الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
شخصيات مهمه ألتقيت بها وأخري اتمني ان التقيها توجد صور
|
لا أذكر متي بدا غرامي بي سودانيز اون لاين ولكن جل ما اذكره كتاباتي بي صوره دوريه للسيد/ بكري أبوبكر عليه يمن علي بكلمة مرور وحاولت جاهده لعدد من السنوات الكثيره ولم احظي بهذه الفرصه وأذكر في مره من المرات كتب الأخ فيصل نوبي (مسؤولين من الخير الزول دا وينو؟) موضوع ووضع بريده الألكتروني للمشاركه من الخارج فكتبت له عدد كبير من المرات وحكيت له عن رغبتي في ولوج عالم سودانيز اون لاين عله يساعدني حتي قنعت منه ، وأذكر ان الحظ ساق لي فتاة للتدريب ووقعت تحت يدي بغرض تدريبها وكل مره اراها تفتح سودانيز فأخبرتني ان شخص قريبا لها يرسل لها كتاباته في الموقع فاغريتها بوظيفه اني هي حصلت لي علي كلمة مرور في موقع سودانيز وقد كان ان حصلت علي كلمة المرور وهي حصلت علي الوظيفه كما وعدتها لم أندم في يوم من الايام لالتحاقي بعالم سودانيز وجدت فيه اناس رائعون واصبحت مدمنه عليه حتي هؤلا الذين لم اقابلهم حتي اليوم بشخصياتهم الحقيقيه رسمت لهم صور في مخيلتي واتمني لقياءهم ، بكل فخر ما عانيت مشكله الا والحمد لله تم حلها اذا لجات لاحد الاخوان او الاخوات من الموقع ، أتمني من الله ان يحفظهم ويعطيهم العافيه وقد حرصت كل الحرص علي التعارف بعدد منهم ومنهم كثيرون قابلتهم عبر الهاتف لذلك هذه الشخصيات التي التقيتها اعدها من أهم الشخصيات في حياتي واتمني ان يدوم بيننا التعارف والود والأخوه
1 - السيد عبد الله أحيمر وزوجته المصون زاروني في مكتبي ، بغرض إستفسارات عن التمويل العقاري ، شخصيه راقيه ومهذبه وواعيه ومثقفه واخ عزيز ، معليش لم اجد له صوره
نتابع
|
|
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: نور الدين عثمان)
|
هويدا يا بت الناس .. الله يدينا خيرك
وكت نحن ربنا ما كتب لينا نصيب نكون من ضمن ناس الشوف والقبول ...مالك متسلطه علينا يا بت الناس
عقارات وتمويل ووساطاتات ديل فهمناهم .. بس هسع البوست ده في سبب واللا داعي تجيبي سيرة دهب فيهو ؟
عموما انا عندي ليكي وصية والوصية في الضمة .. . الوصية من ام مازن وهي قالت ليكي تمي جميلك ووريها الزول الراقي وخدوم ده Quote: معتصم محمد صالح بتاع عمارة الدهب الخرطوم |
عنوانو شنو لواكان عندك ليهو تلفون واللا ميل الحقيها بيهو
غايتو الواحد ما عارف يقول شنو ..الزول كنا بنريد كلامو لي الله .. هسع مرقيتيهو لينا من نفسنا .. بي حكاية دهب ومادهب ...ما نحن ما صدقنا مرقنا من سوق شيخ زايد في ابوظبي ودبي .. تجي تنكتي لينا عماره دهب بي حالا في الخرطوم غايتو بنات حواء ديل ينكتن لينا في جنس شبك .. عليكي الله اكان ما كتبنا مليون مره قلنا الناس مشاركانا في حوش البكري ... الواحده فيكن عيونا يلقطن .. بالله مما يجيبو سيرة الدهب التقول باذنو لينا زي نباه الصباح يا الله هوي .. ان شاء الله هويدا تجلي المداخلة دي وما ترد عليها عشان اقول .. انا مرقت ذمتي .. بس هويدا ما عبرتنا
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: محمد مصطفي مجذوب)
|
Quote: يا هويدا مشيت قوقل وكتبت: شخصيات مهمة/ شيقا. قال لي : نقصد الطيب شيقوق ريحانة المنبر، المستشار الأشهر والأكثر شعبية في سودانيز اون لاين، المسنوح؟ طوالي إتخارجت وقلت قوقل زاتو بيقى يكسر تلج ( لوووووووووووول) |
كسار تلج يا مسنوح خلاص جاتك غيرتك حتى من قوقل - قوقل ال
ود الموج
شكيتك على الله ويجازي الشبلي الكان السبب
هدهد
اقدلي اقدلي اقدلي وسكتي الخشامة وانزلي فى العوازل كي ...
