|
|
|
 Re: صورة نادرة من ( عيزومة) زواج الطيب شيقوق 1964م!! (Re: محمد مصطفي مجذوب)
|
الحبيب البروف محمد المجدوب
تحياتي
| Quote: وين العداله يا مولانا ... صوانيكم واحدات المحشي فيهن جوز جوز .. وواحدات معلمات الله ... بالذمه ده اسمو كلام |
اكان بقت علي المحشي هينة يا بروف بس انا المزعلني انو اهلنا ناس ( البريدانة) من الزمن داااااك اتفلهموا وخلوا اكل الكسرة واتلحوا الرغيف
بعدين بختوها رغيفة كاملة من غير قطيع وبعدين ما في اي ملاحات!!
| |
  
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: هشام هباني)
|
يا هشام هباني دا ما عرس الطيب شيقوق
لانو الصينية دي ناقصة اهم حاجه بحبها ودشيقوق
وهي الكسرة وام رقيقة
لكن الكسرة بقت في السودان أكل الأغنياء
انا في اجازتي قبل شهرين ناس البيت كانوا بيشتروا الكسرة من السوق
كانوا بجيبوا بستة الف جنيه عشان تملأ صحن واحد بتاع ام رقيقة
ويمكن ان تكفي لثلاثة اشخاص بشرط وجود خبز وانواع اخرى من الطبايخ
اردب العيش تخطى 250 الف جنيه
وتحتاج الكسرة لفحم او حطب للعواسة ودا غالي جدا
بعدين في حاجه فنية الطعام دا يفترض من اول صينية يقدم للاكل لانو الفترة
الجهزوا فيها بقية الصواني وهذا يحتاج لوقت طويل بكون اكل الصواني الاولى برد
خاصة لو كان في الشتاء
لك كل الود عزيزي هشام
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: Ahmed al Qurashi)
|
الحبيب دكتور احمد القرشي
تحياتي
( شيقة ود البريدانة) عارفنو ربيان كسرة وعصايد ومفاريك ولواييق والتحلية احيانا ضلافين و في افضل الاحوال ( لبا) من ضرع غنماية ( نفساء) والسخيل والله مظلوم في غضب الله... بس لكن شكلها العيزومة دي ساوينها طباخين غلاد من سنار ولا الرصيرص بيكون الراحل الناظر يوسف العجب زاتو شيخ المدعوين وربما ااكون تحت تحت الراحل الفريق عبود والراحل طلعت فريد كانوا من ضمن المعازيم!!
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: هشام هباني)
|
| Quote: انا المتعجب ليهو انو ناس (البريدانة) ديل شن عرفن بالرغيف والضلع والصحانة الكتيرررة ديك في الزمن دااااااك!! |
ههههههها اتاريكم مولعين النار بهنا قطيعة وشمارات
جاييك يا الناظر شايفك فكيت درب حوش بانقا واتلهمت البردانة
يا هباني بالجد انت عايز ترجعني لايام الزمن الجميل
جميل برجالو جميل بحريمو جميل بتكافلو الاجتماعي
والله يا الناظر لا انسى وانا صغير لما يكون في عرس في بيتنا راسي بتظلط من مراسيل من نوع - شيل الصينية دى وديها جدك فلان ودي شيخ فلان ودي هنااااااااك خالك الفي طرف الحلة .
بس بيني وبينك كنت حريمونى خلاص الصينية الفيها المطايب ( رغيف وكدا) بنزوي بيها بعيد من اعين الناس عشان اخمش لي منها طرف رغيفة بس خمشة مجيهة مش مبشتنة عشان تكون زى قطعة السكين وكدا .
انت فاكرنا زيكم انتو ناس نعيمة بياعين الحمير المكاديات ؟
كانت الناس بتحترم مهنها . يحضرني هنا موقف من ناس الزمن الجميل - ركز معاى هنا يا مانجل :
اذكر الاستاذ عبد الغفار يوسف المحامي رحمه الله واحد من ركائز حزب الامة في سنجة كان رجل صعب المراس وعكليتة عكلتة نامن غلط .
