|
دعوه لمقاطعة اي حفل للفنان "محمد الأمين"
|
سلوك الفنان محمد الأمين في البحرين ...والمقال المكتوب من المرهف د.معز عمر بخيت..الذي تناول فيه ما بدر من الفنان محمد الامين ...يمثل نوع غريب من التعالي على المعجبين والمتابعين لفنه..أثبت المقال بأن تركيز محمد الامين على الجانب المادي في المقام الاول والاخر ...متناسيا رسالية الفن في طرح العديد من الافكار وفي خلق التقارب فيما بين الأمم. الكثير من الفنانين يتم دعوتهم لإقامة حفلات خيرية يعود ريعها لعلاج شخص مريض ...لاتقوى قدرته الماليه على توفير قيمة العلاج لحالته...يلجأ من حوله لإقامة مثل هذه الحفلات...ويتفاعل معها الكثير من الفنانين بالتنازل عن جزء من المبالغ خاصتهم بل وأحيانا التنازل عن كل المبالغ إسهاما منهم في النداء الإنساني للحاله المقام من أجلها الحفل...هذا هو الدور الرسالي للفن يا ود اللمين.
|
|
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: الشيخ سيد أحمد)
|
إتحاد الفنانين دوره ضعيف للغايه في مثل هذه المسائل...التعاقد مع الفنانين يتم خارج اطر الإتحاد...الشئ الذي يعطي الفنان أو مدير أعماله القيام بما يحلو له ..الشئ الذي يغيب دور الإتحاد في مسائلة أي فنان يسلك أي مسلك.
إذا كان إتحاد الفنانين يمتلك قدر ولو بسيط من المسئوليه لإستدعى كل من يشوه رسالية الفن وأصدر بعد ذلك مقال أو تصريح يوضح فيه قراره.. حفاظا على رسالية الفن. ولكن ضعف الإتحاد والقائمين على أمره يدفع الكثيرين من أعضاؤه فعل ما يحلو لهم.
لماذا لا تتم المسألة بتعاقد من الفنان لإقامة أي حفل عبر إتحاد الفنانين ويكون هناك شرط جزائي في العقد ملزم للفنان...ويمكن أن يتضمن الشرط الجزائي غرامه ماليه كبيره في حالة أخل الفنان بأي بند من بنود العقد...طالما أن الغرامه تكون مدرجه كشرط جزائي سيمتثل الكثيرين لأن هناك من تهمه الماده أولا وأخيرا متناسيا دور الفن وجماله وروعته.
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: Emad Ahmed)
|
الأخ الحبيب العماد أحمد
تحايا وأشواق
ربما نجتمع كلنا أو معظمنا على محبة فن "محمد الأمين" ..وأكاد أجزم أن د.معز هو أكثرنا حبنا لفن "محمد الأمين"...لذلك جاءت مقالته وجاء تعقيبي كرد فعل لسلوك بدر من قامه فنيه ..وهذه القامه تمثل قدوه للكثيرين من الشباب ..وتمثل هذه القامه في ذات الوقت قبله لآذان كثيره تصغي للفن الأصيل وروعة الموسيقى وتموسق الكلمات...لذلك ارى أن المقاطعه سترسل رساله إليه وإلى كل الفنانين لمراجعة سلوكهم وتفاعلهم مع كل القضايا. كاتب المقال دكتور في قامة المعز عمر بخيت...شخص ملئ بالجمال والروعه والصدق ...حروفه دائما تحت مجهر الكثيرين...لذلك تجده صادقا فيها حد اليقين المطلق. الجراح يمسك بالمشرط مسببا ألما مبرحآ ...لكنه يزيل ألمآ أكبر يمكنه أن يودي بالحياه...فليكن مقال المرهف د.معز وتعقيبنا ومداخلات الكثيرين كمشرط الجراح.عله يزيل الكثير من الآلام التي يعانيها الفن في الوقت الراهن..مع أمل صادق أن تكون أوبة الفنان "محمد الأمين" أوبة قويه يتجاوز فيها هذا المنعطف الخطير في مسيرته الفنيه.
كامل ودي
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: الشيخ سيد أحمد)
|
ما بنقدر والله يا الشيخ ! شئنا أم أبينا محمد الأمين شكل حياتنا وملامحنا وعواطفنا وكل حاجه فينا . لكن ممكن من حبنا وتقديرنا ليهو نعاتبو ونلومو وننتقدوا ,, لكن نقاطعوا دى كبيره والله . ثم أن محمد الأمين أكبر قامه من الإتحاد الكسيح الذى ذكرته . وما حدث فى البحرين أو غيرها يحدث من زمان وهذا هو طبع محمد الأمين وطريقته فى التعامل وكل الناس تعرف حدة أبو الأمين فى التعامل مع الأشياء , حتى العازفين فى فرقته والذين زاملوه لعشرات السنين تعودوا على ذلك ولكنهم يحترمونه غاية الإحترام وتجدهم أمامه كأنهم تلاميذ صغار السن فى فصل , هذا هو محمد الأمين الفنان العظيم الذى لا نملك إلا أن ننحنى له إجلالا وتقديرا فما قدمه لنا يجبرنا أن نقبل به هكذا .
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: الشيخ سيد أحمد)
|
ارجو في الفترة القادمة من الأخوة في خارج السودان التركيز على الفنان محمد الأمين و عدم دعوة اي فنان آخر لاقامة حفلات لأن محمد الأمين هو الآن فنان السودان الأول و هو قيمة فنية عالية ساهم و يساهم في تشكيل الوجدان السوداني. محمد الأمين خير ممثل للفن السوداني و للموسيقى السودانية.
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: معاوية المدير)
|
يا ود المدير ما في اي تعالي و لا تكبر. في ناس قناة تليفزيونية عايزين يصوروا الحفلة و يبثوها ملح، و في ناس جالية يمشوا يدوا قروش لاعضاء الفرقة الموسيقية بدون الرجوع لمديرهم و بدون الرجوع لصاحب العمل و كمان بطريقة هو لا يرضاها لهم، و في ناس يتأخروا في ارسال السيارة لاحضار الفنان ثم يجو يشتكوا بعد داك يقولوا الفنان جاء متأخر، و في مؤتمر صحفي يا ود المدير محمد الأمين سيضع فيه النقاط على الحروف.
