|
يُطالبون بفصله ثمّ يتداخلون في بوستاته .. فتأمّل !!!
|
وزيد في التأمّل ...
والبركة في شبكات التواصل الاجتماعي التي منحتنا الحرّية الكافية في إضافة من نرغب لمُتابعة ما نكتبه وحظر من لا نرغب ... ولأنّ الآليات التقنية غير موجودة هنا .. المنطق بيقول مفروض أيّ واحد يُطالب بفصل زميل له وبالطبع هو أيضاً زميل لآخرين ألاّ يدخل بوستاته بشكل نهائي ولا يتداخل معه .. بمعنى كدة بيكون طبّق الآلية التقنية الغير موجودة بشكل تقليدي ...
ولو تمّ تطوير نسختنا هذه بإضافة الآتي بيكون أفضل:-
1- إضافة شرط برمجي يمكّن البوردابي من حجب مواضيعه عمّن لا يرغب من الاطّلاع عليها. 2- إضافة شرط برمجي يمكّن البوردابي من منع من لا يرغب بالتداخل معه. 3- تمكين البوردابي من إدارة موضوعه بحذف المُداخلات التي لا يرغب في وجودها.
ـــــــ عندما تتوفر الآلية التي تمنحك الحق في مُمارسة حرّيتك في فصل أحدهم شريطة ألاّ تؤثّر هذه الحرّية في تواصل الآخرين معه .. هُنا سنعيش أجمل نغم لمعنى الحرّية واحترام رغبات الآخر ... وتحيا شبكات التواصل الاجتماعي التي جعلت هذا مُمكناً like
|
|
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: طارق جبريل)
|
Quote: ولو تمّ تطوير نسختنا هذه بإضافة الآتي بيكون أفضل:-
1- إضافة شرط برمجي يمكّن البوردابي من حجب مواضيعه عمّن لا يرغب من الاطّلاع عليها. 2- إضافة شرط برمجي يمكّن البوردابي من منع من لا يرغب بالتداخل معه. 3- تمكين البوردابي من إدارة موضوعه بحذف المُداخلات التي لا يرغب في وجودها.
|
Quote: طارق جبريل حبيبنا دة من عرس بقى مزهلل انعل ابو الجمكسين ذاتو |
واختلط عليه الفيسبوك والمنبر واخرتها كمان بقى يتأثر بعناوين حسين ملاسى
بقينا ما فاهين داير يقول شنو لكن للاحتياط كدى نديهو لايك ونتخارج بسرعة قبل ما ينط لينا فى حلقنا
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: ABUHUSSEIN)
|
Quote: صبري ممكن تبقى خيالي .... لكن ما للدرجة دي ... |
بس يا حبيب الكلام دا تقنياً يمكن تطبيقه
ـــــــــ وتقليدياً يمكن تطبيقه .. والدليل يمكنك مُخاطبة سيد الحوش وإخطاره بحذف المُداخلات التي لا ترغب في وجودها ... في نسخ الفيبلوتن يمكنك تمكين العضو من حذف المُداخلات .. شُفت كيف ...
صدّقني في موضوعي دا مافي أي خيال ... ولو عايز الكلام دا يتحقق حقيقة أقنع لي بكري دا يحوّل نسخة المنبر للفيبولتن وسأتولى هذا الأمر بنفسي ...
المافي شنو ؟
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: محمد البشرى الخضر)
|
Quote: 1- إضافة شرط برمجي يمكّن البوردابي من حجب مواضيعه عمّن لا يرغب من الاطّلاع عليها. 2- إضافة شرط برمجي يمكّن البوردابي من منع من لا يرغب بالتداخل معه. 3- تمكين البوردابي من إدارة موضوعه بحذف المُداخلات التي لا يرغب في وجودها. ـــــــ عندما تتوفر الآلية التي تمنحك الحق في مُمارسة حرّيتك في فصل أحدهم شريطة ألاّ تؤثّر هذه الحرّية في تواصل الآخرين معه .. هُنا سنعيش أجمل نغم لمعنى الحرّية واحترام رغبات الآخر |
حكمة اليوم في ناس لحسي ما فاهمين معني المنبر العام
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: PLAYER)
|
Quote: حكمة الغد المنبر العام زي ركوب المواصلات العامة ما عندك حرية اختيار الركاب |
يا بلير خلّيك راكب في باصك دا .. ولمّا تفهم كلامي ممكن تنزل ياخ
ـــــــ الخيار الافتراضي عند إنشاء قسم في أيّ منتدى هو أنه سيكون قسم مفتوح .. بعدها ممكن تستخدم وسائل للتخصيص .. وكذلك شبكات التواصل الاجتماعي أيّ حاجة افتراضية فيها مفتوحة يا مان ...
