|
|
 الفساد والتحكيم الافريقى : خالد عزالدين
|
سالني احد الاصدقاء مرة .. ما هو الفارق الواضح بيننا وكرة القدم الاوربية ؟ فقلت له ان الاوربيين يتعاملون بالجدية اللازمة في مسائل البيع والشراء في كرة القدم ولا يترددون في محاسبة اي شخص يشارك في هذا الفساد حتي ولو كان رئيس نادي محبوب او قطب او ملياردير او مشجع عادي وضربت له الامثلة بالدوري الايطالي الذي تحدث فيه الكثير من الممارسات الفاسدة ولكن الاتحاد الايطالي والدولة نفسها تحارب هذا الفساد الذي تقف خلفه قوة كبيرة احيانا مثل المافيا .. ايطاليا لم تتردد في معاقبة نادي كبير له جماهيرية اكبر من المريخ والهلال والترجي والاهلي القاهري عندما ثبت علي نادي (اليوفي) اتفاقه مع الحكام علي نتائج المباريات ..
• اما نحن في الدول الافريقية فنتحدث بجرأة عن شراء هذا الحكم من النادي الفلاني ونحدد المبلغ والشخص الذي قام بتسليم المبلغ والرئيس الملياردير الذي سلم هذا الشخص المبلغ وبدلا من محاسبة هولاءالمفسدين نشيد بصاحب المال وبالذي قام بشراء ذمة الحكم ونترك كرة القدم الافريقية نهبا لاصحاب النفوس الضعيفة !• ومن المؤسف ان معظم الاندية الكبيرة في افريقيا اصبح يديرها رجال اشتهروا بالمال والنفوذ مثل انيمبا ومازيمبي بجانب الدول العربية صاحبة القوة القديمة ..• ولاننا جزء من هذا العالم الافريقي فقد اصبح الجمهور يتحدث بصوت عال عن ضرورة شراء الحكام حتي نتمكن من احراز بطولة افريقية للاندية اوالمنتخبات .. واصبحنا نشاهد بشكل واضح عملية البيع والشراء ونجاهر بها واصبحت مجتمعاتنا وللاسف الشديد تتحدث عن شخصبات معروفة تقوم بمرافقة الحكام وتبيع وتشتري في سوق الله اكبر دون واعز من ضمير او رادع من اتحاد او تدخل من الدولة ..• هناك اتفاق عالمي علي ان جمال كرة القدم في عدم معرفة النتائج قبل بداية المباراة وفي المفاجاءات التي تحدث اثناء سير المبا راة وهناك اتفاق عالمي بان كرة القدم تفقد متعتها وجمالها بالاتفاق المسبق علي نتيجة المباراة سواء كان بتواطؤ الفريقين او بشراء احد الفريقين للحكام ..• كرة القدم الاوربية هي الاكثر تطورا من حيث التقنيات والامكانيات ولكن اللاعب الاوربي لا يعتبر الاكثر موهبة في العالم فالبرازيل تتصدر في هذا المجال مع الارجنتين ثم تتجه الانظار نحو القارة السمراء الاكثر فقرا ولكن الموهبة لا تعترف بالفقر لذلك انجبت كرة القدم الافريقية نجوم كبار يقودون الان اكبر الاندية العالمية ولكن كرة القدم الافريقية نفسها لا تنافس الكرة العالمية في كاس العالم او علي مستوي الاندية لاسباب كثيرة اهمها هذا الفساد في التحكيم .. فالبطولات الافريقية تحسم في كثير من الاحيان خارج الملعب من خلال حكم (مرتشي) يمكن الاتفاق معه من خلال لاعب من بلاده او من خلال شباب صغار في السن يعرفون كيف يتعاملون مع ( الانترنت ) او من خلال رئيس يملك المال او من خلال اتحاد وطني يسمح بممارسات فاسدة تجري امام ناظريه !• هذه هي مشكلة كرة القدم الافريقية فالبيع والشراء للحكام يفسد الكرة فيجعل الفريق صاحب الامكانيات الفنية الافضل مهزوما .. ويجعل فريق ضعيف لا يملك مقومات الفريق القوي منتصرا وبعدد كبير من الاهداف ليس لقوة هجومه ولكن لانه يعرف كيف يشتري الحكام فيتفنن الحكم في اعطائه ضربات جزاء وهمية .. هذه مشكلة كرة القدم الافريقية التي تخدع الجمهور فيتخيل ان فريقه قد انتصر وهو في الحقيقة مهزوم .. ويتخيل ان شبابه قد اجتهدوا وهم في الحقيقة مفسدون .. ويتخيل ان رئيسه قد قدم الكثير وهو في الحقيقة لم يقدم سوي المال لشراء الذمم .. ويتخيل ان لاعبه هداف وهو في الحقيقة لم يفعل شئيا سوي استلام هدية حكم مرتشي .. ورغم ذلك هذه قارتنا السمراء يجب ان نحبها ونجتهد من اجل اصلاحها في كل المجالات وخصوصا مجال كرة القدم المعشوقة الاولي في افريقيا ا التي يتلاعب بها الدولار ورجال المال والاعمال !!