|
Re: وحصدنا ثمار الربيع العربي، ولا عزاء للشامتين (Re: الشفيع وراق عبد الرحمن)
|
Quote: وانا ما بختلف معاك كتير يا صديق ولكن حتى ولو كفونا اشرار امثال مبارك والقذافي الا يكفي ذلك للفرح والتهليل؟ |
المبارك القذافي البشير سواءً بسواء يا شفيع كلهم ديكتاتور وكلهم مجرم البشير اكثر خيبة منهم بتقسيم بلاده وارتهان الدولة للحزب وفوق دا حرامي .
..............................................................................................................حجر.
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: محمد حيدر المشرف)
|
من مقال الأفندى ( أحد أبناء الحركة الاسلامية )
Quote: ينعقد في الخرطوم هذه الأيام مؤتمر 'الحركة الإسلامية'، وهو إسم على غير مسمى، لأنه يقوم على اغتصاب مزدوج لسلطة الشعب باسم الإسلام ودعاته، ثم اغتصاب لحق الحديث باسم الإسلاميين تحت عصا السلطة. ومثل هذه الجريمة المركبة في حق الإسلام والشعب والأمة تستحق الإدانة الحاسمة، خاصة من قبل الإسلاميين، وبالأخص في هذه المرحلة التي تقدم الحركات الإسلامية نفسها لقيادة مسيرة الشرعية والديمقراطية في بلدان الربيع العربي.
(2)
ما حدث للأسف كان العكس، حيث تقاطر معظم قادة الحركات الإسلامية العربية على حضور هذا المؤتمر، فكانوا ممن يشهدون الزور ولا يعرضون عن اللغو. مثل هذا الموقف الملتبس أخلاقياً في الانحياز لمغتصبي السلطة، استغله ويستغله خصوم الإسلاميين لإلقاء الشبهات على ثبات موقفهم من الديمقراطية، وحق لهم. فقد كان حرياً بقيادات ناضلت طويلة من أجل الحرية أن تنأى بنفسها عن الظالمين، خاصة حين يتعدى إثمهم اغتصاب سلطة الشعب (وكفى به إثماً مبيناًً) إلى تزوير إرادة قواعد الحركة الإسلامية. |
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: الشفيع وراق عبد الرحمن)
|
الاخ الشفيع لك الشكر وصحيح ان قيادات الاسلاميين في دول الربيع العربي كانو حضورا في المؤتمر
الا ان الحضور بلغ حوالي 120 ضيفا يمثلون البلاد الاتية
الصومال _ جزر القمر_ المغرب _تونس _مصر _ يوغندا _السنغال _ تركيا _ايران
- الفلبين - باكستان - بنغلاديش - سريلانكا - ماليزيا -اليمن سوريا -ساحل العاج ليبيا -
تشاد - السويد -الجزائر -الاردن -فلسطين -تايلاند -نيجريا -كشمير -المجر -لبنان
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: محمد أبوالعزائم أبوالريش)
|
Quote: ثورة الانقاذ امتداد لثورة اكتوبر وابريل السودانيتين |
يا الشفيع الغنوشي راجل كذاب لانه يعلم يقينا ان اكتوبر وابريل ثورات شعبية وان الانقاذ انقلاب عسكري كون ان الاسلاميين شاركو مع قطاعات الشعب فس الثورتين فده ما بديهم الحق لاستلاب الثورات وانت تتابعه في ضلاله المبين
يا الشفيهع ما كفاية سرقة شعب ومواردده على مدى ربع قرن كمان عايزين تسرقو التاريخ؟ طممت بطني
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: الشفيع وراق عبد الرحمن)
|
الشفيع..حبابك يا صديق اخونا كمال عمر قال عبارة (ناس الحكومة ثقالا عند اليرموك..و خفافا عند قهر المعارضين).. و نحن بدورنا.. بنقول هم ، ناس الحركة الأسلامية الأجانب ، ضيوف ثقال الظل..و صحوبيتهم مكلفة..ياخي..! عمدان الشبكة القومية وصلت ابوزبد..و يمكن هسع تكون حصلت الفولة..و دايرين نغيب و نرجع تاني نلقاها وصلت نيالا البحير..و الموضوع ده داير ليهو شوية هدوء..لأنو كلام خالد مشعل ده مش قنطر الخرطوم (على قول صديقنا حببب نورة) و انما السودان كلو اتقنطر..! توقيت غير مناسب كلو كلو..!