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: سيف النصر محي الدين)
|
نعم محمد الامين قمة سامقة في زمن التقزم . انت على حق ايها الفنان العظيم وعتابنا لك انك تنازلت لتشاركهم هكذا حفل دون مقابل مادي مجزي هي مجاملة كريمة منك لكنهم للاسف لا يستحقون... انظروا من اجل فقط الفي دولار و مائتي دولار لكل عازف في قاعة رديئة اجهزة الصوت وبمشاركة قنوات متطفلة بدون عقد اقاموا الدنيا و اقعدوها ب (اكلناك وشربناك وسكناك وعالجناك ولولانا لما صلت لجنة الله في الارض التي بها نحن منبهرون( البحرين) ....باقي ليهم يقولوا خلقناك) ما حدث للفنان الكبير محمد الامين من تشهير و محاولة اغتيال شخصيته امام معجبيه امر مقصود و مخطط له....لكن ستظل فنانا موسيقارا ملهم لوجداننا والدليل انهم عنما هاجموك عجزوا ان يهاجموا فنك ولان الفن والفنان لاينفصمان هزموا شر هزيمة . المعجبون بك واثقون من صدق روايتك ايها الفنان العظيم لكنهم في انتظار المؤتمر الصحفي فقط لانك تريد.
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: Nazik Eltayeb)
|
Quote: نعم محمد الامين قمة سامقة في زمن التقزم . انت على حق ايها الفنان العظيم وعتابنا لك انك تنازلت لتشاركهم هكذا حفل دون مقابل مادي مجزي هي مجاملة كريمة منك لكنهم للاسف لا يستحقون... انظروا من اجل فقط الفي دولار و مائتي دولار لكل عازف في قاعة رديئة اجهزة الصوت وبمشاركة قنوات متطفلة بدون عقد اقاموا الدنيا و اقعدوها ب (اكلناك وشربناك وسكناك وعالجناك ولولانا لما صلت لجنة الله في الارض التي بها نحن منبهرون( البحرين) ....باقي ليهم يقولوا خلقناك) ما حدث للفنان الكبير محمد الامين من تشهير و محاولة اغتيال شخصيته امام معجبيه امر مقصود و مخطط له....لكن ستظل فنانا موسيقارا ملهم لوجداننا والدليل انهم عنما هاجموك عجزوا ان يهاجموا فنك ولان الفن والفنان لاينفصمان هزموا شر هزيمة . المعجبون بك واثقون من صدق روايتك ايها الفنان العظيم لكنهم في انتظار المؤتمر الصحفي فقط لانك تريد. |
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: الامين موسى البشاري)
|
Quote: ارجو في الفترة القادمة من الأخوة في خارج السودان التركيز على الفنان محمد الأمين و عدم دعوة اي فنان آخر لاقامة حفلات لأن محمد الأمين هو الآن فنان السودان الأول و هو قيمة فنية عالية ساهم و يساهم في تشكيل الوجدان السوداني. محمد الأمين خير ممثل للفن السوداني و للموسيقى السودانية. |
شرحو
فمحمد الأمين يشرف أمة بي حالة
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: عبدالله الشقليني)
|
ياسر طيفور
الدعوه سحور...ليست غداء أو عشاء.
ماقلت ليك المشكله انو نحن عندنا مشكله سلوك انساني ...ياخي حتى ادب الخلاف عندنا مفقود...إحترامنا لرأ ي الآخر يكاد يكون معدوم..طريقة طرحك لرأيك تنم عن إفلاس ...إلغاءك لوجود رأي الآخر هو في رأيي دليل على عدم وجودك في خارطة الطرح...فلتحارب لوحدك طواحين الهواء.
وجع قلب
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: الشيخ سيد أحمد)
|
تحياتي عبدالكريم الامين
لا اظن قرات ماكتبته تماما...او انك لم تستوعب ما كتبته وهذا ليس ذنبي...الرجاء مراجعة ما كتبت ...لتتبين لماذا دعوت الى المقاطعه...أما مسألة البديل لم اتطرق لها إطلاقا...بعدين فكنا من قصة فنيلتك دي لانو بقت مسيخه ياخي.
حاول اقرا تاني...من الأول..وحاول إستوعب لأنو شكلك ما فهمت!!
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: حيدر حسن ميرغني)
|
تحياتي
لو ملاحظين يا اخوانا إن حتي الآن لم ينشر أي طرف حتة ورقه أو وريقه فيها كلام مكتوب يؤيد حجته ..وزي ماقال سيف النصر ،كلو فلان قال وعلان شاهد ،نحنا السودانيين شغالين بالبركه.. فنان كبير بقامة محمد الأمين مفروض ما يركب الطياره من الخرطوم إلا ويكون عنده عقد مكتوب وكل شيء موثق عشان مايدخل في مؤتمرات صحفيه وخلافه ..نحنا ماعندنا ثقافة ال-Documentation. ماسيقوله الأستاذ هو حايكون نفي لما أورده دكتور المعز ببساطه شديده..والاثباتات كلها حاتكون شهود عيان ..
في النهايه أبو اللمين هو أبو اللمين ..ومن ما إضنينا ديل بقو يسمع الغناء مابنعرف غيرو ووردي وعثمان حسين وابراهيم عوض..زي الأهرامات عند المصريين لايمكن أن تهزها أي عواصف مهما كانت عاتيه .. وياجبل مايهزك ريح ..على قول أبوعمار عليه الرحمه ..
