الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: شخصيات عرفتها في الحياة .. وجدتها تتقمص شخصية مختلفة في هذا المنبر (Re: يحي قباني)
|
المتنبي في احد معاتباته لسيف الدوله ...انشد قصيده في محفل من العرب ...
وكان سيف الدوله اذا تأخر عنه مدحه شقّ عليه ... واحضر من لا خير فيه للتعرض له بما لا يحب ...
مطلع القصيدة ... والذي لا يهمنا كثيرا يقول ...
وَاحَــرَّ قَلْبـــاهُ مِمَّنْ قَلْبُهُ شَبِمُ ..... وَ مَنْ بجسْمي و حالي عِنْدَهُ سقِـــمُ
الي ان وصل البيت رقم 13و 14 حين قال :
أُعيذُهــا نَظَرَاتٍ مِنْكَ صَادِقةٍ ... أن تَحسبَ الشّحـمَ فيمن شحمهُ وَرمُ وَما اْنتِفاع اخي الدنيا بناظِرِهِ ... إذا اسْتَوَتْ عِنْده الأنوارُ و الظُّلـــمُ
....
ساعـــود ...
| |
|
|
|
|
|
|
Re: شخصيات عرفتها في الحياة .. وجدتها تتقمص شخصية مختلفة في هذا المنبر (Re: محمد أبوالعزائم أبوالريش)
|
Quote: الأخ قباني والأخوة الكرام .. والله يا أخوانا وما طالبني حليفة ... واحد بنفس المواصفات الجبت سيرتها هنا في بداية البوست ده ... شاااااايفو ظهر ودور فيكم هنا آخر ظرافة وبيأيد فكرة البوست وعامل فيها ما من النوع ده ...شفت كيف .؟ والله لو الزول ده ماهو المقصود بالتحديد بالكلام ده يبقى الكلام ده كلو فارغ ..! الزول ده ياهو زااااااتو أبو وشين داك بتاع الله قال والرسول قال ... والكاس الإسكتو ....
بس يا أخوانا القصة ماها كومين بس .. يا إما تكون بتاع كده أو كده ... يعني - وده حصل معاي أكتر من مرة - مرات تلقى موضوع يستفزك فعلاً وتتداخل فيهو بي رأي مجرد يلموا فيك ناس زعيط ومعيط يقولوا ليك إنت عامل فيها وعامل فيها .. يا أخوانا أنا ما بكون عامل فيها ولا أي حاجة ...
ومرات كتييييرة عشان الخوف من التصنيف الزي ده الواحد بيمسك رأيو عليهو ...
تحياتي من جديد يا قباني .. |
تحياتي ليك وللحبيب عــــــلوب
بلمناسبه رجع من السودان ولا لسه
| |
|
|
|
|
|
|
Re: شخصيات عرفتها في الحياة .. وجدتها تتقمص شخصية مختلفة في هذا المنبر (Re: عصام مدنى)
|
Quote: أُعيذُهــا نَظَرَاتٍ مِنْكَ صَادِقةٍ ... أن تَحسبَ الشّحـمَ فيمن شحمهُ وَرمُ وَما اْنتِفاع اخي الدنيا بناظِرِهِ ... إذا اسْتَوَتْ عِنْده الأنوارُ و الظُّلـــمُ |
معاكم معاكم .. عليكم عليكم .. !!!
الواحد براهو عمره ما فتح ليهو بوست لأي شي ....
ردود بس ...
برضها ما مشكله ...الناس التانين بيسبقوهو " مثلاً "
او زي ما كان بيقول صاحبنا الخواجات ما خلوا لينا حاجه نفكر فيها او نخترعها ...
لكن المصيبة ...
التناقـــــــــــض ...
يجيك في بوست عن شي معين ... لو لقي الناس شايته يمين ...
يكرب كدارته و يشوت معاهم يمين ضفاري ...
و تمر الايام ... وبوست بنفس المعني ...
نفس الكداره ... لكن ناس تانين ... وشايتين شمال ... وهو في نصهم ؟؟؟ يصرج الكوره شمال زي الما حاصل شي ؟؟؟
ده هبل ...ولا بهتان شخصية ... ولا شنو ما بعرف ...!!!