إستأجر محل في مدينة سنجة من احد التجار وعملها مكتب للمحاماة .
سيد المحل إحتاج لمحله لحاجته الماسة لها وطلب من الاستاذ عبد الغفار إخلاءها له غير ان الاخير تماطل وتماطل رافضا الاخلاء.
اقام المواطن المسكين دعوى اخلاء امام محكمة سنجة ضد الاستاذ عبد الغفار . وطالما ان دعوته ستكون ضد محامي فقد رأي ضرورة تكليف محامي للترافع نيابة عنه فذهب لجميع محامي سنجة للحصول على احدهم للترافع نيابة عنه ضد زميلهم عبد الغفار ولكنهم جميعهم اعتذروا ثم تحرك لمدينة سنار ولم يجد محامي الى ان وصل ود مدني غير انه لم يوفق ايضا في الحصول على محامي يترافع له ضد المحامي عبد الغفار وكان جميع المحامين يتهيبون عبد الغفار المحامي لانه - رحمه الله - يجيد الحيل في تمديد الجلسات .
المهم زولنا بعد خلاص اصابه اليأس ذهب الى الخرطوم وتوسط ساحة المحكمة الجزئية بالخرطوم وصار يصيح بصوت عالي ( الله ينعل دي بلد الما فيها عدالة ولا قانون - المحامين ربنا سلطهم لظلم الناس بدل إقامة العدل بين الناس)
في اللحظة ديك وصل الى ساحة المحكمة الاستاذ احمد خير المحامي رحمه الله وشاهد ليك الراجل دا يصيح ويكورك ( يا حليل العدالة يا حليل العدالة وين العدل وين العدل؟)
استاذنا احمد خير مشى للراجل دا طوالي وقال ليهو مالك شنو الحاصل ليك بتسيئ في العدالة كدا ؟
الراجل حكي لاحمد خير قضيتو مع الاستاذ عبد الغفار يوسف في سنجة واحجام المحامين في تمثيله ضده .
الاستاذ احمد خير قال للراجل طيب يا عمي جلستك متين؟ الراجل قال ليهو بعد اسبوع وبتأريخ كدا . الاستاذ احمد خير فتح مفكرتو وكتب اسم الراجل بتاريخ الجلسة .
اتخيل - وانا بحكي ليك عن ايام الزمن الجميل يا الناظر- احمد خير ركب عربيتو من الخرطوم وجاء نام في سنجة قبل يوم من تاريخ جلسة الراجل . والصباح طوالي اتحرك للمحكمة بدون مطالبة الراجل باي اتعاب .
عندما ندهوا القضية الاستاذ عبد الغفار فوجئ بالاستاذ احمد خير القامة واقف ضده . عبد الغفار استغرب في القضية البسيطة دي البتجيب محامي قامة زى احمد خير من الخرطوم .
عبد الغفار سأل أحمد خير امام القاضي وقال ليهو معقول جاى من الخرطوم لقضية كهذه ؟ احمد خير رد عليه قائلا ( لا ابدا انا جابتني قضية اكبر من قضيتكم هذه - انا جيت لثبيت اركان العدالة التي اهتزت بسبب مواقف الزملاء المحامين من قضية هذا الرجل المسكين)
انا جيت لترسيخ مفهوم شرف مهنة .
