|
|
 المريخ البقرة الحلوب ... { عدم اختشا }
|
فى جماعة ادارية و لاعبين لاقين المريخ بقرة حلوب
لا بختشوا و لا بعرفوا العيب ... ان شاءالله ينشرقوا
كفى كفى كفى
ليذهب الوالى و زمرته يتركوا لنا مريخنا الذى نحب
|
|
 
|
|
|
|
|
|
|
|
Re: المريخ البقرة الحلوب ... { عدم اختشا } (Re: mwahib idriss)
|
سلام مواهب
انا هلالابي
لكن فعلا الوضع يزعل
نادي ليهو جمهور
بني ادمين
ركاردو رفسه الهلال
كلتشي رفسه الهلال
نص المريخ مافي واحد عندو موهبة
ممكن يخترق او حتي يضع بص صح
الضربات الثابتة ماقادرين يستفيدوا منها
الحضري كان انتكاسة\ لانو شايل الدفاع
وشايل غرورو
الهجوم لكو اجانب
والدفاع كلو اجانب
ونص السجم زي الطير
بس لا حولا ولا قوة الا بالله
| |
|
|
|
|
|
|
|
|
|
Re: المريخ البقرة الحلوب ... { عدم اختشا } (Re: معتصم مصطفي الجبلابي)
|
Quote:
أقول ليكم حاجة ..إستنوا كشف الشطب بتاع الهلال وسجلو منو
شايف اهلى شندى عمل ليهو تيم قوى من مرافيد الهلال |
الاخ معتصم
بس اللاعب فى الهلال بيكون مطبوع بحب الهلال وعشق الهلال ( وبصمة علاء الدين ليست ببعيدة)
اللاعب فى الهلال ممكن يمشى اى فريق غير المريخ بيكون ذى الاسد عشان يثبت انو الهلال فرط فيهو بس ما بمشى المريخ ورينى لاعب من الهلال مشى المريخ نجح(طمبل شغال يرش قدام البيت )كلتشى بقا لاعب مزاج فى قروش فى كورة والباشا بكترت ما زعلان منهم مرة قال ليهم اسكتو واثبت انو لاعب مهم فى الفرقة الحمرا.
عشان كدة ما بقدرو يسجلو من الهلال ناس كويسين عندك اكرم مرة يشطبو ومرة يسجلو عامل ذى مازدا مرة يمشى ومرة يرجع.
ال الحضرى ال
| |
|
|
|
|
|
|
|
|
|
Re: المريخ البقرة الحلوب ... { عدم اختشا } (Re: محمد عبد الماجد الصايم)
|
الحضري البريدو ..
وأحضر جديدو..
وملص الكوره من إيدو.. يا الله
صبرني..
الحضري فينا سواها..
ما راعي ساكواها..
الكوره فكاها..
وتاني ما لقاها
يا الله صبرني..
أرقص يا حضرينا..
أرقص وبكينا..
سويته جد شينه..
أووب أووب علينا
يا الله صبرني..
الحضري البريدو
وأحضر جديدو
وملص الكوره من إيدو
يا الله صبرني
| |
|
|
|
|
|
|
|
|
Re: المريخ البقرة الحلوب ... { عدم اختشا } (Re: saif massad ali)
|
المريخ ما قامت ليهو قايمة من ما إعتمد على الصحفيين السماسرة في التسحيلات و أفسد مهمة الكشيفين أبناء النادي الاوفياء.
أوضح مثال للكشيفين هو تسجيل المرحوم و المغفور له بإذن الله سامي عز الدين. من غير أي ضوضاء تم تسجيله و في اول مبارة هزمنا في الهلال في مبارة جوبا المشهورة.
أبعدوا من السماسرة و أولهم هذا الفاشل العامل فيها مدرب و مترجم في نفس الوقت. ده كان بسمسر في الفيز و لو ما مصدقني أسالوا عبد الكريم كيكي كان شاريهو كيف في عز الشمس أما فندق المريديان.
| |
|
|
|
|
|
|
| |
عبد العظيم احمد
الامين موسى البشاري
معتصم مصطفي الجبلابي
محمد البحر
الصادق يحيى عبدالله
وليد محجوب
عمران حسن صالح
محمد عبد الماجد الصايم
saif massad ali
عمار يس النور
فيس بوك
تويتر
انستقرام
يوتيوب
بنتيريست