• هذه مشكلة كرة القدم الافريقية التي يمكن لحكم ان يبيع ضميره بعشرة الف دولار او حتي بمبلغ اقل او اكثر يمكن تحويلها عبر صرافة او عبر وسيط او عن طريق مرافق الحكم او في المطار عند مغادرة الحكم الذي كان سببا في فوز فريق يتراجع معظم اوقات المباراة ويلعب مدافعا ويتقدم احيانا ليعلن له الحكم عن ضربة جزاء !!• شئ مؤسف ان يتحول الشباب الافريقي الذي كنا نعتقد انه نظيف وشريف الي شباب فاسد يساعد في عملية بيع وشراء ذمم الحكام واللاعبين ..!!• الفوز بشراء ذمم الحكام افضل منه الهزيمة والخروج بشرف بعد اداء مباراة رائعة .. • حاربوا فساد كرة القدم الافريقية .. حاربوا من يشوه سمعة الكرة الافريقية فنحن جزء من هذه القارة الافريقية ويجب ان لا نكون جزء من هذا الفساد الذي يزكم الانوف !!
|
|
  
|
|
|
|
|
|
|
|
Re: الفساد والتحكيم الافريقى : خالد عزالدين (Re: Maawya Hussein)
|
ما حدث في مباراة الامس ليس المقصود منه بالطبع الفوز علي الهلال وتصدر المجموعه ..فالمخطط المرسوم كان هو اخرج جماهير الهلال عن طورها لدرجة تصل معها العقوبات الي ابعاد الهلال من البطولة كما حدث للنجم الساحلي التونسي ..لكن الحمد لله جماهير الهلال كانت اكبر من هذا المخطط
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: Maawya Hussein)
|
| Quote: فالبطولات الافريقية تحسم في كثير من الاحيان خارج الملعب من خلال حكم (مرتشي) يمكن الاتفاق معه من خلال لاعب من بلاده او من خلال شباب صغار في السن يعرفون كيف يتعاملون مع ( الانترنت ) او من خلال رئيس يملك المال او من خلال اتحاد وطني يسمح بممارسات فاسدة تجري امام ناظريه |
هههههههههههههههه
يعني كده خلاص خالد عز الدين كتب بالرمزية
الغلب حاااااااااااااااار يا خالد عز الدين
قلت لى مصلحة الكورة الافريقية ؟1
عجيبه
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: ارصد محمد جلال)
|
سلامات يا ارصد
الحكاية ما وقفت علي ضربتي الجزاء وبس كان في عكس حالات وتقاضي عن فاولات وتسسلالات بي طريقة مستفزة جدا ..انا علي يقين انو الهدف ماكان فوز المريخ في المقام الاول الهدف كان استفزاز جماهير ولاعبي الهلال حتي يخرجوا عن طورهم ثم تتبعها قرارات جاهزة بابعاد الهلال وتصعيد اهلي شندي بدلا له ..ولكن الحمد لله علي نعمة الصبر التي منحها الله علي جماهير ولاعبي الهلال
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: Maawya Hussein)
|
| Quote: الحكاية ما وقفت علي ضربتي الجزاء وبس كان في عكس حالات وتقاضي عن فاولات وتسسلالات بي طريقة مستفزة جدا ..انا علي يقين انو الهدف ماكان فوز المريخ في المقام الاول الهدف كان استفزاز جماهير ولاعبي الهلال حتي يخرجوا عن طورهم ثم تتبعها قرارات جاهزة بابعاد الهلال وتصعيد اهلي شندي بدلا له ..ولكن الحمد لله علي نعمة الصبر التي منحها الله علي جماهير ولاعبي الهلال |
يا الحبيب دى لفه طويله خلاص .. معقول لكن !