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: PLAYER)
|
حيكون منبر شلليات يا صبري .. ووقتها حتكون محروم من كل بوستات بتاعت الزول الاسمو قبل مرحلة التعليم الاساسي داك .. وبوستات "التور بيد " وبوستات جنا التور زاتو .. ما تتكلم خارج الشبكة يا سعادتك .. وضعك ما بطمن بقى ..
شليق ..
Quote: حكمة اليوم في ناس لحسي ما فاهمين معني المنبر العام
|
بلير .. احييك يا مان .. والله انت زول بتقراها لافة ومصرجة ..
ارفع لك القبعة ..
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: ABUHUSSEIN)
|
Quote: خاص شنو و عام شنو يا صبري ياخ...... |
يا أبو حسين الزول دا إتكلّم معاك في تلفون أبو حسين ما إتكلّم معاك في مكالمة جماعية خاصة بالمنبر العام لسودانيز أونلاين ...
إذاً بتبقى دي حاجة خاصة يا أبو حسين ...
إنت مُفتكر الناس البتجي تتكلم عن مضمون المكالمات الخاصة هنا بدون الاستئذان من أصحابها حاجة حميدة يعني .. ولا شنو الفهم ؟
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: صبري طه)
|
Quote: إنت مُفتكر الناس البتجي تتكلم عن مضمون المكالمات الخاصة هنا بدون الاستئذان من أصحابها حاجة حميدة يعني .. ولا شنو الفهم ؟ |
دا شنو دا يا صبري .... الزول دا ضرب لي لأنو تلفوني في البروفايل و أنا ما بعرفو و ضرب لي علشان أنا أكتب ليك كلامو و أنا قلت ليك كدا علشان أستأذنك إنت قبل ما أكتب كلامو يعني الكلام ما كان خاص بيني و بينو ....
آمنت بالله ...
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: ABUHUSSEIN)
|
Quote: دا شنو دا يا صبري .... الزول دا ضرب لي لأنو تلفوني في البروفايل و أنا ما بعرفو و ضرب لي علشان أنا أكتب ليك كلامو و أنا قلت ليك كدا علشان أستأذنك إنت قبل ما أكتب كلامو يعني الكلام ما كان خاص بيني و بينو ....
آمنت بالله ... |
عشان تآمن زيادة يا أبو حسين ... أنا برضو طلعت زول عندي ذوق وقُلت ليك:-.
Quote: لو هو ما عندو مانع في طرح الخاص في العام .. أنا هنا ما عندي مانع ...
أسألو هو أوّل حاجة ... |
دا لأنو إنت في مُداخلتك ما قُلت إنّو قال ليك أدرج الكلام دا هنا ...
Quote: صبري في واحد من القراء إتصل على قبل دقيقة
و إتكلم عن بوستك و هو زعلان
أكب ليك الكلام هنا و ل في الخاص و ل في التلفون ....؟؟؟؟ |
وأزيدك هسي إذا لم تستأذنه دي حاجة راجعة ليك إنت ...
وهسّي طالما تركت الموضوع عندي أنا بدّيك النجيضة ...
أدرج زي ما عاوز وفي المكان البريّحك ...
وأنا برضو آمنت بالله يا أبو حسين ...
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: صبري طه)
|
قبل مواصلة الردود على الزملاء .. وبالطبع كل ردودهم محل تقدير واحترام ... أسأل السؤالين الآتيين:-
1- ماذا لو قام أحدنا بتقديم طلب للإدارة بحذف مُداخلات أحد الزملاء من بوست خاص به ؟ 2- ماذا لو قام أحدنا بتقديم طلب للإدارة برغبته في عدم تداخل أحد الزملاء في البوستات الخاصة به ؟
ــــــــــ بعد الإجابة على السؤالين أعلاه ألا يعني أنّ ما طرحته يعني مُساعدتنا ومُساعدة الإدارة وعدم إزعاجها ؟
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: صبري طه)
|
Quote: ووقتها حتكون محروم من كل بوستات بتاعت الزول الاسمو قبل مرحلة التعليم الاساسي داك .. |
يا هشام كمال ياخي الله يسعدك زي ما ضحكتني.. قلت لي كان جابوا إسمو الهوا بيقسمو.. غايتو نحن زمان كنا في روضة ست صفية ..