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: حيدر حسن ميرغني)
|
الأخ الكريم عبدالله الشقليني
تحيه واحترام
مرحبا بك في الجانب الاخر من طاولة النقاش...اتمنى ان تكون قد اطلعت على كل المداخلات ...مجمل الامر انني دعوت الى امر يحتمل ان يوافقني عليه البعض او يختلفون حوله...تخيل ان ياتي "وداللمين" الى حفل ويجد الجمهور لايتعدى المئات وهو الذي تعود على الغناء امام جمهور يفوق الالاف...لابد ان ذلك سيدفعه للتفكير مرات ومرات في التعاطي مع الاخرين ومع معجبيه...لم انفي اعجابي بالفنان محمد الامين ولا بفنه ولا بتاريخه ...وهو رقم في تاريخ الاغنيه السودانيه...ولكن!!هل ذلك يعطيه الحق في ان يتعاطى مع جمهور خارج السودان بهذه الصوره...لم اتطرق الى فن الاستاذ ولست ناقدا فنيا لاتعاطى الامر ..تركيزي كان على سلوك فنان رقم.
اتمنى ان اكون قد بينت وجهة نظري.
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: جمال خضر)
|
هلا يا الشيخ وحبابك يازول انا بصراحة قريت كلامك واعتقد باني عندى مخيخ بقدر يفهم شوية ... ومجمل طرحك لمشروع مقاطعة ابو الامين انا غايتو ما مقنع بالنسبة لى وبكلامك الاعتقدت بانى ما فهتمو ده ما بقنتع ليك بمقاطعة ( زنين باعوضة) فى ليل دامس والكهرباء قاطعة والكتاحة شغالة برررره خليك من مقاطعة ابو اللمين الساكن جووف الوجدان ومتحكر منذ بدايات سنين التكوين ... وبعدين حكاية البديل دى التطرق اليها يوجبه ضرورات دعوتك ومشروعك المقاطعى الاعلنتو انت ده فما معقول تدعونا لمقاطة حاجة وما تورينا بديلك شنو.. ولا انت قايل المشاريع الدعوات الزي دي مجانية سااااكت وعيييك عاااااااك وبوست يطلق على حافة الاسفير وتمشي تنوم لا يازول طالما قدمت مشروع زى فالفرفرة لهذا المشروع حتكون من كل الجوانب وانت تجيب حلول ولا ماعندك حلول تبقى حكايتك حكاية مجانية وسليلة الكركبة البحرينة وماعندها عمق اقناعى او منطقى او ارضية صلبة ممكن تكون بديل كافى غناوى ابو اللمين...
------------
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: حيدر حسن ميرغني)
|
ياسر طيفور
فاقد الشئ لا يعطيه...وصفتني بالنكره...ويبدو ان هذا هو ديدنك في النقاش...ومن قبل اشرت الى ان"في معنى كلامك" ان حضورنا وعدمه سيان...رجاء لاتحاول ان تنقل النقاش الى مناكفه شخصيه بيني وبينك...انا طرحت موضوع معين...ممكن تدلي بدلوك فيه...او التزم الصمت . صدقني لا اريد ان انقل النقاش الى هذا المحور الضيق فيما بيني وبينك...محمد الامين قضيه كبيره ...اكبر من شعرك المملس ده.
اما ان تشارك بادب ...او فلتلتزم الصمت.
وجع قلب
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: الشيخ سيد أحمد)
|
الشيخ سيد أحمد
Quote: اكبر من شعرك المملس ده |
يعني دايرني من صورة الأطفال في بروفايك أصل لماهية الشيخ سيد أحمد وشعره؟ طبعاً لن أفعل ؛) أنت من ناحية نكرة، نكرة لا تعرِفها "ال" ولا ولا تجليها الإضافة.. وكونك تقول محمد الأمين كبير، فهو كبير لدرجة لا يتصورها عقلك الصغير الذي دعاك لمقاطعة حفلاته، والدعوة لذلك.. أنت صغير عقل ؛) ___ سأعود ؛)
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: Osman Musa)
|
جطو الحاجات وجطونا معاكم اول مرة احس في سمعي للاسطورة ده خيار غير السمع زعلتني رواية الشايقي وقبلها عبد الللطيف بالتلفون وآخرة مقال الدكتور ... ما بنقدر نخلي الاسطورة بس محتاجين نسمع مبرراته أكيد حس بما فعل لن يأتي ليعتذر مثلاً ولكن ليبرر ذلك يكفيني
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: عبد اللطيف بكري أحمد)
|
عبدو يا صاحب مالك كيف تحكم؟ دايرو يوقف الغناء عشان الصوت كعب؟ والليلة مليئة بالمشاكل وسوء التنظيم.. أنت بصفة شخصية لم تجد المقعد الذي دفعت له مالك وقطعت له مئات الأميال.. يا عبد اللطيف سوء التنظيم هو أساس المشكلة.. لماذا لم تسألوا أنفسكم لماذا جاء محمد الأمين للمسرح متوتراً؟ __ ننتظر ما يسفر عنه المؤتمر الصحفي، وبالتأكيد هنالك ما غاب عنك..
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: Yassir Tayfour)
|
Quote: عبدو يا صاحب مالك كيف تحكم؟ دايرو يوقف الغناء عشان الصوت كعب؟ والليلة مليئة بالمشاكل وسوء التنظيم.. أنت بصفة شخصية لم تجد المقعد الذي دفعت له مالك وقطعت له مئات الأميال.. يا عبد اللطيف سوء التنظيم هو أساس المشكلة.. لماذا لم تسألوا أنفسكم لماذا جاء محمد الأمين للمسرح متوتراً؟ __ ننتظر ما يسفر عنه المؤتمر الصحفي، وبالتأكيد هنالك ما غاب عنك.. |
الحبيب ياسر سلام وتحايا: ايوة والله كنت دايرو يوقف الغناء عشان الصوت كعب ، وكنت ورب العباد سأفرح فرحاً عظيما لو ألغى الحفل من أساسو وكنت سأخرج من باب القاعة طرباً ومزهواً بفنان يحتفي بمنتوجه أكثر من كل شيء آخر وغير نادم على وعثاء السفر وسوء المنقلب في المال،،
الجماهير التي كانت تصفر تجاوباً مع الاغنية حافظاها صم : وأنا من أوائل الذين اقتنوا شريط حفلة لندن وكان 90 دقيقة واقسم بالله زاد الشجون هذه سمعناها في رحلة امتدت ليومين في قطار الغرب برفقة رابطة ابناء الابيض جامعة الخرطوم ، وممكن نسمعها بيت بيت لزمة لزمة لكن ماذنب الاجانب الحاضرين وماذنبنا وقد ضاعت فرصة عظيمة كان يمكن ان يتعرفو على الفن السوداني على اصولو!!
