|
بالله ياااخ ما تفكها في روحك اكتر من كده
|
يوم شوفوني
ويوم هنوني
ويوم قدموني
ويوم اقروني
ويوم بلوني
ويوم اشربوني
ويوم ابلعوني
ولمن ده كلو ما جاب دخل
جاتنا القصص المنقولة
عن شنو ومنو وزعل وطرد الناس
يا زول
الكبير كبير
الناس هي البتكبر الزول
بما يقدمه لهم ويضيفه لحياتهم
مش الزول البيكبر نفسو وخاتي قدامو مرايا
في بلادي عظماء لن ينساهم التاريخ
علماء اجلاء حفظوا وحافظوا على علاقتهم بالفير
وايضا في بلادي ناس من عامة الشعب
كبااااار جدا بما قدموه لهذا الشعب
دون من او إعلام أو بحث عن شهرة
ومثال لهؤلاء الشاعر عوض جبريل عامل البناء البسيط
|
|
|
|
|
|
|
|
Re: بالله ياااخ ما تفكها في روحك اكتر من كده (Re: حبيب نورة)
|
ان كان تخيلى فى مكانه ادعو جماهير ومحبى القامة صلاح غريبة الخروج فورا فى مظاهرات تنديد ضد الاخ جمال السنوسى لاستهدافه الواضح لملهمهم وقائدهم صلاح غريبة لا تنسى يا اخ جمال ان محبى صلاح فى الفيس وحده 80000 معجب كما صرح فى احدى هرطقاته ولا تنسى انه زعيم جميعة (مش عارف شنو كدا ) للسياحة وعضو جمعية شنو كدا للكتاب وعضو جمعية شنو كدا للعجزة والمسنين هذا غير قراءه المحسوبون بالالاف فى سودانيز اون لاين وبقية المواقع هذا ولا تنسى ان هذا الاستهداف لا يزيد غريبة الا غربة فى عالمه الخاص وانك مهما فعلت لن تزحزح قلوب محبيه عنه . ندين ونستنكر
| |
|
|
|
|
|
|
Re: بالله ياااخ ما تفكها في روحك اكتر من كده (Re: هشام عباس)
|
Quote: ان كان تخيلى فى مكانه ادعو جماهير ومحبى القامة صلاح غريبة الخروج فورا فى مظاهرات تنديد ضد الاخ جمال السنوسى لاستهدافه الواضح لملهمهم وقائدهم صلاح غريبة لا تنسى يا اخ جمال ان محبى صلاح فى الفيس وحده 80000 معجب كما صرح فى احدى هرطقاته ولا تنسى انه زعيم جميعة (مش عارف شنو كدا ) للسياحة وعضو جمعية شنو كدا للكتاب وعضو جمعية شنو كدا للعجزة والمسنين هذا غير قراءه المحسوبون بالالاف فى سودانيز اون لاين وبقية المواقع هذا ولا تنسى ان هذا الاستهداف لا يزيد غريبة الا غربة فى عالمه الخاص وانك مهما فعلت لن تزحزح قلوب محبيه عنه . ندين ونستنكر |
هشام عباس
الله يسالك
هسه زي صلاح غريبة ده
محتاج ليهو بوست
| |
|
|
|
|
|
|
Re: بالله ياااخ ما تفكها في روحك اكتر من كده (Re: محمد عمر الفكي)
|
أستاذ جمال السنوسي لك التحية يا أخي في ناس خلقو ليكونو عظماء وفي ناس لقو نفسهم في حتة هم ما قدرها ولا خلقو ليها .. بالتالي الخلعة بتحصل وبتحصل معاها فاولات كتيرة لكن المرة دي الرهان كان خاسر تماماً بشهادة شعب كامل . . . . . . ألم تتذكر قصة الأعرابي الذي حاول أن يبول في بئر زمزم لكي يشتهر
| |
|
|
|
|
|
|
Re: بالله ياااخ ما تفكها في روحك اكتر من كده (Re: حبيب نورة)
|
سلام يا جمال,,