ياخي ما ممكن الابيض يبقي اسود بين يوم وليله ؟؟؟
ولا شنو ؟؟....
| |
|
|
|
|
|
|
Re: شخصيات عرفتها في الحياة .. وجدتها تتقمص شخصية مختلفة في هذا المنبر (Re: يحي قباني)
|
Quote: بس يا أخوانا القصة ماها كومين بس .. يا إما تكون بتاع كده أو كده ... يعني - وده حصل معاي أكتر من مرة - مرات تلقى موضوع يستفزك فعلاً وتتداخل فيهو بي رأي مجرد يلموا فيك ناس زعيط ومعيط يقولوا ليك إنت عامل فيها وعامل فيها .. يا أخوانا أنا ما بكون عامل فيها ولا أي حاجة ...
ومرات كتييييرة عشان الخوف من التصنيف الزي ده الواحد بيمسك رأيو عليهو ...
تحياتي من جديد يا قباني .. |
ناس زعيط و معيط ديل جماعة المتنبي الفوق ديل ...
ما عليك منهم ... البورد بطنه زاتها بطرانه ...
انحنا السودانين عندنا راي في اي شي اساسا ...
اما حكاية تمسك رايك عليك دى ... مرات كتيره لازم توزن الامور ... وتشوف البوست قيمته شنو ...
لانو في ناس بس دايرين يخالفوا ... ولو البوست جاي من جنس ديل ... ابعد بس ... لانك بتنفخ في قربه مقدوده ...
| |
|
|
|
|
|
|
Re: شخصيات عرفتها في الحياة .. وجدتها تتقمص شخصية مختلفة في هذا المنبر (Re: يحي قباني)
|
سلامات يا ابوالريش ,,,ضحكتني والله المسنووووح ود جبرين
درسته في الخرطوم الجديدة الثانوية وحات الله راجل كبييير
ومافي فرق بينا كتييير درسته وانا عمري 23 سنة خريج جديد
طبعا بكون دخل المدرسة وعمره 9 سنوات يعني يا ابو الريش بكون
أصغر مننا بسنتين , عامل صلعته الصغيرة ده . تحياتي لك والحبيب
طارق جبريل وصاحبه أب صلعة طارق الامين أولاد دفعة في المدرسة
والصلعة .
| |
|
|
|
|
|
|
Re: شخصيات عرفتها في الحياة .. وجدتها تتقمص شخصية مختلفة في هذا المنبر (Re: يحي قباني)
|
جماعة معرفتنا من زمااان ... نط عليهم حرامي في بيتهم في امدرمان ... كان جاي ناطي من بيت الجيران ..
وهم ما شاء الله كتار يسدوا عين الشمس ... كلهم صحو باخينا المسكين الجاي يسرق ...
المشكله البيت كله ما فيهو غير مسدس صوت ...
تاااح ضربو طلقه في الهوا ... الحرامي رجع لي جيرانهم
وقامو الشباب تلبو بي وراهو ... وساكينو ليك في الشارع ... وتاح ...تاح ... بي مسدس الصوت
الحرامي دخل اول ملف ...و اظنو الزقاق كان مضلم شوية ... قام وقف و قبل عليهم ...
الحرامى اتاريهو عنده مسدس عديل ... بي جبخانتو .. المهم مرق المسدس ... وقولة تاااااح ...اصحابنا طوالي فرملوا
قوم يا الحرامي قول ليهم ... ياخي ما خلاص كفاية عواره ساكيني بمسدسكم الفاوة ده ...
صحيتو الحلة علي الفاضي وقطعتوا ارزاقنا ...
اها ... لانو اصحابنا كانو ناس عاقلين ... رجعوا ادراجهم ... وخلو الراجل في حالو ...
طيب ... في شخصيات رغم اعتدالها في الحياة العامة ... ما عندها غير سك الناس الجاده في بوستاتهم في المنبر ده ......
وانا عارف منهم كتار مسدساتهم كلها حقة صوت ...
يعني لو اي زول جادي قبّل عليهم و ضرب طلقه من عنده ... بيرقدوا مويه طوالي ...
مش احسن تكونوا ناس عاقلين ... وتعودوا ادراجكم برضو ...؟؟
دوشتو الحله كلها ...
" اتاسف لاقحام كلمة حرامي ... مع انو المقام مقام الكتاب الجادين " ... ولكن القصة كانت كده ... والمراد مسدس الهوا ..."
| |
|
|
|
|
|
|
|