التنظيم سيء والقاعة رديئة وصغيرة وجاءت رداءة الصوت زادت الطينة بلة : كلها اسباب كانت كافية لمحمد اللمين ان يحرج الجميع ويسجل سابقة تأديبية لكل من اراد ان ينظم حفل يضم الاستاذ عصارة الفن السوداني المعتق!!
رضوخ محمد الامين واستمراره للغناء في هذه الظروف اعطاني انطباع بأنو : أعمل ليهم شنو : وكأنه يكملها : هم عايزين كدا وقروشي في جيبي
لما اصر المنظمون على ان هذا غاية مافي وسعهم ، وأصر أبو اللمين على الغناء في هذه الظروف خرجنا من القاعة دون سؤال لاحد او الاساءة لأحد فماهذا الذي حدى بنا للحضور ، وفي طريق عودتي أوقفت استماعي لاغنية الموعد التي قلت عنها إنها أجمل عمل سوداني قدم من خلال تلفزيون النيل الازرق في برنامج السر قدور !! غلبني ياخوانا اسمع للزول دا،، والله كمان اي محاولة من الزملاء والاصدقاء هنا تتعيب علي شعوري بالألم والتعاسة في ذلك اليوم أشعر وكأنهم يجاملون بطريقة تقلل من إحتفائي برأيهم في هذا الموضوع!! لو كنتم فقط قدرتم خروجي من القاعة وساءلتم انفسكم عن احساسنا بالغبن ونحن نغادر لوجدتم لنا العذر في تقديم لوم بحجم المحبة لهذا الشامخ في سماء الفن !!
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: الشيخ سيد أحمد)
|
اسلوب محمد الامين في التعاطي مع معجبيه فيه قدر كبير من التعالي ..اولا يعرف الفنانين ان معجبي فنهم هم من اوصلوهم الى تلك الاماكن...بسطوا لهم اشرعة الشهره فابحروا الى مرافئ بعيده ...لماذا يكتفون بالتلويح فقط...اولا يستحق المعجبون ان تدنو منهم سفن فنانيهم ..النظر من علياء نحو مجموعة المعجبين فيه قدر كبير من الدونيه نحوهم...لا يستقيم الظل والعود أعوج.
محمد الامين نموزج من النمازج ... عليه ان يكون مدركا بانه مراقب في كل مايقوم به...هذه ضريبة الشهره...عليه ان يحملها بمسئوليه وتقدير للآخرين.
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: عبد اللطيف بكري أحمد)
|
يا حماعة ما تزعلونا منكم أكتر ما زعلتونا...
وللاخ عبداللطيف بكري
رجاءا أي زول نقل ليك حكاية أنو محمد الامين منع إصطحاب الاطفال...تفضل وأذكر لينا إسمو هنا...
مافي كلام زي دا....ياخ أنا من الجالية دي وعارف ليش ناس النادي طبعوا تذاكر الحفل متضمنة منع الاطفال....محمد الامين لا علاقة له أصلا بهذا الموضوع ولم يتفوه بأي كلمة بخصوص منع الاطفال....وهذا الأمر معروف لكل الحضور...لأسباب نعلمها...
فهذا الشرط ورد ضمن شروط تأجير الصالة...ومحمد الامسن ليس طرفا في ذلك....
عبارة أعمل ليهم شنو بخصوص الصوت القالا ليك محمد الامين قالها لأنه أدرك أن هناك مشكلة في الصوت...وقد وحاول أثناء أداء أغنية ذاد الشجون التواصل مع فني الصوت أثناء ما هو يغني...لرفع الصوت...وتواصل مع أعضاء فرقته لمعالجة الصوت وكله مسجل...إذن أين مشكلة محمد الأمين هنا...
التحامل علي محمد الامين بحفل البحرين تحامل في غير محله ومعتمد علي معلومات منقولة خطأ إما عن عمد أو عن جهل ولكم يا عبداللطيف وللشايقي ولبكري وحمد (القادمون من السعودية) برغم نقدكم اللازع لهذا الحفل لأسباب شتي أقول محمد الامين من أكثر الفنانين الذين شرفونا هنا...وشرفوا السودان كله...
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: nazar hussien)
|
محمد الأمين لديه حفل في قرية البوم السياحي بدبي ثاني أيام عيد الفطر المبارك سوف أكون من حضور هذا الحفل بإذن الله حباً في فن الأستاذ محمد الأمين وكية في الباحثين عن الشهرة الذين لم يجدوا سبيلاً إليها سوى تدبيج بوستات مليئة بالغرض والمرض ، سندها القيل والقال مثل صاحب البوست، ليغتالوا فنان عظيم مثل محمد الأمين.. انت حر في أن تقاطع أو لا تقاطع حفلات الاستاذ محمد الأمين لكن دعوتك هذه مرفوضة لدي على المستوى الشخصي..
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: Nasruddin Al Basheer)
|
نصر الدين البشير
علمنا انك في دبي...ولكن مالم نكن نعلمه هو عدم فهمك واستيعابك لما تناوله البوست...ماهي الشهره التي ابحث عنها في هذا البوست...اتخيل ان يكون الشخص على مستوى كبير من الغباء ولكن ما لا أتخيله ان يكون على هذا القدر من الحمق.
الشاطر نصرالدين...عليك ان تتأكد أنه بعد هذه المداخلات سيكون وداللمين أكثر تواضعا...هذا إذا إرتقى مستوى فهمك وادراكك لما احب ان اصل إليه.
ياسر طيفور وينك ياخي...والله اديت البوست نكهة مناكفه جميله.
