|
الى الباكين على اليرموك:
|
الى الباكين على اليرموك: التصنيع الحربى وما ينتجه السودان من أسلحة فتاكة ومدمرة، الى أى المسارات يصوب شرها؟؟ الى أى عدو خارجى تقذف نارها؟؟؟ أى حرب قادتها الدولة غير حربها ضد أبناء الوطن فى الجنوب والشرق والغرب؟ هل تستحق البكاء؟ .. قذائف اليرموك المصوبة على صدور أبناء الهامش والمستضعفين من النساء والاطفال فى جبال النوبة والنيل الازرق ودارفور .. ويبقى السؤال؟؟؟؟؟؟؟؟؟؟؟؟؟؟ من أطلق النار على اليرموك؟ هل حقاً هى إسرائيل ؟؟؟ إذن .. لماذا المستودعات دون المصنع؟ وهل هناك صفقة فى ذلك؟ ومن المستفيد من الصفقة .. جهات داخلية أم خارجية أم الاثنين معاً؟ والى متى سيظل الشعب السودانى يدفع الفواتير التى بموجبها تبقى الانقاذ فى السلطة؟
|
|
|
|
|
|
|
|
Re: الى الباكين على اليرموك: (Re: إحسان عبد العزيز)
|
احسان ازيك
Quote: لماذا المستودعات دون المصنع؟ |
نجاوبك بعد ساعات من الضربة، تأكد لي من من اثق به، ان المصنع لم يمس على الاطلاق السبب بسيط: المصنع "مؤمن عليه" تأمين شامل كامل ومن "جهات دولية" تأمين يغطي الكوارث الطبيعية والبشرية
بي كده باقي اسئلتك ما عندها معنى
ونسألك: اذا كان فعلاً المصنع ينتج اسلحة للفتك بالشعب في الجنوب والشرق والغرب، ما مصلحة اسرائيل في تدميره؟
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
الشفيع .. سلامات وكل سنة وإنتوا طيبين إنت ما شايف إنك بتسألنى سؤال تجاوزى وعلى دماغ سؤالى الحائر وكسر رقبة ليه !!! من الذى أطلق النار على اليرموك؟؟؟ هل هى حقاً إسرائيل؟؟؟؟؟؟؟ راجع تصريح الوالى ثم الناطق الرسمى .. إسرائيل جات فى اليوم التانى وبعد منتصف النهار .. الشفيع نحن ما هنود .. وما زالت كل تساؤلاتى قائمة ومشروعة وكمواطنة من حقى معرفة الاجابة وكل الشعب السودانى
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
Quote: نجاوبك بعد ساعات من الضربة، تأكد لي من من اثق به، ان المصنع لم يمس على الاطلاق السبب بسيط: المصنع "مؤمن عليه" تأمين شامل كامل ومن "جهات دولية" تأمين يغطي الكوارث الطبيعية والبشرية
بي كده باقي اسئلتك ما عندها معنى
|
أعاين فيهو وأضحك وأمشي وأجيهو راجع ......
مصدرك ما تكتر محلبيتو لا يتلحس.. شركة التأمين إسمها شنو،، وكمان شركات إعادة التأمين لو سمحت،، لأن الحكاية كبيرة ومخاطرك دي ما بتأمنها إلا شركة واحدة في هذا القرن،،، (بعد الله سبحانه وتعالى وعلى يقين أنكم ما أمنتم عند الله)... باقي الأسئلة لامن يبقى ليها معنى بنرجع ليك كان الزهايمر رحمنا..... الشايقي http://www.youtube.com/watch?v=WjNosdjuv7s
[email protected] http://alkatwah.com
.
| |
|
|
|
|
|
|
Re: الى الباكين على اليرموك: (Re: إحسان عبد العزيز)
|
الأخبار أخبار إقليمية الصوارمي يصدر بيانا عن حريق مصنع اليرموك الحربي : الحشائش والاشجار ساعدت علي زيادة النيران الصوارمي يصدر بيانا عن حريق مصنع اليرموك الحربي : الحشائش والاشجار ساعدت علي زيادة النيران الصوارمي يصدر بيانا عن حريق مصنع اليرموك الحربي : الحشائش والاشجار ساعدت علي زيادة النيران
http://www.sudaneseonline.com/news-action-show-id-75504.htm شاهد فيديو يوضح " فظاعة الانفجارات " 10-24-2012 08:29 AM بيان الصوارمي خالد الناطق الرسمي باسم قوات الحكومة المسلحة :
في تمام الساعة الثانية عشر من منتصف ليلة الرابع والعشرين من اكتوبر الجاري وقع إنفجار في أحد مخازن الذخيرة في مجمع اليرموك الصناعي جنوب مدينة الخرطوم. وقد أدى الإنفجار إلي إشتعال وإمتداد النيران الي منطقة مجاورة تكثر فيها الحشائش والاشجار مما ساعد علي زيادة مساحة النيران و التي تم إحتواؤها بواسطة قوات الدفاع المدني التي خفت بسرعة إلي مكان الحادث. ويجري التحقيق والتحري لمعرفة أسباب الإنفجار كما يجري العمل علي حصر الخسائر المادية والبشرية. وسنفيدكم عاجلاً بأي تفاصيل يتمخض عنها الموقف .
| |
|
|
|
|
|
|
Re: الى الباكين على اليرموك: (Re: إحسان عبد العزيز)
|
Quote: الى الباكين على اليرموك: التصنيع الحربى وما ينتجه السودان من أسلحة فتاكة ومدمرة، الى أى المسارات يصوب شرها؟؟ الى أى عدو خارجى تقذف نارها؟؟؟ أى حرب قادتها الدولة غير حربها ضد أبناء الوطن فى الجنوب والشرق والغرب؟ هل تستحق البكاء؟ .. قذائف اليرموك المصوبة على صدور أبناء الهامش والمستضعفين من النساء والاطفال فى جبال النوبة والنيل الازرق ودارفور ..