استاذنا عبد الغفار اندهش لكلام احمد خير وطوالي اتجه للمحكمة قائلا ( يا مولانا طالما الموضوع هكذا فلا مانع لدي من تسليم المفتاح للمدعي واخلاء المحل فورا)
لسه يا هشام تابع - الراجل المدعي نفسه بعد ما شعر بمواقف احمد خير وإطمأن بوجود عدالة طلع المفتاح من جيبو وقال للاستاذ عبد الغفار ( طالما ثبت امامي هذا الموقف فعلى الطلاق طلاق تلاتة تشيل المفتاح وتقعد في الدكان للابد)
آآآآآآآآآآآآآآآآه من ايام الزمن الجميل يا هباني
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: عاطف مكاوى)
|
Quote: كانت الناس بتحترم مهنها . يحضرني هنا موقف من ناس الزمن الجميل - ركز معاى هنا يا مانجل :
اذكر الاستاذ عبد الغفار يوسف المحامي رحمه الله واحد من ركائز حزب الامة في سنجة كان رجل صعب المراس وعكليتة عكلتة نامن غلط .
إستأجر محل في مدينة سنجة من احد التجار وعملها مكتب للمحاماة .
سيد المحل إحتاج لمحله لحاجته الماسة لها وطلب من الاستاذ عبد الغفار إخلاءها له غير ان الاخير تماطل وتماطل رافضا الاخلاء.
اقام المواطن المسكين دعوى اخلاء امام محكمة سنجة ضد الاستاذ عبد الغفار . وطالما ان دعوته ستكون ضد محامي فقد رأي ضرورة تكليف محامي للترافع نيابة عنه فذهب لجميع محامي سنجة للحصول على احدهم للترافع نيابة عنه ضد زميلهم عبد الغفار ولكنهم جميعهم اعتذروا ثم تحرك لمدينة سنار ولم يجد محامي الى ان وصل ود مدني غير انه لم يوفق ايضا في الحصول على محامي يترافع له ضد المحامي عبد الغفار وكان جميع المحامين يتهيبون عبد الغفار المحامي لانه - رحمه الله - يجيد الحيل في تمديد الجلسات .
المهم زولنا بعد خلاص اصابه اليأس ذهب الى الخرطوم وتوسط ساحة المحكمة الجزئية بالخرطوم وصار يصيح بصوت عالي ( الله ينعل دي بلد الما فيها عدالة ولا قانون - المحامين ربنا سلطهم لظلم الناس بدل إقامة العدل بين الناس)
في اللحظة ديك وصل الى ساحة المحكمة الاستاذ احمد خير المحامي رحمه الله وشاهد ليك الراجل دا يصيح ويكورك ( يا حليل العدالة يا حليل العدالة وين العدل وين العدل؟)
استاذنا احمد خير مشى للراجل دا طوالي وقال ليهو مالك شنو الحاصل ليك بتسيئ في العدالة كدا ؟
الراجل حكي لاحمد خير قضيتو مع الاستاذ عبد الغفار يوسف في سنجة واحجام المحامين في تمثيله ضده .
الاستاذ احمد خير قال للراجل طيب يا عمي جلستك متين؟ الراجل قال ليهو بعد اسبوع وبتأريخ كدا . الاستاذ احمد خير فتح مفكرتو وكتب اسم الراجل بتاريخ الجلسة .
اتخيل - وانا بحكي ليك عن ايام الزمن الجميل يا الناظر- احمد خير ركب عربيتو من الخرطوم وجاء نام في سنجة قبل يوم من تاريخ جلسة الراجل . والصباح طوالي اتحرك للمحكمة بدون مطالبة الراجل باي اتعاب .
عندما ندهوا القضية الاستاذ عبد الغفار فوجئ بالاستاذ احمد خير القامة واقف ضده . عبد الغفار استغرب في القضية البسيطة دي البتجيب محامي قامة زى احمد خير من الخرطوم .
عبد الغفار سأل أحمد خير امام القاضي وقال ليهو معقول جاى من الخرطوم لقضية كهذه ؟ احمد خير رد عليه قائلا ( لا ابدا انا جابتني قضية اكبر من قضيتكم هذه - انا جيت لثبيت اركان العدالة التي اهتزت بسبب مواقف الزملاء المحامين من قضية هذا الرجل المسكين)
انا جيت لترسيخ مفهوم شرف مهنة .
