|
|
 يا بكري: يجب وضع حد لمطاردات الاعضاء بعضهم البعض.
|
هذه المسألة موجودة في س.اونلاين اكتر من غيره من المنتديات بكثير و تكاد تكون سمة من سمات هذا المنتدى. كمية من الاعضاء
محتفظين ببرنت اسكرين لاعضاء آخرين و اقتباسات من بوستات سابقة و كل واحد ساكي التاني و شغال يشيل و يلصق بغض النظر
عن موضوع البوست و ما اذا كان يتعلق بهذه الاقتباسات او البرنت اسكرينز. يعني مفهوم مثلا اذا واحد كتب كلام يختلف عن ما كتبه
سابقا او يتناقض معه أن يذكره عضو بذلك و يقوم بلصق ما يعضد كلامه و يثبته. اما أن تكون المسألة هكذا مفتوحة على البحري بحيث
تصبح مسألة ذات طابع انتقامي او تماحكي -إن جاز التعبير- فهي مسألة فوق طاقة احتمال بقية الاعضاء و قراء المنبر -إن سمحوا لي بالتعبير عنهم-
و تؤدي إلى احتقانات مزمنة تكون نتيجتها فقدان البعض لاعصابهم و كتابتهم لمسائل مؤذية دافعها فقط الرغبة في الانتقام و التشفي.
يا بكري
ليرتقي الحوار في هذا المنبر يجب منع اسلوب المطاردة و اغراق البوستات بشكل حاسم. من حق اي عضو أن يتداخل و يبين رأيه في المكتوب
و من حقه أن يدير حوارا حول موضوع البوست و يدافع عن وجهة نظره و لكن ليس من حقه أن يحول الموضوع و يأتي باشياء لا علاقة لها
بالموضوع منقولة من بوستات أخرى و من الأرشيف رغبة منه في تحقيق اهداف أخرى لا صلة لها بالحوار و لا تبادل الرأي و الرأي الآخر.
ممكن جدا يكون في زول كذاب و بوستاته فيها معلومات غير صحيحة ، فاذا تداخلت في اي من هذه البوستات و عبرت عن رأيي و شرحت لماذا
انا اعتقد أن هذا الكلام كذب و أن هذه المعلومات غير صحيحة اكون قد أديت واجبي و ما يمليه علي ضميري و جزاني الله خيرا و بس.
ممكن عضو يكون اساء لعضو آخر او عضوة من العضوات و كتب كلاما بذيئا في حقهميمكن أن افتح ما اشاء من البوستات لفضحه او تجريسه او
ايا من هذه الأهداف المعلنة و غير المعلنة و لكن ليس منطقيا أبدا أن احمل هذا الكلام على شكل برنت اسكرين و اظل الصق فيه بشكل لا نهائي
في اي بوست يفتحه هذا العضو حتى لو كان موضوعه مثلا عن فضائل صلاة الجمعة!!!
يا بكري
دورك القيادي يحتم عليك أن توقف هذه الممارسات بشكل نهائي و إالى غير رجعة.
|
|
 
|
|
|
|
|
|
|
|
Re: يا بكري: يجب وضع حد لمطاردات الاعضاء بعضهم البعض. (Re: ناظم ابراهيم)
|
سلامات يا دكتور سيف
أتفق مبدئيا معاك لكن إذا كنا دايرين نكون عادلين لازم الكلام دا يكون في منظومة متكاملة تنصف المظلومين برضه. يعني إذا بنطالب بكري بإنه يحسم الأعضاء البطاردوا أعضاء تانيين دا بتطلب إنه بكري في البداية يحسم الكذابين عشان المظلومين ما يشعروا إنه ما عندهم حل غير ياخدوا حقهم بيدهم. طعم الظلم مر يا سيف ومن الساهل جدا ننظر للشخص المظلوم إنه يعمل شنو لكن لو كنا في مكانه غالبا تصرفنا حيكون زيه أو قريب ليه. بس اتصور زول كدا من غير سابق معرفة يقول ليك يا باطل ويا ناقص وأنا أعرف عنك الكثير المثير وإذا ما اتوقفت عن التداخل في موضوع معين حيكتب الكثير المثير دا. هذا ما حصل معي وقررت ألا أطارد العضو دا لكن لو كنت شايف إنه الحاجة البتردعه هي مطاردته فبصراحة ما كنت حأسمح لزول حتى لو بكري نفسه يحاول يردعني ولا يديني درس في الأخلاق ما دام هو ما اتدخل في البداية وحسم هذا العضو الكذاب الذي لا أخلاق له. وبنفس القدر حأفهم موقف أي عضو تاني قرر مطاردة من يكذب في حقه ويفتري عليه ويشتمه.