|
انا ضد الحرب مهما كانت ووين ما كانت ولاى شئ كانت لكن ما اعتقد انو كلامك ده صحيح الاسلحة لاتوجه ضد الاطفال والنساء والمستضعفين فى الهامش الاسلحه توجه ضد المقاتلين ... وبقعوا ضحايا يعض الابرياء بفعل حرب (الطرفبن) ما بسبب اسلحة الحكومه فقط البقاتلو فى الهامش ما هم المستضعفين والاطفال والنساء البقاتلو مقاتلين مدربين خاضو حروب الجنوب السابقة وخاضو حروب دارفور ومسلحين باسلحة تقيله ومدعومين من دول كبيرة
انا ضد حل المشكلات بالحرب للهامش قضايا ولكل الولايات قضايا ومطالب وظلم الكيزان جاوز الحد
لكن برضو ... لا ... للحرب
| |
|
|
|
|
|
|
Re: الى الباكين على اليرموك: (Re: وضاح عبدالرحمن جابر)
|
احسان كل سنه وانت طيبه والله لن نتباكى على اليرموك ، لايهمنا من قصف او فجر اليرموك فالظلم هو الظلم انى اتاك.. ومن يعينك على تفتيت عضد من ظلمك واذلك هو من نؤيد وندعم ونشيد باى عمل يعجل بنهاية هذه الحكومة الظالم اهلها والتى تجثم على صدر الوطن وقد اذلت العباد وجعلتهم يتمرقون فى هذه المتربة ويشقون بمثل هذه المسغبة ، وأهلكت الزرع وا مصغت الضرع ،سقطت ورقة الدين ولن يبتزونا او يزايدوا علينا بورقة السيادة او الوطنية المزعومة.. ومتى كانت الاوطان اهم من المواطنين ؟ وما معنى وطن جل اهله مشردون بفعل سياسات هذه الحكومة الرعناء وعنتها وصلفها وجبروتها؟؟ لا لحكومة لا توجه سلاحها الا لصدور بنيها ، نكرر للمرة الالف فما دام الخالق امر بعبادته لانه حقق للعباد شرطين اساسيين و قال فى محكم التنزيل:( فليعبدوا رب هذا البيت الذى اطعمهم من جوع وآمنهم من خوف) حرياً بنا ان نسأل هل انجزت الحكومة اى من هذين الشرطين حتى نلتف حولها او نشايعها؟؟ فلتذهب هذه الطغمة غير ماسوفاً عليها الى مزابل التاريخ و ليتواصل الكفاح حتى اطلاق سراح الوطن،،،
| |
|
|
|
|
|
|
Re: الى الباكين على اليرموك: (Re: صديق الموج)
|
لك التحية صديق الموج وكل عام وأنتم بخير والوطن بألف خير شكراً على المداخلة التى عضدت ما قصدته بهذا البوست .. فمن ينعى الناعون ؟ وعلى من سالت دموع الباكون .. علينا البكاء على هذا الوطن المجروح قبل أن نتحسر على إنتهاك سيادة الدولة ( إن كان ذلك فعلاً بفعل إسرائيل) لك الف تحية
| |
|
|
|
|
|
|
Re: الى الباكين على اليرموك: (Re: إحسان عبد العزيز)
|
Quote: من الذى أطلق النار على اليرموك؟؟؟ هل هى حقاً إسرائيل؟؟؟؟؟؟؟ |
نعم، اسرائيل
Quote: راجع تصريح الوالى ثم الناطق الرسمى .. |
راجعتهم الوالي كان تصريح على عجل ولتطمين الناس فقط قبل اتضاح الرؤيا الصوارمي انت نقلتي تصريحه هنا، ولا يتناقض مع الاعلان الاخير بل يؤكده
Quote: إسرائيل جات فى اليوم التانى وبعد منتصف النهار .. |
جات تسوي شنو؟ اثبتي على حاجة عشان نقدر نناقشك كويس، ما عارفة، قولي وروني
Quote: الشفيع نحن ما هنود .. |
؟؟؟؟!!!!!!؟؟؟؟ الهنود غزوا الفضاء يا اخت
Quote: وما زالت كل تساؤلاتى قائمة ومشروعة وكمواطنة من حقى معرفة الاجابة وكل الشعب السودانى |
تم تمليكك كل المعرفة اذا عندك "رواية" اقوى، كبيها وسؤالي قائم" ونسألك: اذا كان فعلاً المصنع ينتج اسلحة للفتك بالشعب في الجنوب والشرق والغرب، ما مصلحة اسرائيل في تدميره؟
تحياتي
================== ليه فطيتي كلام اخونا وضاح؟
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
( إسرائيل جات فى اليوم التانى وبعد منتصف النهار ) المقصود بالجملة دى إنه التصريح الرسمى بأن الطائرات الغازية طائرات إسرائيلية .. التصريح ده جاء بعد منتصف النهار ( أى جاء متأخر) يعنى يا أستاذ أنا ثابته وسؤالى ثابت .. ( هل حقاً هى إسرائيل؟؟؟) أما سؤالك عن مصلحة إسرائيل شنو .. خلينا لما الحكومة تأكد لينا بالبينة والدليل إنه دى إسرائيل تم تمليكك كل المعرفة تكونش مكلف بتمليك الشعب السودانى المعرفة والمعلومة نيابةً عن الناطق الرسمى ؟؟؟؟؟؟؟ !!!!!!!!!!