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: Maawya Hussein)
|
ممكن احصر ليكم الحالات التحكيميه حسب الزاكرة وان استدعي الامر ممكن ندعما بي الفيديو
1- ضربة جزاء مع كاريكا من اللاعب ضفر (ضفر اصلا كان عندو كرت اصفر)
2- مخالفه مع نزار حامد في وسط الميدان ادت الي انفراد احمد الباشا
3- مخالفه مع يوسف محمد تقاضي عنها الحكم ادت الي انفراد اديكو
4-مخالفه مع خليفه في هجمه للهلال لحدي الان انا محتار الحكم عكسا كيف للمريخ
5-مخالفة ودفع مع مهند امام خط 18 المريخ
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: Maawya Hussein)
|
معاوية حسين
سلام وكل سنة وانت طيب مقدماً
عارف الهلالاب ديل كلهم بفكروا بعقلية واحدة
المتعلم والجاهل
الرياضي والما رياضي
الفقير والغني
..
..
الخ
يا معاوية التحكيم دا جزء من اللعبة وفيه الاخطاء
ياما حصل وانظلم المريخ من التحكيم
بس ما قاعدين نتكلم زيكم كدا في التحكيم عشان نبرر الهزيمة
يا معاوية الهلال كعب ليهو فترة وانتوا ما قادرين تعترفوا بالحقيقة دي
مباراة الدوري الممتاز مفروض يفوز فيها المريخ
لأنو برضو فريقكم كعب والتعادلات الاخيرة خير برهان
يعني هســـي عايز تقنعنا إنو الحكم الزامبي الامبارح دا مريخابي ولا شنو؟
غايتو حالتكم صعبة والله
كن بخير
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: الامين موسى البشاري)
|
سلامات يا البشاري وعيدك مبارك
Quote: بس ما قاعدين نتكلم زيكم كدا في التحكيم عشان نبرر الهزيمة
|
انت جادي يا البشاري في كلامك دا ؟ ناسك الفوق ديل لي هسه بتكلمو عن تحكيم مباريات ليها شهور واعلامكم ماعندو سيرة غير زمم الحكام وعندكم اي حكم مرتشي مالم يحسب ليكم كم ضربة جزاء
| Quote: يا معاوية الهلال كعب ليهو فترة وانتوا ما قادرين تعترفوا بالحقيقة |
الكلام بي النتائج يا البشاري ..الهلال متصدر الدوري المحلي وصعد لدوري الاربعه في الكونفدراليه وخلال موسم طويل لم يهزم الا في مباراة اداها بالصف التاني وكان فيها الافضل والاحق بالفوز ..رغم العوائق والعراقيل والمشاكل الاداريه الموروثه في الفريق
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: Nasruddin Al Basheer)
|
سلامات يا نصر الدين
مباراة الهلال والمريخ في الكونفدراليه
مشكلة المريخاب انهم بشوفو الكورة بي عيون اعلامهم ..مافي مريخابي بيكتب حاجه عن مباراة شافا الا بعد ما يقرا عواميد سلك ومزمل وشيبه وبقية الكورال
____
كما تعودنا في كل موسم يخطو فيه الهلال خطوة الي الامام اتوقع حملات اعلاميه منظمة ومفبركة ضد نجوم الهلال وتصدريها واستيرادها من اعلام خارجي مزيف كما حدث من فبركة لقاءات مع سادومبا وغارزيتو وغيرهم ... اسلوب اتمني ان تكون جماهير الهلال قد خبرته وتجاوزته في موسم 2012
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: معاوية محمد الحسن)
|
ضربتى الجزاء صحيحتين
وأخطاء التحكيم ليست وقفاً على مباراه معينه
والهلال لم يكن أفضل من المريخ فى هذه المباراه
وأخيراً .......