| |
|
|
|
|
|
|
|
|
|
Re: يا بكري: يجب وضع حد لمطاردات الاعضاء بعضهم البعض. (Re: Elawad)
|
| Quote: دورك القيادي يحتم عليك أن توقف هذه الممارسات بشكل نهائي و إالى غير رجعة. |
تسلم يا دكتور .. فقد نطقت بما في نفوسنا ... فعــلا هذا الإسفاف قد جعل المنبر لا يطــاق وقد كان سببا في هروب الكثيرين
وهو في حد زاته فقـد كبير جدا ولا يعوض للمنبــر ...
فعلى الأخ بكــري الإنتباه الآن حتى لا ينحدر المنبر الى الأســوأ والذي أصبح قريباً ...
| |
|
|
|
|
|
|
|
|
|
Re: يا بكري: يجب وضع حد لمطاردات الاعضاء بعضهم البعض. (Re: سيف النصر محي الدين)
|
| Quote: وبنفس القدر حأفهم موقف أي عضو تاني قرر مطاردة من يكذب في حقه ويفتري عليه ويشتمه. |
كلنا نفهم و نتفهم شعور ذلك العضو يا العوض يا قريبي. المطاردة في رأيي يمكن أن تكون بطرق غير هذه المتبعة ، يمكن أن تطارد بكري بالايميلات و ممكن تفتح
بوست كل يوم عن الموضوع و ممكن اصدقائك ايضا يفتحوا بوستات بهذا الخصوص. تأمل معي يا العوض لو كان في المنبر خاصيةمنع عضو
معين من التداخل في بوستاتك يعني زي Ignore or block مثلا كيف يمكن أن تطارد شخصا يمنع مداخلاتك في بوستاته ؟ هسه مش ممكن
بكري يضيف الخاصية دي ؟ و هل ده في مصلحة الرأي و الرأي الآخر؟؟ يا العوض ممكن حقك تاخدوا بالف دريقة و طريقة غير هذه الطريقة
التي فعلا خلقت حالة من التذمر وسط القراء و الاعضاء على حد سواء.
| |
|
|
|
|
|
|
|
|
|
Re: يا بكري: يجب وضع حد لمطاردات الاعضاء بعضهم البعض. (Re: سيف النصر محي الدين)
|
| Quote: أتفق مبدئيا معاك لكن إذا كنا دايرين نكون عادلين لازم الكلام دا يكون في منظومة متكاملة تنصف المظلومين برضه. يعني إذا بنطالب بكري بإنه يحسم الأعضاء البطاردوا أعضاء تانيين دا بتطلب إنه بكري في البداية يحسم الكذابين عشان المظلومين ما يشعروا إنه ما عندهم حل غير ياخدوا حقهم بيدهم. طعم الظلم مر |
أنا بتفق معاك يا العوض وفي ضرورة حسم من ينقل الخاص للعام ومن يكذب ومن يشتم. بس الغختلاف إنو كلامك دا منصوص عليه
في قوانين المنبر وممكن الزول يتابع صاحب المنبر وفي يده البند 2 من اللائحة:
2- على جميع الأعضاء الالتزام بأدب الحوار والاختلاف واحترام الرأي الآخر. ولا يجوز لأي عضو أن يسب أو يشتم أي عضو آخر أو يكفره بسبب رأيه أو معتقده.....
