|
Re: الشاعر الاديب عوض فضيل في ذمة الله (Re: saif massad ali)
|
عوض فضيل
الميلاد : 31/12/1943 التعليم : كريمة الاولية - القرير الوسطى - بورتسودان الثانوية الحكومية - معهد تدريب المعلمين العالى سابقا ( كلية التربية جامعة الخرطوم حاليا ) 1963 -1967 م كورس صيفى بجامعة ليدزبريطانية عقب التخرج مباشرة بدعوى من المجلس الثقافى البريطانى على اساس الاستحقاق الاكاديمى . تخصص : 1/ اساسى : اللغة الانجليزية وادابها وطرق تدريسها 2/ مساند : اللغة العربية وادابها وطرق تدريسها العمل : مدرس لغة انجليزية ورئيس لشعبة اللغة الانجليزية فى دنقلا الثانوية 1967 - 1970م بورتسودان الحكومية 1970 - 1974 مروى العليا بنين 1974 - 1978 مدرس مواضيع عالية فى تدريب شركة الزيت العربية الامريكية ( ارامكو) 1978 - 1999 مؤلفات : 1/ صدر له كتاب بعنوان (بدون تابلت ) مطبعة هلا 2007 2/ اعد للنشر بحثا باللغة الانجليزية والعربية بعنوان ( دور الاسلام فى انها الرق ) the Role of Islam in the Abolition of Slavery 3/ يعد للنشر 1- مجموعة شعرية بالعربية بعنوان ( سفر الزمن الدائرى ) 2- مجموعة شعرية بالعامية بعنوان ( حصاد زمن الكلام المر ) 3- مجموعة طاخرى بالعامية بعنوان ( حماد ود سعيد ) 4- بحث بالنجليزية بعنوان ( امومة امريكا المشوهة ) America s Mangled Mothering
| |
|
|
|
|
|
|
Re: الشاعر الاديب عوض فضيل في ذمة الله (Re: ibrahim fadlalla)
|
الدوام لله ولا حول ولا قوة إلا بالله
اللهم اغفر له وارحمه وعافه واعف عنه اللهم أكرم نزله ووسع مدخله ونور قبره اللهم تقبله لديك قبولا حسنا واجعله من أصحاب اليمين .
صادق التعازي لأسرته وأهله وتلاميذه وكل معارفه وأصدقائه وزملائه ، ونسأل الله أن يلزمهم جميعاً الصبر الجميل .
وإنا لله وإنا إليه راجعون .
( ليمو )
| |
|
|
|
|
|
|
Re: الشاعر الاديب عوض فضيل في ذمة الله (Re: بكرى ابوبكر)
|
الاخوانـ .. سيف ,عبد الحليم ,جمال خضر ,احلام اسماعيل ,بكري ابو بكر جزيــل الشكر واسأل الله ان يتقبل دعاؤكم وان يرحم فقيدنا الكبير فقد كان علما بارزا من اعلام الادب والفكر في السودان ونسال الله ان يعوض بفقده خيــرا
| |
|
|
|
|
|
|
Re: الشاعر الاديب عوض فضيل في ذمة الله (Re: عبدالمنعم العوض)
|
هكذا كان رحمه الله كما في شعره
سلام يا ناس سودان الخير سلام يا ناسا بتصل الزول حفايا علي حدود السيف يا ناسا تقاسم الزول شقي عمر ومعاهو تقيف يا ناسا فناجرة تمتام وياناسا تمامت الكيف حلف بالله زولا ماهو منكم انتو ندمان في حياتو ندم وحلف بالله زولا ماهو منكم انتو مقطوع فيهو اي عشم حلف بالله لو شل قلبي بين ايدي وباريت البلد من جم اشارك ده وافاكر داك واشارك كل زول في هم واديكم شبابا لسه بي حمد الله ما اتهدم احس بي اني ما وفيت جمايلكم ولا اخر ولاقدم اهي الطيببن نستوني وماظنيت بتنسوني لاني ما نسيتكم وانتو ما ناسين اهلي الطيبين وليدكم انا الدوام مشتاق انا ان درتوني سيف تلقوني يابس كو وإن درتوني مدفع نار بضرب في السوادة ترو وان درتوني ساعة الحاجي مابراجاها قولة سو صنديد للتقيلة بشيلة لو يبقي الحبل في التو والجزرة التعشي الضيف انزله من عقبة الهو __________________
| |
|
|
|
|
|
|
Re: الشاعر الاديب عوض فضيل في ذمة الله (Re: عبدالمنعم العوض)
|
أخي عبد المنعم عوض ...
لا حول ولا قوة إلا بالله العلي العظيم .. ألا رحم الله الأستاذ الشاعر / عوض الكريم فضيل وأسكنه فسبح جناته مع الصديقين والشهداء وحسن أولئك رفيقا ....