هم دأبهم يا صديقي.. كلام كتير و بجيب الهوا في صمة الخشم..! و ماذا بعد انعقاد المؤتمر؟..يعني ح يفكوا الإرتباط بين الحركة و الدولة..ولا الموضوع تاني جايب ليهو تمكين جديد؟..
كبر
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: د.محمد حسن)
|
معليش يا دوك الظاهر طممناها زيادة اعفي لينا ياخي
الحبيب كبر رسالة المؤتمر لا ح تحل ولا ح تربط فيما يخص الشان الداخلي
رسالته غالبا خارجية تصريح مشعل ما ح يضيف جديد العدو ح يظل عدو بس بين المؤتمرين كسبنا دولتين وارتحنا من جارين لئيمين ومن هنا للتاسع ممكن يحصل كتير الرهان على التحالفات الايدلوجية ربما تنجِّح ما فشلت فيه القومية طوال 40 عام
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: الشفيع وراق عبد الرحمن)
|
الشفيع .. صباحك خير
Quote: شكلك سمعت كلمة الغنوشي قال فيما معناهو ثورة الانقاذ امتداد لثورة اكتوبر وابريل السودانيتين والربيع العربي امتداد لثورة الانقاذ شفت الشغل كيف؟ |
يعنى فرحان أوى بكلام الغنوشى وكأن الغنوشى نبى، ما أكذبهم قيادات الاسلام السياسى فى الدول العربية .. والذى لا يعلمه الغنوشى يا الرشيد أننا فى السودان نختلف عنهم.. ليس لدينا ربيع عبر الفصول ويغلب على فصولنا المناخ الصيفى الحار .. لذا نحن شعب يثور فى كل الفصول والمواسم، جاء الاستقلال فى يناير وتبعته أكتوبر ثم أبريل .. لا علاقة لنا بما يسمى بالربيع العربى .. وصيفنا هذا العام تشير البشائر الى أنه سيكون حاراً وثورياً ومعبر ساخن الى التغيير وإسقاط النظام .. قول أمين
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: إحسان عبد العزيز)
|
Quote: شكلك سمعت كلمة الغنوشي قال فيما معناهو ثورة الانقاذ امتداد لثورة اكتوبر وابريل السودانيتين والربيع العربي امتداد لثورة الانقاذ شفت الشغل كيف؟ |
لك التحية الشفيع يا ربي ابريل دي لما هبت وثار الشعب السوداني على مايو كانت محاكم العدالة الناجزة وقوانيين سبتمبر بهندسة ورعاية الاتحادي الديمقراطي ؟؟ ويكون الغنوشي لقى من بين شعارات اكتوبر الانقلاب العسكري هو الحل ؟؟؟ ولا جلد واذلال النساء كانت احد تطلعات اكتوبر يا حبيبنا الشفيع الغنوشس لو قال كلام للاستهلاك ولزوم التضريات انتو طوالي بتطلعوا بيه السرير ؟؟؟ ههههه
اها الغنوشي في مقابلة تلفزيونية قال تجربة الانقاذ فيها الكثير من التشوهات وبرضه قال الخروج على السلطان الظالم مرفوض وفي نفس الوقت جاء ركب موجة الثورة وسطى على الثورة
الربيع العربي يا الشفيع مختطف وستكتشف الشعوب العربية اي خديعة مارسها جماعات الاسلام السياسي عليها فقط لنترك الديمقراطية كطريق ومبدأ وعلى الله هم انفسهم ما يقوموا ينقلبوا عليها
احترامي