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: الطيب شيقوق)
|
Quote: مهويه يا عسل عارفه انتي واحده من الناس البجد بتمني اني الاقيهم رايك شنو نعمل لمه بتاعة نسوان بورد بس ونتلاقي ونتعارف اكون سعيده جدا لو اتعرفت بيك اكثر حتي ولو هاتفيا |
تسلمي يا ست الكل ، ونفس الإحساس وصراحة نفسي ألتقي بجميع بورداب الخرطوم .........
_______________________________________________
صديق يا مونج غايتو تاني ح أشتكيك لشوقي سليمان بس لوووووووووووووول
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: هويدا شرف الدين)
|
Quote: والله صحي انت من الناس الانا متمنيه اني الاقيهو |
هويدا يا ســـتهم والله نفس الشعور ياخ ومصير الحي يلاقي
Quote: عاين لو عاوز بيت ولا تبني ولا تشتري عربيه نحن جاهزين وحتي التمويل الاصغر دي كلها مغريات عشان نشوفك |
يا هويدا والله مغريات ألف حقو الواحد يقوم يمشــي يقطع تذكرة ويحضر عيد الضحية معاكم بس أوعـــدك أول زيارة حتكون ليكـ
تسلمي كتير يا هويدا
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: امينة عيسى)
|
امينة بت عيسى
ازيك والف مبروك لانضمامك لكوكبة هذا المنتدى الرائع
Quote: زول فيكم يقول لى السجارة الشايلها ود شيقوق دى بجيبوها من وين؟؟؟
يمكن نبقى VIP |
ابشري يا ستي - ارسلي لي عنوان بريدك عشان ارسل ليك منها كرتونة ديل كدا
تفطري وتشربي القهوة وتقعدي في ضل الضحى الهابي وماخدة التكية هبابي وتبخبخي ساي ومحل رهيفة تنقد
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: شمس الدين ساتى)
|
هههي يا جماعة نحن غاطسين بهناك مع ناس هجو والشيعة
وبهنا الدنيا مدورة صفقات ، شئ تمويل ، وشئ دهب ، وشئ دبل ، وشئ هدايا من سيجار هافانا الـVIP
هويدا ما تدخلينا المعمعة دي ناس ود شيقوق ديل ما خلاص دخلوا في الربع الأخير ، ركزي علينا نحن وناس صديق الموج ديل كمان
غايتو ود عوض دا لو جلا ـ أنا عندي بديل كمان يا هدهد
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: هويدا شرف الدين)
|
Quote: شوفى إبداعات عزيز سنغافورة,,
إن شاء الله حا يجى فى السمتقبل القريب 2025 ما بعيدة,, *أسألى الطيب شيقوق بعد ماضرب الهافانا دى حصل ليهو شنو:(^_^)
بوست سبعة نجوم,, |
عزيزي/ أيمن سلام وشوق
ياخ ست البوست بتشوف سطر وتفط عشرين... وعشان عارفين ليستة التحشيش دي برضو بتفطنا .. قلنا 2025
تعرف يا أيمن.. لو ما خايف شربكة المحامين والصلبطة ديك كنت نجرت ليك كلام عنكوليبي في المستشار.. لكن البعد ولا البلاد ام عدس..
