يومها تمنيت لو كنت سوداني

Quote: العزيز النصري أمين تحياتي و عساك طيب و بي عافية قريت اليوم الصباح بوست الكويتي و السودانيين ، تعرف في أحداث كتيييرة تؤكد طيب معدننا و ترابطنا ، وبعض الحاجات تركت آثر طيب عند باقي خلق الله الكتار ديل ، احكي ليك كيف كنا زمان أنا أشتغل في إدارة لأسرة كبيرة كانت حاكمة السعودية من زمان ، و هم الأشراف ، أعطاهم الله الكتير من الأملاك ، و كنا في إدارة مجمع سكني و تجاري ضخم ، أحد ( المتسعودين ) و من بواقي الحجاج ، من تركستان كان مستأجر محلات تجارية ، أرسلت له إنذار قانوني بأننا سنرفع دعوى عليه في حال استمر في التأخير عن السداد ، و في اجتماع مع أصحاب المال ، جاء و حاول يتظارف معي بحكي نكات عن السودانيين ، رديت عليه بعنف بأن عليه سداد ما عليهو بعدين ينكت ، صاحبنا زعل و قال للجماعة : ( السوداني ) يهينني قدامكم كيف ؟ ، رد عليه واحد من الجماعة و كان كبيراً في السن : يا تركستاني نحنا لما جدودنا كانو حاكمين ، و جدودك كانوا بباب الحرم ولمن نطلب من ألمانيا سيارة فخيمة ، الألمان كانو بيقولوا لينا عندكم أبو العلا في السودان ، و كنا نطلبها منهم ، و لمن الحجاج السودانيين يجوا الحج ، كانوا يتصدقو على جدودك ، ما تتخيل الأثر التركو كلام الراجل ده كان كيف ، رحمه الله توفى قبل ثلاث سنوات تقريباً ، شوف يالالنصري نحنا كنا كيف و وين كمال