لكن المطاردة والمساككة دي ما مكيفه قانوناً .. ومرات بي تكون بلا سبب منطقي(ومرات مزاج ساكت) وبي تخرب مجهود ناس في
مواضيع مهمة وجميلة
| |
|
|
|
|
|
|
|
|
|
Re: يا بكري: يجب وضع حد لمطاردات الاعضاء بعضهم البعض. (Re: Dr.Elsadig Abdalla)
|
| Quote: لماذا لايفعل بكري اللائحه ؟؟؟ |
سلام يا صادق
يبدو ان بكرى يعمل لوحده
فبفترض ان يكون معه سكرتارية متفرغة خصوصا ان الموقع يعج بالاعلانات
او ان يكون الوضع عاجبو ما دام القراء و الكلكات فى ازدياد و بالتالى يكون الموقع قبلة للمعلنين
و لا يهم كثيرا المحتوى حتى و لو تحول الموقع لمثل صحف التابلويد الانجليزية
| |
|
|
|
|
|
|
|
|
|
Re: يا بكري: يجب وضع حد لمطاردات الاعضاء بعضهم البعض. (Re: عوض محمد احمد)
|
والله يادكتور عوض سبقتني في ذلك ..لماذا لايكون للاخ بكري مستشارين في جميع المجالات ..على سبيل المثال بكري فتح بوست قبل فتره وضع فيهو ايميل جاهو من واحد قال أبوهو ميت ليهو ثلاثه أيام والاطباء مواصلين يدوهوا الأنسلين والمحاليل ...ده كلام ده..يعني لوكان بكري بيستشير الناس كان ممكن نقول ليهو ده كلام يصعب تصديقه وماتنزله ...وقيس على ذلك كل المجالات ...
بعدين المنبر ده عندو لائحه ،ليه هذه اللائحه معطله في بعد الأحيان وشغاله في البعض الآخر ؟؟؟؟
| |
|
|
|
|
|
|
|
|
|
Re: يا بكري: يجب وضع حد لمطاردات الاعضاء بعضهم البعض. (Re: حيدر حسن ميرغني)
|
اتفق مع الأخ ياسر العوض بانه لو تم حسم المسييئون الافاكين ومنع الناس من شرورهم لما كانت هناك ما تسمونه بالملاحقه ، لا افهم أن يتهجم عضو ا في بوست ما وحين يشدد عليه الخناق ينسحب منه ليدلف الي بوستا آخر يتضرع فيه بموضوع آخر آمنا من المساءلة وحتي لو وجد بكري لائحة لذلك ستكون لائحة عرجاء تكافئ المعتدين الاثمين علي أفعالهم وبالعكس ستذداد المظالم وما ترونه مقرفا الآن سيتضاعف بعدها
| |
|
|
|
|
|
|
|
|
|
Re: يا بكري: يجب وضع حد لمطاردات الاعضاء بعضهم البعض. (Re: سيف النصر محي الدين)
|
Quote: لكن ما لا أفهمه أن يتولى آخرون المطاردة وتصير مبلغ همهم حتى انك لا ترى لهم أي مداخلة أو بوست في غير ذلك
وهذا في رأيي هو المؤذي والذي يستحق تدخل بكري |
سلام د سيف
بالفعل صار هذا الامر هاجسا
خاصة ممن يقومون بالمطاردة بالنيابة عن الاخرين ناس شايلين اقتباسات
ليها سنين وحايمين بيها ورا ناس تانين منتظرينهم يفتحوا بوست طوالى يدخلوا
يختوا الختم دون مراعاة للناس المتداخلة او اهمية الموضوع
لا يعقل انه يكون زول ساكى غلطات الناس ينسخ ويحفظ فيها وعامل ليها فولدر فى جهازه