| |
|
|
|
|
|
|
Re: الى الباكين على اليرموك: (Re: وضاح عبدالرحمن جابر)
|
انا ضد الحرب مهما كانت ووين ما كانت ولاى شئ كانت لكن ما اعتقد انو كلامك ده صحيح الاسلحة لاتوجه ضد الاطفال والنساء والمستضعفين فى الهامش الاسلحه توجه ضد المقاتلين ... وبقعوا ضحايا يعض الابرياء بفعل حرب (الطرفبن) ما بسبب اسلحة الحكومه فقط البقاتلو فى الهامش ما هم المستضعفين والاطفال والنساء البقاتلو مقاتلين مدربين خاضو حروب الجنوب السابقة وخاضو حروب دارفور ومسلحين باسلحة تقيله ومدعومين من دول كبيرة لك التحية ياوضاح وكل عام وأنتم بخير أوافقك فى (لا للحرب) ولكن يبقى الاختلاف معك فى كيفية الحرب الدائرة فى كل السودان .. لماذا أشعلت الانقاذ كل هذه الجبهات ؟ ولمن تصنع اليرموك أسلحتها ؟ وهل المقاتلين هم غير أبناء الوطن.. ما قصدته من أضرار الاسلحة المدمرة لا ينحصر على النساء والاطفال بل المقاتلين من كل الاطراف .. إنهم أبناء الوطن .. علينا البكاء على الوطن الذى تسيل دمائه هنا وهناك قبل أن نبكى على تدمير السلاح الذى يعمل على إسالة هذه الدماء .. كفى الله أهل السودان الشرور ما ظهر منها وما بطن تحياتى
| |
|
|
|
|
|
|
Re: الى الباكين على اليرموك: (Re: إحسان عبد العزيز)
|
Quote: لك التحية ياوضاح وكل عام وأنتم بخير أوافقك فى (لا للحرب) ولكن يبقى الاختلاف معك فى كيفية الحرب الدائرة فى كل السودان .. لماذا أشعلت الانقاذ كل هذه الجبهات ؟ ولمن تصنع اليرموك أسلحتها ؟ وهل المقاتلين هم غير أبناء الوطن.. ما قصدته من أضرار الاسلحة المدمرة لا ينحصر على النساء والاطفال بل المقاتلين من كل الاطراف .. إنهم أبناء الوطن .. علينا البكاء على الوطن الذى تسيل دمائه هنا وهناك قبل أن نبكى على تدمير السلاح الذى يعمل على إسالة هذه الدماء .. كفى الله أهل السودان الشرور ما ظهر منها وما بطن تحياتى
|
وليك الاف التحايا وكل سنه وانت طيبه والسودانييين ان شاء الله طيبين وبرضو فى كيقية الحرب احنا ما مختلفين وما دام فلتى لا الحرب فده بعنى برضو لا ... للمتحاربين بغض النظر عن كل المبررات لانو البموت برصاص الحكومة هو سوداني والبموت برصاص الحركات المسلحه هو سودانى برضو
والمشكلة الكبيرة ... والكبيرة جدا حا يظل هذا السوداني في عذابه الاليم ... وقت الحرب .. ووقت اللاحرب والقاعدين الليله بحاربو بكرة بوقعوا اتفاقيات وبجو ياخدو المناصب ويسوقو اللاتكروزرات والضعفاء من الاطفال والنساء والفقراء والمهمشين حا يظلو فى حالهم فقط بدل ما يتغبروا بالمدرعات وتحركات الجيوش .. حا يتغبروا بغبار اللاندكروزرات وبدل ما يسمعو صوت الرصاص ودوى القنابل .. حا يسمع صوت لساتك اللاندكروزرات والتجارب عندك كتيرة ومكرره
تحياتي
| |
|
|
|
|
|
|
Re: الى الباكين على اليرموك: (Re: وضاح عبدالرحمن جابر)
|
يبقى الموقف بيننا كما هو .. نتفق فى (لا للحرب ) ونختلف فى أن الحرب الدائرة فى كل الجبهات فرضتها الحكومة على تلك المناطق.. بالتهميش والعزل والاقصاء وبالحرب التى بدأت بها .. ولديك مثال حى لما حدث فى جنوب كردفان والنيل الازرق .. ولك كل الاحترام
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
القضية عندى غير معنية بمن هو الفاعل بقدر ما معنية بما يحدث لنا كشعب مستضعف من حكامه .. فان كان الفاعل إسرائيل أم غير إسرائيل النتيجة واحدة فكل ما يلحق بنا كمواطنين من أذى داخلى أم خارجى يتسبب فيه النظام بسياساته الداخلية والخارجية ..
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
Quote: تأكد لي من من اثق به، ان المصنع لم يمس على الاطلاق
|
الاستاذة احسان تحياتي ولك سنة وانت طيبة ........وعبرك احي الاخ الشفيع وراق ولدي بعض التساؤلات التي تحتاج الي نقاش هادي مع اخوانا الشفيع وراق ومما يزيد الطيب بلة ان الشفيع وراق مؤيد للسلطة اللصوص الانقاذية والتي لم يسبقها بطشاً بشعبنا غير سلطة الخليفة عبدالله التي كانت تجمع قوت الغلابة بحجة الحرب ضد الكفار والم تستطع ان تهزم الكفار علي حد قولها ......ولم تستطيع ولم تهتم في توفير لقمة العيش والدواء لضحياها السودانين........ كتب الشفيع وراق ......Quote: تأكد لي من من اثق به، ان المصنع لم يمس على الاطلاق
|
ونحن ياكافي البلاء يالشفيع نصدق مصدر السماعي والذي يستحوذ علي ثقتك ........ومن اين لك ان يستحوذ علي ثقتنا نحن؟ تعرف دي بتذكرني بايام حرب الجنوب التي خاضتها الانقاذ .......حينما يحدثتك احد المنتفعين من سياسية تقبيش الوعي .....فحينما يحدثك باننا رائينا الشهيد في المنام وهو يضاجع الحور ........طيب اذا قلت ليك انا برضي رايت الشهيد في النار مثلاً خصوصاً ان الامر لا يمكن ان يثبت لان الانسان في منامه يحلم بدون شهود .........وكمان الطريف ان يحلم احدنا بان فلانا يضاجع !!!!فلماذا لا يحلم او يحتلم الانسان لنفسه بدلاً من كرم ان يحلم لغيره بهذه المضاجعة ؟ سؤال مهم يالشفيع لماذا لم تشتكي الحكومة لمجلس الامن ؟ ولماذا تطلبنا باسم الوطنية ان نسكت علي تراب مغتصب ف حلايب والفشقة ،ثم باسم ذات الوطنية تطالبنا بان ندين ضرب اسرائيل لمصنع اليرموك؟ نحن حتي لو ادينا اسرائيل ليس معني هذا اننا نؤيد ان تبني الانقاذ مصنعاً للسلاح بين السكان ، ولا يعني اننا نعني نعترف ولو بذرة من المواطنة والوطنية لمن يصم اذانه عن احتلال حلايب والفشقة ......ولا نعترف بذرة من المواطنة لمن يستاثر بموارد البلاد لمنحها كاملة لعضويته المطبلة ......ولا لمن يقتل شعبه الاعزل تارة بمنع الاغاثة وتارة اخري بقنابل الملتوف وطائرات الانتنوف ........ مرة اخري اكرر السؤال لماذا لم تشتكي الحكومة لمجلس الامن؟ ومارايك في لجان تفتيش تقدم تقريراً عن مصنع اليرموك ومصانع اخري؟ يعدين ياخوي انت عاوز الناس تنسي قصة اغتصاب وطن وتضيع كل حقوق المواطنة عشان اسرائيل ضربت مصنع اليرموك؟ مش نافع علي نافع قال البكاتل ما بقول عوقتوني؟ طيب خلاص انت ما تقول الحكاية دي واهي ديك اسرائيل you have the right to retaliate
| |
|
|
|
|
|
|
Re: الى الباكين على اليرموك: (Re: ibrahim alnimma)
|
الأخت إحسان أول مره أقرأ كلام عن اليرموك يقترب من شكى فى العمليه
أولا لقاء وزير الدفاع مع الطاهر حسن التوم أكد بنقل كل متفجر عن مناطق الكثافه السكانيه وبالتالى جواز نقل المصنع إلى مكان ما.
