بس تسرق و تنهب و تاكل عرق الغلابة (و تتمكن) و بعد ده تكون مقتنع إنو ده كلو لله !!! إبليس أبدا ما فكر كده.
إن فكرة التمكين الكيزان إبداع لم يأتي به من قبل غيرهم و يجب أن نعترف أن عقليتهم الفاسده فاقت ما يمكن أن يوسسس به الشيطان نفسه.
عليهم لعنة الله أنى يؤفكون.
| |
|
|
|
|
|
|
Re: شركة حكومية تدفع لمنزل المدير العام ايجار 50 مليون جنيه شهريا (Re: Gaafar Ismail)
|
الأخ محمد إبراهيم علي
تحياتي - الخبر دا قديم - لكن الجديد دخول الإنتباهة في الخط - يعني أخبار زي دي مالية البلد لكن الشقي من يقع في مسار تيار الإنتباهة طوالي بطلعو ليه ملفه للرأي العام في شكل سبق صحفي . يعني أنا شاحد الله يجي دور ذاك المدير الذي طلب بدل تذاكر ليه ولأسرته إلى لندن عن طريق البحر وأخذها على داير المليم !! وما سمعنا زول قال بغم !!! لكن لو إستمرت الململة الشايفنها دي والله بكرة الإنتباهة تنفد قبال صلاة الصبح .
يا السودان ليك الله الما ود أعم زول
بحيراوي
| |
|
|
|
|
|
|
Re: شركة حكومية تدفع لمنزل المدير العام ايجار 50 مليون جنيه شهريا (Re: البحيراوي)
|
Quote: والمنزل ملك للمدير العام نفسه يعني بيرفع الكورنر ويمشي يجيبها قووووون |
هل يستلزم الموضوع أن (نصحي) أبو قناية.. البشير في لقاء صحفي قال لو الصحف كتبت عن حالة فساد.. على طول بنتحرى فيها ونحاسب المسؤول.. واتضح بمرور الزمن إنو الكلام مجرد تخدير.. يا أخطبوط من شدة الموضوع ما بقى عادي.. تلقى أبو قناية ذاتو مأجر بيتو للحكومة..
| |
|
|
|
|
|
|
Re: شركة حكومية تدفع لمنزل المدير العام ايجار 50 مليون جنيه شهريا (Re: أيمن دياب)
|
طيب يا محمد ومالو الناس مقامات احنا لينا بالظاهر احتمال الراجل متزوج من اربعه يعني كل واحدة داير شقه لحالها عشان يكون سكن شرعي وعاوز شقه كمان للاجتماعات وتانية (لوضح النهار ) علي فكره (وضح النهار ) دي تعبير اخواني انا سمعتو من واحد .. وما بقدر اشرحو في المنبر علي المفتوح ... الداير يدخل ماسنجر واللا ميل واخرتها ايه يا رجل ... يلا حد ما حوش
| |
|
|
|
|
|
|
Re: شركة حكومية تدفع لمنزل المدير العام ايجار 50 مليون جنيه شهريا (Re: محمد إبراهيم علي)
|
وما هذا الاسلاموي الا من المغضوبين عليهم كما ذُكر كلما اقرا او اسمع عن كوز شيطاني تفوق على الابليس وهم كٌثر اتحسر وابكي على هولاء المساكين الذين صدقو هولاء الابليس وضحوا بانفسهم واموالهم ووووووووو............حتى الذين غبروا ارجلهم ساعة في سبيل تمكين هولاء الابليس نحن شعب بلا ذاكرة ونتساهل يحكمون الاباليس البشرية اقول هذا وفي الذاكرة صورة المظاهرات التي خرجت تطالب بالرفق بصلاح قوش مؤسس بيوت الاشباح وواعد الشعب بالسلخ واهم من يظن ان هولاء سيرضخون لارادة الشعب بالتي هي احسن يعنى معارضة سياسية ناعمة وكلام سلطة رابعة
تضخم الامر وتشعب بينهم وارتبط بمصالحهم وارواحهم
| |
|
|
|
|
|
|
Re: شركة حكومية تدفع لمنزل المدير العام ايجار 50 مليون جنيه شهريا (Re: البحيراوي)
|
عارف يا محمد لمن قريت عنوان البوست ، قلت اكيد المنزل المؤجر ب50 مليون دا حق واحد واصل ، اتاريهو من دقنو وفتلو ... .........................