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: فرح الطاهر ابو روضة)
|
Quote: راي يا احمد انو الافندي اخطأ السودان محكوم بنظام متفق عليه والشعب راض عنه ولا يوصف بالدكتاتوري |
في ذمتك؟ خلاص يا الشفيع ما دام أنت واثق من كلامك دا .. هل تقبل أن يصطف قادة النظام وقادة المعارضة مع بعض ويتباهلون أن لعنة الله على أي منا يحكم بغير إرادة الشعب وعلى كل من زور الإنتخابات وعلى كل من يقمع الشعب ويمنعهم حق التظاهر السلمي للتعبير عن رضاهم أو عدم رضاهم عن حكومة الإنقاذ ؟ هل تقبل؟
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: فرح الطاهر ابو روضة)
|
Quote: تجربة السودان
عبد الله عبيد حسن
"الغنوشي" رئيس الحركة الإسلامية في تونس وأحد قادة ما يعرف بالتيار التجريدي والتحديثي في الحركة الإسلامية ومن أبرزهم السوداني "الترابي" والجزائري "بلحاج" عن التجربة الإسلامية في السودان، حظي حديثه عن الحركات الإسلامية باهتمام كبير، وتم نشره على نطاق واسع، واعتبره خصوم حكومة "البشير" أنه أهم وثيقة في نقد المجموعة الحاكمة في السودان باسم "المؤتمر الوطني"، وسارعوا في نشره على نطاق واسع، وصدرت تعليقات كثيرة لسان حالها يقول: "وشهد شاهد من أهلها".
أما أصحاب السلطة الحاكمة التي وجه إليها "الغنوشي" أشد وأفتك سهامه وأعلن فشلها وفسادها، فقد اعتبروا حديث "الغنوشي" تحاملاً واستمراراً لعدوهم اللدود "الترابي" وأحدث زلزالاً في صفوفهم خاصة قواعدهم وبعض قادتهم التاريخيين الذين لم يشاركوهم في "الغنائم". الأمر الذي دعاني للعودة إلى حديث "الغنوشي" النقدي عن التجربة الإسلامية السودانية، وقرأته مرة ومرات أخرى، هو الحديث التلفزيوني الذي أذيع للبشير بعد أيام من حديث "الغنوشي"، وأحدث ضجة سياسية كثيرة وتعليقات أكثر في السودان في أوساط الأحزاب المعارضة وعامة السودانيين الذين كان البشير يوجه حديثه غير الموفق إليهم والحدة الشديدة التي أبداها البشير في حديثه ليس ضد خصومه السياسيين، بل رفاقه وأعضاء حزبه الذين سماهم أصحاب المذكرات التصحيحية، وتوعدهم بالمحاسبة والعقاب الشديد. وبرغم أن البشير في حديثه المذاع لم يتعرض للغنوشي، ولم يرد اسمه على لسانه، فقد استقر في ذهني أن البشير، وهو يعد العدة لحديثه المثير ذلك كانت في ذهنه دائماً صورة "الغنوشي" ونقده المر للتجربة الفاشلة خاصة ما ورد فيه ما يعرف البشير ومجموعته أنهم هم المعنيين بالحديث عن الأقارب والأهل الذين كانوا مدار أحاديث السودانيين الذين يرون رؤية العين أدلة الفساد والنهب المنظم لثروات البلد، حتى أصبح السودان اليوم في مقدمة الدول التي يرد اسمها في تقارير منظمة الشفافية العالمية وفي الجماعات والمنظمة التي تهتم وتسجل فساد الحكم في كثير من بلدان العالم.