المصنع ذا طبيعه عسكريه أمنيه وبالتالي فإن حراسته بالضروره أن تكون كبيره ولم يمت أحد بداخله أبدا أين كان الحراس?
أنكر الوالى وجود أى أيد أجنبيه فى التنفيذ بل قال بإنفجار داخلى سنتحرى عن أسبابه
قول وزير الإعلام بأن الدفاع المدنى كان حاضرا بى 30 سيارة إطفاء وكان الأمن والجيش فى أقل من نصف ساعه يثير تساؤلا عن جاهزية تلك الأطراف لحدث ما.
أختم بالشك فى رواية القصف الإسرائيلى وإن كان هنالك قصفا فلا أحسبه من إسرائيل بل من جهة الحكومة أعرف بها.
وأرى فى تساؤلاتك ضروره وأسباب مقنعه لقولها ولك السلام.
منصور
| |
|
|
|
|
|
|
Re: الى الباكين على اليرموك: (Re: munswor almophtah)
|
ابراهومة يا زول خليك في قرايتك افيد ليك
Quote: لماذا المستودعات دون المصنع؟
نجاوبك بعد ساعات من الضربة، تأكد لي من من اثق به، ان المصنع لم يمس على الاطلاق |
تأكيدي جاء بعد تساؤل احسان، ويبدو انها على اتصال بنفس المصدر
زواج الشهداء بالحور العين ثابت عندنا في الكتاب والسنة، انت يا زول قاعد "تطوف" الناس وين؟
Quote: سؤال مهم يالشفيع لماذا لم تشتكي الحكومة لمجلس الامن ؟
مرة اخري اكرر السؤال لماذا لم تشتكي الحكومة لمجلس الامن؟ |
ومنو القال ليك ما تقدم بي شكوى:
Quote: أعلن مندوب السودان لدى الأمم المتحدة، السفير دفع الله الحاج، صباح الأحد، أنه قدم شكوى بلاده إلى مجلس الأمن، بشأن العدوان الإسرائيلي على السودان والذي استهدف مصنع اليرموك للذخيرة |
Quote: نحن حتي لو ادينا اسرائيل |
تكفي ادانتكم
| |
|
|
|
|
|
|
Re: الى الباكين على اليرموك: (Re: ibrahim alnimma)
|
أستاذ إبراهيم .. كل عام والجميع بخير والسودان بألف خير ونحن ياكافي البلاء يالشفيع نصدق مصدر السماعي والذي يستحوذ علي ثقتك ........ومن اين لك ان يستحوذ علي ثقتنا نحن؟ قال ليك شنو!! (يبدو إنه مصدرى نفس مصدر إحسان)!!!! كلام مضحك !!!! ولماذا تطلبنا باسم الوطنية ان نسكت علي تراب مغتصب ف حلايب والفشقة ،ثم باسم ذات الوطنية تطالبنا بان ندين ضرب اسرائيل لمصنع اليرموك؟ نحن حتي لو ادينا اسرائيل ليس معني هذا اننا نؤيد ان تبني الانقاذ مصنعاً للسلاح بين السكان ، ولا يعني اننا نعني نعترف ولو بذرة من المواطنة والوطنية لمن يصم اذانه عن احتلال حلايب والفشقة ....
مليون..like يا إبراهيم تحياتى
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
إنتوا يا ناس الشفيع إشتريتوا البورد ده ولاّ شنو ؟؟؟ ناطين فى حلقوم البقول بغم .. وضد الاعضاء الجدد ( البرالمة) على حد قولكم .. لن تثنينا الاساءات الشخصية ومخاطبتنا بما لا يليق عن طرح رأينا فى قضايا تهم الوطن .. ومن يتطاول ويهاتر كما فعلت فى هذا التعليق الذى خرجت به من محور الحوار .. نتجاوزه، وإن عدتم لانعود
| |
|
|
|
|
|
|
Re: الى الباكين على اليرموك: (Re: إحسان عبد العزيز)
|
Quote: يحلك من شنو يا الشفيع؟؟؟ |
يحلنا من (الزوغانات)
Quote: إنت فى زول قدم ليك كرت دعوة لدخول هذا البوست!!! |
نعم، انت موش قلت
Quote: الى الباكين على اليرموك |
انا من الباكين على اليرموك
Quote: ما عاجبك أطلع وبكل أدب .. كان سألنا عنك نكون غلطانيين .. |
؟؟؟؟؟؟؟
Quote: نتوا يا ناس الشفيع إشتريتوا البورد ده ولاّ شنو ؟؟؟ ناطين فى حلقوم البقول بغم .. وضد الاعضاء الجدد ( البرالمة) على حد قولكم .. |
الشفيع ما (ناس)، براااهو الاعضاء الجدد النحن ضدهم ما قاعدين نخش بوستاتهم
Quote: لن تثنينا الاساءات الشخصية ومخاطبتنا بما لا يليق عن طرح رأينا فى قضايا تهم الوطن .. ومن يتطاول ويهاتر كما فعلت فى هذا التعليق الذى خرجت به من محور الحوار .. نتجاوزه، وإن عدتم لانعود |
الاساءات الشخصية ؟؟؟؟ مخاطبتنا بما لا يليق ؟؟؟؟ يتطاول ؟؟ ويهاتر ؟؟ التعليق يا اخت احسان كان من ضمن الحوار ولو ما فهمتيهو ممكن نشرحو ليك
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
كمرد/ احسان... ومن يبكى على دمار مصنع شيد اصلا ليصنع البكاء..غير الذين هم حريصون على أن يستمر البكاء .... أنا من الباكين فرحا على دماره...وباى يد كانت...لعل البكاء يخف حيث لا يريدون له ذلك.. دمتى ايتها الباسلة يا انثى ولا دستة رجال....