واحد حرامي قبل ان يتطور ويبقى حرامي كبير ، بنى بيت في المايقوما الحاج يوسف البيت فخم لكن البيئة كما قالت زوجته المثقفة حديثا؛ مش ولا بد وعاوزين بيت في مكان ارقى بحكم التطور ...
المهم قال لي تعال اشتري البيت اهو بالمرة جنب اختك ... وسعرو بسيط 750 مليون بس ... ........................... فئة قليلة جدا من الشعب تتطور والجميع يتدهور ...
........................... ممكن حب استطلاع بس ممكن نعرف الاخ داالمؤجر بيتو لنفسو دا ماهيتو كم؟
| |
|
|
|
|
|
|
Re: شركة حكومية تدفع لمنزل المدير العام ايجار 50 مليون جنيه شهريا (Re: عبدالمنعم الطيب حسن)
|
الأخ محمد إبراهيم علي
تحياتي - والله وما طالبني حليفة - قبل كم سنة كدا عندنا معتمد في كردفان - فيم حلية جديدة وقتها - قال لمجلس المحلية يا أخوانا نحن محلية جديدة ما بنقدر نشتري لاند كروزر جديدة بي كم مليون . عشان كدا خلونا نأجر لينا عربية للمعتمد والمحلية - شيل دق - شيل دق أجر ليه عربية بعشرة مليون بالقديم في الشهر . وطالع نازل ، ناس مجلس المحلية قالوا ليه يا أخي خلينا نشتري لينا عربية عدييييييل كدا بدل نأجر بهذا المبلغ الخرافي . وكان يتلجج ويماطل في الأمر . بعد شوية الجماعة سألوا من جيهة العربية المأجرة . طلعت مسجلة بأسمه شخصياً . وبعدها هاج ناس المحلية وماجوا وأكثر حاجة عملوها ليه ناس الحكومة شالوه من المحلية ودفعوا ليه كامل مستحقاته ويا دار ما دخلك شر.
* تقول لي أبو قناية - يا أخي والله لو أبو قناية القديم قام وشاف عمايل ولده دا إلا يقول ليهم يا حليلك يا قنايتي المضببة التي كنت بخوف بيها الناس . والآن بقت مطرق لا بهش ولبا بنش.
بحيراوي
| |
|
|
|
|
|
|
Re: شركة حكومية تدفع لمنزل المدير العام ايجار 50 مليون جنيه شهريا (Re: محمد إبراهيم علي)
|
تحياتي يا بحيراوي
Quote: حياتي - والله وما طالبني حليفة - قبل كم سنة كدا عندنا معتمد في كردفان - فيم حلية جديدة وقتها - قال لمجلس المحلية يا أخوانا نحن محلية جديدة ما بنقدر نشتري لاند كروزر جديدة بي كم مليون . عشان كدا خلونا نأجر لينا عربية للمعتمد والمحلية - شيل دق - شيل دق أجر ليه عربية بعشرة مليون بالقديم في الشهر . وطالع نازل ، ناس مجلس المحلية قالوا ليه يا أخي خلينا نشتري لينا عربية عدييييييل كدا بدل نأجر بهذا المبلغ الخرافي . وكان يتلجج ويماطل في الأمر . بعد شوية الجماعة سألوا من جيهة العربية المأجرة . طلعت مسجلة بأسمه شخصياً . وبعدها هاج ناس المحلية وماجوا وأكثر حاجة عملوها ليه ناس الحكومة شالوه من المحلية ودفعوا ليه كامل مستحقاته ويا دار ما دخلك شر. |
فقه السترة يعمل عمله هنا تماما يشيلوهو من هناك يجيبو هنا للغفة اكبر وسر المهنة ان ما تاكل براك
| |
|
|
|
|
|
|
|