استاذنا عبد الغفار اندهش لكلام احمد خير وطوالي اتجه للمحكمة قائلا ( يا مولانا طالما الموضوع هكذا فلا مانع لدي من تسليم المفتاح للمدعي واخلاء المحل فورا)
لسه يا هشام تابع - الراجل المدعي نفسه بعد ما شعر بمواقف احمد خير وإطمأن بوجود عدالة طلع المفتاح من جيبو وقال للاستاذ عبد الغفار ( طالما ثبت امامي هذا الموقف فعلى الطلاق طلاق تلاتة تشيل المفتاح وتقعد في الدكان للابد) |
التحيات لهشام هباني و ودشيقوق وزوارهم في البوست
دا موقف يجب أن يوثق له في دار الوثائق
فعلاً أظهر أحمد خير إحتراماً للمهنة
ولكن بقية المحامين الذين تواطؤوا مع زميلهم لم يعرفوا كيف يحترمون المهنة ويفصلوا ما بين الزمالة وأخلاق المهنة
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: وضاحة)
|
سلام يا هشام ....
الزمن داك زمن ثلاثة أرادب عشاء ... شيشوق سيروا ..
أما الصينية البتشتحوا فيها دي من افرازات الانقاذ ... المهبب ده ... ومن اللازم أن يجلس عليها عشرة أفراد والشبع شبع ...
والاكل ده مرصوص كده لو جيت متأخر ما تلومنا ما عندنا ليك حاجة ...
في الزمن داك مافي كلام زي ده ...
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: Asim Fageary)
|
عاصم فقيري
Quote: دا موقف يجب أن يوثق له في دار الوثائق
فعلاً أظهر أحمد خير إحتراماً للمهنة |
والله موقف حقيقي وفعلا يستحق التوثيق بعد ان اندثرت كل تلكم القيم المهنية
| Quote: ولكن بقية المحامين الذين تواطؤوا مع زميلهم لم يعرفوا كيف يحترمون المهنة ويفصلوا ما بين الزمالة وأخلاق المهنة |
كلام صاح 100%
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: Abdlaziz Eisa)
|
Quote: بعدين في حاجه فنية الطعام دا يفترض من اول صينية يقدم للاكل لانو الفترة
الجهزوا فيها بقية الصواني وهذا يحتاج لوقت طويل بكون اكل الصواني الاولى برد |
الناس دي تقوم وتقع تحضر في الاكل ود. أحمد القرشي يهرج إنه الاكل برد :) تيبكال سودانيز مان!
--
يا هباني هسه الناس بتقدر على كمية الصواني دي كلها .. غايتو إلا تتشاركها الحلة كلها.. وكل معزوم يجيب صينته معاه..
مافي صواني ناقصة عيش.. الجماعة ديل لسه برصوا في الاكل .. ولا عزاء لأحمد القرشي..!
---
شيقوق .. الموقف الحكيته عن الاستاذ احمد خير جميل فعلا يدل على مدى اهتمام السوداني وتقديره (تقديسه) لمهنته وليس فقط اهتمام بالكسب المادي منها... ناس زمان ما بتكرروا تاني نحن هسه في عصر كل تصرف تقوم بيه بكون بفهم "استثماري"
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: الطيب شيقوق)
|
روما
| Quote: شيقوق .. الموقف الحكيته عن الاستاذ احمد خير جميل فعلا يدل على مدى اهتمام السوداني وتقديره (تقديسه) لمهنته وليس فقط اهتمام بالكسب المادي منها... ناس زمان ما بتكرروا تاني نحن هسه في عصر كل تصرف تقوم بيه بكون بفهم "استثماري" |
يا سلام على هذا الرجل فقد سجل مواقف مهنية وسياسية مشرفة لا تنسى اطلاقا
اذكر عندما ذهب الاستاذ احمد خير للترافع في قضية امام محكمة الحصاحيصا ، قابله محام تحت التدريب trainee وقال ليهو (يا استاذنا هل لك لي ببعض النصائح والارشادات التي يمكن ان تكون نبراسا لنا في هذه المهنة ؟
فرد عليه استاذنا الراحل أحمد خير (نعم بالحيل يا بني عض بالنواجز على أربعة :-
اولا : القرآن الكريم
ثانيا: ابو الطيب المتنبئ
ثالثا: The high trees case )
رابعا: قضية القاضي قطران
اطيب الاماني
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: saif massad ali)
|
ود مساعد
| Quote: علا الزمن داك الخروف كان نطط فوق الحوش يقولو ليهو الله يجيب من يضبحك |
قصة النطيط في الحيشان دي ذكرتني قصة حقيقية
كنت زمان محاميا في مدينة السوكى وكان القاضي المقيم وقتها مولانا فخر الدين حسن عز الدين . كان رجل يحب الجمال ( بفتح الجيم والميم !! ) - كانت له حديقه امام المنزل الحكومي غاية الروعة كان يقوم بريها والاشراف عليها لوحده في العصريات .