الكتابة تكشف ما فى مكنون النفس مهما حاول صاحبها إخفائه!!! يعنى الزهجان زيك كدا واضح وكذلك الشوفونى والشيزوفرينيك والكضاب والقليل أدب والعامل قليل أدب والنصاب والدعى والأفاق,, الإتنين الأخيرات ركز معاهم شديد,,,
أكتب وأسرح وامرح وقول الفى نفسك وفى ناس قادرين على قراءة ما بين سطورك وما خلفها وما أمامها وما تحتها وقادرين على تفكيك الشفرات والعقد القديم منها والجديد,,,
سطر واحد بجيب آخرك خليك من البصدق نفسو و(الأسافير) تغشو وهاك يا معط فى خلق الله!!! إنت بس قول كلامك وخلى التقييم على الكهربجية المالين المنبر دا تماما كمجانينه ومعاتيهه,,
موضوعك دا سلك عريان وشايل 5000 فولت.. يا زعلان هون على نفسك ياهو دا الحال بقى,,
تحياتى
| |
|
|
|
|
|
|
Re: بالله ياااخ ما تفكها في روحك اكتر من كده (Re: أيمن الطيب)
|
Quote: أكتب وأسرح وامرح وقول الفى نفسك وفى ناس قادرين على قراءة ما بين سطورك وما خلفها وما أمامها وما تحتها وقادرين على تفكيك الشفرات والعقد القديم منها والجديد,,,
سطر واحد بجيب آخرك خليك من البصدق نفسو و(الأسافير) تغشو وهاك يا معط فى خلق الله!!! إنت بس قول كلامك وخلى التقييم على الكهربجية المالين المنبر دا تماما كمجانينه ومعاتيهه,,
|
ايمن
ما ياهو ده ذاتو المدننا ( المجننا)
قايل نفسو الفريد في عصرو
وفي مغربو وعشاهو
كل فترة يبرانا
اتبرينا واتهرينا
عارف يا أيمن ده ما رأي براي
كترت ناس زيي وخاصة الجنس اللطيف
لو لاقاهم في مكان . الواحدة تتبري زي قلم الاتش ثري
تبقى رهيفة عشان تتخارج
| |
|
|
|
|
|
|
Re: بالله ياااخ ما تفكها في روحك اكتر من كده (Re: جمال السنوسي)
|
جيمي صحبي
كتااار الفاكنها في روحم هنا في منبرنا ده بس الزم الصبر وانبري حتي تنزوي وتعمل طاااااااش وفي أقلام جميلة حلوة ممكن تنسي بيها تعيش كتير تشوف أكتر من كده تعريجه بي تلاته كروت
قالوا الحكم مرتشي
وقالوا البلنت مابلنت
وقالوا زي قوالات صحبك الفاكها في روحو
،،،،أبوقصي،،،،
| |
|
|
|
|
|
|
Re: بالله ياااخ ما تفكها في روحك اكتر من كده (Re: Dr.Elsadig Abdalla)
|
يمين الله إنتو ما ناقشين حاجة .....
الزول ده وصل لي مرادو زمااااااان ..... وهسي يكون مبسوط من هجماتكم العكسية دي (مش بتجيبو في سيرتو)؟
في بوست تاني، أنا جبت سيرة الصحفي العراقي الرمى جورج بوش بي جزمتو، وسألت: في زول كان بيعرفو أو سمع بيهو قبل عملتو دي؟ ...... في ناس زعلوا مني.
| |
|
|
|
|
|
|
Re: بالله ياااخ ما تفكها في روحك اكتر من كده (Re: محجوب البيلي)
|
Quote: قالوا الحكم مرتشي
وقالوا البلنت مابلنت |
والله كلو صح حضرتها كامله ... عملتوها ظاهرة وشينه مجدى سلام كل سنه وانت والاسرة بالف خير .... جمال انا غايتو ماقاعدة افهم ... لكن دخلت علشان اقول ليك كل سنه وانت طيب وارد على مجدى الداير يقلب الحقائق قوالات
تسلم يارب ...