إن كثيراً مما ذكره "الغنوشي" عن السودان من معلومات ووقائع أوصلته للقناعة بفشل التجربة الإسلامية الثانية في السودان، ولعله بالتجربة الأولى تجربة النميري، التي أخرجت قوانين سبتمبر، وجعلت النميري إماماً للمسلمين، وبايعه الترابي وأتباعه على ذلك، وهذه قصة معروفة ومعلومة للخاصة والعامة في السودان، والأمزر كذلك ينطبق على حديثه عن تراجع الترابي وإعادة التفكير في مسيرة نظامه، والعودة بالمشروع الحضاري إلى أصوله وإعداد الدستور الديمقراطي، الذي يكفل لكل السودان الحرية والحق في اختيار حكامهم ونظام حكمه والذي رجاه (تلاميذه) أن يؤجله قليلاً وما انتهى به أدخله السجن والمفاصلة وحكايتها في حكاية لا يتفق السودانيون حولها مع "الغنوشي" برغم أنها واقعة حقيقية نعيشها اليوم.. وما أردت أن أقوله للغنوشي إن الترابي قد فَقَدَ ثقة السودانيين فيه ساعة أن عرفوا وتأكدوا بأن انقلاب "الإنقاذ" هو من صنع يديه ووليدة أفكاره وتعبيره الصريح عن رفضه للديمقراطية وحبه الشديد للسلطة والسلطان. وبرغم أن الترابي اليوم يُعد من قادة المعارضة ضد سلطة "الإنقاذ" الاستبدادية فهو يمثل لقيادات الأحزاب المعارضة مشكلة داخلية ومحور خلاف كبير في أوساط قواعدهم بل وبعض قياداتهم.
نعم أن "الغنوشي" يبدو اليوم وكأنه يهدف إلى قيادة حركة تجديد وتحديث الحركة الإسلامية، ونعم أنه قد وجه في حديثه نقداً مريراً ضد نظام البشير لم يصل إلى مستواه حتى بعض زعماء المعارضة الديمقراطية، لكن أن يعيد سبب فشل تجربة "الإخوان" السودانيين، وكل تجارب ومحاولات الحركات السياسية العربية من أقصى "اليمين" إلى أقصى "اليسار"، لأمر في تركيبة الذهن والعقل السياسي العربي بمعنى آخر بسبب في التركيبة الجينية للأمة، فذلك أمر فيه أكثر من ظلم وافتراء على الأمة العربية، والدليل على ذلك موجود أمامه في الأحداث التي بدأت في تونس وتبعها الشعب المصري والشعب الليبي والشعب اليمني.
جريدة اﻻتحاد اﻹماراتية - 1 مارس/ آذار 2012 |
سلامات يا الشفيع,,
الغنوشى قال عنهم أسوأ مما قرأته أعلاه لكن الواضح أن الغاية تبرر الوسيلة دائما,,
الإسلاميون يعلمون تماما ما يقوم به النظام فى السودان والدرك الذى أوصلوا إليه الإسلام والسودان والمواطن السودانى,, ولكنها لعبة السياسة القذرة التى يتحمل نتائجها الشعب السودانى وحده,,يستعملون النظام فقط للوصول لغاياتهم ولا يهمهم كثيرا نتائج مغامراتهم طالما هي بعيدة عن شعوبهم وأراضيهم لأنهم يعلمون سلفا أن هؤلاء الناس الإسلام منهم براء,,
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: إحسان عبد العزيز)
|
مراحب احسان انا جبت كلام الغنوشي هنا مخصوص لانه دار حوله لغط كتييير هنا بعد نجاح الثورة التونسية نسب له انه اساء لثورة الانقاذ ووصفها بالدكتاتورية هسه على الهاوء قال الكلام الاقتبستيهو ده
كلامك عن الربيع نفس كلام البشير قال:هنا ما عندنا ربيع، عندنا صيف ح نشويهم شي ونغليهم غلي
وصيف العام ده انتهى خلاس جربوا الصيف الجايي
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: الشفيع وراق عبد الرحمن)
|
Quote: مراحب احسان انا جبت كلام الغنوشي هنا مخصوص لانه دار حوله لغط كتييير هنا بعد نجاح الثورة التونسية نسب له انه اساء لثورة الانقاذ ووصفها بالدكتاتورية هسه على الهاوء قال الكلام الاقتبستيهو ده
كلامك عن الربيع نفس كلام البشير قال:هنا ما عندنا ربيع، عندنا صيف ح نشويهم شي ونغليهم غلي
وصيف العام ده انتهى خلاس جربوا الصيف الجايي |
حبيبنا الشفيع انا غايتو راجعت رد احسان ما لقيت فيه اجابة مباشرة على كل ما هو مطروح الحكاية ما فيها زي لعبة نط الحبل بدون مباهلة دي والله يا الشفيع حلوه خلاص تستحق عليها تحية يعني هي بديلة لمصادرة ولا ما تكتر حكي مثلاً
احترامي
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: فرح الطاهر ابو روضة)
|
لك التحية فرح وموصولة للشفيع ..