الأستاذ / عوض الكريم كان يدرس لنا اللغة الإنجليزية ببورتسودان الثانوية ... حقيقة هو رجل لا ينسى أبداً ..... كان متمكناً جداً من لغته فصيح العباره جزل الأسلوب في طريقة تدريسها ... لقد حبب لنا الأستاذ / فضيل اللغة الإنجليزية، ولعلمه بحرصى الكبير على حضور الحصة لا أنسى يوماً تأخرت فيه بالداخليه ... ولم يبدأ الدرس ... قال ليهم في زول غايب ... كان حصة Literature وعندما حضرت قال للفصل .. قيام ... إمعاناً في إحراجي وبعدها لم تقوتني حصة له أبداً ....
(حماد طلع ...حماد نزل .... حماد عذاباَ شالو بيهز الجبال .... ما فيش شغل آسفين كتير ... أمشي وتعال أمشي وتعال .... كأنهم بمتحنوا في صبر الرجال .... لامن خلاص فضلن خمستاشر قرش وحجاب عشان العدا ... الدنيا غنت وزغردت ... أخدوه في البوليس نفر .... حماد سرح ... والله يا أم الحسن بعد الشقا الشفتيهو يامه بتسعدي ... والله لا تسقي البهم ... لا تحشي قش .... للدلكه والدخان تقومي وتقعدي ....) ....
ياه يا عبد المنعم ياخ .... رحم الله أستاذنا الفاضل / عوض الكريم فضيل وأسكنه فسيح جناته مع الصديقين والشهداء وحسن أولئك رفيقا ...
إنا لله وإنا إليه راجعون ؛؛؛؛؛
| |
|
|
|
|
|
|
Re: الشاعر الاديب عوض فضيل في ذمة الله (Re: إدريس محمد إبراهيم)
|
سم الله الرحمن الرحيم مرثية الى روح الفقيد / عوض الكريم الفضيل حسين ( ياعوض أدينا فج ) بركت ركب خيل القصيد .... وعشقا المشى السفر الطويل شدت عيونا على خيوط .... الدهشة والمشى والرحيل شالت تراب كسر الحوافر أتكندكت صهلت صهيل جدعت سروجا على قفا الزمن الكعب .... وأتلجمت صبراً جميل الأمة تتمطق فرح .. يات من فرح .... وانا فى رحيلوا عوض فضيل ياغمة النفس البتشهق بالبكاء .... هى قد تطول وأنا قد أطيل ياوجعة العين التنت الدم مع الدمع البسيل وياوجعة الزول البحس بالوجعة فى حقك قليل ويامصيبة الزول وكت يصبح مصابو ده زول أصيل وغلبنى أمسك صبرى أنا .... شريتو فوق حبل الغسيل والموت رسالة مرسلة.... كاساً يدور فى مدار فلك الرحيل الا القناعة الموت ده حق .... والعدم فى حق ربنا مستحيل والموت نهاية لكل شئ .... والفراق يخلق فراغ لى ريح تقص قلب النخيل ذى الجزر ترحل بلا خاطر ولاعشقاً وقت يطويها نيل كان عشقوا دافنو هو فى البلد .... ساقة ( النفيساب ) المقيل فى منقة والليمونة مليان الكبيق .... والونسى والضل الضليل الا الفقد لمن يكون فقد البلد بى حالا فى الزمن الجميل وراجاك ترشها بالضحك وأنا وانت نمشى ونتمسك ... راجاك لى نفسك تشيل راجاك تتملا ناقصتا .... إن كان تفشلا مغستتا .... لو بالقليل وتطرح كلامك فى تقاة المبدعين يارحمة للكيال يكيل زى حال بيوتك يالأخو مفتوحة للداير يشيل تديها تسعدها بالفرح .... وانت راضيبو القليل شايل هموم كل البلد جواك .... ماداريبا والجواك تقيل كان ياعوض تدينا فج .... نلقالنا نحنا طرف نشيل يامفرد الحرف الندى .... من دنقلا ولى مروى كم خرجت جيل يامفرح الناس الغلابة .... وفوق دروب سعد اليتامى كمل عديل مين يشبهك وغلبنى ضمة اشبهك .... ياساقى زى أبل الرحيل ماظنى تيقى قريب شبه .... ماظنى نلقالك مثيل ياود فضيل والداير أقولوا أنا فى عوض ماكان بلد ... ماكان ولد ... ماكان سبيل حتى الطيور والكل حضور .... والدافنة كان أكبر دليل وقدر اقول أنا فى عوض .... يغلبنى أقول ينجينا شر القال وقيل ياالله تقبل دعوتى وتقبل عوض .... فى جنتك وتعوض البلد البديل وتغنيهو عننا بالجنان .... مع الرسل فى حوضو يشرب سلسبيل إبراهيم بابكر ( ود الصيدة ) البركل
| |
|
|
|
|
|
|
|