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: الشيخ سيد أحمد)
|
سلام الأخ الشيخ سيد أحمد ليك ولكل زوارك الكرام انا بصراحة دخلت هنا عشان سببين اولا من حق اي زول يقول الداير يقولوا , مثلا الأخ الشيخ قال قاطعوا حفلات ود المين حسب رغبته هو بالتأكيد مافي محب وعاشق وسمع الموسيقار الأسطورة ود الأمين بقدر يقاطعوا ولو على رقبتو سيف والسبب هو لأنه بطربنا حد الثمالة وبنعشق فنو دون اي شروط
ثانيا إنتو ليه حارقين اعصابكم ؟ ومورمين فشفاشكم ومضيعين زمنكم ؟ ببساطة جدا قاطعوا البوست ده وخلاص, يا دار ما دخلك شر
شخصيا قسما بالله ما كنت ناوية ادخل البوست ده نهائي، لأنه الدعوة دي لا تعنيني لا من قريب لا من بعيد .. لكن شفت البوست ضايق الكثيرين من محبي فن ود الأمين وعرفت من زميلة لي إنه بعض المداخلات ضايقتها جدا قلت ليها ياخ قاطعوا اي بوست لا يدعو للحوار وكفى ...مافي داعي للمهاترات وضياع الزمن .. ومن هنا بقول لكل محبي ود الأمين يا جماعة بهدوء وراحة بال قاطعوا البوست ده واعتبروا الدعوة دي لا تعنيكم وخلاص ....
في الختام التحايا للجميع
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: الشيخ سيد أحمد)
|
Quote: التحامل علي محمد الامين بحفل البحرين تحامل في غير محله ومعتمد علي معلومات منقولة خطأ إما عن عمد أو عن جهل ولكم يا عبداللطيف وللشايقي ولبكري وحمد (القادمون من السعودية) برغم نقدكم اللازع لهذا الحفل لأسباب شتي أقول محمد الامين من أكثر الفنانين الذين شرفونا هنا...وشرفوا السودان كله... |
الاخ العزيز نزار، مجنونووالله من يقول بأن فن الاستاذ محمد الامين لا يشرفنا كسودانيين!!
نقدنا لاذع فذلك من حقنا ياخ والله يانزار ، وقد جاء مخففا لا يعكس حقيقة شعورنا تجاه الحفل،،
واسمح لي والله لو كان رأيك في هذا الحفل بالتحديد بأنه مشرف لكم ، فإني والله أعتذر بشدة عن تطاولي والتقليل من شأن حفل ابهجكم، ودون شك الملامة تقع علي انا بالتحديد وعلي اصحابي من بعدي أن كنا في لحظة غباء نمني انفسنا بلحظة من وسن!! طعذراً ياجميل ، وسنتوقف عن الكتابة في هذا الموضوع!!
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: عبد اللطيف بكري أحمد)
|
Quote: دعوتك لمقاطعة البوست من خلال ذات البوست فيه قدر كبير من الهمجيه قلة الذوق...لكنني اتقبلها لأن ما كل من كتب حرفايكون جديرا بالرد عليه.
|
مع إحترامي ليك رغم عباراتك التي تدل عن عدم الرغبة في الحوار اولا عدم الذوق إنك تخاطب إنسان لم يتعدا على خصوصيتك ولم يمسك في شخصك وعذرا اجبرتني ارد عليك بالمثل وده ما طبعي والحمد لله ....
بالدارجي البسيط حقنا ,, إنت مدام فتحت بوست للمقاطعة في زول قال ليك ليه فاتحوا في المنبر ده ؟ ما كان تشيل تلفونك وتكلم الناس ولا في صفحتك في الفيس بوك لو عندك صفحة مثلا ولا ترسل إميلات ؟ شوف منو البجي يسألك ولا يضايقك ؟ ده هنا منبر عام والمساحة الإنت طرحتها هنا برضو للعامة ، فيها نقاش وفيها رد وأخذ وبرضو بي إحترام حتى لو إختلفنا في الرأي من حقك تقول الداير تقولوا وتقاطع الداير تقاطعوا ومن حقى اقول وهنا في البوست ده مش إنت فتحتوا وعملتها دعوة ؟ خلاص انا من حقي اجي وارفض الدعوة دي واحرض محبي ود الأمين كمان ، مع إنهم ما دايرين تحريض زاتهم فقط يا خوي اتعلم لغة الحوار دون ضيق وقومة نفس .. عشان ما تكون إنت الداعي الناس وإنت الضيف وإنت الآمر والناهي, لأنه ده منبر حوار ما محل خاص بيك, ولا كان من البداية مافي داعي تفتح بوست وتكتب دعوة مقاطعة
اما فيما يختص بي البوستات البتضايق ووصفتها بالكتيرة , طبعا بننزوي منها , وما بتوصي حريص كدي شوف يوم واحد قريت إسمي ده في بوست مهاترة لا سامح الله
إنا لله يعني لازم تجيبيني صادة ؟
وبنتعلم من الأيام يا ود الأميـــــــــــن
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: Yassir Tayfour)
|
Quote: ياسر طيفور وينك ياخي...والله اديت البوست نكهة مناكفه جميله. |
؛) يا الشيخ انت معانا هنا من سنة ألفين وتمانية، علي بالأيمان أول مرة أشوف اسمك، ياخ أنت في حوش بكري الهامل ده نكرة، وداير تدعو الجميع لمقاطعة حفلات ود اللمين؟ يا زول انت راميك جمّل؟ ؛) __ سأعود ؛)
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: Yassir Tayfour)
|
Quote: اسلوب محمد الامين في التعاطي مع معجبيه فيه قدر كبير من التعالي . |
اخونا الشيخ ابو الامين تسامي (وعلي قولك تعالي ) منذ الانطلاقه الي يوم البحرين !!!!!!! ابوالامين سما فوق الخاص ..وحين تقصده النظام لان شاعره يساري الميول ويرتبط بعلاقة اجتماعية وانسانية بخصوم مايو لم ينحني او يقبل الاياد طعما لمكسب او رغبتا لحظوة .. رغم ان المكسب والحظوة لا تكلفه فنيا الا بعض دندنات وركاكه سوقيه ..... .ورغم عسف السلطة كان ابو الامين يشكل وجدان الجموع وهو لايملك سلطة او صولجان بل مؤمن بفنه وشعبه وقداراته الابداعية ..... التعالي (رغم انف لغة العرب ) طموح والطموح سمو ... وابو الامين لايخر ساجدا او ينحني للاعاقة الخاصة او عوائق المجتمع والسلطة والنظم بجقوتها الاعلامية ابو الامين وجدان ... لاينتمي لسلطة او مصلحة اوو جاهه ... او نحاول ان نقوم سلوكه ..لان ذلك السلوك كان في دولة البحرين او النهريين او المحيطيين ......... فاابوالامين هو ابو الامين في البحر والبر والسماوات
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: MAHJOOP ALI)
|
نصر الدين البشير
علمنا انك في دبي...ولكن مالم نكن نعلمه هو عدم فهمك واستيعابك لما تناوله البوست...ماهي الشهره التي ابحث عنها في هذا البوست...اتخيل ان يكون الشخص على مستوى كبير من الغباء ولكن ما لا أتخيله ان يكون على هذا القدر من الحمق.