كتابات خالد عزالدين وأمثاله هى التى تثير الجماهير وتشحنها للمباريات القادمه
وتدعوها للشغب عندما ترى ما لايراه الحكم
وثياب الواعظين لا تليق بخالد عزالدين وأمثاله
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: معاوية محمد الحسن)
|
سلام يا معاوية
وعشان الكلام مايبقي بدون ادلة
| Quote: وهل هناك فريق سوداني أخر غير الهلال تم تعيين حكام هجين له ؟ |
نم تم تعييين حكام هجين لفريق سوداني غير الهلال وهو فريق المريخ ..ان كان قياسكم بان التحكيم الهجين اشاراة لشراء الحكام
| Quote: تسلّم الاتحاد العام لكرة القدم امس خطاباً من الاتحاد الافريقى لكرة القدم (كاف) اكد فيه اسناد لقاء الذهاب بين الهلال وكابس يونايتد الزمبابوى المُقام باستاد الهلال لطاقم تحكيم جزائرى مُكوّن من حجامل حمودى وبوبادل عمرى ومحمد بنراوس ومحمد بشارى ويُراقبها الارترى تسفاى ، وحسب صحيفة " الكورة " سيدير لقاء الاياب بزمبابوى طاقم تحكيم مدقشقرى مُكوّن من هبرت اندروماس وعلى جيان واربرتو رزافيت وحمّاد نابنردا ويُراقبها الزامبى مولنقا..بينما اسند الاتحاد لمباراة الذهاب بين المريخ والجيش النيجيرى لطاقم تحكيم هجين مُكوّن من الجنوب افريقى عبده باستيك واندرو رينرانس والزامبى زاخل ويراقبها اليوغندى جارلس ما سيمبا، ويدير لقاء الاياب بالنيجر طاقم تحكيم بنينى بقيادة الحكم كرسبن اقولدس. |
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: Maawya Hussein)
|
صحي الغلب حاااااااااااااااااااااااااااااااااااااااااااااااار وكمان تلاتة مسامير زي السم
قبل شهرين كنت في السودان لافي زول سالني من دولارات ولا ريالات .. الحكم ده مستحيل يعني يجي بلاب توب وموبايل من بلدو ؟ ولا زامبيا مافيها لابتوبات ؟
تكتبو كد وبكرة ح تجقلبو ..
طلبي الفوق ده انت ماشايفو ؟
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: ارصد محمد جلال)
|
Quote: صحي الغلب حاااااااااااااااااااااااااااااااااااااااااااااااار وكمان تلاتة مسامير زي السم
قبل شهرين كنت في السودان لافي زول سالني من دولارات ولا ريالات .. الحكم ده مستحيل يعني يجي بلاب توب وموبايل من بلدو ؟ ولا زامبيا مافيها لابتوبات ؟
تكتبو كد وبكرة ح تجقلبو ..
طلبي الفوق ده انت ماشايفو ؟ |
يا أخوي أرصد لك التحية ـ لو الغلب دا جبتوه خدمة ضراع وعرق جبين والله كنت أو المهنئين
لكن بلا أدنى جدال قرارات الحكم هى التي هزمت الهلال وليس قوة المريخ
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: الحاج حمد الحاج)
|
| Quote: نم تم تعييين حكام هجين لفريق سوداني غير الهلال وهو فريق المريخ ..ان كان قياسكم بان التحكيم الهجين اشاراة لشراء الحكام |
لا يا اخ معاوية
لم يحدث ان تم تعيين حكام هجين لاى مباراة لعبها المريخ
واذا عارفها اذكرها لينا عشان نعتذر ليك ياخي
واصلا الم تاتي فكرة تعيين الحكام الهجين بسبب الهلال وعمائله مع الحكام الذين بالغوا فى احتساب ضربات جزاء له؟
| |
|
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: معاوية محمد الحسن)
|
اخونا معاويه لو قريت ردي ليك فوق كان شفت الدليل ومقياس الحكام الهجين
| Quote: بينما اسند الاتحاد لمباراة الذهاب بين المريخ والجيش النيجيرى لطاقم تحكيم هجين مُكوّن من الجنوب افريقى عبده باستيك واندرو رينرانس والزامبى زاخل ويراقبها اليوغندى جارلس ما سيمبا، ويدير لقاء الاياب بالنيجر طاقم تحكيم بنينى بقيادة الحكم كرسبن اقولدس. |
مفروض اي حكم ببالغ في احتساب ضربات الجزاء يكون مرتشي ؟ او هل احتساب ضربات الجزاء دليل علي رشوة الحكم ؟