بجوار منزل القاضي فخر الدين هذا منزل قاض آخر من اولاد امدرمان . تم نقل ابن امدرمان هذا لبلد آخر وتم استبداله بقاضي كان يعمل في محكمة الدلنج ولقاضي الدلنج هذا غنم تاوري ( غنم الجبال) . ومعروف ان غنم الجبال هذه زى خالتك جنيفر شوهر الامريكية تقفز اعلى الارتفاعات .
اها يا عمك قاضي الدلنج جانا في السوكي بعربية مشحونة عفش ومن خلف تلك الاغنام .
استقبلنا ضيف الدلنج بحرارة شديدة ونزلنا معاهو العفش ودخلنا غنمو جوة حوشو .
اها بعد اتفرتقنا واي زول فات بيتو حتى القاضي فخر الدين بتاع الزهور والورود رجع بيتو الملاصق لقاضي الدلنج .
اخوك صباح الجمعة جاء مار على القضاة لزوم التحية وكدا - والله يا سيف لقيت ليك القاضي فخر الدين بتاع الزهور خاتي كرسيهو برة مدنقر ومتمحن . قلت ليهو مالك يا مولانا الليلة وشك ما سمح ؟ قال ليك ادخل حوشي داك وشوف الحاصل .
دخلت الحوش لقيت ليك الزهور والورود عيدان بس . قلت ليهو يا الله دا شنو ؟ قال لي دى غنم القاضي الجديد نطت حوشو ودخلت بالليل حوشي وعملت العمائل دي . ومن هسه انا حأتصل برئيس القضاء اما ينقلني او ينقل قاضي التاوري دا .
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: الطيب شيقوق)
|
يا استاذ شيقوق ما قلنا .. النار .. النار يا حبيبي
شنو الحكاية | Quote: متزوج سنة 71 وكان عمري 14 سنة يا ود المدير يعني في اولى ثانوي عام |
انت ولد جزازير ( جزارين لمتفلهمي البورد) .. بتبلغ من سن 14 ؟
وتعال يا يابا انت بتقول | Quote: راسك بتظلط من مراسيل من نوع - شيل الصينية دى وديها جدك فلان ودي شيخ فلان ودي هنااااااااك خالك الفي طرف الحلة |
وين ال evidence يا مولانا 
وين الجلخات ... وين القعورة الفي نص الراس ده ..حقيقة لهجي محامين ساي
دحين براك امرق الذمة ...شوف الاثباتات التي لا تقبل الشك 
وعاين حقة الناظر شخصيا 
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: الطيب شيقوق)
|
يا جماعة الخير شايلين حس مولانا ساكت , الراجل المشمر جلابيته في الصورة عنده ال Check List عشان يكمل النواقص
بعدين اهل مولانا ديل دايما جاهزين للزيادة ( عليك الله جيب صحن بتاع ....) وده شبيه بما كان يعرف سابقا في المطاعم ( علي ايامنا وايامكم ) بالوصلة
امنياتي بموفور الصحة لمولانا شيقوق والعمدة هباني
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: Adam Omer)
|
آدم
كيفك
Quote: و أنا بقول مولانا ود شـــــــــــيقوق دا
بجيب حــــكاوى الحبوبـات دى من أين |
انت مسحلب ولا فاطي سطر ؟
نحن كنا زمان نصحى الساعة 5 ص ونتلهم الحبوبات لانو بنلقى عندهن نار مولعة للتدفئة وكدا
ولما النار تاكل الحطب بنجيب القشقش عشان تزيد ليهيبو لحدى الشمس تطلع وبعد ذلك نتلهم ليك حيط المخازن والدكاكين التي تعكس حرارة الشمس مع الصباحية
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: هشام هباني)
|
التحية للناظر و لود شيقوق والجميع
...