الشاطر نصرالدين...عليك ان تتأكد أنه بعد هذه المداخلات سيكون وداللمين أكثر تواضعا...هذا إذا إرتقى مستوى فهمك وادراكك لما احب ان اصل إليه.
الشيخ سيد أحمد
ردك علي بهذا الكلام الفارغ يبرهن فعلا إنك راجل ساذج وما بتفهم أنا ما دخلت هنا عشان أوري الناس إني في دبي أنا دخلت هنا عشان أؤكد لك بأن دعوتك هذه لن تجد مني استجابة على المستوى الشخصي وسوف أدخل حفل محمد الامين القادم بإذن الله ملخص كلامي إنو مسألة المقاطعة أو عدمها من الناس لحفلات محمد الأمين دي مسألة شخصية ولا يمكن أن تحرض معجبي محمد الأمين ضده بتصرف من حفلة كان كلها فوضى وهرجلة ووردت فيه روايات متضاربة مما يؤكد كذب أغلبها.. وأنا ذكرت ليك لو عاوز تقاطع، قاطع وحدك، لكن دعوتك هذه لن تجد مني استجابة.. تبقى مصيبة إنك تكرر الكلام مرة ومرتين عشان يفهم من تخاطبه.. قلت لي الشاطر نصر الدين .. هاهاهاها باقي كلامك كلام خارم بارم لا يستحق الرد إنت راجل تحفة فعلاً ...
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: الشيخ سيد أحمد)
|
اخى ان دعوتك لمقاطعة حفلات الاستاذ محمد الامين / الباشكاتب/ اعتقد ان بها كتير من الاجحاف بحق قامه موسيقيه لا يمكن التعامل معه بهذه الطريقه اتفق مع الذين نادوا بالانظار حتى موعد المؤتمر الصحفى محمد الامين هو من بقي لنا فلنحفظه داخلنا ترياقا من سموم ما يتحفنا به كل من حمل مايك وظن انه فنان لك شكرى اخى
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: Ahmed Hussein)
|
Quote: الاخ العزيز نزار، مجنونووالله من يقول بأن فن الاستاذ محمد الامين لا يشرفنا كسودانيين!!
نقدنا لاذع فذلك من حقنا ياخ والله يانزار ، وقد جاء مخففا لا يعكس حقيقة شعورنا تجاه الحفل،،
واسمح لي والله لو كان رأيك في هذا الحفل بالتحديد بأنه مشرف لكم ، فإني والله أعتذر بشدة عن تطاولي والتقليل من شأن حفل ابهجكم، ودون شك الملامة تقع علي انا بالتحديد وعلي اصحابي من بعدي أن كنا في لحظة غباء نمني انفسنا بلحظة من وسن!! طعذراً ياجميل ، وسنتوقف عن الكتابة في هذا الموضوع!! |
العزيز عبداللطيف بكري
العفو ياخ...
نحن هنا جالية صغيرة...وتأتينا صرفتنا من الحفلات كل خمسة سنين.. عكسكم تماما...لذلك فأنا أعلم أن إنتقادكم للقاعة وللصوت ولمحمد الأمين...إنتقاد بمعايير حفلاتكم وتنظيمها...وقاعاتكم وكبر مساحتها وكثرة الحفلات عندكم...وكثرة الفنانين الزائرين لكم...ونحن هنا كل خمسة سنين بجينا فنان...والناس تتعب ...عشان تلقي مكان للحفل
وكونوا الحفل يكون أمر واقع دي في حد زاتها بنعتبرها نجاح..
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: nazar hussien)
|
ياسر طيفور
نورتنا ياخي...بعدين ياخي كونو انك ماشفتني مع اني موجود من الفين وتمانيه في حوش بكري مامعناها انو انا غير موجدود...وبعدين لأنو أنا غير معروف كما ذكرت انت ...كان علي أن أناكف أحد مشاهير البوست لأسجل وجودي في دفتر الحضور في المنبر العام...أتمنى أن تكون هذه الجزئيه قد أرضت غرورك.
ياسر طيفور خلينا في موضوع البوست ...يمكن تكون في قرارة نفسك مقتنع بأن سلوك المشاهير بصوره عامه يحتاج إلى تغيير...دعنا من المهاترات وأرجو أن يكون تركيزك على مسألة السلوك الذي يبدر من مشاهيرنا وبالتحديد "محمد الأمين". رجاء فلنرتقي بمستوى النقاش ...ياسر طيفور ممكن يطلع منك كتير اذا ترفعت عن المشاحنه وناقشتني بموضوعيه اكبر.ارجو الا تشير الى فن وابداع محمد الأمين فأنا معك في ذات الضفه استمع واطرب اليه ربما اكثر منك ...اتحدث عن السلوك العام الذي يفترض ان يبدر من فنان بقامة محمد الامين.
بالمناسبه يا ابواليسر ماراميني جمل والله.
كامل الود.
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: الشيخ سيد أحمد)
|
المدعو الصادق اسماعيل
يازول براحه مايطق ليك عرق...بوستات شنو ومناكفة شنو...معقول في ناس بهذا السخف والجهل .
ياخي احاول ان ابحث عن وصف مناسب لشخصيتك من خلال حروفك المبتذله لكنني لا أجد ما يناسبها...استنجادك بي "ياسر طيفور" لن يقيك سياطي ..التي أتمنى أن تكون قد أعادت إليك بعض الرشد.