| Quote: واصلا الم تاتي فكرة تعيين الحكام الهجين بسبب الهلال وعمائله مع الحكام الذين بالغوا فى احتساب ضربات جزاء له؟ |
حسب الفهمتو من كلامك
1- الاستعانه بالحكام الهجين دليل علي عمائل او رشوة الفريق للحكام
2- احتساب ضربات الجزاء دليل دامغ علي ان الحكم مرتشي
ولا ما ياهو ؟
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: Maawya Hussein)
|
مسألة الحكام الهجين دي جات في مباراة الهلال و مازمبي, بعد موسم او اتنين ثارت اقاويل عن مازمبي و رئيسه و محاولات تأثيره على الحكام, الكاف ما أخد اي اجراء ضد مازمبي بسبب الأقاويل دي لكن شكلو لبد ليه في مواضيع تانية
قد تكون الأقاويل دي في أروقة الكاف و عليه موضوع الحكام الهجين دا احتمال مقصود بيه مازمبي
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: Maawya Hussein)
|
تحية طيبة
يا اخى بالله ركزو على بناء فريق بدلا من الحجج ن ما معقول من يوم ما قام الهلال ده و الحكام ضدو على مر العصور
الفريق لو قوى بيفوز ، مش كان الحكم فاسد كان الفيفا ذاتها دايرهو يخسر بيفوز
فبالله ركزو على اللعب و بطلو الحركات البتخدرو بيها مشجعى الهلال دى من عقود مضت و عقود جايه
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: abas)
|
الكتب الكلام ده مش خالد عز الدين هارون ؟
اسألو منه صلاح ادريس الزول ده
مش ياهو الزعل من صلاح ادريس عشان ما دفع ليه فى كشف عرسه
قدر ما دفع لياسر عائس فى عرسه؟
وزعل وحارب صلاح ادريس بعمود راتب..
هو طبعا فاكر كل الناس هواتف عمله مثله تحركهم الفلوس..
بالله مستوى الصفيراب ده محتاج يشتروا ليه حكم؟
طيب مازمبى يشتروا ليه الاتحاد الافريقى..
كااااااااااااااااااااااااااك
وطبعا الهلالاب متعودين الحكام يقيفوا معاهم طوال الوقت عشان كده الحكم
لما طلع محايد ما قادرين يصدقوا فبفتكروهو ضدهم ، لان الاصل عندهم
ان يكون متحيز لهم..
قال حكام قال!!!!
تانى كااااااااااااااك،،،،
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: صديق الموج)
|
Quote: الكتب الكلام ده مش خالد عز الدين هارون ؟
اسألو منه صلاح ادريس الزول ده
مش ياهو الزعل من صلاح ادريس عشان ما دفع ليه فى كشف عرسه
قدر ما دفع لياسر عائس فى عرسه؟
وزعل وحارب صلاح ادريس بعمود راتب..
هو طبعا فاكر كل الناس هواتف عمله مثله تحركهم الفلوس..
بالله مستوى الصفيراب ده محتاج يشتروا ليه حكم؟
طيب مازمبى يشتروا ليه الاتحاد الافريقى..
كااااااااااااااااااااااااااك
وطبعا الهلالاب متعودين الحكام يقيفوا معاهم طوال الوقت عشان كده الحكم
لما طلع محايد ما قادرين يصدقوا فبفتكروهو ضدهم ، لان الاصل عندهم
ان يكون متحيز لهم..
قال حكام قال!!!!
تانى كااااااااااااااك،،،، |
والله يا صيدق الموج في كل حاجة لقيتك زول نصيحة ومناصر للحق وزول مبدأ ، إلا في تشجيعك للمريخ ـ يأخ المبادئ لا تتجزأ
وبعيدن حاجة ثانية ـ المريخ دا ما جزء من منظومة فساد النظام الحاكم في البلد ـ ليه بتشوف الفساد في الوزارات والبنوك والسفارات والمصالح الحكومية وتغض عنه الطرف في المريخ
يعني كل منظومة الإنقاذ شياطين ، ولكن يطلع منهم جمال الوالي مع الملائكة ولا كيف
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: محمد علي البصير)
|
| Quote: المريخ دا ما جزء من منظومة فساد النظام الحاكم في البلد |
الاخ معاوية
تحياتي
شنو الجعل المريخ جزء من منظومة فساد النظام الحاكم ولم يجعل الهلال كذلك
اذا كان جمال الوالي مؤتمر وطني فالبشير رئيس المؤتمر الوطني وهلالابي معروف للكل
ماذا فعل المؤتمر الوطني للمريخ ولم يفعله للهلال
الم يصرح الكاروري الامين العام للهلال المستقيل بتلقيهم مليارات من الدولة وانفقها البرير فى تسجيل اتوبونج .