| |
|
|
|
|
|
|
Re: الى الباكين على اليرموك: (Re: إحسان عبد العزيز)
|
Quote: الشفيع إنت فى زول قال ليك إحسان دى برلومة جد جد ؟؟؟ |
انا اعرف "تماما" من هي احسان عبد العزيز وقريت اغلب مقالاتك "هناك" وخلافها
ود لا ينفي انك "بتعريف البورد هنا" (برلومة)، والدليل تعليقك على اخونا "بدر الدين"
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
لو كنت برلومة او غير .. ليس من الضرورى أن أكون بعرف كل من هبّ ودبّ فى هذا البورد .. وهذا لا يعطيك إنت او غيرك الحق فى إطلاق القاب سخيفة على الاخرين بغرض إضطهادهم وإبعادهم عن المشاركة فى البورد .. فقط لانهم ليس من ملتكم .. وعلى فكرة صورتك الشخصية مضحكة
| |
|
|
|
|
|
|
Re: الى الباكين على اليرموك: (Re: إحسان عبد العزيز)
|
Quote: البحث عن الشهره في المنبر العام !!
دحين ما كان عنك مداخلة فى البوست ده !!! سحبتها مالك!!! ولاّ أنا ما بشوف سمح !!! |
احسان صباحك خير انا لم ادخل البوست ده نهائياً
لا، انت بتشوفي كويس بس زي ما قلنا ليك (برلومة)
==========================
Quote: (ولكبح جماحى ) كما قال أحدهم أطلقوا علىّ (برلومة) |
لمعلوميتك برلوم يطلق على راكب جديد بغض النظر هو شايت وين وراجعي البوستات ثم انت انت جاية جديدة، (تجمحي) لي شنو؟ الجموح ده يعني تدخلي بي نمرة خمسة
Quote: ولكننى إعتبرت ما يحدث معركة أخرى من المعارك التى نخوضها كسودانيين بأشكال وألوان مختلفة بحثاً عن الحرية .. |
لو كنت دخلت، كنت علقت بي
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
تحياتى.. شوف عينى دخلت وعلقت ولفتت نظرى صورتك الشخصية الجديدة وعشان أتأكد إنك نفس الزول رجعت للبوست حقى بتاع اليرموك ولقيتك ياك ذاتك وصورتك الجديدة مشرفة وكمان علقت ليك عليها.. خليك من دى .. وين تعليقك وردك علىّ فى موضوع البرلمة القلت لى فيه: (أنا عارفك ومن زمان بقرأ ليك مقالات هناك .. ومقصود بالبرلمة إنك برلومة فى المنبر بدليل كلامك مع بدر الدين) سحبته مالك !!!.. إنت البوست حق الشيخ سيد أحمد ده راس سوطه ضربك ولاّ شنو؟؟؟ وعلى فكرة صورتك الشخصية مضحكة (أها العبارة دى كمان قول ما لاقتك) فعلاً أنا بشوف سمح وكمان بعرف أقرأ سمح .. الله يسألنى قريت تعليقك... يا زول ولا يهمك ( الرجوع الى الحق فضيلة)
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
تحياتى.. شوف عينى دخلت وعلقت ولفتت نظرى صورتك الشخصية الجديدة وعشان أتأكد إنك نفس الزول رجعت للبوست حقى بتاع اليرموك ولقيتك ياك ذاتك وصورتك الجديدة مشرفة وكمان علقت ليك عليها.. خليك من دى .. وين تعليقك وردك علىّ فى موضوع البرلمة القلت لى فيه: (أنا عارفك ومن زمان بقرأ ليك مقالات هناك .. ومقصود بالبرلمة إنك برلومة فى المنبر بدليل كلامك مع بدر الدين) سحبته مالك !!!.. إنت البوست حق الشيخ سيد أحمد ده راس سوطه ضربك ولاّ شنو؟؟؟ وعلى فكرة صورتك الشخصية مضحكة (أها العبارة دى كمان قول ما لاقتك) فعلاً أنا بشوف سمح وكمان بعرف أقرأ سمح .. الله يسألنى قريت تعليقك... يا زول ولا يهمك ( الرجوع الى الحق فضيلة)
| |
|
|
|
|
|
|
Re: الى الباكين على اليرموك: (Re: إحسان عبد العزيز)
|
اختنا الكريمه"إحسان بنت عمنا عبدالعزيز"
تحيه وتحيات
انا شخصيا ضد تعرض السودان لاي اذى بغض النظر عن المتسبب في ذلك...وقد كتبت حروف متواضعه في هذا الشأن كانت خلاصتها ما احسه من ضيق انتابني وانتاب الكثيرين من هذا الهجوم الذي راح ضحيته ابرياء لاذنب لهم غير ان جدرانهم كانت ملاصقه او تطل على ذات المصنع المشئوم.ووزيرنا النشط الذي يتقلد وزارة الدفاع يغط في نوم عميق ...ولا ادري ان استيقظ او لازال نائما ...فاصبح المواطن هو الحارس والمدافع بينما القائمون على الامر ينامون ملء جفونهم.
المصاب جلل..ووزارة الدفاع تعجز حتى عن صياغة حروف يمكنها ان تبعث الحياه في بقايا كبرياؤنا الذي يتنفس على شفير الموت..استباحوا حرمات اجواؤنا على مرمى ومسمع الكل... قصفونا وتحدونا ونحن عاجزون حتى عن الكتابه.
متابع ومستمتع..
فتناك عافيه.