Quote: حبيبنا الشفيع انا غايتو راجعت رد احسان ما لقيت فيه اجابة مباشرة على كل ما هو مطروح الحكاية ما فيها زي لعبة نط الحبل بدون مباهلة دي والله يا الشفيع حلوه خلاص تستحق عليها تحية يعني هي بديلة لمصادرة ولا ما تكتر حكي مثلاً
|
صدقت يا فرح، شايفاك معجب بطريقة الشفيع فى الهروب من الاجابة على الاسئلة التى اذا بدت لهم تسوأهم.. وبرضو يا الشفيع تقول أنا بتبع بعمل زوغانات ..
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: إحسان عبد العزيز)
|
Quote: صدقت يا فرح، شايفاك معجب بطريقة الشفيع فى الهروب من الاجابة على الاسئلة التى اذا بدت لهم تسوأهم.. وبرضو يا الشفيع تقول أنا بتبع بعمل زوغانات .. |
تحياتي احسان وحبل المهلة يربط ويحل لو حبيبنا الشفيع ساقنا بي مهل وبفهم السايقة واصلة ومش بحكايات خم الخم لانها بقت معروفة ومفضوحة ولا انا غلطان يا الحبيب وبرضه ننتظر الشفيع عشان يجاوب على كل المداخلات المطروحة وبشي من تمعن عشان نصل
احترامي
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: عصام مدنى)
|
الشفيع سلام : قلناه مراراً وسنرددها بلا اي حرج مرة اخري.........ان طريقة الوصول للسلطة لها علاقة اكيدة بكيفية ادارة السلطة ........فهؤلاء الاسلامين الذين وصلو للسلطة عبر صناديق انتخابات وفي مناخ ديمقراطي كامل الدسم.........لا يستطيعون ان يلعبو دور في اطالة عمر نظام الخرطوم ولو رغبو .......اللهم كلمات التوقير وادارة الدسائس والخبائث ......من تحت الطاولة . ساقول لك يالشفيع هل يستطيع مرسي ان يلغي مجانية التعليم والعلاج كما الغاءها فخوراً عمر البشير ونظام الانقاذ؟ هل يستطيع ان يبيع مؤسسات الدولة ؟ هل يستطيع ان يدجن القضاء ويتدخل في استقلاليته ........كما تمارس حماس وغزة ومؤتمر وطني الخرطوم ....هل يستطيع ان يفصل الناس للصالح العام؟ كما مارسها المؤتمر الوطني حليفهم بالخرطوم؟ الانظمة التي تدار بحركات الاسلام السياسي بمصر وتونس وحتي ليبيا .......لا تقوى علي ممارسة ولا الدفاع عن جرائم المؤتمر الوطني بالسودان . ومن الذي قال لك اننا ضد ان تاتي الحركة الاسلامية عبر صناديق الاقتراع لحكم السودان ......وان كنا لا نتمني ذلك ........ولكنا لن نمانع في وصولهم للحكم عبر صناديق الاقتراع ..........لان الدكتاتورية التي يمارسها المؤتمر الوطني في السودان ، لا يمارسها لانه محب لها ......ولا لانها سنة من سنن الاسلام ..........ولكن غايته السياسية تتطلب هذا لمنهج في الحكم ......فالفساد مرتبط بتغيب القضاء وتدويخ الجماهير .......والتجهيل مرتبط بتخريب نظام التعليم ........ولذلك فان الغايات التي ينشدها المؤتمر الوطني تحتم عليه تغيب الديمقراطية . فحصاد الربيع العربي بوجه نظرك ما احترامي ليك لكنها ....انحصرت حول كلمات مجاملة وحضور زائف للمجموعة من الكذبة والمنافقين جاؤا ليشيدو نظام دكتاتوي يسرق موارد البلاد ويوظفها في خدمتهم .......