شكراً تاني يا هشام، من الصباح بفتش لي لضحكة زي دي ..
----- صبري العريس، تعرف ودالبشرى وطلحة هم فٍرد طبعاً وعندهم لقب بيتونسوا به (جرجير) نفسي أستعيروا منهم وألصقوا في زول ياخ..
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: احمد التجانى احمد)
|
Quote: صلاح عبدالله كتب: صبري العريس، تعرف ودالبشرى وطلحة هم فٍرد طبعاً وعندهم لقب بيتونسوا به (جرجير) نفسي أستعيروا منهم وألصقوا في زول ياخ.. |
جرجير دي أنا شايف تنظير قاعد يخاطب بيها ود البُشرى .. وما عارف سر اللّقب دا شنو ... بس إن شاء الله يكون حاجة كويسة ...
Quote: احمد التجانى احمديا صبري رأيك برضو محل احترام لكن تقدير دى ما بقدر عليها |
على كلٍ .. الاحترام برضو فيهو تقدير ...
ـــــــــ وأنا خلاص نعست .. تصبحوا على خير وبجيكم بُكرة بي توسّع
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: محمد عبد الماجد الصايم)
|
Quote: 1- إضافة شرط برمجي يمكّن البوردابي من حجب مواضيعه عمّن لا يرغب من الاطّلاع عليها. 2- إضافة شرط برمجي يمكّن البوردابي من منع من لا يرغب بالتداخل معه. 3- تمكين البوردابي من إدارة موضوعه بحذف المُداخلات التي لا يرغب في وجودها. |
يا صبري
مسكاقمي
بالطريقة دي حيجي واحد يفتح موضوع يتكلم فيهو عنك أو ينجر ليهو إفك أو إشانة سمعة في حقك
ويستخدم خاصية تمنعك من التداخل
فبكون بذلك تعدى على حقك في الرد
وتمددت حريته هو لتتعدى على حريات الآخرين
_______________
خيالاتك دي قولها لزوا ما عنده حديدة
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: Asim Fageary)
|
Quote: يعني يا صبري إنت في الكلام دا كله بس الحرقتك الحديدة؟
المهم نحنا عاوزين نعرف إنت واقف وين مع إحترام خصوصيات الناس ولا ضدها ! |
يا ابن العم وين أنا قلت ليك حرقتني .. على العكس عجبتني ...
أنا مع احترام خصوصيات الناس .. وموضوعي دا ذاتو شايت في الحتّة دي .. أيّ زول ما عايز زول يدخل عليهو في بوستاتو من حقو ياخ ...
تأمّل يا عزيزي:- لو عاصم فقيري يقوم بالتداخل معي كثيراً ويُزعجني بشكل قد يُخرجني من طوري .. فهل من الأفضل أن أمنعه من التداخل معي .. أم أقوم بإساءته أمام خلق الله ؟!
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: Salah Abdulla)
|
Quote: صلاح عبدالله كتب: كلمة تنظير دي برضو محتاج ليها والله، الإتنين عاوزهم.. |
بس يا حبيب معنى كلمة تنظير كما نستخدمها للبعض إن كُنت تقصد زول بتاع نظريات ساي دي بعيدة كل البُعد عمّا تناولته في هذا البوست ...
ولمعرفة ذلك أجب على السؤالين الواردين في الاقتباس أدناه:-
Quote: 1- ماذا لو قام أحدنا بتقديم طلب للإدارة بحذف مُداخلات أحد الزملاء من بوست خاص به ؟ 2- ماذا لو قام أحدنا بتقديم طلب للإدارة برغبته في عدم تداخل أحد الزملاء في البوستات الخاصة به ؟ |
Quote: محمد عبدالماجد الصايم كتب: كاااااااااااااااااكـ دي الحالة لسه ما وسّعت بيهم!! |
والدليل يا حبيب أهو بقيت أرد بالجُملة حفاظاً على الكوتة التي ستساعد في ذلك
ـــــ عارف يا صلاح عبدالله في حاجات كدة الواحد لو اتناولها ممكن يطلع مُنظراتي في رأيك لكن أهو لمّا تلقاها في وشّك كدا زي تحديد الكوتة كدا بتبقى معاك واقع وما أظن حتعتبرو تنظير ... أها كلامي الفي البوست دا بيت من نفس الشعر ... أدعوك لزيارة مواقع ومنتديات تطوير المنتديات قبل الحكم على شيء ربما تجهله تماماً ... والزول لمّا يغرف بما لا يعرف دا ممكن تسمّيهو تنظير
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: صبري طه)
|
أخى صبر السلام عليكم وكل عام وانت وأسرتك بخير.