| |
|
|
|
|
|
|
Re: بالله ياااخ ما تفكها في روحك اكتر من كده (Re: ماجدة عوض خوجلى)
|
ماجدة عوض خوجلي
Quote: والله كلو صح حضرتها كامله ... عملتوها ظاهرة وشينه مجدى سلام كل سنه وانت والاسرة بالف خير .... جمال انا غايتو ماقاعدة افهم ... لكن دخلت علشان اقول ليك كل سنه وانت طيب وارد على مجدى الداير يقلب الحقائق قوالات
تسلم يارب ...
|
ماجدة
وينك يا ستي
الظاهر الجديد شديد
مجدي جاركم ده بتاع حركات وبطيخابي كبيييير
لكن برضو حبيبنا وزينا ممكون وصابر
| |
|
|
|
|
|
|
Re: بالله ياااخ ما تفكها في روحك اكتر من كده (Re: مجدي عبدالرحيم فضل)
|
وكااااااااااان كرومه الله وكاااااااااان سرور الله وكان زمان اهلنا بقولو كان الحب حلال ماكان حرام . . هسه النسعلك ياجيمي انت زعلان من منو بالظبط من الفاكيها في نفسو ولا من الحكم جمال ياخي دائما كن جميل كما نراك دائما زول جميل وحلو العايز يفكها يكفها والعايز يعمل ليها بابيون برضو خليهو الحوش دا بشيل اي شي وكل شي انت اختار البعجبك فيهو وادخل ياحبوب عشان كدا انا عملت ليكم هنا كم نظرية انت واحد منهم ماعايز تمشي بيها في واحد ممكن تقرا ليهو وفي واحد ممكن تعفص ليهو وفي واحد ممكن تشارك معاهو . . جيمي حارمني ليه ... لازم زياره
| |
|
|
|
|
|
|
Re: بالله ياااخ ما تفكها في روحك اكتر من كده (Re: جمال السنوسي)
|
محمد الشيخ
يا زول في البورد ده
انا ساقط إملاء عديل
عصر السرعة ياخ والاختزال
وانت فهمت المقصود خلاص يعني
نحن نكتب وانتو صححوا
صح لسانك
بمناسبة التصحيح والتصرف هاك هذه الكسرة الواقعية . اثنان من كبار أطباء السودان وخلال فترة الثانوي كان عندهم امتحان في مادة الكيمياء .... واحد فيهم كان ماسح المادة تماماً .... .... التفت الي جاره الشاطر وهاك يا نقل ..... جاره الشاطر يحذره من المراقب ....... يا أخي ما تنقل كل شئ كما هو ...... حاول أتصرف شوية ... .... وكل مرة يكرر له ذلك .... الجار البنقل التفت لصاحبه الشاطر وقال ليه. (يا أخي أنا بنقل وانت اتصرف)....
انت يا ود الشيخ أتصرف شوية ومشي حالك .....
وهاك الرابط الفنان دا ... سودانيز وفن الكتابة باللغة المحكية **
| |
|
|
|
|
|
|
Re: بالله ياااخ ما تفكها في روحك اكتر من كده (Re: جلال جبريل)
|
أخانا الحبيب أبا قصي
شكراً على الأريحية وسعة الصدر ... والتنازل
لا أدري الظروف التي انتقل فيها الـ avatar الخاص بي إلى بروفايلك. ربما حدث ذلك في إحدى غزوات الهاكر. ربما. أما عن حق الملكية فيمكنك أن تلاحظ إسم الصورة في بروفايلي وبروفايلك وستجده: MahjoubSOLAvatar في كليهما ..
