|
نكته قديمه تتجدد مع ضربة اليرموك
|
إنتشرت النكته دي مع بدايات النظام الحالي وكت كانو بحاولو يقلدو إيران و أمريكا هبتتم بالعقوبات:
النكته بتقول إنو الصقر و الحمار كانو في طيارة، الصقر بدأ يضغط علي زر مناداة المضيفة و عند حضور المضيفة و سؤال الصقر عن طلبه كان يقول لا ما داير حاحه بس بتهابل ساكت.
كرر الصقر هذه العمليه كم مره و كان الحمار يراقب كل ذلك و عجبته الفكره فقام ضغط زر مناداة المضيفة و وقت سألتو أيوه عاوز شنو قام قال ليها لا أنا بتهابل ساكت.
المضيفة مشت للحرس بتاع الطائرة و قالت ليهو الصقر و الحمار عاملين شغب. الحرس جو مسكو الصقر و الحمار و فكوهم من الطيارة.
طبعاً الصقر مجرد ما فكهوهو من الطيارة يلا طيران، و الحمار طبعا سقوط حر بالجاذبية.
الحمار و هو واقع قال للصقر: يا الصقر ياأخ ما تساعدني انا ما بقدر اطير.
الصقر مواصلاً طيرانه لأعلي قال ليهو: إنت و كت ما بتقدر تطير بتتهابل مالك!
|
|
![Edit](https://sudaneseonline.com/db/icon_edit.gif)
|
|
|
|