| |
|
|
|
|
|
|
Re: الى الباكين على اليرموك: (Re: الشيخ سيد أحمد)
|
سلامين
Quote: شوف عينى دخلت وعلقت ولفتت نظرى صورتك الشخصية الجديدة وعشان أتأكد إنك نفس الزول رجعت للبوست حقى بتاع اليرموك ولقيتك ياك ذاتك وصورتك الجديدة مشرفة وكمان علقت ليك عليها.. |
يا زولة هيي علي الحلال ما دخلت يكون تشابه عليك البقر
Quote: خليك من دى .. وين تعليقك وردك علىّ فى موضوع البرلمة القلت لى فيه: (أنا عارفك ومن زمان بقرأ ليك مقالات هناك .. ومقصود بالبرلمة إنك برلومة فى المنبر بدليل كلامك مع بدر الدين) سحبته مالك !!!.. |
ما سحبتها يا برلومة المداخلة موجودة كان ما لقيتيها بجيب ليك الرابط
Quote: إنت البوست حق الشيخ سيد أحمد ده راس سوطه ضربك ولاّ شنو؟؟؟ |
بوست الشيخ جميل وقريتو كله، لكن ما دخلتو
Quote: وعلى فكرة صورتك الشخصية مضحكة (أها العبارة دى كمان قول ما لاقتك) فعلاً أنا بشوف سمح وكمان بعرف أقرأ سمح .. |
لاقتني وكان دايرة بجيب ليك الرابط حقها
Quote: الله يسألنى قريت تعليقك... يا زول ولا يهمك ( الرجوع الى الحق فضيلة) |
والله يسألني ما كتبت التعليق القريتيهو ده نعم، الرجوع الى الحق فضيلة، بس عليك الله لامن ترجعي اعترفي بي خطئك
| |
|
|
|
|
|
|
Re: الى الباكين على اليرموك: (Re: الشيخ سيد أحمد)
|
شكراً الشيخ سيد أحمد على مرورك سمح الخطى.. نعم يؤذينا أن نرى شعبنا المغلوب على أمره يدفع فواتير السياسات الخاطئة ومد الرجلين أطول من اللحاف .. ويؤذينا أكثر اللعب على العقول والدقون .. والحمد لله الذى جعلنى من جنس بلا دقون حتى لا (ننكهر) أكتر من القهر النحن فيه .. لك ألف تحية وألف سلام..
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
احسان صباحك خير انا لم ادخل البوست ده نهائياً
لا، انت بتشوفي كويس بس زي ما قلنا ليك (برلومة)
لا إنت دخلت دخلت وعلقت ضمن المداخلات الاولى وفجأة سحبت تعليقك وإنسحبت من البوست معتقد إنه لا من شاف لا من درى .. ثم انت انت جاية جديدة، (تجمحي) لي شنو؟ الجموح ده يعني تدخلي بي نمرة خمسة وليه ما أجمح .. وليه ما أدخل بنمرة خمسة مادام واثقة من إنى بعرف أسوق كويس.. إنت ما شايف أصحابك بتاعين البوست الفات إنسحبوا كيف (وبكل أدب) بعد هتر وملاسنات .. تجاوزناها وغضينا الطرف عنها( وبرضو بكل أدب).. أخرت الرد مخصوص عسى ولعلّ ترجع للحق وتكسب أجر الفضيلة وتعترف إنك دخلت بوست الشيخ .. لكن يا زول عفيناك وأنا تانى ما بزرزك أكتر من كدى.. تحياتى وإحترامى
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
الشفيع .. سلام يغشاك يا باشمهندس أها لا ترسل الرابط لا حاجتين التعليق لقيته .. والقصة ما عندها علاقة بالبرلمة بس الكلام على النظر انا اعرف "تماما" من هي احسان عبد العزيز وقريت اغلب مقالاتك "هناك" وخلافها
ود لا ينفي انك "بتعريف البورد هنا" (برلومة)، والدليل تعليقك على اخونا "بدر الدين" ومسعول من الخير يا اخوى .. هناك دى يعنى شنو؟ كانت تكون مقبولة لو قلت هنا وهناك!!!
| |
|
|
|
|
|
|
Re: الى الباكين على اليرموك: (Re: إحسان عبد العزيز)
|
الأخت إحسان،
تحية وسلام،
تحية لهذا البوست. يجب ان يصل صمتنا للجميع ، يجب ان يعرف الجميع شمالا ويسارا أن إنسان السودان فوف مشاعر عزة الفاشلين التى لايسندها لاتاريخ ولاحاضر ولامستقبل.
أن مايجمعنا مع هذا النظام الذى يقتل ويشرد ويجوع ويذل اهلنا وه المنازله ، والمنازلة وحدها. يجب ان يعى الجميع انه لامكان للارتباك حول أننا نريد ان نذهب بهذا النظام الى مذبلة التاريخ، وفى هذا نرحب بكل ما من شانه أن يضعفه ويخلخل بنيانه ويعجل بسقوطه. ويجب ان يعرف الجميع اننا لن نجامل أو نتصالح مع أى معتذر او مبرر أم مذوق لنظام الانقاذن لاإستثناءات.
عن اليرموك، الشيوعى، قوى الاجماع - البندر وغيرهم والساق اليسرى لنفيسه
.
| |
|
|
|
|
|
|
Re: الى الباكين على اليرموك: (Re: Khalid Kodi)
|
شكراً أستاذ خالد على مروك الجميل.. أعجبنى كثيراً موضوع البوست أدناه.. (عن اليرموك، الشيوعى، قوى الاجماع - البندر وغيرهم والساق اليسرى لنفيسه) معك حق .. لم يضيع ما ضاع من الوطن إلا وكان بسبب المجاملات والتطبيل و(عفا الله عما سلف).. نقدكم للبيانات الصادرة عين العقل، الى متى سنظل أسيرى الشعارات الزائفة التى يدفع ثمنها الشغب السودانى .. لك ألف تحية وسلام
| |
|
|
|
|
|
|
Re: الى الباكين على اليرموك: (Re: إحسان عبد العزيز)
|
Quote: لا إنت دخلت دخلت وعلقت ضمن المداخلات الاولى وفجأة سحبت تعليقك وإنسحبت من البوست معتقد إنه لا من شاف لا من درى .. |
كدي يا برلومة جربي اسحبي تعليق او انسحبي من اي بوست، دي صلاحية بكري وحده لا شريك له
هي يي انا اصحابي في المنبر ده (دينا خالد) بس
بس انا ح ازرزرك لامن تعترفي وتقري اني ما دخلت في البوست داك
(هناك) يعني (هناك) قوقلي (إحسان عبد العزيز) وح تجيك على طول انا بقرأ كتير وبكتب شوية وبخصوص العميل المرتزق الخائن الجبـان عرمان، عايز اسألك: هل تعرفي ثريا يعقوب، كانت حركة شعبية مثلك وبعدين (استعدلت) بالله في زول عندو شوية عقل يبقى حركة شعبية، وبالذات بعد الانفصال؟ ممكن اتفهم انو الزول يتضامن معاهم، يميل ليهم لاغراض تانية زي يكون ممغوس من ناس الحكومة عشان فصلوهو او اعتقلوهو او يكون ما داير شريعة او يكون شايف مافي زول بقدر على الانقاذ غير الحركة المهم شوفي الرابط ده ووريني رايك شنو دعوها تحكي ..... كنت حركة شعبية
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
ولامن تصلي للفقرة دي، ورينا رايك شنو:
Quote: ...ودخلنا .... كانت عبارة عن غرفة ....تبدو مترين فى مترين ...سرير ( فردى ) ....وبجواره ..كرسياً خشبياً متهالك ...وطاولة صغيرة ...تكفى لوضع كوب ماء فقط ....لا شىء غير .......! تسمرت فى مكانى ...أهذه غرفة ....؟ أين الحمام ؟ ...... رد على الرجل ....: الحمام بالخارج ...فى نهاية الممر ....مشترك ..لكل الدور العلوى .....! قبلت بالأمر شذراً ....وقلت فى نفسى ..أنقضى يوماً من الأسبوع لم يتبق الكثير ....على الأقل أمنى نفسى بقليلاً من الطمأنينة ..... غادر الرجل الغرفة .....جلس ياسر على الكرسى ....وجلست أنا على السرير ....وهنا بدأ الحديث معى عن برنامج الأيام القادمة ....قائلاً : غداً ..سنذهب للإذاعة ....لتسجيل أكبر عدد من الحلقات ...هناك ستجدين بيانات مكتب الحركة اليومية ...خذى منها ما تريه مناسباً .....