وما عنده اى مساهمة فى المنبر ولا بفتح بوستات تفيد الناس بل كل نشاطه كوبى بيست
ورا الناس وتذكيرهم بغلطاتهم حتى لو صاحب المشكلة نساها او تجاوزها يصر يذكرو
ويتولى المطاردة نيابة عنه
| |
|
|
|
|
|
|
|
|
|
Re: يا بكري: يجب وضع حد لمطاردات الاعضاء بعضهم البعض. (Re: سمير شيخ ادريس)
|
| Quote: وديني زول يتلحني في بوست افتحه اسب ليهو تربيع في اي حاجة من قاموس الشتائم وقلة الادب ولو كان الثمن الباسويرد |
حنين قام لي شغل عطبرة
يا حبيب كيفنك والوليدات
يا سيف مرات بتكون في غبائن بتاعة ظلم الله وحده يعلمها لا غير
تيليح البوستات بهذه الطريقة قد يفرغ البوست من محتواه
لكن كمان بالمقابل المظلوم لمن يحس انه بكري ما أخد ليه حقه بتبقى دي اقرب طريقة لاخذ حقه
اذن الفيصل هو تفعيل لوائح المنتدى وبشكل حازم جدا
مشكلة المنبر دة انه الناس ما قادرة تفرق بين العمل النضالي والكتابة والشي الخاص
يا زول انا ناديت لامن صوتي بحا عديييييل: يا اخوانا أسرنا وأهلنا ما ليهم علاقة بالشئ البنكتبوا هنا
والله يا دكتور لمن اجي القى لي انه في سيرة بتاعة اسرة هنا جايبنها بالسوء ولا بكون عايز استفرغ عدييييييييل
هو قالوا ليك نحن مشينا نكتب في الطلح عشان ما عندنا رأي
| |
|
|
|
|
|
|
|
|
|
Re: يا بكري: يجب وضع حد لمطاردات الاعضاء بعضهم البعض. (Re: aydaroos)
|
Quote: كلامك سمح وموزون
علا مالك يا ود جبرين متبرئ من الطلح
قول النصيحة .. أكان ختاك.. إنتا بتختاهو :)
|
وحاتك يا حبيب لا بختاهو لا بيخليني
ياخي الطلح دة مرتاااااح وراضي وما شايل هموم الامة دي
تراهو يغسل اجسام حبيباتنا بالفرح ونحن شايلين حالو يعلم الله
ما عايز اخرب البوست ساكت
اصلي مغبون لي كم يوم حتى الفيسبوك خليتو
| |
|
|
|
|
|
|
|
|
 Re: يا بكري: يجب وضع حد لمطاردات الاعضاء بعضهم البعض. (Re: الزبير صالح الزبير)
|
فعلاً يجب انتشار ثقافة الموضوعية واللامماحكية (إنجاز للتعبير) ... ولكن كثقافة حوار ... لا كلائحة يفرضها بكري على الأعضاء لتحد من حرية التعبير ...
حرية التعبير من المفترض أن تحمي الأفراد من الشتيمة والقذف وإشانة السمعة وأنواع الإعتداءات الجنائية المكتوبة المختلفة ...
لكنها لا تحمي الآراء والمواقف والمعتقدات والمسلّمات والمفاهيم والأعراف والتقاليد والأخلاقيات والثقافات ...
فلا يجب أن يشتم عضو أو تشوه سمعته أو يتهم جنائيًا بلا بينة ... بسبب رأيه أو معتقده أو مفهومه أو انتماءه الثقافي أو تقاليده وأعرافه واخلاقياته ...