Quote: ولو تمّ تطوير نسختنا هذه بإضافة الآتي بيكون أفضل:-
1- إضافة شرط برمجي يمكّن البوردابي من حجب مواضيعه عمّن لا يرغب من الاطّلاع عليها. 2- إضافة شرط برمجي يمكّن البوردابي من منع من لا يرغب بالتداخل معه. 3- تمكين البوردابي من إدارة موضوعه بحذف المُداخلات التي لا يرغب في وجودها.
|
لاتنسى أن هذا منبر حر...كل واحد يجى يقول العايز يقولو إلا الشروط المتفق عليها ومخالفتها تحق لمن يمتلكون القرار إقافهم أو عقوبتهم بما يروهو ا مناسب
المنبر ألأيام دى بقى فيهو جدل كثير..وخلى كل شخص يطلع الفى بطنو ومنها تقيم على من تتداخل ويمكن أن تحجب نفسك بنفسك والماعايزو وتداخل معك تتناساهو حايفهم الحاصل.
لك التحية والتقدير.
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: ismeil abbas)
|
وعليكم السلام أخي إسماعيل عبّاس وكل عام أنت والأسرة بخير يا غالي ...
Quote: لاتنسى أن هذا منبر حر...كل واحد يجى يقول العايز يقولو إلا الشروط المتفق عليها ومخالفتها تحق لمن يمتلكون القرار إقافهم أو عقوبتهم بما يروهو ا مناسب
المنبر ألأيام دى بقى فيهو جدل كثير..وخلى كل شخص يطلع الفى بطنو ومنها تقيم على من تتداخل ويمكن أن تحجب نفسك بنفسك والماعايزو وتداخل معك تتناساهو حايفهم الحاصل. |
الله يفتح عليك أخي إسماعيل إنت جبت كلام جميل وهو طعنت في الفيل ذاتو واللي هو عنوان البوست: يُطالبون بفصله ثمّ يتداخلون في بوستاته .. فتأمّل !!!
زول بطالب بفصله .. هذا يعني أنّنى لا أرغب في وجوده ولا أرغب في مُتابعة مُشاركاته ... البدّخلني عليهو شنو ؟!
ـــــــ الطالبتهم ديل ممكن يحجبوا أنفسهم من غير ما يحرموا غيرهم من مُتابعة من يرغبون والتواصل معهم من خلال المنبر ...
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: صبري طه)
|
سأتحدّث في هذه المُداخلة بشكل موسّع ...
تقوم الشركات الراعية لنسخ المنتديات بتطويرها بشكل دوري وعمل إصدارات محدّثة .. وللتمييز بين إصدار والآخر يتم عمل ترقيم جديد لكل إصدار .. بمعنى قد تكون النسخة الحالية هي النسخة رقم واحد ويتم تحديثها وتطويرها بإضافة بعض الميزات الجديدة وإصدارها في إصدار جديد يحمل الرقم (2) ... وهكذا ...
توجد الكثير من نسخ المنتديات قد تختلف في بعض الأمور الفنية ولكن تصب كلّها في دائرة واحدة وهي (مُشاركات+أعضاء) ...
نسخة منبرنا الحالية كما تحدّث عنها سيد الحوش بنفسه نسخة تابعة لشركة ألمانية .. وقد توقّف تطويرها مّنذ عشرة سنوات تقريباً (لا أذكر تاريخ التوقف بالضبط) ... النسخ التي لم تتوقف لدى الشركات الأخرى كالفيبولتن تعمل على تطوير نسخها بشكل دوري من أجل جذب العملاء لاستخدامها ... ومع ظهور شبكات التواصل الاجتماعي تراجع سوق المُنتديات بشكل مُخيف .. ولكي تستعيد مجدها أو بعضاً منه بدأت في إضافة تطويرات تُساعدها على المُنافسة الشرسة ...