بعد الإنتهاء من وضع خطة العمل ليوم باكر ...تخيلت أنه سيذهب ....ولكنه تباطأ ...وقال بصوت أشبه أن يكون منخفضاً ...ولكنه ...( آمراً ) ... أنا حأبيت هنا ......!!!!!!!!!!!!! لا أدرى بأى قياس خرجت كلماتى ....قوية ....قاطعة .... وين ...؟ هنا......؟ .......ده مكان لشخص واحد .....معليش ....ما فى طريقة ...
|
تحياتي
| |
|
|
|
|
|
|
Re: الى الباكين على اليرموك: (Re: إحسان عبد العزيز)
|
وانا مصر جدا جدا انك تدخلي على الرابط الرابط مكون من 9 صفحات ماااكنة، فيها سرد قصصي وحكي في غاية الروعة وانا اعتذر لك ولها لابتثارها في المقتبس الذي لا اتفق معك في انه كان في (غاية الجرأة)، وربما قراءته "منفصلاً" جعله يبدو كذلك، ولكن لو قرأتيهو في سياقه (اظن) سيختلف الوضع، ادفعك واشجعك وبقوة لفتح الرابط، ولا اصر على اي تعليق من قبلك، فقط سؤال: من خلال حديثك ووجودك باسمرا رفقة عرمان، هل تصادفت معها، عل تعرفينها؟
بخصوص الزرزرة انا مصر عليهو لاني متأكد ما دخلت، وفي الاخير ما ح اسيبه الا تقري بي خطئك، وكمان تعتذري
انا عارف موضوع البوست، بس انت الجبت سيرة البحر وسألتيني عن صورة بروفايلي
تحياتي
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
بخصوص الزرزرة انا مصر عليهو لاني متأكد ما دخلت، وفي الاخير ما ح اسيبه الا تقري بي خطئك، وكمان تعتذري يا زول معروف عنى لدى كل من عرفنى إنى ما بكذب .. ومصرة لما لا نهاية إنك دخلت وعلقت وسحبت..
من خلال حديثك ووجودك باسمرا رفقة عرمان، هل تصادفت معها، عل تعرفينها؟ الشفيع!!!!! دى مداخلة ولاً محضر تحقيق.. إنت ما شايف إنك مدى نفسك صلاحيات متجاوزة الخطوط الحمراء فى أدبيات الحوار والخروج عن النص!!!
انا عارف موضوع البوست، بس انت الجبت سيرة البحر وسألتيني عن صورة بروفايلي ياتو بحر .. يازول أنا كل القلته ليك إنه (صورتك مضحكة) ولسة ولبكرة بقول ليك مضحكة وما عندها معنى وتخلينى أكرر السؤال.. عندك شنو شخصى مع القائد ياسر .. أما الرابط ما حأفتحه ولا بحب أقرأ النوع الزى ده من الكتابات الجريئة التى تخدش الحياء حتى لو كانت حكايات خيالية وبأسماء وهميه ناهيك عن أشياء شخصية ...
| |
|
|
|
|
|
|
Re: الى الباكين على اليرموك: (Re: إحسان عبد العزيز)
|
Quote: يا زول معروف عنى لدى كل من عرفنى إنى ما بكذب .. ومصرة لما لا نهاية إنك دخلت وعلقت وسحبت.. |
اها وانا معاك لي بكرة وبعد بكرة ولازم تقري وتعترفي بي انك غلطانة اصلي الليلة قاعد زهجان والرسيفر عطلان والمدام نامت والعيال بذاكرو للامتحانات
هل تقبلي بي شهادة الاعضاء يجو هنا يفتونا؟ هل تقبلي بي شهادة خطية من سيد البوست يفيد فيها انه هو سيد البوست يقر وبي اني ما دخلت على البوست حقو نهائياً الحل شنو يا ناس
نحنا لامن قنا (يحلنا الحلا بله) ما ياهو من الزي ده
تحقيق شنو؟ وخطوط حمراء شنو؟ انت ذكرت انك كنت في اسمرا لمدة عشرة سنوات مع عرمان وثريا قالت انها اتواجدت في نفس الفترة وبرضو برفقة عرمان سالتك وبي كل تهذيب، اذا كنت قابلتيها او تعرفيها؟ هل السؤال ده فيهو شي؟هل فيهو اي تجاوز؟ ما عايزة تجاوبي انت حرة، ارفضي او اعتذري بدون توجيه اتهامات ما ليها اي داعي
صورة بروفايلي اراها (معبرة)، لاني ارى عرمان فعلا مجرم وعميل وخائن لوطنه، وتعبيرك عن انها (مضحكة) هو الجاب سيرة البحر
الرابط متاح لك وللقراء وما زلت اقول انها كتبت بصورة معبرة جدا، وشرحت (الحدث) بصورة "مهذبة جدا"، وانا على يقين من انها كانت "صادقة" جدا وشخص باع وطنه ودينه واهله، لا استبعد ان يمثل هذا الدور ال######## الذي يمثل انموذج لمن لا تردعه اخلاق ولا دين
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
هل تقبلي بي شهادة الاعضاء يجو هنا يفتونا؟ أها داير تلملم أهلك الطيبين القاعدين على الهبشة ديل .. ناس زيد وعبيد، وزعيط ومعيط !!! يا أخوى أنا ذاتى ما فاضية ليهم ولمهاتراتهم الما بتجيب تمن القعدة قدام شاشة الكمبيوتر .. أى أنا قعدت فى أسمرا من 1995م- 2007م.. لكن ممتنعة عن الادلاء بأى أقوال فى هذا الموضوع وكذلك لا أرغب فى قراءة الرابط منعاً للبحث والسؤال عن أشياء إن تبدو لكم تسوءكم وتجنباً لأى مداخلات تجرنا الى ما ننأ عنه بأنفسنا فى هذا البورد.. وعلى فكرة أنا كنت فى أسمرا طيلة تلك السنوات مع زوجى (الذى كان يعمل هناك) وأولادى .. ولا يمنع ذلك ( وبكل الفخر) من أننى كنت معارضة ضمن فصائل التجمع الوطنى الديمقراطى ..