أعجبني موقف الاستاذ احمد خير المحامي رحمه الله مع محامي سنجة فنقلت القصة لصديقي القاضي المقيم بالقولد
طلع بيعرف الطيب شيقوق و قام حكى قصةً ليه مع مولانا امبلي ....تكشف عن التفاوت (الطبقي) بين المحامين والقضاة...
ياريت ود شيقوق يحكيلنا القصة دي .. باقي الحكي حلو من خشيم سيدو
ودي
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: هشام هباني)
|
| Quote: متي دخل( الرغيف والتلج) البريدانة ومتي ( قرضت) اول رغيفة في حياتك.... ومتي (ضقت) اول تلجة في حياتك!! |
تقصد دخل كصناعة ام من المدينة محمولا على اكياس ورق الاسمنت الزمان؟
لا اوعاك تتكلم في التلج اذا كان قصدك الموية البيضاء الجامدة . نحن التلج مما قمنا شفناهو بجي نازل من السماء مع المطرة بس مش زي حقكم المكعبات دا لا دا تلج بلوري مدردم زي ام بنة . تعرف ام بنة؟
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: الطيب شيقوق)
|
متوكل ازيك
Quote: أعجبني موقف الاستاذ احمد خير المحامي رحمه الله مع محامي سنجة فنقلت القصة لصديقي القاضي المقيم بالقولد
طلع بيعرف الطيب شيقوق و قام حكى قصةً ليه مع مولانا امبلي ....تكشف عن التفاوت (الطبقي) بين المحامين والقضاة...
ياريت ود شيقوق يحكيلنا القصة دي .. باقي الحكي حلو من خشيم سيدو |
القاضي الفي قولد دا اسمو منو ؟ عشان اجيك صاد اوريك مش تفاوت طبقى اوريك القضاة القلوبهم رهيفة وبكايين
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: Motawakil Ali)
|
| Quote: بكاييييين عدييييل؟؟؟؟؟؟ |
نعم يا متوكل لكنه البكاء الموشح بالقداسة التي استطعت في كثير من الاحيان فك طلاسمها بالنكتة التي افقدت الكثيرين منهم وقارهم فرفعوا الستار وانداحو وانداحو وانداحوا .
ما تقول لي كيف واين ذاك الاندياح.
القاضي المقيم في القولد هو مولانا داوود آدم اسماعيل
احييه اخي متوكل عبر هذه النافذة
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: saif massad ali)
|
تحية تناجي عاصفير البطن....وتمنع الناس الكلام ...حيث لا كلام علي الطعام ...ناس هباني وود شيقوق ..
(لعمرك قد نامت عيون غريرة واضحي علي النار الندي والمحرق).....يقال انه من اجود ما قيل من شعر عن الكرم....ديل اجداد مولانا شيقوق حيث يقترن الجود ليس فقط بالموجود بل بالبشاشة التي تكسو الكريم طلاوة وحلاوة...