إن كان لديك قليل من الفهم...ناقش معنى البوست ...راجع كل المتداخلين...ستجد ان السواد الأعظم ناقش بموضوعيه...والقليل جاء بكلام غير ذي معنى...ولعلك أحدهم...رجاء إما أن تفهم وتشارك بفهم أو تنزوي كما الآخرين وشاهد وأقرأ علك تتعلم وتفهم وتدرك ومن ثم يمكنك المشاركه في بوستات أخرى .
وجع قلب
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: Osman Musa)
|
الحبيب عمران
مساء الورد
ما دفعني للرد بهذه الصوره هو مداخلتها...رجاء راجع مداخلتها الاولى ..جاءت تنادي بمقاطعة البوست من خلال البوست نفسه...يعني كان يمكنها ان تبرز وجهة نظرها بصوره اكثر تقديرا...بل وإدعت أن هناك الكثرين ممن تضايقوا من البوست...وهو شئ استغربه جدا...فهل على أن أكتب لأانال رضا الآخرين...نحن لسنا في إمتحان لتستوجب إجابتنا النموزج الامثل للاسئله...أنما هي رؤى قمت بكتابتها ككل مشترك في حوش بكري ...فليكتب كل من شاء أن يكتب..فأنا لا أنصب نفسي مراقبا لكل ما يكتب هنا وليس للآخرين هذا الحق أيضآ...هي وجهة نظر قمت بطرحها على مرأى الكل.. الكثيرون خالفوها.. وذلك لا يقدح فيهم بشئ .. كما ان ذلك يعطيني ذات الحق في الدفاع عن وجهة نظري بالطريقه التي اعتقد أنها تعضد ما قمت بطرحه.
بعض المتداخلين كانت حروفهم تنم عن جهل عميق بمحتوى البوست ولعل ذلك ما دفعني لتغيير لون الحروف وقسوتها..لأن نقدهم كان موجه لشخصي وليس للرؤيه التي يحويها البوست...فليهاجم من يريد محتوى البوست كما يريد ...مرحبا بذلك ومرحبا بنقدهم مهما كانت قسوته طالما ان النقد كان موجه للمحتوى.. البوست في المقام الاول تم طرحه لمناقشة سلوك مبدعين بلادي..فليكن هجومهم على الموضوع الاساسي.أما أن تنصب نفسها راعية حقوق الاخرين وتدعي ان البوست قد ضايق بعضهم ...فليسبحوا في ضيقهم الى يم غير ذي شاطئ.
اشكرك على المرور..مع كامل ودي وتقديري.
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: الشيخ سيد أحمد)
|
Quote: يا شيخنا مالو نفسكـ حار كدي مع الزولة " المحترمة جداً " دي ؟؟ |
يا عمران حبابك والله وكتر ألف خيرك يا الحنين والحمد لله المرقت إنت من رشاش البوست العجيب ده ووجع قلبو على قول صاحبو
تابع كل المداخلات وشوف الزول ده بادي الهجوم على كل زول داخل كيف ؟؟ شوف لو في زول هبشو في رقبتو ولا استفزاه , كل الكلام عن الفكرة والطرح في قامة نحترمها ونقدرها إن قبل ام ابى تعرف هجومو علي ده كلو تصور في شنو ؟ وبتهمني بي الهمجية وقلة ذوق , عشان طالبت بمقاطعة البوست
شوف التناقض ده؟ هو فاتح بوست دعوة ومطالب بي مقاطعة ود الأمين بجلالة قدره !!!! لما انا طلبت الناس المعترضة على الفكرة من اساسها إنه يقاطعوا البوست وخلاص يرتاحوا الكلام حرقو ووجع قلبو حقيقي ، عشان كده بردد في كلمة وجع القلب دي في كل مداخلة ما تعجبو! إنت طالبت بي مقاطعة مبدع زي ود الأمين إبداعه ممتد بطول بحرنا ومخضر بخضرة جروفه!!! ليه بالمقابل ما تقبل الناس تقاطع ليك مجرد بوست لا يودي ولا يجيب ؟؟؟ شوف ليك تناقض زي ده؟؟؟
شكرا يا عمران على ذوقك العالي وأدبك الرفيع وتسلم يا ود القبائل
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: الشيخ سيد أحمد)
|
Quote: اسلوب محمد الامين في التعاطي مع معجبيه فيه قدر كبير من التعالي ..اولا يعرف الفنانين ان معجبي فنهم هم من اوصلوهم الى تلك الاماكن...بسطوا لهم اشرعة الشهره فابحروا الى مرافئ بعيده ...لماذا يكتفون بالتلويح فقط...اولا يستحق المعجبون ان تدنو منهم سفن فنانيهم ..النظر من علياء نحو مجموعة المعجبين فيه قدر كبير من الدونيه نحوهم...لا يستقيم الظل والعود أعوج. |
اخي الحبيب الشيخ سيد أحمد تحية واحترام الموسيقار محمد الامين شخص ودود ومتواضع لابعد الحدود ولايتعالى على معجبيه كثيرا ماذهبنا اليه في منزله وفي معيتي بعض الاصدقاء كمعجبين بفنه كان يستقبلنا هاشا باشا ويقوم بواجب الضيافة لنا على اكمل وجه في حفلاته لايمانع اذا ذهبت اليه وطلبت من أغنية ليغنيها لك وحدث ذلك لي عدة مرات وتحديدا في أغنيتي المفضلة (حروف اسمك). تقديري
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: Emad Ahmed)
|
Quote: السؤال هو...الى متى سيستمر محمد الامين في التصرف بهذه الكيفيه مع معجبيه |
حديثك يوحي بان الموسيقار محمد الامين قد داب على هذا
التصرفات مع معجبيه وهذا غير صحيح.
هو تصرف واحد يا الشيخ بتاع البحرين دهـ ومافي غيره
ولننتظر الموسيقار محمد الامين ليدلي بدلوه وبعد ذلك
يمكننا الحكم له او عليه.