مودتي
بالحيطة سلام لي ست البوست
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: هويدا شرف الدين)
|
Quote: صديق الموج سلامات
عارف انت برضو الزول متمني يشوفك في اقرب لحظه ومنتظره زيارتك انت والمدام |
هويدا لا ازيك ولا حاجتين اجى هو انا متأهل؟؟ ود شيقوق بطل حسادة بكون كلمك هو انا عارفه ابو راساً مدوقس هويدا ممكن ترجعى لى جواباتى وصورى وتمسحى رقم جوالى من جوالك وتعتبرى البينا خوة؟ ود شيقوق امش خليها تديك سلفية غير مستردة ويرقوها كمان ويرقوك انت ود شيقوق وهويدا ومعاكم عاصم فقيرى كيتاً فى روحى دى محاربكم ورسم صديق الموج بالبصاق على جبهته صليب قدر البنك العقارى زاتو.. لووووووووووووووووووووووووووووووول،،،
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: هويدا شرف الدين)
|
هويدا سلامات
المرحوم ياسر عبد الله عبد الحفيظ كان موظفا فى البنك العقارى وقتل على يد صديقه
عام 1998 وزوجته حتى الآن تعمل بالبنك العقارى وأظنها تزوجت مرة ثانية . لو سألت
اكيد سعتعرفى . لاأذكر اسم الزوجة بس اهلها من حلة حمد.اظن اسمها مقارب لأسمك
ياسر ابن عمى لزم ... ترك البنك عام1996 على ما اظن .. وانا ذاتى كنت موظفا بالبنك التجارى
حتى عام2000 وكنت بفرع القصر منذ افتتاحه حتى عام 1984 يعنى جيرانكم .. لا علاقة لى بالشجرة غير بعض
الأهل منهم عمر عبد الحميد
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: شمس الدين ساتى)
|
Quote: ود شيقوق وهويدا ومعاكم عاصم فقيرى كيتاً فى روحى دى محاربكم ورسم صديق الموج بالبصاق على جبهته صليب قدر البنك العقارى زاتو.. |
يا صديق يا موج البحر الأحمر
أنا محاربني ليه يعني
هو أنا حاولت إنو ما يعملوا تفرقة عنصرية بينك وبين شيقا
لكن هي قالت منتظزة إجابتك
تقوم تحاربني كدا لا إيدي لا كراعي
تاني بوستاتك بتاعات الحاجات ديك البيشاركك فيها منو
؟
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: Asim Fageary)
|
Quote:
يا عبد العزيز عيسي معقول انت ما بشوفوك شايفاك وفايتني بي غادي بس كنت دافعه لي واحد كدا قروش عشان يكتب لي قصيده عنك بس اتاخر كيف امورك عارف انت بالذات نفسي الاقيك يا راقي والله ما فاضاك بس يمكن التحشيشيه لسه ما فكت
|
بس كنت دافعه لي واحد كدا قروش عشان يكتب لي قصيده عنك بس اتاخر
العزيزة.. هوووووووووودي
هسي ابداك من وين دي قولة صاحبا لي أدوه آيسكريم شعلة وبدأ يدّور فيهو والايسكريم بدا يسيح وينقط..
كلامك اللحمر ده.. رشوتك بالقروش ما قوية.. غيريها لعقارية ممكن تظيط... زول بباسورد بيدوهو وظيفة... وزول ينظم قصيدة هجاء يدوهو قريشات... ياخ اعدلي مرة يا بت أمي..
والله شوفتك بالدنيا يا زينة البورد.. بس في 2025 على بال تفك..
