|
Re: يـا نـاس هووووووووي،، عُوُوُوُوُوُوٌك،، يـا بـشـر،،الـرئـيـس ويين (Re: Ashraf el-Halabi)
|
Quote: هو دا موبايل!؟ تصدق أنا قايلو فردة كوتشينة! |
يا الحلبي دا أسعل مِنو عز الدين الفحل، بيجيهو ليك تب. يا ربي صوت الرئيس فيهو يكون كيف ؟؟؟، هو باقيلكم الزول دا تاني فيهو فرقة نضم ؟؟؟
يا الحلبي هسّع الزول دا ما منو خبر ؟؟؟
العكنيبة الحاصلة في البلد دي كوووولها الزول دا عامل مِنها رايح ؟!!! يا ربي يكون لسانو مالو ؟؟؟
يا ناس هوووووووي شوفولنا خبر الزول دا ...
| |
![Edit](https://sudaneseonline.com/db/icon_edit.gif)
|
|
|
|
|
|
Re: يـا نـاس هووووووووي،، عُوُوُوُوُوُوٌك،، يـا بـشـر،،الـرئـيـس ويين (Re: أسامة عبد الجليل)
|
Quote: هسه إنت ما جاك وجع حلق تسأل الزول دا وين الزول دا وين يا ود المدير الزول دا كل يومين بجئ السعودية ورحلات سرية لا حس لا خبر حتى أقرب ناس ليهم ما بكلموهم وبالذات الحمير الفي الصورة الفوق دي |
يا مها والله البيسوي فيهو دا ما صح. إنت في وجع الحلق!؟ عيوني زغللن من البحبتة في النت، والزول دا لا حِس لا خبر !!!. غايتو الختاها رقدت يا قول أهلنا، البلد مقلوبة بالصفحة التانية، والزول دا مفقود بين الطش والرش !!؟ عاد دا كلآم دا ؟؟؟. بعدين القاعدين ديل زاااتم تابعين لمنو ؟ المصيبة إتقسّمت زي العبور المضبوحة في دُكان الحِلِة. والله صحي...
| |
![Edit](https://sudaneseonline.com/db/icon_edit.gif)
|
|
|
|
|
|
Re: يـا نـاس هووووووووي،، عُوُوُوُوُوُوٌك،، يـا بـشـر،،الـرئـيـس ويين (Re: ismeil abbas)
|
Quote: يا ود المدير عوووووووووك دي عارف قصتها ولا بتكورك ساهي ولكن الوقت ليس وقت قصص وحكاوي ثم ان لو الحلبي دا عينو حارة حمالتك علي ايوفونو دا الا العب بيهو عشرة طيبة مع التحية لك ولكل ضيوفك |
ود البوش يا حبيب، والله بكورك ناشد من خبر ود البشير. الزول دا يغيب الزمن دا كلللو وما نسعل... عيب والله. أكشحلنا القصة هنا. الحلبي بعينو الحارة دي خليهو اليقرض العين فون، هو الرئيس دايربو شنو؟؟؟ الزول بقى لا بيودي، لا بيجيب. حكاية التلفون دي تبع التمثيلية السخيفة بتاعتن العملوها دي.
أرفع سماعتك لعبد الله ود عبد العزيز، شوّف كان تلقى الزول دا مِضهِب بهناك، وينالك ثواب...
| |
![Edit](https://sudaneseonline.com/db/icon_edit.gif)
|
|
|
|
|
|
Re: يـا نـاس هووووووووي،، عُوُوُوُوُوُوٌك،، يـا بـشـر،،الـرئـيـس ويين (Re: معاوية المدير)
|
Quote: خلو منصب رئيس الجمهورية بعد الانتخابات
67- في حالة خلو منصب رئيس الجمهورية بعد الانتخابات:
(أ) يتولى مهام رئيس الجمهورية المجلس الرئاسي المشار إليه في المادة 66(أ)، (ب) يكون النائب الأول رئيساً للمجلس الرئاسي، (ج) يتخذ المجلس الرئاسي قراراته بتوافق الآراء، (د) يكون النائب الأول أو نائب رئيس الجمهورية، أيهما كان من الشمال، القائد الأعلى للقوات المسلحة السودانية، (هـ) يتم شغل منصب رئيس الجمهورية من خلال انتخابات تُجرى خلال ستين يوماً وفقاً للمادة 52 من هذا الدستور. |
وفي حالة يكون ما معروف البيهو والعليهو، كيف الشورة ؟؟؟
| |
![Edit](https://sudaneseonline.com/db/icon_edit.gif)
|
|
|
|
|
|
Re: يـا نـاس هووووووووي،، عُوُوُوُوُوُوٌك،، يـا بـشـر،،الـرئـيـس ويين (Re: معاوية المدير)
|
![](http://im15.gulfup.com/PbX01.jpg) هههههههههههههههههه، قالوا قابل رئيس وزراء ليبيا (صامت)!!! قابل مصطفى عثمان برضو (صامت)!!! الزول دا أخبارو كلها بقت بالغُمُوتي، حليل الصقرية والهرجلة والإنجعاصة، وعلي بالطلآق و...إلخ
عليكم الله شوفو الزول دا وشو مختوف كيف !!!؟ هسع دا الزول اللكان زمان بينطط زي حمل الخريف ؟ أوّل البشير متين بيرجى سبب عشان يهرش وينطط، الليلة تعددت الأسباب وياهو دا قدامكم كل مرّة جايبنو لينا قابل ظِعيط و مِعيط صورة من غير صوت !!!
| |
![Edit](https://sudaneseonline.com/db/icon_edit.gif)
|
|
|
|
|
|
|