إليكم حديث عن نسخة الفيبولتن الجيل الخامس (والذي تمّ إصداره مؤخراً):-
Quote: فى البدايه وبعد تجربه شخصيه يمكننى القول بكل ثقه ان الاصدار الخامس من vBulletin سيغير الشكل المتعارف عليه للمنتديات تماما وسيعطى للمنتديات روحا جديده تتمتع بالحيويه لما يتمتع به من امكانيات جديده
نبذه عن الجيل الخامس :-
هذا الإسم الذي اطلق على الجيل الخامس [ vBulletin 5 Connect Alpha ] الجيل الخامس ، قد تم بناؤه بالفعل . شركة الـ vBulletin قد راسلت أفضل 100 مبرمج هاكات بالمنتدى من أجل ترقية الهاكات للجيل الخامس واجهه مستخدم جديدة Category-leading mobile optimization تعديل وتحرير الستايل بشكل أسرع وأفضل نواه جديدة للبرنامح لتحسين البحث , والأداء , والإضافات أدوات دينامكيه للكشف عن المحتوى مشاركة الصور والملفات بشكل موسع Full integration with VigLink أكثر من 100 خاصيه جديدة
من بعض مميزات الجيل الخامس
- يتميز الجيل الخامس بنفس فكرة و روح المواقع و الشبكات الاجتماعية ، وسيعتمد على التفاعلية و المشاركة التي هي أساس الفيسبوك و التويتر.
- بداية فأن الاسم الجديد Vbulletin 5 Connect يوحي بخاصية التواصل و التفاعل التي ستكون اساس النسخة الجديدة ، ثم شكل الاستايل الذي يجعلك تشعر أنك داخل موقع يعتمد على المشاركة و التشارك ، تم برمجة أكثر من 125 ميزة و خاصية جديدة من أجل تفعيل هذا الجوهر و تلك الروح التفاعلية التشاركية ..
- بالاضافة الى نظام مشاركة الصور و الفيديوهات الذي سينفرد به هذا الجيل ثم وصولا إلى دمج هذا الجيل ودمج و تفاعل الاستايل بشكل كامل مع أنظمة الموبايلات و الجوالات، هذا كله سيجعل من هذا الجيل أفضل نسخة في تاريخ شركة Vbulletin
الجيل الخامس سيكون محاولة لإعادة عالم المنتديات للحياة و إرجاعه إلى الأعضاء و ذلك بدمج الخصائص و المزايا التي تجذبهم إلى المواقع الاجتماعية و تعجبهم في هذا الجيل الجديد الذي يقال أنه بالإضافة لكل ما ذكر سيكون أسرع و أخف نسخة تمت برمجتها لغاية الآن المصدر
|
بالنسبة للجيل الرابع والثالث .. اعتمد بشكل أساسي على الإضافات البرمجية لمواكبة شبكات التواصل الاجتماعي ...
يبقى السؤال المُهم: كيف سيكون حال نسخة المنبر الحالية إن لم تتوقف الشركة الألمانية عن تطويرها ؟
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: صبري طه)
|
Quote: أدعوك لزيارة مواقع ومنتديات تطوير المنتديات قبل الحكم على شيء ربما تجهله تماماً ... والزول لمّا يغرف بما لا يعرف دا ممكن تسمّيهو تنظير |
شكلك زعلت يا أبوالشباب، القصة ونسة ياخ وليس هناك ما يدعو للزعل.. ومع ذلك أقر أنا الأستاذ صلاح عبدالله المحامي أنني ما غرفت مما لا أعرف ، ولم ترد كلمة ( تِقَنّية ) واحدة فيما كتبت لأني ما متخصص في المجال التقني ، كما أنه لم يصدر مني أي حكم (تِقَنّي) أُوصف بالجهل التام به!! عليه فلا مجال للقول بصدور حكم مني يا صبري ..
هذا مع قبولي لدعوتكم الكريمة لزيارة مواقع ومنتديات تطوير المنتديات، بس وصِّف لي الشارع.
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: صبري طه)
|
مثال حدث معي شخصياً:-
Quote: 1- ماذا لو قام أحدنا بتقديم طلب للإدارة بحذف مُداخلات أحد الزملاء من بوست خاص به ؟ 2- ماذا لو قام أحدنا بتقديم طلب للإدارة برغبته في عدم تداخل أحد الزملاء في البوستات الخاصة به ؟ |
تداخلت في بوست إحداهن كثيراً .. واتضح لي من أحد ردودها تضايقها من هذه الردود .. توقّفت عن الكتابة في البوست المعني ... دخلت عليه في وقت آخر .. وجدت بعضاً من مُشاركاتي تمّ حذفها .. تعجّبت من ذلك .. وعملت رايح وقُلت أنسى وعيش .. ولكن عندما رجعت وراجعت كل الردود .. وجدت حتى ردود بعض الأخوان والتي كانت عبارة عن ردود علي وبعضها يشتمل فقط على وجوه ضاحكة .. استفزاني هذا المشهد .. لأنّ الغاية لو كانت ضبط النقاش فكان من باب أولى حذف كل المُداخلات الموجّهة إليّ والتي سارت في نفس الاتجاهات التي سرت عليها ...