وزولنا يا شيقوق يقول....يبدو الغير علي ذاتهم...ويقسمو اللقمة بيناتهم ...حتي ان كان مصيرهم جوع....
لذك لا بد ان تسير بذكر كرمكم الركبان...
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: محمد الكامل عبد الحليم)
|
Quote: تحية تناجي عاصفير البطن....وتمنع الناس الكلام ...حيث لا كلام علي الطعام ...ناس هباني وود شيقوق ..
(لعمرك قد نامت عيون غريرة واضحي علي النار الندي والمحرق).....يقال انه من اجود ما قيل من شعر عن الكرم....ديل اجداد مولانا شيقوق حيث يقترن الجود ليس فقط بالموجود بل بالبشاشة التي تكسو الكريم طلاوة وحلاوة...
وزولنا يا شيقوق يقول....يبدو الغير علي ذاتهم...ويقسمو اللقمة بيناتهم ...حتي ان كان مصيرهم جوع....
لذك لا بد ان تسير بذكر كرمكم الركبان... |
صباحك يا الزول السمح
تكر خيرك بالحيل
لا تضن علينا بهذه الدرر واللآلي يا صديقي
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: الطيب شيقوق)
|
Quote: نعم يا متوكل لكنه البكاء الموشح بالقداسة التي استطعت في كثير من الاحيان فك طلاسمها بالنكتة التي افقدت الكثيرين منهم وقارهم فرفعوا الستار وانداحو وانداحو وانداحوا .
ما تقول لي كيف واين ذاك الاندياح. |
كيف ؟ و أين ذلك الاندياح؟؟؟
إلا تكون (ما) المحمرة فوق دي ناهية دارجية.........
تحياتي
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: الطيب شيقوق)
|
| Quote: ههههههههههها متزوج سنة 71 وكان عمري 14 سنة يا ود المدير يعني في اولى ثانوي عام |
شتخنا الطيب شيقوق
الشئ البعرفو , زمان عندنا الزول بطهروا السنه دى ,
السنه البعدا طوالى بعرسوا ليهوا
شايِف أخونا الناظر ودهبانى قال إنت عرَست وكان عمرك سبع سنوات
| Quote: صورة نادرة من ( عيزومة) زواج الطيب شيقوق 1964م!! |
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: ولياب)
|
متوكل
اذكر عندما كنت محاميا في مدينة السوكي كانت اغلب القضايا التي يتم تكليفي للدفاع فيها هي قضايا مخالفات الرعاة لقانون حمايـــــــــــــة الحياة البرية ( دخولهم محمية الدندر او حظيرة الدندر) – قانون حماية الحياة البرية ينص في مواده العقابية على معاقبة كل صاحب اغنام او ابقار او ابل يخالف ذلك القانون بمصادرة 50% من الحيوانات التي يدخل بها حظيرة الدندر . الشاهد هو ان حظيرة الدندر مفتوحة الحدود والفاصل بينها واراضى المزارعين او الاراضي التي تجاورها فقط سكّينة موتر قريدر بجروها او يحرتوها سنويا بعد انتهاء موسم الامطار – اى شهر اكتوبر تقريبا - وعلى طول 350 كيلو متر تخيل!!! . عرض هذا الخط المحروت بالموتر قريدر لا يتجاون 3 او اربعة امتار .
اها يا متوكل ركز معاى كويس _ اغلب مخالفات الرعاة بتكون شهر ستة او سبعة وعادة عندما يتأخر هطول الامطار في مواقع الرعي السائبة اى الغير محظورة . خلال هذه الاشهر – اي بدايات الخريف – بيكون المطر نزل جهة الحظيرة بكثرة لانها منطقة ثافنا غنية ولذا يضطر الرعاة التغلغل داخل الحظيرة مهما كانت المخاطر ( عقوبة مصادرة ال 50%) . وخلال هذه الايام تتزايد البلاغات ضد الرعاة فيقبض عليهم ويقدمون للمحاكمة وبعدئذ ياتي وجهاء القبيلة التي يتبع اليها المتهمون المقبوض عليهم للمحامي لانهم يجيدون شرح ابعاد القضية للمحامي . زى ما قلت ليك جعلتني تلك القضايا وبتكرارها اتخصص فيها وابدع في فن ال cross-examination لشهود الاتهام .