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: ibrahim alnimma)
|
الشفيع وراق
شايفك زغت من حكاية المباهلة وأنا كنت متوقع ذلك بس يا ريت كان تورينا ليه ما في داعي للمباهلة وبيني وبينك أنا من زمان كنت ناوي أفتح بوست وأوجه دعوة لىناس الحكومة (الإسلامية) ولناس المعارضة للمباهلة ، وأيضاً كنت عايز أوجهها لناس حكومات الربيع العربي( الإسلامية) الذين تدافعوا يدافعون عن ديكتاتور بحجة أنه إسلامي ولقيت كلامك في المقتبس ادناه يستدعي ذلك .. لأنو كلام زول مالي يدو مما يقول ، بالجزم والقطع ، في أمر مفضوح ومكشوف أنه غير ما تقول
Quote: السودان محكوم بنظام متفق عليه والشعب راض عنه ولا يوصف بالدكتاتوري |
وهسع بقيت في: هل تظن !!
Quote: هل تظن ان الشعب السوداني العظيم، مفجر الثورات وقاهر الجبابرة هل تظن انه يمكن ان يرضي ان يُحكم دون ارادته؟ 23 سنة والشعب يرفض الاستماع لنداءاتكم بالخروج، تفتكر لماذا؟
|
بالمنطق بتاعك دا يا الشفيع ، معناه أن (الشعب السوداني العظيم ، مفجر الثورات وقاهر الجبابرة) كان راضي عن حكم نميري 16 سنة وغيّر رأيه في السنة الأخيرة فقط ,, وأن النميري ما كان محتاج يقمع ويقتل ويسجن علشان يستمر في الحكم لأن الشعب كان راضي عنه منطق عجيب !! وتاني بكرر دعوتي للمباهلة .. رأيك شنو ؟ تحياتي
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: أحمد أبكر)
|
Quote: وتاني بكرر دعوتي للمباهلة .. رأيك شنو ؟ |
ما دام مصر يا احمد ابكر، اقول انا موافق: (الشعب السوداني يفضل وباغلبية كبيرة ان تحكمه الانقاذ بدلا عن المعارضة)
وبخصوص النميري اقول: الشعب اسقطه بانتفاضة ابريل التي استمرت لعشرة ايام فقط ولو كان يعلم ما سيأتي بعده، لما اسقطه والان تعلم الدرس
والسؤال مازال قائم 23 سنة والشعب يرفض الاستماع لنداءاتكم بالخروج، تفتكر لماذا؟ Cc: لكل من مر
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: أحمد أبكر)
|
Quote: يا ربي ابريل دي لما هبت وثار الشعب السوداني على مايو كانت محاكم العدالة الناجزة وقوانيين سبتمبر بهندسة ورعاية الاتحادي الديمقراطي ؟؟ |
لا يا فرح محاكم العدالة وقوانين سبتمبر كانت (في السجن)، انت نسيت ولّ شنو
Quote: الغنوشس لو قال كلام للاستهلاك ولزوم التضريات انتو طوالي بتطلعوا بيه السرير ؟؟؟ ههههه
اها الغنوشي في مقابلة تلفزيونية قال تجربة الانقاذ فيها الكثير من التشوهات وبرضه قال الخروج على السلطان الظالم مرفوض وفي نفس الوقت جاء ركب موجة الثورة وسطى على الثورة |
عشان كده قلنا ليك راجع ردنا لاحسان