الم يترك البشير مشاكل البلد الكثيرة ومجاعتها وحروبها وسقوط طائراتها ويتفرغ لحل مشكلة هيثم والبرير
البيتو من زجاج لا يقذف الناس بالحجارة يامعاوية .
هذا من ناحية ومن ناحية أخري
انتو معترضين على الحكم فى شنو؟
هل الهدف الاول غير صحيح
هل ضربة الجزاء الاولي التى كعبل فيها لاعبكم ساكواها غير صحيحة
هل ضربة الجزاء الثانية ولمس الكرة باليد غير صحيحة ؟واذا كانت كذلك فقد احتسب لكم الحكم واحدة مثلها فى مباراتكم مع الرجاء المغربي ولم تعترضوا عليها واحرزتم منها هذف
تحياتي وكل عام وانت بخير
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: محمد علي البصير)
|
صديق الموج
بالله مستوى الصفيراب ده محتاج يشتروا ليه حكم؟
******************************************
يا صديق ذكرتني النكتة: ايام نميري الحالة كانت صعبة و في منشورات يتم توزيعها ، ناس الامن قبضوا واحد بوزع في ورق ، قبضوهو و دافع عن نفسو قال لي ناس الامن: يا جماعة دا ورق فاضي ! ، بتاع الامن مسكو و ماشي علي العربية و قال ليهو عليك الله الحالة دي دايرة ليها كتابة؟
برضو كااااااااااااااااااك
الغلب حااااااااااااااااار
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: الحاج حمد الحاج)
|
لنبدأ بالتاريخ القريب وهو العام 2008
1- فى العام 2008 وفى بطولة ابطال افريقيا وفى دور الـ 16 امام صن دوانز الجنوب افريقي منح الحكم الهلال ركلة جزاء وهمية مع افياني من وحي خياله حقق بها الهلال التعادل بعد ان كان خاسرا 2-1 ومن ثم فاز الهلال 4-2
2- فى نفس العام وفى المجموعات وامام انيمبا النيجيري منح الحكم المصري احمد عودة الهلال ركلة جزاء من خياله بعد سقوط احمد عادل داخل منطقة الجزاء حقق بها الهلال التعادل بعد ان كان خاسرا فى المباراة التى شهدت تالق وارغو وفيها حقق الهلال الفوز 3-2
العام 2009 كان موسم ركلات الجزاء التى احتسبت للهلال حتى بلغت 4 ركلات بمعدل ركلة جزاء فى كل مرحلة
3- فى العام 2009 وفى دور الـ32 اما فريق تامبونايز بطل ريونيون احتسب الحكم الكيني ألفريد ندينيا ركلة جزاء للهلال من كرة لامست يد المدافع وهو على الارض فى حالة شبيهة بالركلة التى احتسبها الحكم الزامبي للمريخ وفاز الهلال يومها 3-1
4- فى نفس العام 2009 وفى دور الـ16 امام اول اغسطس الانغولي منح الحكم الزمبابوي مارنجي كنياس الهلال ركلة جزاء من خياله وبعد ان اضاعها مهند الطاهر اعادها الحكم مرة اخري ليفوز الهلال 2-0 ويتاهل للمجموعات ( المباراة استضافها استاد المريخ وشهد دمارا كبيرا لطابق شاخور رغم ان المريخ لم يكن طرفا فى المباراة وفتح ملعبه للهلال )
5- فى نفس العام 2009 وفى المجموعات عاد الحكم الزمبابوي مارنجي للظهور مجددا فى مباريات الهلال بعد 3 اشهر فقط من مباراة اول اغسطس ليدير مباراة الهلال وكانو بلارز النيجيري وبلغت جراة الحكم ان احتسب ركلة جزاء للهلال من كرة اصطدمت فى ظهر المدافع النيجيري فى ظاهرة غريبة منحت ركلة الجزاء الهلال الفوز 2-0
6- فى عام ضربات الجزاء 2009 تواصل المد وفى دور ال 4 مباراة مازمبي والهلال مباراة عصير فييرا والخماسية الشهيرة والتى شهدت حدثا غريبا لاول مرة فى قارة افريقيا وهو ظهور الهجين التحكيمي فى مباراة حيث كان طاقم التحكيم متعدد الجنسيات
منح الحكم كومان كوليبالي ركلة جزاء للهلال من كرة اصطدمت بيد المدافع فى وقت كانت فيه الكرة ملعوبة من مسافة قريبة جدا اقل من نصف متر ..