... المهم ....
| |
|
|
|
|
|
|
|
|
|
Re: يا بكري: يجب وضع حد لمطاردات الاعضاء بعضهم البعض. (Re: تبارك شيخ الدين جبريل)
|
الأخ دكتور سيف
وضيوفك الأكارم
والله انا شايف البوست دا فيو تجليات
لا ينبغي لها الا تثمر وبالتالي اتمني
علي بكري ان يقرأه.،
حتي ولو كلفك يا دكتور توصلو ليو بأي
طريقة لانه ربما يؤسس لما نفتقده
من جديد: " وان تأتي متأخراً خيراً من الا
تأتي أصلاً "
اتفق مع دكتور الصادق في تفعيل اللائحة
وفي نفس الوقت اتفق مع المنادين بضرورة
وجود فريق معاون للمهندس بكري رغم تحفظاته
التي نعرفها
مؤسف ان يكون في المكان سلوكيات تعد في
قمة التخلف مقارنةً
مع مستوي الوعي والاستنارة الذي يمتاز به رواده
شكرًا مجددا دكتور سيف
_______
الحليلة
| |
|
|
|
|
|
|
|
|
|
Re: يا بكري: يجب وضع حد لمطاردات الاعضاء بعضهم البعض. (Re: Balla Musa)
|
قلنا الكلام دا لبكري في الخاص و في العام و في كل ناصية و لستك
المنبر دا ما مكان لاخذ حقوق و انما للحوار و النقاش و تبادل الافكار
الداير حق هناك واحد من اتنين
تاخد حقك في وقته و حار من الفرن و تتخطى المسالة
او تمشي المحكمة
القال لي اعور بقد عينيهو الاتنين و اقول ليهو اها انت اعمى, لكن بكرة لو لاقيتو يوم جديد.
حكاية شلل الشفاتة و دقاقين الطارو وكلاء المشاكل دي رجعت و حا ترجع سودانيز للخلف
بكري ما قاضي ولا سودانيز محكمة
و اغلب الناس التكتب هنا فوق الاربعين من اعمارهم و ما عايزين- على الاقل خلينا نأمل- ليهم الفا!
اهم رادع هو ان يردع الشخص نفسه ما تتعدى على حد عشان لا يتم التعدي عليك
تتعدى, توقع كل انواع الردود, و زي ما قال نافع علي نافع "البشاكل ما بقول عورتني"
| |
|
|
|
|
|
|
|
|
|
Re: يا بكري: يجب وضع حد لمطاردات الاعضاء بعضهم البعض. (Re: Balla Musa)
|
قلنا الكلام دا لبكري في الخاص و في العام و في كل ناصية و لستك
المنبر دا ما مكان لاخذ حقوق و انما للحوار و النقاش و تبادل الافكار
الداير حق هناك واحد من اتنين
تاخد حقك في وقته و حار من الفرن و تتخطى المسالة
او تمشي المحكمة
القال لي اعور بقد عينيهو الاتنين و اقول ليهو اها انت اعمى, لكن بكرة لو لاقيتو يوم جديد.
حكاية شلل الشفاتة و دقاقين الطارو وكلاء المشاكل دي رجعت و حا ترجع سودانيز للخلف
بكري ما قاضي ولا سودانيز محكمة
و اغلب الناس التكتب هنا فوق الاربعين من اعمارهم و ما عايزين- على الاقل خلينا نأمل- ليهم الفا!
اهم رادع هو ان يردع الشخص نفسه ما تتعدى على حد عشان لا يتم التعدي عليك
تتعدى, توقع كل انواع الردود, و زي ما قال نافع علي نافع "البشاكل ما بقول عورتني"
| |
|
|
|
|
|
|
| |
سيف النصر محي الدين
aydaroos
الامين موسى البشاري
ناظم ابراهيم
Elawad
مصطفى عبيد
Dr.Elsadig Abdalla
MOHAMMED ELSHEIKH
مهيرة
حيدر حسن ميرغني
احمد التجانى احمد
سمير شيخ ادريس
طارق جبريل
Deng
الزبير صالح الزبير
تبارك شيخ الدين جبريل
elhilayla
Balla Musa
بدر الدين احمد موسى
فيس بوك
تويتر
انستقرام
يوتيوب
بنتيريست