تقديري
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: Emad Ahmed)
|
Quote: سلوك الفنان محمد الأمين في البحرين ...والمقال المكتوب من المرهف د.معز عمر بخيت..الذي تناول فيه ما بدر من الفنان محمد الامين |
ده أساس البوست؟
هسي تودي وشك وين؟ المرهف د. معز عمر بخيت قال إنو كتب المقال بتاعو بناء على كلام سمعو من بعض الناس السمعو الكلام ................... إلخ.
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: محمد أبوالعزائم أبوالريش)
|
أخي الحبيب "ملك التوثيق" العماد
مساك عافيه بإذن الله
ذكرت في احدى مداخلاتي بتصرف معين بدر من محمد الامين ...حين صاح صارخا في الجمهور طالبا منهم الصمت ...فقد كنت حضورا لذلك الحفل..وهو شئ غير مقبول من فنان نحو معجبيه.تخيل ان هناك مستمع لمحمد الامين ولم يدخل غير ذلك الحفل ...ترى ماذا سيكون انطباعه عن فنان زحف زحفا ليحجز مقعده في خارطة الجلوس ليستمع لفنه... فيبادله الفنان في بداية وصلته الموسيقيه بالصراخ طالبا الصمت من المتابعين.
كامل ودي وتقديري.
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: الشيخ سيد أحمد)
|
Quote: معز عمر بخيت قال إنو كتب المقال بتاعو بناء على كلام سمعو من بعض الناس السمعو الكلام ................... إلخ. |
الأخ / الشيخ
سلام .. وكل سنة وانت طيب
من خلال ماذكره الموسيقار محمد الامين في المؤتمر الصحفي الشئ الوحيد
الذي أخطاء فيه هو نسيانه للريشة وجميعنا بشر معرض لذلك.
اما ماذكره المعز بخيت عمر فهو كلام سمعوا من بعض الناس السمعوا الكلام
كما ذكر الأخ الكريم والزميل محمد ابو العزائم ابو الريش في مداخلته
ولاتعليق عليه.
حفلات الأستاذ لن أقاطعها لان القصة كلها زوبعة في فنجان.
تقديري واحترامي
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: Emad Ahmed)
|
Quote: ابوالعزائم ابو الريش
اودي وشي وين؟
تعرف بغطيه بي ريشك بعد ما انتفو ليك ريشه ريشه!!
أما إنك فعلا جهلول!!
ما الذي يدفعني لمداراة وجهي؟ ما الجرم الذي إقترفته لأداري وجهي؟
والله انك فعلا طير بي ريش .
وجع قلب. |
إستغفر الله العظيم .... ده كل القدرت تطلع بيهو من مداخلتي؟ ياخ ربنا يسامحك .... لأنك أكيد تكتب عن جهل.
مع السلامة.
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: محمد أبوالعزائم أبوالريش)
|
التحية للاستاذ محمد الأمين
عملية النسيان دي شي طبيعي مع تقدم العمر وممكن الأطباء في البورد يفتوا لينا في موضوع النسيان و خاصة أن الاستاذ أبو الأمين ليس بالصغير أمد الله في عمره.
فنانينا ليس كفناني أمريكا أو أوروبا حتى يكون لهم تيم إداري مسوول عن لبسهم وأدواتهم وريشتهم في حالة الاستاذ محمد الأمين. وفنانينا مجاملين معظم فنانينا ماتوا وهم فقراء.
ارحموا محمد الأمين فقد وهب عمره للفن الراقي الجميل بدون مقابل .
| |
![Edit](https://sudaneseonline.com/db/icon_edit.gif)
|
|
|
|
|
|
Re: دعوه لمقاطعة اي حفل للفنان "محمد الأمين" (Re: عمر الحاج)
|
الشيخ سيد احمد تحيه سلام نادر مااتداخل في البورد رغم اني عضو منذ سنين وذلك لعدة اسباب منها الغلظه في ادارة الحوارات وحقيقه عندي عدة اسلئه وملاحظات ونتائج 1- ليه انت وجهت الدعوه بمقاطعه ( قطع اسباب رزق الاسطوره محمد الامين) اي حفل للفنان محمد الامين؟ هل هي وقائع حفل جالية البحرين والتي لم تتضح الصوره بعد ولنفرض جدلا ان كل ماقيل عن الاستاذ صحيح ليه عايز تفرض عليه حصار اقتصادي وتبعاته الاجتماعيه والنفسيه والصحيه يااخ ماتقتصر الطريق وادعونا لقتله حتى نجنبه مشقه هذا التقاطع. محمد الامين الاسطوره فات سن المعاش الاجباري ومن حقه ان تتواله الدوله التي لاتتولى الا الفساد. وتجاوز بنفسه ومصر على اكل عيسه بعرق جبينه.وقد رفض الدعوات لعلاجه ودعمه وواقف كاالطود ومااهتز وسافر للبحرين عشان يستر حاله. لا كل دا كوم وانت مكابر ان دعوتك صحيحه والدليل انه السوسته والريشه تصدق في واحد عندنا هنا ماشي الشغل ومعاه طفله مفروض يوصله المدرسه نساه في العربيه ودخل الشغل بتاعه وعند انتهاء الشغل فتح العربيه فاذا به يلقى طفله النساه ميت لانه قطع النفس. تصدق المحكمه افترضت حسن النيه . وانت بكل بساطه افترضت سؤ نية الاستاذ ياخ الاعمال بالنيات ودي عند مليك مقتدر. ياشيخ دعوتك فيها كثير من الغلظه وعدم الانسانيه وحقيقه هزيتني ولخبت لي حساباتي وقناعاتي بان الفظاظه ماموجوده فينا وانت ما على بالك ومصر تشتم يمين وشمال لكل من قال ليك عيب ولاانسانيه دعوتك. واخيرا رجاء اجلس مع نفسك وافترض انك قوطعت وحوربت في اسباب رزق ورزق عيالك؟ ربنا يهون ومايجعلنا سبب من اسباب قطع الرزق قول أميين
9
| |
![Edit](https://sudaneseonline.com/db/icon_edit.gif)
|
|
|
|
|
|
|