قمت بمُراسلة الإدارة وطلبت منها حذف كل مُداخلاتي في البوست المعني .. فاحترمت الإدارة رغبتي وقامت بحذفها والحمد لله ...
وقرّرت حينها ألاّ أدخل بوستاتها .. وأتمنى ألاّ أنسى إسمها لأجد نفسي تداخلت معها من حيث لا أدري ... وبإمكاني مُراسلة الإدارة أيضاً لمنعها من التداخل معي .. المافي شنو ؟ الآلية التقنية تكفينا الكثير من الجهد .. ولعدم وجودها تظل الآلية التقليدية الحل الأمثل إلى حين .. من أُطالب بفصله مافي حاجة بتخلّيني أتداخل معه ...
ـــــــ والكثير من البوستات هنا في المنبر التي أعلنت مغادرتها وعدم العودة إليها أو كما شرح الأخ إسماعيل عبّاس ... مُش أحسن أيّ زول فينا ينوم على الجنبة البتريّحو ...
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: صبري طه)
|
Quote: سأتحدّث في هذه المُداخلة بشكل موسّع ...
تقوم الشركات الراعية لنسخ المنتديات بتطويرها بشكل دوري وعمل إصدارات محدّثة .. وللتمييز بين إصدار والآخر يتم عمل ترقيم جديد لكل إصدار .. بمعنى قد تكون النسخة الحالية هي النسخة رقم واحد ويتم تحديثها وتطويرها بإضافة بعض الميزات الجديدة وإصدارها في إصدار جديد يحمل الرقم (2) ... وهكذا ...
توجد الكثير من نسخ المنتديات قد تختلف في بعض الأمور الفنية ولكن تصب كلّها في دائرة واحدة وهي (مُشاركات+أعضاء) ...
نسخة منبرنا الحالية كما تحدّث عنها سيد الحوش بنفسه نسخة تابعة لشركة ألمانية .. وقد توقّف تطويرها مّنذ عشرة سنوات تقريباً (لا أذكر تاريخ التوقف بالضبط) ... النسخ التي لم تتوقف لدى الشركات الأخرى كالفيبولتن تعمل على تطوير نسخها بشكل دوري من أجل جذب العملاء لاستخدامها ... |
يا صبري ياخ ما تقول عايز تقشر بالمعلومة دي بدل ما تجك بالناس وتقوم نفسم ولكن حقك في القشرة مكفول ومحل تقدير كمان
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: احمد التجانى احمد)
|
تحياتى يا صبرى و عبرك للجميع
و بى صراحة عندك فهم فى الحتة دى، مرات فى ناس تتمنى أن تحذف مداخلاتهم حتى من بوستات لا انت مشارك فيها و لا داير تشارك و الأسباب كتيرة. و بكرى ما ممكن يكون ألفة لى فصل فيهو آلاف البشر براهو..
لكن عكسك بتمنى يكون عندى حق فتح البوست للعامة، ذى الراكوبة مثلاً ( أهو نوع من التوسع على حد قولك).. و حاسى لو بكرى عمل الحاجة دى حيسحب البساط من تحت أقدام كل المنافسين...
--------------------------------
محبط عدم تقبل الناس للأفكار الجديدة!! و لى رايك شنو؟؟
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: Abuzar Omer)
|
ولك كل التحايا أخي أبو ذر
Quote: و بى صراحة عندك فهم فى الحتة دى، مرات فى ناس تتمنى أن تحذف مداخلاتهم حتى من بوستات لا انت مشارك فيها و لا داير تشارك و الأسباب كتيرة. و بكرى ما ممكن يكون ألفة لى فصل فيهو آلاف البشر براهو..
لكن عكسك بتمنى يكون عندى حق فتح البوست للعامة، ذى الراكوبة مثلاً ( أهو نوع من التوسع على حد قولك).. و حاسى لو بكرى عمل الحاجة دى حيسحب البساط من تحت أقدام كل المنافسين... |
نعم أخي أبو ذر ... يجب أن يُدير البوردابي نفسه بنفسه يحجب يحذف يغلق كل ما لا يرغب فيه من مُشاركات .. وهُنا تتجلى الحرّية واحترام الآخر لأبعد مدى ممكن في هذا العالم الإسفيري ...