مودتي
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: Abdlaziz Eisa)
|
Quote: لو عاوز بيت ولا تبني ولا تشتري عربيه نحن جاهزين وحتي التمويل الاصغر دي كلها مغريات عشان نشوفك |
<<<<<<<<<<<<<<<<<
عزيزتي هويدا
بوست روعة.. والله نحن كمان مشتاقين نشوفك.. وما دام عندك الاغراءات دي كمان اكيد ان شاء الله الاجازة الجاية معاك في المكتب.. بس قبل ما نجي عاوزينك تلحقينا بالتفاصيل.. الشروط شنو؟ وهل المؤسسة بتاعتكم دي اذا سلمتها قطعة ارض في المعمورة حتبنيها لي وسعر الفائدة كم؟ يعني حأدفع ليكم كم دولار في الشهر ولمدة كم سنة؟ أم ان المؤسسة بتسلمني بس قرض وانا ابني بطريقتي .. وفي الحالة دي بتدوني كم؟ وعلى اساس بتقدروا كمية القرض؟ واذا نجحت معاكم حأعمل ليكم دعاية في ثلاثة ولايات في امريكا .. ويمكن كمان تشغلوني معاكم مبعوثة تمثلكم في امريكا الشمالية.. بس ان شاء الله شروطكم تكون ساهلة وميسرة.. والله يديك العافية
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: اميرة السيد)
|
ود شيقوق يا جميل( الحساد يمتنعون) سلامات واريتك طيب وحات الله هويدا ليها حق تحتفى بصورتك ام سجارة يعنى هسى عليك دينك مداخلتك الكتبتها لى ما بتخلينى انا زاتى اسوى بوست زى حق هويدا اختى دى واقول
هؤلاء اتمنى رؤيتهم البهية
دقر يا عين
ود الموج يا صاحب شوقنا ماسورة محلوجة فى بيت عزابة طافشين قلت الجماعة باعوك؟؟؟ والله لو انا منك كان جيت قعد فى بابا البوست وفكيت الجاعورة
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: هويدا شرف الدين)
|
السلام علي الجميع
البوست كان لشخصيات مهمه واتحول لي تمويل عقاري وأنا إن شاء الله ما اقصر مع اي زول عندو استفسار والبصلني في المكتب ان شاء الله نقدمو ليهو كل المطلوب انا في الرئاسه البنك العقاري التجاري واسمي طبعا معروف اي زول يجي يسال مني في الرئاسه بصلني ، بعتذر للناس الحارد عليهم في مداخلتي دي كلهم مع بعض مع انو اي زول بستاهل رد براهو
اولا : محمد علي البصير ياخ المسنوح دا لسه شباب ما شايف السجاره والطلعه البهيه
أحمد محمد عتيق مشكور كتير علي المرور الجميل
صديق الموجج ياخي ما تخلي الحساد بالذات ناس ود فقيري يفرقوا بيناتنا وخلي لي كوبي من الرسائل والصور وبرسل ليك الأصل
عثمان ميرغني مشكور عل المرور مافي اي مانع في الماسنجر الداخلي ضع بريدك وانا برسل ليك الهاتف لاني سبق في بوست من البوستات نذلت ايميلي واستقبلت مكاتبات غير جميله من بعض الاشخاص
العوض المسلمي يا راقي ياخ انا جنبك خطوتين بس انت رافع القذاذ شديد تشرفني معرفتك وملاقاتك
أميره السيد يا أميره سلامات عندنا مقاوله لإتمام البناء اهم شئ في شروطها الرهن حيث يرهن العقار موضع المقاوله ودفع 10% في المائه هامش جديه لا يبدا دفع الاقساط الا بعد نسلمك مفتاح البيت المقدم لا ناخذ فيه ربح واهم حاجه انتي توريني حا تسددي لينا قروشنا من وينا يعني انحنا ما عندنا دخل في بيتك تاجريهو ولا لا انتي بتجيبي لي قائمة التدفقات النقديه بتاعتك باقي التفاصيل انا مستعده اذا وصلتيني في البنك أو رسلتي لي في الخاص
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: هويدا شرف الدين)
|
Quote: ود شيقوق يا جميل( الحساد يمتنعون) سلامات واريتك طيب وحات الله هويدا ليها حق تحتفى بصورتك ام سجارة يعنى هسى عليك دينك مداخلتك الكتبتها لى ما بتخلينى انا زاتى اسوى بوست زى حق هويدا اختى دى واقول |