تقدم بها الهلال 2-1 قبل ان يجهز مازمبي على الهلال فى النهاية
7- في العام 2010 وفى دور الـ 16 مكرر فى الكونفدرالية امام كابس الزمبابوي منح الحكم الجزائري جمال الحيمودي الهلال ركلة جزاء كالعادة وفاز الهلال 5-0
8- فى نفس العام 2010 وفى مجموعات الكونفدرالية وامام الاتحاد بليبيا منح الحكم كريسبين من بنين الهلال ركلة جزاء من تمثيلية سادومبا احرز منها هيثم مصطفى الهدف الاول للهلال قبل ان يحرز بشة الهدف الثاني ويفوز الهلال 2-1
9- فى العام 2011 وفى المجموعات احتسب الحكم عثمان كاريمبي ركلة جزاء للهلال امام الرجاء المغربي من كرة اصطدمت بيد المدافع على الارض فى حالة شبيهة لهدف المريخ الاخير حققت ركلة الجزاء الفوز للهلال 1-0
10 - فى نفس العام 2011 وفى المجموعات امام القطن الكاميروني احتسب الحكم الجزائري محمد بنوزة ركلة جزاء للهلال وطرد لاعبين .. حققت الركلة للهلال التعادل فى وقت كان خاسرا فيه بهدف وفى النهاية حقق الهلال الفوز 2-1
11- فى العام الحالي 2012 وفى دور ال16 امام بطل افريقيا الوسطي احتسب الحكم المغربي بوشعيب الاحرش ركلة جزاء للهلال وفاز 5-1
12 - فى نفس العام 2012 وفى دور المجموعات امام اهلي شندي احتسب حكم موريشص شيشورن راجيندرابارساد ركلة جزاء للهلال اضاعها مهند الطاهر
شكرا شيبا
| |
|
|
|
|
|
|
|
|
|
Re: الفساد والتحكيم الافريقى : خالد عزالدين (Re: Maawya Hussein)
|
تحية..
اولا هاردلك يا معاوية وهذا هو حال التنافس الرياضي يوم لك ويوم عليك..
الانجرار خلف مقولات الاعلام الرياضي الحالي القائم علي سوء فهم التنافس الرياضي يضر كثيرا وينخفض بمردود الثقافة الرياضية ودور ذوي الاستنارة امثالكم في التشذيب والاضافة النيرة المستنيرة..
لم يعايش هذا الجيل كيف كان يخرج المتنافسون عقب كل سجال..وكيف يجتمع شملهم علي كوب من عصير الليمون بعد ان اداروا ظهورهم لنتيجة اللقاء..
انظر رعاك الله للصحف الرياضية الحالية لتري العجب العجاب كأن حواء السودانية لم تلدهم..
معا نحو واقع جديد..مع وافر الاحترام..
| |
|
|
|
|
|
|
|
| |
Maawya Hussein
وضاح عبدالرحمن جابر
ارصد محمد جلال
الامين موسى البشاري
Nasruddin Al Basheer
الحاج حمد الحاج
معاوية محمد الحسن
أسامه الكرور
ناصر احمد الامين
عبد العظيم احمد
محمد علي البصير
بهاء بكري
محمد البشرى الخضر
محمد الامين احمد
Emad Mohamed
abas
صديق الموج
على محمد على بشير
محمد الكامل عبد الحليم
فيس بوك
تويتر
انستقرام
يوتيوب
بنتيريست