وأشكرك لأنّك ذكّرتني بما كُنت بصدد الحديث عنه وهو يُمكنك جعل إمكانية المُشاركة للزوّار مُتاحة .. ولا يُشترط لذلك التسجيل .. بعض إداريي المنتديات يسمحون بذلك كما لو كُنت عضو تماماً .. وبعضهم يسمحون بها مع وجود الرقابة قبل الاعتماد .. وبعضهم لا يسمحون بها بتاتاً ... (إذاً الذين يسمحون بمشاركة الزوّار لا تهمهم الأسماء بقدر ما يهمهم المطروح) ...
ومُشاركة الزوّار أيضاً تجده في مجلاّت إدارة المحتوى والتي تسمح للزوّار بالردود على المقالات ... وفي الحالتين منتديات + مجلاّت إدارة محتوى .. تستخدم فيها بصفتك زائر أيّ اسم تحبّذه حقيقي كان أم رمزي ...
والفرق بين الزوّار والأعضاء في ذلك .. أنّ الزائر لا يتقيّد بقيود التسجيل المعروفة ...
Quote: محبط عدم تقبل الناس للأفكار الجديدة!! و لى رايك شنو؟؟ |
نعم هو شيء مُحبط جداً أخي أبو ذر .. ولكنني لم أحبط أبداً في هذا البوست .. وما سقته ومع مُتابعتي لعالم تطوير المنتديات أراه ماثلاً أمامي ولو بعد حين ...
إليك جزء من رسالة قوانين وشروط الاشتراك (التسجيل) لنسخة الفيبولتن الافتراضية لمن يُريد أن يسجل بمنتدى يستخدم نسخة الفيبولتن:-
Quote: إن مشرفي وإداريي منتديات XXXX بالرغم من محاولتهم منع جميع المشاركات المخالفة، فإنه ليس بوسعهم استعراض جميع المشاركات. وجميع المواضيع تعبر عن وجهة نظر كاتبها ولا يتحمل أي من إدارة منتديات XXXX أي مسؤولية عن مضامين المشاركات |
وأسأل العنبة الرامية فوق بيتنا لمن يُريد أن يُريح إداريي ومُشرفي المنتديات .. وكذلك يُريح الأعضاء باختصار اللّفة الطويلة لحذف ما لا يرغبون فيه
ولك كل الود والتقدير ،،،
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: صبري طه)
|
Quote: إصراري على الناحية التقنية كلام غريب شوية يا أحمد أخوي !!! |
نرجع لوراء شويه يا صبري لأصل الموضوع إلا وهو اتهام فظيع من شخص دأب علي هذه الأفعال لشخص عرف بالاستقامة والشهامة والموضوعية ، تداخل بعدها أصحاب الضمير في الأمر من منطلق أخلاقي كما تداخل أصحاب الغرض والمرض من منطلقات البؤس والعار ، لكن جاءت معالجاتك مختلفه تنظر فقط من الناحية التقنية وبتتكلم عن يجب وما إدراك وانت تدرك تماماً الطريقة التي بها يدار المنبر وان بكري وحده له الحق في التعديل والتطوير وهو بحق ناجح تماماً في ذلك وحقيقة نسخة المنبر هذه برغم قدمها وتوقف تطورها كما تفضلت إلا أنها الأفضل في رأى المتواضع مقارنة بالمنابر الأخرى
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: صبري طه)
|
يا صبري ليس هناك تناقض كما تريد أن توحي للناس
ذكرت هذا الأمر لعلمي بوجود صلة ما بينك وبعض المنابر الأخري والتي قد تكون مشابهة للفيسبوك أما منبرنا هذا فهو لا يشبه الفيسبوك ولا نريد له أن يشبهه الأمر الآخر انا شايف منبرنا مريح ومتفرد من حيث التصميم بينما المنابر الأخري والتي لا اعرفها تقنيا كلها متشابهة من حيث التصميم الردى
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: صبري طه)
|
Quote: التناقض إن لم يكن ماثل أمام الناس .. فهو ماثل أمامي كشمس صيفٍ في سماء صافية |
لا يوجد أدني شك في ذلك بدليل أتيناك بما تتوهمه تناقضا في مداخلتك السابقة والذي يمكن أن يميزه الشخص المحايد بكل سهوله
Quote: لا يا عزيزي منبرنا الحالي يشبه الفيس بوك في الكثير .. وسأضف لك وجه الشبه بين الفيس بوك ومنابر الحوار وهو كلّها عبارة عن (مُشاركات+أعضاء) مع وجود اختلافات في كيفية التواصل والصلاحيات المُتاحة وتعمل |
