أسامة خلف الله مصطفى ــــــــ كدي تعال ورينا ناضلت ضد الإنقاذ بشنو ؟

Quote: ما تجي تشبكني أنا كتبت البوست الفلاني وحضرت الاجتماع العلاني زي كتابتك واجتماعاتك دي ما بتقلع ليها عنكوليبة خليك من حكومة بوليسية زي الانقاذ دي

Quote: اها دي دايره ليها فهامه؟؟ انت تبرر بما انزلته من بوستات وتمنعه التبرير!!!!! ياصديقي ابدأ بنفسك وانهها عن غيها ... فإذا انتهت عنه فأنت حكيم

Quote: ودالقريش يكتب علي طريقة هشام هباني

Quote: هههه هشام هباني ود بلدي وود ناظري ما تشبكنا في بعض

Quote: البلادة اليتداعوا بيها يا ود علوية شحدت ربي عليك.... يا معتز وأنا الليلة دي دايرو معاك عديل كدي..... آها عاد بتمش وين؟؟؟؟ وإنت عارف سويت شنو ومقصر وين...؟ وما تعمل لي فيها مجنون ... عرفت......؟؟؟ ولا أفتو ليك عديل هنا ده؟؟؟

Quote: سلام معتز جزء كبير من مدعين النضال يعتقدون ان النضال هو الاساءه ....وكل ما كانت الاساءه موغله في الإسفاف كان ذلك مؤشر على قوة النضال ...النماذج كثيره لهذه الفئه. ودي وتقديري.

Quote: اخى اسامة ارجو بذل قليل من حسن الظن يا اخى فلنفرض ان القريش هو البشير شخصيا, يقوم يغير رائه و يقترب منك تقوم تقفل عليهو السكة و تصدر عليه حكما ابديا كانه ابليس و كل من يخرج من زمرة الظالمين افضل الف مرة ممن انضموا اليها باخرة و اخرهم ائمة الطائفية و بنوهم

Quote: شكرا معتز على ابتدار هذا البوست المهم جدا و الذى اتى فى وقته اخى اسامة خلف الله سلام كل من يهاجم من خرجوا عن تاييد الانقاذ يخدم خط الانقاذ بوعى منه او بغير وعى و كانى بهم غاضبون لان صف الانقاذ قد خسر واحدا بدل من ان يفرحوا لان صفهم زاد واحدا ما قلته فى حق القريش فى البوست الاخر خاطئ و لا مبرر له فضلا عن انه بمقتضى الحصافة غير مبرر ابدا انتم كمعارضة ليس لديكم ترف ان تصدوا احدا اتى يطرق ابوابكم خصوصا من صفوف من كانوا خصومكم انا محتار جدا: هل تريد لمن يؤيد الانقاذ ان يستمر فى تاييدها العمر كله و لا يراجع نفسه؟؟؟؟ لا تظنوا ان الانقاذ (اقلية) من حيث العدد بحيث يمكن عزل مؤييديها و قفل قمقم سليمان عليهم الى القيامة الانقاذ يا سيدى يؤيدها عدد ليس بالقليل من شعبنا و احد اهم وسائل القضاء عليها هى محاولة كسب او تحييد جزء من مؤيديها و ليس اشعال النيران تحت اقدام من يفارق دربها و جاءكم من تلقاء نفسه

Quote: الظلامي معتز القريش. شايفك مازلت تبحر في ضلالك القديم. يكفي الأخ أسامة خلف الله فخرا،أنه وقف منذ اللحظة الأولى ضد نظام الإنقاذ الفاشي المجرم، ولكن أمثالك وقفو مع هذه الحكومة المجرمة منذ اللحظة الأولى وأستفادو منها وهللو وكبرو لقتل الأبرياء ولتعذيب الشرفاء. ود القريش أختشي.

Quote: اها يالظلامي سابقا جابو ليك الصور المابتغباك عاوزين صورك يامقاتل

Quote: دا ياهو النضال عندكم يا حيدر

Quote: (جرجرني عشان افت ليك اللعب)

Quote: دي كيف معاك يا ظلامي.

Quote: جبجبة لى رب السماء ...لكن والله السقيد يستاهل ( يدنصنو) فى غناهو .. غناى بالحيل بعدين يا القريش مالك راصييهن كتااااااااااااااااااااار كده

Quote: وزي ما قلت ليك كلام ساي ما لازمني

(عدل بواسطة أسامة خلف الله مصطفى on 12-18-2012, 05:59 PM)

Quote: أنا زول خطي كان واضح داعم للإنقاذ بالباب ولمن قنعت من خيرا فيها جيت هنا وقلت أنا غيرت وسقت أسبابي ودعمني من دعمني ورشاني من رشاني

Quote: وهذا يقودنا الى أن إيمانك بالحرية والشورى والديمقراطية ليس بقوى.. وبذلك تصبح أنت بمؤيد لنظام قمعى قادم غير هذا، بشرط أن لا يضرب النساء...

Quote: ليس لدى أى مجلدات او قصص للنضال..... وليس فى جسدى ضربة رمح أو طعنة سيف من هذا النظام....

Quote: سلام معتز يكفيه فخرا انه قالها ومن البدايه وبما انك انضممت الي المركب فى اللحظات الاخيره فلا داعي تقفز الي الصفوف الاماميه وتبدا في تقييم الاخرين التحيه لك الاخ اسامه والي الامام

Quote: المهم يختاني وما ليهو دعوة بي دا كل الأنا عايزو منو صعبة دي

(عدل بواسطة أسامة خلف الله مصطفى on 12-22-2012, 02:15 PM)

Quote: وحيث ذلك كذلك ناضل زي ما إنت عايز وبالطريقة البتريحك بس ما ليك دعوة بالناس التانين وأولهم أنا دا مفهموم عشان أكتر من كدا بحصل الغلط والغلط ما حبابو