Quote: الربيع العربي يا الشفيع مختطف وستكتشف الشعوب العربية اي خديعة مارسها جماعات الاسلام السياسي عليها فقط لنترك الديمقراطية كطريق ومبدأ وعلى الله هم انفسهم ما يقوموا ينقلبوا عليها |
طيب خليها "تكتشف" هي بي راحتها، انت حارق دمك فوق كم يا فرح
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: الشفيع وراق عبد الرحمن)
|
Quote: لا يا فرح محاكم العدالة وقوانين سبتمبر كانت (في السجن)، انت نسيت ولّ شنو |
الحبيب الشفيع دي انا ما فهمتها مهما حاولت اجتهد في التفسير خليك اكثر وضوحاً محاكم العدالة الناجزة وقوانيين سبتمبر الانتجه منو الاتحادي الديمقراطي مثلاً
حكاية خليها تتكشف دي
ما هي مكشوفة اصلاً الانقاذ الان بتتمسح وبتحاول تظهر بمظهر ديمقراطي وافاداتك بهذا البوست خير دليل وردود الاعضاء المستهزية مما تطرح شافية وافية يمكن لنا ان نعتبره تصويت الكتروني على ديمقراطية الانقاذ ثانياً وانت سيد العارفين الديمقراطية بعيدة من الانقاذ مهما عملت فهي غير قادرة على انتاج الديمقراطية ولا تحويل البلاد الي حالة من التبادل السلمي للسلطة وانت عارف الجبهة الاسلامية انقلبت على ديمقراطية كانت تشكل ثالث اكبر حزب سياسي مثلت المعارضة وبقوة وحكومة ائتلاف وطني وبقية السيرة انت عارفة وبالمناسبة ما عايزين نخوض في تفاصيل كيف تمكنت الجبهة الاسلامية من كسب هذا المقعد المريح في مصاف الديقراطية نخليها نقطة وسطر جديد ويا الشفيع المفيد المختصر مختصبي الربيع العربي لن يكون حالهم باحسن من الجبهة الاسلامية القومية السودانية يا ريت تكون فاهمني مع التحيييييييييييييييييييييييية
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: فرح الطاهر ابو روضة)
|
والله لكن يا الشفيع مبااااااااااااااااالغة أصلك ما بتجاوب على سؤال .. كلو كلو .. يجوك من هنا بتهرب بهناك إنت قلت إنو سقوط نظام الإنقاذ تأخر بسبب رضى الناس عنه وأنا قلت ليك طيب النميري برضو تأخر سقوطو لمدة 16 سنة ، هل كان ذلك بسبب رضى الناس عنه؟ قمت قلت لي الشعب أسقط النميري في عشرة أيام شفت كيف !! أسألك عن سر ال 16 سنة تجاوبني عن ال 10 أيام
في موضوع المباهلة: تمام ما دام وافقت .. لكن أوع تفتكر حأسيبك لحد هنا .. لا تفتكر إنو الموافقة حاجة ساهلة ، الواحد يقولها والسلام ، ما دام الموضوع ما فيه تنفيذ ، خلاص تقولو والسلام لا يا حبيب أنت بتشجع الحكومة .. وأنا بشجع المعارضة يلا كلو واحد فينا يبدأ يقنع الفريق الذي يشجعه لوضع الفكرة موضع التنفيذ .. أنا حافتح بوست للترويج للفكرة .. وأنت برضو .. بعد داك التنفيذ ممكن يحصل في مناظرة مشهودة .. أمام الجماهير في ميدان عام ، في قاعة ، في مسجد ، أو في التلفزيون يعني زي كرنفالات البيعة ,, أو صلوات القنوت على أمريكا وأسرائيل ، تلك التي كانت تعقدها الإنقاذ في سنواتها الأولى تحياتي وخلينا نبدأ