لا يا عزيزي ليس هنالك من نقاط كثيرة يلتقيان فيها سوي أن كلاهما يتم تصفحه عبر الإنترنت واستخدام أجهزة الكمبيوتر بالإضافة لخاصية التفاعلية ، أما نقطة الخلاف الأساسية التي يتميز بها الفيسبوك عن منابر الحوار تتمثل في وجود جدار لكل عضو تظهر فيها بوستات الاصدقاء لذلك العضو فقط وبذلك لا يمكن أن يكون جداري مشابها لجدارك إلا أن يكون لدينا قائمة أصدقاء متطابقة تماماً ، الفيسبوك في رأي المتواضع هو تطور لمحركات البحث ولكنه يبحث عن ناس معروفين سابقا للباحث أو غير معروفين ، مثلا كانت لدي دراسه أقوم بها عن بحث يتعلق ب fair trade and child labor واستعصي علي الفهم في بعض المراحل ، بحثت عن صاحب الورقة في الفيسبوك وتقبلني في قائمة أصدقاؤه بحيث تمكنت من التحاور معه وساعدني كثيرا ، هل يمكن أن يوجد ذلك في منابر الحوار؟ في الفيسبوك يمكنك مع آخرين إنشاء مجموعه مغلقه أو سريه ، هل يمكنك ذلك في المنتديات ؟
Quote: شركات المنتديات حالياً على التطوير للوصول إلى ما وصلت إليه شبكات التواصل الاجتماعي تماشياً مع رغبات العُملاء والمُنافسة الشرسة ... مثال: يُمنكك أن تنشئ مجموعة في الفيس بوك وتقوم بتسميتها (سودانيز أونلاين) ومن ثمّ ستقوم بإدارتها كما تُدير المنبر ... (تسمح لا تسمح) (تضيف لا تضيف) (تحذف لا تحذف) (تخفي لا تخفي) ... ولكن لعضو المجموعة حقه في:- إخفاء تعليق معيّن وحظر عضو في المجموعة من الظهور له وبهذا الحظر سيتم حظر كل مُشاركاته من الظهور له في المجموعة بينما يظهر العضو ومُشاركاته للبقية بشكل طبيعي |
شكرًا لتذويدنا بهذه المعلومات المستقبليه ، ولكن أذكرك بان هذا النقاش يبحث منبر حوار معين والذي ليس بشركة بل موقع إلكتروني مسجل باسم صاحبه بكري ابو بكر ولا يوجد من منافس له علي الساحه التي يعمل بها
Quote: التصميم الحالي لا يختلف عن بقية المنابر كثيراً .. وتوجد منابر كثيرة تصميمها جميل جداً وعلى مستوى عالي ... بالنسبة لشكل المنبر الحالي هو أسهل ما يمكن لك أن تتخيله يا أحمد .. هذا إن كانت لك علاقة بتصميم استايلات المنتديات |
بالعكس انا شايفه مختلف ومتميز كما أني لا آري مواقع أخري تصميمها جميل بل ردي كمثال لذلك المنابر من مشتقات اسم سودانيز وسودان ...الخ كما أبشرك بانه ليس لي غلافه بالتصميم
| |
|
|
|
|
|
|
Re: يُطالبون بفصله ثمّ يتداخلون في بوستاته .. فتأمّل !!! (Re: صبري طه)
|
بعد تجربتي صباح اليوم للجيل الخامس للفيبولتن (نسخة تجريبية) وجدت أنّهم أضافوا خيار يُمكنك من خلاله منع ظهور مُشاركات بعض الأعضاء بالنسبة لك ولكنّها تظهر لغيرك
اسم القائمة: Ignore List
Quote: To block certain users' posts, enter their names into the ignore list. To remove users from the ignore list, click the 'x' button. |
كما أنّهم أضافوا زر أعجبني وهو خاص بالنسخة ... وكذلك آلية التعليقات (كالفيس بوك) على كل مُشاركة بشكل خاص ...
يُمكنكم التجربة في هذه النسخة التجريبية وهي خاصة بشركة الفيبولتن ...
للتجربة من هنا
وسأحاول التعرّف على الكثير في هذه النسخة وأيضاً سأحاول تركيب نُسخة تجريبية لمعرفة المزيد من الصلاحيات التي يُمكن منحها للأعضاء من خلال لوحة التحكم ...
ـــــــ نصيحة اليوم وهي هدية للأخ بلير:- مارس حرّيتك على نفسك ولا تتغوّل على حرّيات الآخرين
| |
|
|
|
|
|
|
|