ارفضي او اعتذري بدون توجيه اتهامات ما ليها اي داعي يا زول الاتهامات دى وينه؟ أنا قلت ليك الخطوط الحمراء فى الخروج عن النص.. ولاّ إنت بس جارى شكل.. وأيضاً أذكر بموضوع البوست (الى الباكين على اليرموك)
| |
|
|
|
|
|
|
Re: الى الباكين على اليرموك: (Re: إحسان عبد العزيز)
|
انا قلت اعضاء يا احسان عادة بناخد شهادة اول تلاتة اعضاء بفض النظر عن الضفة الواقفين فيها والمناسبة ما تشوفي الهيلمانة حقتنا هنا، "اهلنا الطيبين" قلال شديد، لكن "مطروحة فيهم البركة وقدروا يوزنوا المنبر المايل خلقة والسجلوا ليك زيارة في بوستك ديل للمعلومية ما "اهلنا" وديل من ضفتكم
طيب رايك شنو في شهادة "سيد البوست"؟
انا احترم جدا معارضة الجبهة الشرقية، وبصنفها كمعارضة حقيقية، واعرف تفاصيل معاناتهم، وكان المفروض اكون "في وسطهم" لولا الظروف هم بختلفوا كتير عن معارضات الولفير والفنادق ذات الخمسة نجوم وكذلك مناتلين الكيبورد فترة "اسمرا لابد ان يقيف الناس عندها كتير ويوثقوها "للتاريخ" اتكتب هنا كتير عنها، ولكن محتاجين لي تفاصيل اكتر بالذات من من واكبها شخصيا واحتك بي تقلباتها
تحياتي وجمعة مباركة طيبة
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
يا استاذة احسان شفيع يا راقل دا نجح في انو يصرف البوست عن مساره .. وانت ساعدتيو براك
اعتقد انو هو مصيب فعلاً في الامر الذي فيه تتنازعان .. كلامك في الصفحة الاولى - هنا دا- عن الموضوع دا انا ذاتي خلعني .. انت اقتبست من الصفحة التانية وجبتيو في الاولى - هنا دا ذاتو .. وقبل مظن المداخلة الاصلية والله صحي .. كدي راجعي الصفحة الاولى برواقة!
--------
زيك برضو متمني افهم الاستهداف (الشخصي) لياسر عرمان دا هل هو امر عام ..(ومسألة بتقربوا بيها لله سبحانه وتعالى)
ام هو امر شخصي .. ودي ما مهمة كلو كلو .. ولكم في مثل الاعرابي مع سيدنا عمر اسوة حسنة (انما تأسى على الحب النساء)
| |
|
|
|
|
|
|
Re: الى الباكين على اليرموك: (Re: قيقراوي)
|
شكرا قيقراوينا
اها يا احسان ناس المنبر هنا عندهم قول، (لا يفتى وقيقا في المنبر)
شخصي كيف يا قيقا؟ هلا جلس في بيت ابيه وامه ليرى هل نستهدفه
وانا متأكد انو مبسوط اوي من حكاية الاستهداف دي على الاقل في حد بجيب سيرته بعد ان رميه بعدما حققوا اغراضهم
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
شخصي بفهم الحب/الكره الساي داك .. اديك مثل قريب ..اسي عمر البشير جرمو اقلمن الترابي في شيء .لو ما اكتر؟ اها الترابي دا بي عرطون انا بقدر اهضمو عارف انو الكلام دا ما موضوعي .. لكن هو قسمي فيما املك
-------
لو جينا طلوع ياسر من بيتم واضطلاعه بهمام الهم العام .. اعتقد انو لي يوم القيامة مدين لي ولكل الناخبين بتبرير انسحابو المخزي في ابريل 2010م ودي لا بننساها لسو .. ولن نغفر اما حياتو الشخصية ما بتهمني كتير ..ما ح اناسبو انا
| |
|
|
|
|
|
|
Re: الى الباكين على اليرموك: (Re: قيقراوي)
|
تبرير شنو يا عمك الزول كان تمامة جرتق وزي ما قال ليهو باقان (الحمار لامن يوصل سيدو البيت ما بخش معاهو الاوضة) رموهو زي الشي الكعب، وهسه قاعد يتلصق في ناس الحلو عشان يخلق ليهو دور
قنا لي ناس الحكومة يفاوضوا اهل المصلحة كل واحد منفصل براهو لانو كل واحد فيهم عندو وضع خاص ناس النيل الازرق براهم وناس كردفان براهم عشان ناس عرمان وكل من شابهم لي حدي ناس احسان ديل كووولهم يقعوا بي قد القفة
وشوية ويقول ماشي يكمل قرايتو الابت تتم دي
| |
|
|
|
|
|
|
Re: الى الباكين على اليرموك: (Re: الشفيع وراق عبد الرحمن)
|
عارف يا الشفيع ما حأقول ليك أكتر من القاله ليك ابراهيم النعمة فى البوست حقك الضارب داك.. الشفيع وراق/ الجبهة الثورية.....الخ والله فعلاً فعلاً يا الشفيع كل يوم بزداد يقين بان الكيزان ديل بخربو للناس عقولهم ..........هسة بالله ده مش صرف انظار عن الموضوعية؟ واستهلاك للقراء ولوقتهم الثمين؟
| |
|
|
|
|
|
|
|