هوووووووووووى يا بت عيسى الطيبة - الكلام دا بجيب لي العين عديل كدا - عليك النبي ما تشتتيهو لناس ود الموج كدا في الصقية
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: الطيب شيقوق)
|
Quote: معتصم محمد صالح - عمارة الدهب الخرطوم زول راقي جدا وحبوب جدا وخدوم بعدين حاجه مهمه عشان ما ينط منها اي عضو من المنبر يخطب أو عضوه من المنبر يخطبوها عندو/ها دبله هديه يلا العزاب يشدو حيلهم |
الاخت هويدا معرفتك تكون على خطه ثابته مصالح وبس زي معتصم ده اسع طلعت منه ب دبله ،،،، شوفي المسلمي احتمال تطلعي ليك بيه بي عربية وبيعيها لي بالتقصيد كده تكوني فدتي واستفتي نوطي على الدوحة كده اكان في طريقة كتيرين ناس كمال سالم ودكين وووو
تحياتي الامين
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: الامين جبارة الله التوم)
|
Quote: أميره السيد يا أميره سلامات عندنا مقاوله لإتمام البناء اهم شئ في شروطها الرهن حيث يرهن العقار موضع المقاوله ودفع 10% في المائه هامش جديه لا يبدا دفع الاقساط الا بعد نسلمك مفتاح البيت المقدم لا ناخذ فيه ربح واهم حاجه انتي توريني حا تسددي لينا قروشنا من وينا يعني انحنا ما عندنا دخل في بيتك تاجريهو ولا لا انتي بتجيبي لي قائمة التدفقات النقديه بتاعتك باقي التفاصيل انا مستعده اذا وصلتيني في البنك أو رسلتي لي في الخاص |
اها كدي ورينا ..الا الزول يكون عندو حساب عندكم ولا شنو ..واشرحي لينا قصة ما بتشيلو ارباح دي كيف ولا نرسل في الخاص برضو ..
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: هويدا شرف الدين)
|
فــائــز ود الـقــاضــي ،،،
الغالية هويدا شرف الدين
حياك الله
فعلاً الاخ الفاضل فائز ود القاضي ، يستحق أنـو الواحد يسافر ليهو، لحدي السعودية عشان يشوفوا ، صوتو في الموبايل ما أحلاه ، جـهـوري زي صوت ، المذيـع الراحل المقيم ، مـحـمـد خــوجــلي صــالـحـين ، ( عليه رحمة الله ) ، لكن في أصوات نسائية ، أصـواتها بتخربش ، حلمة الاذن ، صــدق ،،
Quote:
والله زول ظريف جدا وزول الله في بلد الله إن شاء الله تلاقيهو واخو اخوان
هويدا شرف الدين
|
عزالدين عباس الفحل ابوظبي
(عدل بواسطة عزالدين عباس الفحل on 10-10-2012, 11:11 AM) (عدل بواسطة عزالدين عباس الفحل on 10-10-2012, 11:17 AM) (عدل بواسطة عزالدين عباس الفحل on 10-11-2012, 08:22 AM)
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: اميرة السيد)
|
Quote: عمر عثمان من أهدا الأشخاص الذين قابلتهم زول راقي وأخو اخوان نسال الله له العافيه والصحه |
الف شكر ياهويدا يااااخ ...
هويدا لمن لا يعرفها بت جدعة وزولة بشوشة جداً وخدومة بشكل لايوصف ...
قصدتها في البنك لموضوعين وصراحة لم تقصر ابداً ..
ربنا يديك العافية ويوفقك لخدمة الناس دائماً ........
| |
|
|
|
|
|
|
Re: شخصيات مهمه ألتقيت بها وأخري اتمني ان التقيها توجد صور (Re: عزالدين عباس الفحل)
|
Quote: من الناس البتمني الاقيهم بي شده الاخ عاصم فقيري بس بي صراحه كدا عاصم دا انا ما قادره اختو مع منو لا عارفه جادي ولا هزلي |
يا هويدا ياخي تسلمي
وأنا أمني النفس بشوفتك بشدة
سلامي ليك وللأسرة
الجد جد والهزل هزل
يعني الواحد بيحاول ما يكون جاف
عشان كدا في اللحظات الجادة بنضيف شوية هترشة
لكن في ناس قارشة ملحتنا وبتشوف مزحتنا من زوايا مظلمة
شكيتهم على الله
وفي الختام ليك مني كل الود والإحترام يا راقية
| |
|
|
|
|
|
|
|