خليك متابع عشان اوريك – في الحلقة الجاية - القاضي المحسي الجابوهو لينا من الشمالية وما ناقش حاجة عن مرامي ال cross وانا متجدع في محكمتو بطبيعة الاعشاب التي تنمو هناك وتغطى تلك السكينة مع بدايات الخريف .
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: الطيب شيقوق)
|
كنت محاميا بمدينة الدندر وكانت تتدرب معي محامية بالحيل سمحة مكسرة الناس كوووولهم . الواحد اكان ما عندو توثيق مبايعة بفتش ليهو دريب عشان يكون شاهد في التوثيق و يجي يملأ بطاريتو في الصيدة الفي مكتب ود شيقوق .
المحامية دي كانت دائما تصحى بدري عشان تمشي معاى في العربة لاندروفر استيشن وتحضر الجلسات اكان في سنجة او السوكي او سنار واحيانا مدني .
كان القضاة في تلك المنطقة بقلبوا يومياتهم او مفكراتهم يوميا عشان يعرفوا ود شيقوق عندو جلسة معاهم ولا لا .
في يوم من الايام جيت محكمة السوكي والمحامية السمحة ما معاى اليوم داك . اها القاضي سمع صوتي برة عالي مع الموظفين صلح قعدتو سمح متخيل ود شيقوق جاي ومعاهو ال.... اهلو . لما دخلت من الباب القاضي عاين بوراي ما شاف حاجة ووشو اتغير . انا بالحيل زعلت وطوالي قلت ليهو مالك يا مولانا وشك اتغير ؟ افو افو يا ود شيقوق اخر عمرك بقت تمامتك عند إنتا............ة؟
| |
|
|
|
|
|
|
|
|
|
Re: صورة نادرة من ( عيزومة) زواج الطيب شيقوق 1964م!! (Re: الطيب شيقوق)
|
| Quote: في يوم من الايام جيت محكمة السوكي والمحامية السمحة ما معاى اليوم داك . اها القاضي سمع صوتي برة عالي مع الموظفين صلح قعدتو سمح متخيل ود شيقوق جاي ومعاهو ال.... اهلو . لما دخلت من الباب القاضي عاين بوراي ما شاف حاجة ووشو اتغير . انا بالحيل زعلت وطوالي قلت ليهو مالك يا مولانا وشك اتغير ؟ افو افو يا ود شيقوق اخر عمرك بقت تمامتك عند إنتا............ة؟ |
ده اسمو البكا ال (BY COURT} يا ود شيقوق
قلت لي سطحت بمولانا المحسي؟؟
انت ما شفت اهلكم لما يجونا في الشمالية كيفن بيسطحوا بالقيراط والسهم والجنزير والخشم والسوبيكات والتقاند
راجنك بكرة
ضيوفك اخبارهم شنو؟؟
| |
|
|
|
|
|
|
| |
هشام هباني
معاوية المدير
عمر ادريس محمد
الطيب شيقوق
Ahmed al Qurashi
خالد عبد الله محمود
Abdlaziz Eisa
عمار عبدالله عبدالرحمن
عاطف مكاوى
Asim Fageary
وضاحة
othman mohmmadien
فيصل محمد خليل
محمد على طه الملك
rummana
صديق الموج
saif massad ali
عباس محمود
MOHAMMED ELSHEIKH
Adam Omer
Motawakil Ali
محمد الكامل عبد الحليم
الفاتح ميرغني
حسن طه محمد
ادم شحوتاي
ABDALLAH ABDALLAH
ولياب
فيس بوك
تويتر
انستقرام
يوتيوب
بنتيريست