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: أحمد أبكر)
|
احمد وفرح لو دايرين الردود "اللفظية"، نديكم رد مشترك: نميري في سنواته الاخيرة كان مدعوم اسلاميا طبق الشريعة، التي تمثل طموحات واشواق جميع اطياف الشعب السوداني في السنة الاخيرة قلب على الاسلامين والانتفاضة لامن قامت، كان الترابي والاسلامين "في السجن"
فرح المنبر هنا ما معيار وبكري بيدخل الاعضاء بي غربال يتحكم هو فيهو ومعياره، 50 معارض مقابل واحد مؤيد فقياساتك مضروبة ونعم، الانقاذ "تتظاهر" بالديمقراطية الشاملة وفي الحقيقة لا نحنا لا الشعب لا هي مؤمنين بالديمقراطية الشاملة ما هو متاح من حريات وديمقراطية نراهو كافي
يا احمد انا قلت ليك جاااهز انت بس جهز الميدان
ابراهومة البرالمة ديل اتلحونا، وما قدرنا نرد على كلامك الكتير المكرر
| |
|
|
|
|
|
|
Re: وحصدنا ثمار الربيع العربي، ولا عزاء للشامتين (Re: الشفيع وراق عبد الرحمن)
|
Quote: احمد وفرح لو دايرين الردود "اللفظية"، نديكم رد مشترك: نميري في سنواته الاخيرة كان مدعوم اسلاميا طبق الشريعة، التي تمثل طموحات واشواق جميع اطياف الشعب السوداني في السنة الاخيرة قلب على الاسلامين والانتفاضة لامن قامت، كان الترابي والاسلامين "في السجن"
فرح المنبر هنا ما معيار وبكري بيدخل الاعضاء بي غربال يتحكم هو فيهو ومعياره، 50 معارض مقابل واحد مؤيد فقياساتك مضروبة ونعم، الانقاذ "تتظاهر" بالديمقراطية الشاملة وفي الحقيقة لا نحنا لا الشعب لا هي مؤمنين بالديمقراطية الشاملة ما هو متاح من حريات وديمقراطية نراهو كافي
يا احمد انا قلت ليك جاااهز انت بس جهز الميدان |
صباحك زين يا الشفيع
ضحكتني من الصباح في حكاية قياساتي مضروبة دي اذا كان انتو بتضربوا انتخابات شعب كامل وبتدعوا كضب بانو انتخبكم تجي تضرب قياساتي التعدادية القائمة على الدقة والسلامة لييييييييييييييه ما عارف ما لم اعضاء المنبر ما سودانيين ولا صوت العضويين فيهم بصوت واحد هههههههههههههههههه
نقطة سطر جديد لا استاذ ليس في السنة الاخيرة بل قل في الايام الاخيرة انقلب نميري عليهم لانه شعر بانهم زادوا من ورطاته ولعلمك كانت اهم شعارات اكتوبر التي يتمشدق الغنوشي كما انت بانها امتداد للانقاذ الغاء قوانيين سبتمبر وكنس سدنة مايو وباحلال البديل عفا الله عنما سلف ولجت الجبهة الاسلامية بمكتسباتها من النظام المايوي الانتهازي لثورة شعب والبقية في العدد القادم لو احتجت ليها وتسلم الشفيع مع التحيييييييييييييييية
| |
|
|
|
|
|
|
|