مع التحية
________________________ نرجع لموضوعنا ......
| |
|
|
|
|
|
|
Re: بالله ياااخ ما تفكها في روحك اكتر من كده (Re: Nazik Eltayeb)
|
Quote: هوي يا جماعة انا هلالابية و عندي روح رياضية دايرة ابارك للمريخ ممكن؟ و اهدي للهلال اغنية (مصيرك بكرة تتعلم من الايام)
----------- حاشية يا جماعة قون مهند دا ما احسن من كاس الكنفدرالية ذاتو |
نازك ازيك
بالجد عملتيها ظاهرة شديد
يا ريت من اول وريتنا انك يمكن تتفسر يوم
كان غايتو اتفهمنا شوية
| |
|
|
|
|
|
|
Re: بالله ياااخ ما تفكها في روحك اكتر من كده (Re: محجوب البيلي)
|
Quote: أخانا الحبيب أبا قصي
شكراً على الأريحية وسعة الصدر ... والتنازل
لا أدري الظروف التي انتقل فيها الـ avatar الخاص بي إلى بروفايلك. ربما حدث ذلك في إحدى غزوات الهاكر. ربما. أما عن حق الملكية فيمكنك أن تلاحظ إسم الصورة في بروفايلي وبروفايلك وستجده: MahjoubSOLAvatar في كليهما ..
مع التحية |
فعلا أيام الموقع اتهكر كانت هناك تغيرات وكتب عنها خالد المنسي وفيصل خليل وياسيدي انا من تعديت علي حقك ونواصل تواصل الحبيب محجوب البيلي
،،،،أبوقصي،،،،
| |
|
|
|
|
|
|
Re: بالله ياااخ ما تفكها في روحك اكتر من كده (Re: جمال السنوسي)
|
Quote: جميلة
ما ياهو التنجليزي ده ذاتو من ادوات الفكة
بالله ما عندك عربي تصميهو لينا |
سلامات جمال
انا خايفة اكون زي ابو الريش وداخلة غلط وامشي ابعد من كدة وافتح بوست اقول سامحني غلطان بعتذر وكدة .. يقوم الناس يجوا يقولوا لي يا سلام عليك والاعتذار من شيم الاقوياء و و و واقوم ابقي مشهورة .. باقي الشهرة دي ما لازم تجي بشي كويس .. ممكن تمشي تغلط وتعفص ليك زول جميل ومشهوووووووووور ومحبوب من الكل وتشتهر علي حسابوا ... ويبقي كلام الخواجة الكتبتوا قبيل صح........
بسم الله .. هو انا اساسا كنت دايرة اقول شنو؟
| |
|
|
|
|
|
|
Re: بالله ياااخ ما تفكها في روحك اكتر من كده (Re: جميلة ابراهيم السيد)
|
Quote: مخارجة: يا جماعة بي صراحة .. دخلت البوست وفهمي (الضيق) راح لي حاجة تانية.
وحيث أني فيما يخص الكورة ما بعرف الفرق بين فريق برشلونة وفريق هلال اللعيت جار النبي ..... فــــــــ
عفواً واعذرونا. |
مخارجةشنو يا ابو الريش !!! انت مفروض تعترف بجهللتك و انو كيسك فاااضي بعد داك تتخارج !
ياجمال يازول انت في السودان لا بهناك؟ تحياتي
| |
|
|
|
|
|
|
Re: بالله ياااخ ما تفكها في روحك اكتر من كده (Re: falcon)
|
يا جماعة ازيكم
كل سنة وانت طيبين
معليش
غبنا من البوست لزوم العشرة من ذو الحجة
و سافرنا السودان للعيد
وجينا الليلة كايسنا يا فارسنا
طبعا البوست ده من هسه منقول لكل الارباع السنوية
يعني حولية عديل كده
نبكي بس عين قطرة وعين مس
| |
|
|
|
|
|
|
|